Mose 1; Abrahama 3

UMongameli uRussell M. Nelson wafundisa wathi: “Ukuba iNkosi ibikhuluma nawe ngqo, into yokuqala ebingayiqinisekisa wukuthi uyabuqonda ubuwena beqiniso” (Choices for Eternity” [inkonzo yokuzinikela yomhlaba wonke yabadala abasebasha, ngoMeyi 2022], uMtapo woLwazi weVangeli). Kulandela ukuthi uSathane angazama ukukudida kulelophuzu elifanayo. Funa le phethini emyalelzweni kaNkulunkulu oya kuMose ku Mose 1:4, 6 nasemiyalezweni kaSathane ku Mose 1:12. Ufundani kulamavesi ngomehluko phakathi kukaNkulunkulu noSathane?

UMongameli uNelson waphinde wasifundisa wathi, “Indlela ocabanga ngayo mayelana nokuthi ngabe ungubani ngempela cishe ithinta zonke izinqumo oyoke uzithathe” (“Choices for Eternity”). Cabanga ngokwenza uhlu lwalokho okukhethayo ngenxa yokuthi lokho oyikho njengomntwana kaNkulunkulu kuza ngaphambi kwezinye izithikithana.

Yimaphi amavesi noma imishwana eyengeziwe ku Mose 1 ekusiza ukuba uqonde ukubaluleka kwesiphetho sakho saphezulu? Ungafunda futhi kabanzi kumyalezo kaMongameli uNelson kwisigaba se “Choices for Eternity” esinesihloko esithi “First: Know the truth about who you are.” Yikuphi ozizwa ugqugquzeleka ukwenza ukuze wenze ubuwena njengomntwana kaNkulunkulu isihlonzi sakho esibaluleke kakhulu?

Bheka futhi u “I Am a Child of God,” Hymns (1985), no. 301; “Our True Identity” (ividiyo), uMtapo woLwazi weVangeli; IziHloko nemiBuzo, “Children of God,” uMtapo woLwazi weVangeli.

3:39

Njengoba u Mose 1 usikhombisa ngokucacile, esidlula kukho ngokomoya okunamandla akusho ukuthi ngeke sisalingwa futhi. Eqinisweni, amanye amaqhinga kaSathane wukusilinga ukuba sikungabaze konke lokho. Njengoba ufunda impendulo kaMose kuSathane emavesini 12–26, yini oyifundayo engakusiza ukuba uhlale ngokweqiniso ebufakazini osubutholile? Yini lena eyasiza uMose ekugcineni ukuba anqobe uSathane?

Esinye isifundo esivela kulokho adlule kukho uMose wukuthi uSathane usilinga ngenkohliso yeqiniso namandla kaNkulunkulu. Cabanga ngezinto eziyinkohliso, njengesitshalo esenziwe noma umntwana ongudoli. Wazi kanjani ukuthi ziyinkohliso? Bese ucabanga ngezinkohliso uSathane azisebenzisayo namuhla ukukulinga. Ufundani ku Mose 1:13–18 mayelana nokuthi uzibona kanjani futhi uzenqaba kanjani izinkohliso zakhe? Ingakusiza kanjani iNkosi? (bheka ku Mose 1:24–26).

Bheka futhi ku NgokukaMathewu 4:1–11; inkulumo kaGary E. Stevenson, “Deceive Me Not,” iLiyahona,, Nov. 2019, 93–96; “I Am a Son of God” (ividiyo), uMtapo woLwazi weVangeli.

6:31

Emva kokubona umbono wendalo kaNkulunkulu, uMose wathi eNkosini: “Ngitshele … kungani lezi zinto zinje” (Mose 1:30). Yini ekuhlaba umxhwele mayelana nempendulo yeNkosi ku Mose 1:31–39? Yimuphi umehluko phakathi kokungafi nokuphila okuphakade? (Bheka kwi ziHloko nemiBuzo, “Eternal Life,” Umtapo woLwazi weVangeli). Usiza kanjani uKristu ukufeza lokhu kokubili? U-Abrahama naye waba nombono, obhalwe encwadini ka Abrahama 3. Utholani emavesini 24–26 okungasiza ekuphenduleni isicelo sikaMose?

Kuncane kakhulu esikwaziyo ngempilo yethu eyandulela eyasemhlabeni. Kodwa okuningi esikwaziyo kuvela embonweni ka-Abrahama ku Abrahama 3:22–28. Njengoba uwafunda lamavesi, yenza uhlu lwamaqiniso owatholayo—okubalwa kuwo namaqiniso ngawe uqobo nango Jesu Kristu. Kungani lamaqiniso ebalulekile kuwe? Enza mehluko muni empilweni yakho?

Bheka futhi iziHloko nemiBuzo, “Premortal Life,” UMtapo woLwazi weVangeli.

• Emva kokufunda ndawonye umyalezo kaNkulunkulu kuMose Mose 1:4, cabanga ngokuvumela abantwana bakho bazibuke esibukweni futhi bazinike umyalezo ofanayo: “Ngingumntwana kaNkulunkulu.” Emva kwalokho banganikezana lowo myalezo ofanayo omunye komunye: “Ungumntwana kaNkulunkulu.” Ungathola ngisho izithombe zabantu abehlukahlukene bese umema abantwana bakho bakhombe ngamunye bese bethi, “Lona ngumntwana kaNkulunkulu.” Yabelanani omunye nomunye ngokuthi kungani nijabule ukwazi ukuthi ningabantwana bakaNkulunkulu. Luyishintsha kanjani lolulwazi indlela oziphatha ngayo wena nabanye?

• Wena nabantwana bakho ningaqhathanisa umyalezo kaNkulunkulu obhekiswe kunoMose ku Mose 1:4 ngomyalezo kaSathane evesini 12. Ungabasiza kanjani abantwana bakho bahlukanise phakathi komyalezo kaNkulunkulu kubo nokaSathane ?

• Njengoba ufunda ku Mose 1:6 nabantwana bakho, ungahle ukhulume nabo “ngomsebenzi” uNkulunkulu ayenawo ngoMose. Cabanga ngokusebenzisa iGospel Art Book, nos. 13–16, noma Izindaba zeTestamente eliDala, amakhasi 64–84, ukusiza abantwana bakho babone ukuthi yikuphi uMose akufeza ngosizo lukaBaba oseZulwini. Yimuphi umsebenzi uNkulunkulu anawo ukuba siwenze? (Isibonela, bheka IMfundiso neziVumelwano 11:20).

• Njengoba ufunda uMose 1:12–26 nabantwana bakho, basize bathole ukuthi yikuphi okwenziwa nguMose ukumelana noSathane (bheka amavesi 13, 15, 18, 20–22, 26). Kungabajabulisa ukulingisa ngezinto abazenzayo ukumelana nezilingo (njengokukhuleka, ukuhamba, noma ukucela usizo).

• Ukwazi ngempilo yethu eyandulela eyasemhlabeni kungagqugquzela abantwana bakho ukuba bakhethe okusekelwe amaqiniso aphakade. Ukubasiza bafunde ngalokho, ungabanika amagama nemishwana esemqoka ukuba bakuthole ku Abrahama 3:22–28, njengo “umhlaba ungakabi bikho,” “imimoya,” “yenza umhlaba,” no“vivinya.” Asifundisani lamavesi mayelana nokuthi kungani uBaba oseZulwini asithumela emhlabeni?

• Iculo elinjengo “I Will Follow God’s Plan” (Amaculo Abantwana, 164–65) lingagcizelela lokho u-Abrahama 3 akufundisayo. Mhlawumbe ungamema abantwana bakho ukuba badwebe izithombe ezihambisana namagama.

• Siza abantwana bakho bacabange ngezimo lapho kufanele bakhethe khona ukuthi bazokwenza yini lokho uNkulunkulu abacele ukuthi bakwenze noma cha (bheka u-Abrahama 3:25; bheka futhi For the Strength of Youth: A Guide for Making Choices). Bavumele bazilolongele izimpendulo ezingenzeka kulezi zimo. Angasisiza kanjani uMsindisi lapho sikhetha ukwenza okungalungile?