IGenesis 3–4; Moses 4–5

Kuyinyani ukuba ukhetho luka-Adam no-Eva laqhubela kuninzi lobunzima lwamava esijongene nawo kubomi basemhlabeni. Kodwa oko akuthethi ukuba siyalusola ukhetho lwabo. Njengoko ufunda IGenesis 3 kwakunye no Moses 4, ungazibuza, kwakutheni uKuwa ze kubaluleke kwicebo likaThixo?

Ngoku ka Moses 5:9–12, u-Adam no-Eva baziva njani malunga noKuwa? Ungawasebenzisa njani amazwi abo kumava akho kweli hlabathi liwileyo? Yintoni enye oyifundayo ku 2 Nifayi 2:19–25?

Bona kananjalo Mozaya 3:19; Alma 12:21–37; nayo IMfundiso neMinqophiso 29:39–43.

Ibali lika-Adam no-Eva lelinye lethemba nokukhululwa ngoYesu Krestu. Ukubona ukuba kutheni, ungaqala ngokukhangela iziphumo zoKuwa ku Genesis 3:1–7; Moses 4:22–31 nokuphawula okanye ukudwelisa oko ukufumanayo. Ezi ziphumo zikuchaphazela njani? Emva koko unokukhangela Moses 5:4–15, ujonga icebo likaThixo lokusihlangula kwezi ziphumo. Kutheni le nto u-Adam no-Eva “bavuya” emva kokuba ingelosi ibandwendwele? Yintoni oyifundayo kubo malunga necebo likaBawo oseZulwini?

#&160;

2:44

Lo mhlathi wesibhalo ngamanye amaxesha uye uqondwe kakubi ukuba uthetha ukuba indoda iyathetheleleka ngokuphatha umfazi wayo ngokungenanceba. Kule mihla yethu, abaprofeti beNkosi bafundise ukuba umyeni nomfazi kufuneka babonane nje ngamaqabane alinganayo ekuzalisekeni uxanduva lwabo lobuthixo kusapho (bona “USapho: Isibhengezo Kwihlabathi” [Ithala Leencwadi zeVangeli]). UMdala uDale G. Renlund noDade uRuth Lybbert Renlund bacacisa ukuba umyeni olungileyo “uya kufuna ukulungiselela; uya kuyivuma impazamo afune uxolelo; uya kukhawuleza ukubulela; uya kuthathela ingqalelo ukhetho lwamalungu osapho; uya kuva ubunzima bomsebenzi wokubonelela ‘ngeemfuno zobomi nokukhuselwa’ kusapho lwakhe; uya kuphatha umfazi wakhe ngembeko enkulu nangentlonelo. … Uya kulusikelela usapho lwakhe” (The Melchizedek Priesthood: Understanding the Doctrine, Living the Principles [2018], 23).

UMdala uDale G. Renlund wafundisa, “Injongo kaBawo wethu waseZulwini ebuzalini ayikukuba abantwana baKhe benze oko kulungileyo; kukuba abantwana baKhe bakhethe ukwenza oko kulungileyo kwaye ekugqibeleni bafane kunye naYe” (“Choose You This Day,” Liyahona, EyeNkanga. 2018, 104). Kutheni kubalulekile kwicebo likaBawo waseZulwini ukuba sikhethe ukwenza oko kulungileyo?

Njengoko ufunda Moses 4:1–4, khangela into uBawo waseZulwini noYesu Krestu abayenzayo ukukhusela ilungelo lakho lokukhetha—igunya lokuzikhethela. Ungafikelela njani kumandla abo okukhusela? #&160;

Cinga kananjalo ngokufunda into uLihayi awayifundisayo malunga negunya lokuzikhethela ku 2 Nifayi 2:11–20, 25–30. Kutheni inkcaso iyimfuneko kwigunya lokuzikhethela? Ungawubonisa njani umbulelo wakho kuYesu Krestu ngokukwenza ukuba “ukhululeke ukukhetha”? (2 Nifayi 2:27).

#&160;

Njengoko ufunda Moses 4:4–12; 5:13–33, cinga ngokudwelisa iindlela uSathana awazizamayo ukuhenda u-Adam no-Eva nabantwana babo. Uzizama njani ezi zinto zinye namhlanje? UBawo waseZulwini ukunceda njani ukuba woyise inkohliso kaSathana?

Emva kokuba betyile kwisiqhamo esalelweyo, u-Adam no-Eva bazama ukugquma ubuze babo. Kamva, iNkosi yazinikela ngokubombathisa. Njengoko ufunda Moses 4:13–16, 27, cinga oku kulandelayo:

• Cingisisa yintoni enokumela ubuze nokombatha kwizibhalo (bona, ngokomzekelo, Isityhilelo 7:9, 13–15; 2 Nifayi 9:14; IMfundiso neMinqophiso 109:22–26, 76). Yintoni oyifundayo kumava ka-Adam no-Eva nobuze nokombatha?

• Ukuba ukhe wenza isiphiwo esisekho etempileni, cinga ukuba yintoni u-Adam no-Eva abebenokuyithetha kuwe malunga nokubaluleka kweegamenti zakho zetempile nokuba zimele ntoni.

#&160;

4:12

Njengoko ufunda Moses 5:4–9, 16–26, cinga isimo sengqondo sika-Adam no-Eva noonyana babo uKayin no-Abheli ngakwidini. Kwakutheni iNkosi ize yamkele idini lika-Abheli kodwa hayi elikaKayin?

Yintoni iNkosi ekucela ukuba uyenze idini? Ingaba ikhona into kule miqolo emilisa indlela ocinga ngayo malunga naloo madini?

• Ukunceda abantwana bakho bakuqonde ngcono Ukuwa kuka-Adam no-Eva, unokukhuphela imifanekiso ephuma ku “uAdam no–Eva” (kuwo Amabali eTestamente eNdala, 13–16) kwaye uyisike. Emva koko ningasebenza kunye ukubeka imifanekiso ngendlela yocwangco njengoko nixoxa ngamava ka–Adam no–Eva. Njengoko nisenza, thethani malunga nokuba kutheni kwakubalulekile, kwicebo likaBawo waseZulwini, ukuba u-Adam no-Eva bawushiye uMyezo wase–Eden.

• Abantwana bakho banokuva umbulelo ngeNtlawulelo kaYesu Krestu njengoko beqonda ukuba Yena uzoyisa njani iziphumo zoKuwa. Njengoko nifunda kunye Moses 4:25, 6:48; AbaseRoma 5:12; 2 Nifayi 2:22–23, nceda abantwana bakho bafumane iindlela zokugqibezela esi sivakalisi: “Ngenxa yoKuwa, Ndi …” Emva koko, njengoko nifunda kunye ku Moses 5:8–11, 14–15; 6:59; Alma 11:42, banokugqibezela esi sivakalisi: “Ngenxa kaYesu Krestu, Ndi …” Yabelanani kunye imibulelo yenu kuYesu Krestu.

• Cinga ngesifundo sento esilula ukwazisa umgaqo welungelo lokuzikhethela: mema abantwana bakho bafake imibala kwiphepha lomsebenzi lale veki, kodwa banike umbala omnye ukuba bawusebenzise. Kutheni kunokubangcono ukuba nokhetho? Nisenokufunda kunye emva koko ku Moses 4:1–4 nithethe malunga nokuba kutheni uThixo efuna sikwazi ukukhetha phakathi kokulungileyo nokungalunganga. UBawo waseZulwini noYesu Krestu basinceda njani ukuba senze ukhetho olulungileyo?

• Nceda abantwana bakho bacinge kwaye bazobe imifanekiso yokhetho olulungileyo abanokulenza ukuze balandele uYesu Krestu. #&160; Ninokuxelelana malunga nexesha apho nenza ukhetho olulungileyo kwaye nithethe malunga nendlela enaziva ngayo emva koko.

• Xa u-Adam no-Eva babefuneka bawushiye uMyezo wase–Eden, babengasenako ukuba noBawo waseZulwini kwakhona. Funda ku Moses 5:4, 8 kunye nabantwana bakho, kwaye ubancede ukuba bafumane into u-Adam no-Eva abayenzayo ukuziva besondele kuYe kwaye bamve Yena. Zeziphi ezinye izinto esinokuzithetha kuBawo waseZulwini kwimithandazo yethu?