پیدایش 3–4؛ موسیٰ 4–5

یہ سچ ہے کہ آدم اور حوّا کے انتخاب کے باعث فانیت میں ہم بُہت سی مُشکلات کا سامنا کرتے ہیں۔ لیکن اِس کا ہرگز یہ مطلب نہیں کہ ہمیں اُن كے اِنتخاب پر افسوس ہے۔ جب آپ پیدایش 3 اور موسیٰ 4 پڑھتے ہیں، تو آپ اپنے آپ سے پُوچھ سکتے ہیں، کہ زوال پذیری خُدا کے منصُوبے کے لیے کیوں اہم تھی؟

موسیٰ 5:‏9–12 کے مُطابق، آدم اور حوّا نے زوال پذیری كے بارے میں کیسا محسُوس کِیا؟ آپ اُن کے الفاظ کو اِس فانی دُنیا میں اپنے تجربات پر کیسے لاگو کر سکتے ہیں؟ آپ 2 نیفی 2:‏19–25 سے اور کیا سیکھتے ہیں؟

مزید دیکھیں مضایاہ 3:‏19؛ ایلما 12:‏21–37؛ اور عقائد اور عہُود 29:‏39–43۔

آدم اور حوّا کی کہانی یِسُوع مسِیح کے وسیلے اُمید اور مُخلصی میں سے ایک ہے۔ یہ دیکھنے کے لیے کہ کیوں، آپ پیدایش 3:‏1–7؛ موسیٰ 4:‏22–31 میں زوال پذیری کے نتائج کی تلاش کرنے سے آغاز کر سکتے ہیں اور جو آپ پاتے ہیں اُن پر نشان لگا سکتے یا فہرست بنا سکتے ہیں۔ یہ نتائج آپ کو کیسے مُتاثر کرتے ہیں؟ پھر آپ موسیٰ 5:‏4–15 میں اِن اثرات سے مُخلصی دینے کے خُدا کے منصُوبے کو دیکھ سکتے ہیں۔ فرشتے کے آنے کے بعد آدم اور حوّا ”خُوش“ کیوں تھے؟ آسمانی باپ کے منصُوبے کے بارے میں آپ اُن سے کیا سیکھتے ہیں؟

مزید دیکھیں ”اُس کی بدولت“ (ویڈیو)، گاسپل لائبریری۔

2:44

کتابِ مقدس کے اِس اقتباس کو بعض اوقات غلط سمجھا گیا ہے کہ شوہر اپنی بیوی کے ساتھ ناروا سلُوک کرنے میں حق بجانب ہے۔ ہمارے زمانہ میں، خُداوند کے نبیوں نے سِکھایا ہے کہ شوہر اور بیوی کو ایک دُوسرے کو خاندان میں اپنی الہٰی ذمہ داریاں پُوری کرنے میں برابر کے شریک کار کے طور پر دیکھنا چاہیے (دیکھیں ”خاندان: دُنیا کے لیے ایک اعلان“ [گاسپل لائبریری])۔ ایلڈر ڈیل جی رینلنڈ اور بہن روتھ لائبرٹ رینلنڈ نے وضاحت کی کہ ایک راست باز شوہر ”خِدمت گُزاری کا خواہاں ہو گا؛ وہ غلطی کو تسلیم کرے گا اور مُعافی کا طلب گار ہو گا وہ تعریف كرنے میں جلدی کرے گا؛ وہ خاندان کے اَرکان کی ترجیحات پر غور كرے گا‘ وہ اپنے خاندان کے لئے زندگی اور ’تحفظ کی ضرورت فراہم کرنے کے لئے ذمہ داری کا عظیم بوجھ محسُوس کرے گا‘؛ وہ اپنی بیوی کے ساتھ بڑی عزت اور احترام سے پیش آئے گا۔ … وہ اپنے خاندان کو برکت دے گا“ (ملکِ صدق کہانت: تعلیم کا فہم، اُصُولوں پر عمل کرنا [2018]، 23)۔

مثلاً ایلڈر ڈیل جی رینلنڈ نے سِکھایا ہے، ”ہمارے آسمانی باپ کا بحیثیتِ والد عمل کرنے کا مقصد اپنے بّچوں سے صِرف راست کام کرانا نہیں؛ بلکہ اُس کا مقصد اپنے بچّوں کو راست فیصلےکا اِنتخاب کرنا سِکھانا ہے اور آخِرکار اُس کی مانند بننا ہے“ (”آج کے دِن فیصلہ کرو،“ لیحونا، نومبر 2018، 104)۔ آسمانی باپ کے منصُوبے میں اتنا اہم کیوں ہے کہ ہم صحیح کام كرنے كا انتخاب كریں؟

جب آپ مُوسیٰ 4:‏1–4 پڑھیں، تو تلاش کریں کہ آسمانی باپ اور یِسُوع مسِیح نے آپ کے انتخاب کے حق کی حفاظت کے لیے—آپ کی مُختاری—کے لیے کیا کِیا۔ آپ اُن کی قُدرت تک کِس طرح رسائی پا سکتے ہیں؟ تجاویز کے لیے، ”الہامی انتخابات کرنے“ کے حِصّے کا ”برائے مضبُوطیِ نوجوانان:کے لیے ہدایت نامہ“ میں سے مُطالعہ کرنے پر غور کریں۔

یہ بھی پڑھنے پر غور کریں کہ لحیٰ نے مُختاری کی بابت 2 نیفی 2:‏11–20، 25–30 میں کیا سِکھایا ہے۔ آزادیِ اِنتخاب کے لیے مُخالفت کیوں ضروری ہے؟ آپ ”انتخاب کرنے کے لیے آزاد“ ہونے کے لیے یِسُوع مسِیح کو سرانے کا اظہار کیسے کر سکتے ہیں؟ (2 نیفی 2:‏27)۔

مزید دیکھیں ڈیلن ایچ اوکس، ”ہر چیز میں اِختلاف،“ لیحونا، مئی 2016، 114–17؛ موضوعات اور سوالات، ”مُختاری،“ گاسپل لائبریری؛ ”حق کا انتخاب کرو،“ گیت، نمبر 239۔

جب آپ موسیٰ 4:‏4–12؛ 5:‏13–33 پڑھتے ہیں، تو اُن طریقوں کی فہرست بنانے پر غور کریں جن سے شیطان نے آدم اور حوّا اور اُن کے بچّوں کو آزمانے کی کوشش کی۔ آج وہ اِن ہی باتوں کی کیسے کوشش کرتا ہے؟ آسمانی باپ شیطان کی فریب کاریوں کی مزاحمت کرنے میں آپ کی کیسے مدد کرتا ہے؟

ممنوعہ پھل کھانے کے بعد، آدم اور حوّا نے اپنا ننگا پن ڈھانپنے کی کوشش کی۔ بعد میں، خُداوند نے اُنھیں کپڑے پہنانے کی پیش کش کی۔ جب آپ موسیٰ 4:‏13–16، 27 پڑھیں، تو درج ذیل پر غور کریں:

• غور کریں کہ صحائف میں ننگا پن اور ملبوس ہونا كِس كی نمایندگی کر سکتے ہیں (دیکھیں، مثال کے طور پر، مُكاشفہ 7:‏9، 13–15؛ 2 نیفی 9:‏14؛ عقائد اور عہُود 109:‏22–26، 76)۔ آپ آدم اور حوّا کے ننگے پن اور لباس کے تجربے سے کیا سیکھتے ہیں؟

• اگر آپ کو ہَیکَل میں ودیعت دی گئی ہے، تو غور کریں کہ آدم اور حوّا آپ سے ہَیکَل کے لباس کی اہمیت اور یہ کس چیز کی نمائندگی کرتا ہے اِس کے بارے میں کیا کہتے ہیں۔

مزید دیکھیں ”ہَیکَل کا پاک لِباس“ (ویڈیو)، گاسپل لائبریری۔

4:16

جب آپ موسیٰ 5:‏4–9، 16–26 کا مُطالعہ کرتے ہیں، تو آدم اور حوّا اور اُن کے بیٹوں قائن اور ہابِل کی قربانی کے رویوں کے بارے میں غور کریں۔ خُداوند نے ہابل کی قربانی کو کیوں قبول کِیا لیکن قائن کی نہیں؟

خُداوند آپ سے قربانی کے لئے کیا کہتا ہے؟ کیا اِن آیات میں کوئی ایسی بات ہے جو آپ کی اِن قربانیوں کے بارے میں سوچنے کے انداز کو تشکیل کرتی ہے؟

• اپنے بچّوں کی آدم اور حوّا کی زوال پذیری کو بہتر طور پر سمجھنے میں مدد کرنے کے لِئے آپ، ”آدم اور حوّا“ کی (پُرانے عہد نامہ کی کہانیاں، 13–16) سے تصویروں کی نقل کر سکتے ہیں اور اُنھیں کاٹ سکتے ہیں۔ پھر آپ آدم اور حوّا کے تجربات پر تبادلہ خیال کرتے ہُوئے تصاویر کو ترتیب دینے کے لئے مل کر کام کر سکتے ہیں۔ جیسا کہ آپ کرتے ہیں، اِس بارے میں بات کریں کہ آسمانی باپ کے منصُوبے میں آدم اور حوّا کا باغِ عدن کو چھوڑنا کیوں ضروری تھا۔

• آپ کے بچّے یِسُوع مسِیح کے کفّارہ کے لئے شُکر گزاری محسُوس کر سکتے ہیں جب وہ سمجھیں گے کہ وہ زوال کے اثرات پر کِس طرح غالب آتا ہے۔ جب آپ اکٹھے موسیٰ 4:‏25؛ 6:‏48؛ رومیوں 5‏:12؛ 2 نیفی 2:‏22–23 پڑھتے ہیں، اپنے بچّوں کی اِس جملے کو مُکمل کرنے کے طریقے تلاش کرنے میں مدد کریں: ”زوال پذیری کی وجہ سے، مَیں …“ پھر، جب آپ مل کر موسیٰ 5:‏8–11، 14–15؛ 6:‏59؛ ایلما 11:‏42 پڑھتے ہیں، تو وہ یہ جُملہ مُکمل کر سکتے ہیں: ”یِسُوع مسِیح کی بدولت، مَیں …“ یِسُوع مسِیح کے لیے اپنے تشکر کا اظہار ایک دُوسرے کے ساتھ کریں۔

• مُختاری كے اُصُول كو مُتعارف کروانے کے لیے ایک سادہ عملی سبق پر غور کریں: اپنے بچّوں کو اِس ہفتہ کے عملی سرگرمی کے صفحے میں رنگ بھرنے کی دعوت دیں، لیکن اُنھیں استعمال کرنے کے لیے صرف ایک رنگ دیں۔ انتخابات کرنا بہتر کیوں ہو گا؟ پھر آپ مُوسیٰ 4:‏1–4 اکٹھے پڑھ سکتے ہیں اور اِس بارے میں بات کر سکتے ہیں کہ خُدا کیوں چاہتا ہے کہ ہم صحیح اور غلط کے درمیان انتخاب کرنے کے قابل ہوں۔ آسمانی باپ اور یِسُوع مسِیح کیسے اچھے انتخابات کرنے میں ہماری مدد کرتے ہیں؟

• اپنے بچوں کی یِسُوع مسِیح کی پیروی کرنے کے لئے اچھے انتخاب کے بارے میں سوچنے اور تصاویر بنانے میں مدد کریں۔ یا آپ اکٹھے مِل کر اچھے اِنتخابات کرنے کے بارے میں گیت گا سکتے ہیں، جیسا کہ ”راہِ حق کا انتخاب کریں“ (بچّوں کے گیتوں کی کِتاب، 160–61)۔ آپ ایک دُوسرے کو ایک ایسے وقت کے بارے میں بتا سکتے ہیں جب آپ نے ایک اچھا انتخاب کِیا اور اُس کے بعد آپ نے کیسا محسُوس کِیا اِس کے بارے میں بات کریں۔

• جب آدم اور حوّا کو باغِ عدن سے نکلنا پڑا، تو وہ اب آسمانی باپ کے ساتھ نہیں رہ سکتے تھے۔ اپنے بچّوں کے ساتھ مُوسیٰ 5:‏4، 8 پڑھیں، اور اُن کی مدد کریں کہ آدم اور حوّا نے اُس کے قریب ہونے اور اُسے سُننے کے لئے کیا کِیا تھا۔ اپنی دُعاؤں میں ہم آسمانی باپ سے کون سی چند باتیں کہہ سکتے ہیں؟