پُرانے عہد نامہ کا تعارف

پُرانے عہد نامہ میں بھرپور رُوحانی پرورش پانے کا ایک طریقہ زندگی کی روٹی، یِسُوع مسِیح کی تلاش کرنا ہے (دیکھیں یُوحنّا 6 :‏48))۔ مثال کے طور پر، آپ درج ذیل میں نجات دہندہ کو کیسے دیکھتے ہیں؟

• من (خرُوج 16:‏4، 11–15؛ یُوحنّا 6:‏35)

• قربانی کا بَرّہ (خرُوج 12:‏3–5؛ یُوحنّا 1:‏29)

• پیتل کا سانپ (گنتی 21:‏4–10؛ یُوحنّا 3:‏14)

• یوناہ (یوناہ 1:‏4–17؛ متّی 12:‏38–41)

یہ مِثالیں اُس کی بابت کیا سِکھاتی ہیں؟ پُرانے عہد نامے میں یِسُوع مسِیح کے اور کون سے حوالوں سے آپ پہلے سے واقف ہیں؟

اپنے پیغام میں ”یِسُوع مسِیح ہی خزانہ ہے،“ ایلڈر ڈیل جی رینلنڈ نے ہماری حوصلہ افزائی کی کہ ”یِسُوع مسِیح کو یاد رکھیں اور ہمیشہ اُس پر توجہ مرکوز کریں“ (لیحونا، نومبر 2023، 98)۔ اُس کے پیغام کو پڑھنے پر غور کریں، یِسُوع مسِیح کو نہ صرف پُرانے عہد نامہ میں بلکہ اپنی زندگی میں بھی تلاش کرنے کے لیے ایسی چیزوں کی تلاش کریں جو آپ کر سکتے ہیں۔

مزید دیکھیں ”مسِیح کی اِقسام اور علامات“ راہ نمائے صحائف میں، ”یِسُوع مسِیح،“ گاسپل لائبریری؛ ”خُداوند کو جلد ہی تلاش کرو،“ بچّوں کے گیتوں کی کِتاب، 108۔

صدر ڈیلن ایچ اوکس نے سِکھایا: ”باپ نے اپنے اِکلوتے بیٹے، یِسُوع مسِیح کو نجات دہندہ اور مُخلصی دینے والے کی حیثیت سے مُتعارف کرایا اور ہمیں ’اُس کو سُننے‘ کا حُکم دیا۔ اِس ہدایت سے ہم نتِیجہ اَخذ کرتے ہیں کہ پاک نوِشتوں میں ’خُدا‘ یا ’خُداوند‘ کی کہی ہُوئی باتیں غالباً ہمیشہ، ہمارے جی اُٹھے، یِسُوع مسِیح، یہواہ کی باتیں ہیں“ (”یِسُوع مسِیح کی تعلیمات،“ لیحونا، مئی 2023، 102)۔

14:6

جب یہودیوں کے راہ نُماؤں نے یِسُوع سے اُس کے بارے میں پُوچھا، تو اُس نے اعلان کیا، ”ابراہام سے پہلے، مَیں ہُوں۔“ اِن الفاظ نے یِسُوع کو سُننے والے لوگوں کو حیران کر دیا، اور وہ اُس کو سنگسار کرنے کے لیے تیار تھے (دیکھیں یُوحنّا 8:‏58–59)۔ خرُوج 3:‏13–15؛ 6:‏3–5 کو پڑھنے پر غور کریں یہ دیکھنے کے لیے کہ کیوں کُچھ یہودی یِسُوع کی کہی بات پر بُہت غُصہ تھے۔

آپ کے لیے یہ جاننا کیوں اہم ہے کہ یِسُوع مسِیح یہوواہ ہے؟

ایک رویا میں، خُداوند نے نیفی کو بائبل کے ظہور میں آنے سے متعلق بتایا، یہ وضاحت کرتے ہُوئے کہ ”بُہت سی سادہ اور بیش قیمت چیزیں“ اِس سے نِکال لی جائیں گی۔ 1 نیفی 13:‏21–29، 38–42، کو پڑھنے پر غور کریں، اِس بات کی تلاش کرتے ہُوئے کہ خُداوند نے کیسے ”سادہ اور بیش قیمت چیزوں کو پہچاننے“ کا منصُوبہ بنایا۔ 2 نیفی 3:‏12 کے مُطابق، بائبل اور مورمن کِتاب کیسے اکٹھے کام کرتی ہیں؟

جب آپ اِس سال پُرانے عہد نامہ کا مُطالعہ کریں گے، تو آپ چند ”دیگر کِتابوں“ کا بھی مُطالعہ کریں گے جِن کی نیفی نے پیش گوئی کی۔ اِن میں شامِل ہیں:

• موسیٰ کی کِتاب ، جوزف سمِتھ کے بائبل کے ترجمے کا حِصّہ۔ یہ پیدایش 1–6 کے موجودہ متن میں موجود سچّائیوں اور بیانات کو بحال کرتا ہے۔

• ابرہام کی کِتاب، جو جوزف سمِتھ پر اُس وقت نازل ہُوئی جب اُس نے قدیم مِصری برویات کا جائزہ لِیا (دیکھیے موضوعات اور سوالات، ”ابرہام کی کِتاب،“ گاسپل لائبریری)۔

• ترجمہ از جوزف سمِتھ کے مُختلف اقتباسات، جن میں سے کُچھ ذیلی حاشیہ جات، بائبل کے ضمیمہ، اور راہ نُمائےِ صحائف میں ظاہر ہُوئے ہیں۔

جوزف سمِتھ کے ذریعے پُرانے عہد نامہ کی بحال شُدّہ کہانیوں کی یہاں چند مثالیں ہیں: حنوک کا شہرِ صیون (موسیٰ 7:‏18–19)، آسمان پر ابرہام کی مجلس کی رویا (ابرہام 3:‏22–28)، اور ملکِ صدق کی خِدمت (ترجمہ از جوزف سمِتھ، پیدایش 14:‏25–40)۔ یہ باتیں آپ کے لیے ”سادہ اور بیش قیمت“ کیوں ہیں؟

پُرانا عہد نامہ خُدا کی کہانی ہے جو ہمیں عہد کے وسیلے سے اپنی ”خاص مِلکیت“ بناتی ہے (خرُوج 19:‏5)۔ اِسی وجہ سے، پُرانے عہد نامہ کو پڑھنے کی تیاری کرنے کا ایک اچھا طریقہ یہ ہے کہ عہدوں کے بارے میں سِیکھا جائے—خاص طور پر وہ دائمی عہد جو خُدا نے ابرہام، اِسحاق، یعقُوب اور اُن کی آنے والی نسلوں جیسے قدیم نبیوں کو پیش کِیا تھا۔ اور عہُود کے بارے میں جاننے کا عظیم طریقہ صدر رسل ایم نیلسن کے پیغام ”دائمی عہد“ کا مُطالعہ کرنا ہے (لیحونا، اکتوبر 2022، 4–11)۔

جب آپ مُطالعہ کرتے ہیں، اپنے آپ سے پُوچھیں: میرے لیے عہُود کیوں اہم ہیں؟ مَیں خُدا سے کون سی ”خاص قسم کی محبّت اور رحمت“ پاتا ہُوں جب مَیں اُس کے ساتھ اپنے عہُود پر قائم رہتا ہُوں؟ اِس سال جب آپ پُرانے عہد نامہ کو پڑھتے ہیں، اُن چیزوں کو دیکھیں جو خُدا آپ کو اُس کے ساتھ اپنے عہد کے تعلق کے بارے میں سِکھانا چاہتا ہے۔

مزید دیکھیں یرمیاہ 31:‏31–34۔

• پُرانے عہد نامے کے الفاظ اور تمدن بچّوں کے لیے سمجھنا مُشکل ہو سکتا ہے، مگر آپ یِسُوع مسِیح کو علامتوں اور کہانیوں میں دیکھنے میں اُن کی مدد کر سکتے ہیں۔ شاید آپ اور آپ کے بچّے نیچے دی گئی تصویر کو دیکھ سکتے ہیں، یسعیاہ نبی مسِیح کی پیدائش کی پیش گوئی کرتا ہے۔ اپنے بچّوں کو اُن کی دیکھی گئی تفصیلات کی نشاندہی کرنے دیں۔ خاص طور پر، بچّے یِسُوع کی طرف، اُن کی توجہ مبذول کرائیں۔ پھر آپ اُن کے ساتھ پڑھ سکتے ہیں جو یسعیاہ نے یسعیاہ 7:‏14؛ 9:‏6 میں نجات دہندہ کی پیدائش کے بارے میں لکھا تھا۔ اپنے بچّوں کے ساتھ اِشتراک کریں کہ اِس سال آپ پُرانے عہد نامہ میں نجات دہندہ کو تلاش کرنے کے بارے میں کیسا محسُوس کرتے ہیں۔

  

• آپ اور آپ کے بچّے بھی پڑھ سکتے ہے زبور 23 یا یسعیاہ 53:‏3–9 اور ایسے الفاظ تلاش کر سکتے ہیں جو آپ کو یِسُوع مسِیح کی یاد دلاتے ہیں۔ یہ الفاظ ہمیں اُس کی زندگی اور کفّارہ کے بارے میں کیا سِکھاتے ہیں؟

• عہُود پُرانے عہد نامہ میں ایک اہم موضوع ہیں۔ اپنے بچّوں سے اِس موضوع کو مُتعارف کرانے کے لیے، آپ اُن سے خاندان یا دوستوں کے ساتھ کیے گئے وعدوں اور اُن وعدوں پر قائم رہنا کیوں اہم ہے پر بات کر سکتے ہیں۔ پھر آپ بپتِسما کی تصویر دیکھ سکتے ہیں اور اِس وعدے، یا عہد کے بارے میں بات کر سکتے ہیں، جو ہم بپتِسما لیتے وقت خُدا کے ساتھ باندھتے ہیں (دیکھیں مضایاہ 18:‏10، 13)۔ آپ ہَیکَل کی تصویر بھی دِکھا سکتے ہیں اور اُن عہُود کے بارے میں اپنے جذبات کا اظہار کر سکتے ہیں جو ہم وہاں باندھتے ہیں۔

• اِس ہفتے کا عِملی سرگرمی کا صفحہ آپ کے بچّوں کو آسمانی باپ کے ساتھ عہُود باندھنے اور اُن پر قائم رہنے کے لیے پُر جوش ہونے میں مدد کر سکتا ہے۔ آپ عہُود باندھنے کے بارے میں گیت بھی گا سکتے ہیں، جیسا کہ ”جب مَیں بپتِسما پاؤں گا“ (بچّوں کے گیتوں کی کِتاب، 103)۔

• کیا آپ کے بچّے کسی ایسے شخص کو جانتے ہیں جو مُختلف حالات میں مُختلف ناموں سے جانا جاتا ہے؟ شاید والدین یا مُعلّم کو کام پر، گھر میں، اور کلِیسیا میں مُختلف انداز میں مُخاطب کِیا جاتا ہے۔ اُن ناموں کے بارے میں بات کریں؛ پھر خرُوج 6:‏3 اکٹھے مِل کر پڑھیں اور اپنے بچّوں کو وہ نام تلاش کرنے کی دعوت دیں جو یِسُوع مسِیح کے نام سے جانا جاتا تھا اِس سے پہلے کہ وہ پیدا ہُوا (مزید دیکھیں ترجمہ برائے جوزف سمِتھ ذیلی حاشیہ پ میں)۔