Doktrin mo Ol Kavenan 135–136

Traem tingting, long maen blong yu, se bae yu filim olsem wanem sapos yu bin stap laef long Nauvu taem we oli kilimded Josef mo Haeram Smit (luk long Saints,, 1:554–55 ?Bae yu mekem wanem blong stap oraet long bigfala nogud taem ia? Doktrin mo Ol Kavenan 135, oli bin pablisim tri manis afta, bae i save help. Taem yu lukaotem seksen ia, tingting long wanem bae i save givim yu andastaning mo hop. Bae yu talem wanem long wan we i askem: “?From wanem God i save letem blong oli kilimded Profet blong Hem?” (luk long Doktrin mo Ol Kavenan 136:37–39).

Mo tu, yu save lukaotem seksen 135 blong luk ol toktok o ol sentens we i givim insperesen long yu blong stap fetful long Kraes kasem en, olsem Josef mo Haeram i bin mekem.

Luk tu long Doktrin mo Ol Kavenan 5:21–22; “Remembering the Martyrdom,” long Revelations in Context, 299–306; Teachings of Presidents of the Church: Josef Smit (2011), 522–23, 529–40; “Testimony of the Book of Mormon” (vidio), Gospel Laebri.

Doktrin mo Ol Kavenan 135:3 i talemaot sam long ol samting we Josef Smit i bin mekem i hapen “long sotfala taem blong twante yia.” ?Olsem wanem nao ol samting ia oli bin tajem yu mo rilesensip blong yu wetem Papa long Heven mo Jisas Kraes? Tingting long olsem wanem bae yu save komplitim wan sentens olsem hemia: From wanem we Lod i bin mekem tru long Josef Smit, mi … maet yu save raetemdaon tu mo serem testemoni blong yu abaot Profet Josef Smit wetem ol narawan.

Wan narafala wei blong lanem abaot misin blong Josef Smit, i blong traem blong stap raetem wan sot notis abaot ded blong hem o wan sot toktok blong presem hem. ?Wanem nao bae yu save talem blong bildimap fet long Kraes mo long gospel blong Hem we i bin kambak? Maet bae yu wantem blong putum tu ol impoten samting we oli hapen o ol sakses blong hem insaed long Doktrin mo Ol Kavenan 135 o olgeta we ol tokbaot long ol risos daon ia.

Jisas Kraes i taltalemaot plante trutok abaot Hemwan mo Atonmen blong Hem tru long Josef Smit. Tingting blong stap tingting hevi long eksperiens we yu bin gat taem yu stap stadi long Doktrin mo Ol Kavenan long yia ia. ?Wanem nao ol trutok we oli kamaot klia long yu? Maet bae yu wantem blong serem hemia wetem famli blong yu, klas o ol memba blong kworom, o ol narawan taem yu stap stadi long wik ia. ?Olsem wanem nao ol trutok ia oli helpem yu blong andastanem mo mekem yu kam kolosap moa long Sevya?

Luk tu long “Josef Smit: The Prophet of the Restoration” (vidio), Gospel Laebri; Tad R. Callister, “Josef Smit—Prophet of the Restoration,” Liahona, Nov. 2009, 35–37; “Praise to the Man,” Hym, namba 27; Topics and Questions, “Josef Smit,” Gospel Laebri.

62:4

Miusik we I Go Wetem

Singsing long olgeta hym ia, o wajem ol vidio; hemia i save invaetem Tabu Spirit, o i save givim insperesen blong gat wan klas storian abaot wok blong Profet Josef Smit mo ol sakrifaes blong Ol Sent we oli bin gohed afta long hem.

A Poor Wayfaring Man of GriefHym,namba 29). Taem hem i stap long Katej Kalabus, Jon Taylor i singsing long hym ia.

“Presem Man Ya” (STSP, pej 50; luk tu long vidio). Toktok blong hym ia, oli bin raetem blong presem Josef Smit.

6:16

“Come, Come, Ye Saints” (Hym, namba 30; luk tu long video).

4:58

“Faith in Every Footstep” (luk long vidio).

5:32

Afta we Josef Smit bin ded, oli bin ronemaot Ol Sent blong oli aot long Nauvu. Naoia oli gotru long wan wokbaot blong 2,100 kilo mita tru long waelples we i no gud tumas. Brigham Yang, Presiden blong Kworom blong Olgeta Twelef Aposol oli bin wari se, olsem wanem nao bae Ol Sent oli save laef tru long longfala wokbaot ia. Long ples we oli kam stap long hem blong sot taem, oli singaotem Winta Kwota, hem i prea blong kasem help. Ansa blong Lod, oli raetemdaon long seksen 136. “Blong stap helpem Ol Sent blong tingbaot se fasin blong olgeta long wokbaot ia bae i impoten semmak long ples we oli stap go from, mo revelesen ia i help blong tanem wokbaot i go long Wes, we i no wan gudfala situesen, i kam wan eksperiens long saed blong spirit we i kam impoten” (“This Shall Be Our Covenant,” long Revelations in Context, 308).

Kipim situesen ia long maen taem yu stap stadi long seksen 136. ?Wanem kaonsel nao yu faenem we i save help blong tanem wan tes we i had long laef blong yu, “i kam wan eksperiens long saed blong spirit, we i impoten”? Mo tu, maet bae yu wantem tingting hevi long wei we kaonsel ia i save helpem yu blong mekem i hapen tingting blong Lod long laef blong yuwan, semmak olsem i bin helpem ol fasfala Sent long wokbaot blong blong olgeta.

Luk tu long “This Shall Be Our Covenant,” long Revelations in Context, 307–14; “Come, Come, Ye Saints,” Hym, namba 30; Church History Topics, “Succession of Church Leadership,” Gospel Laebri.

• Talem i sot long ol pikinini blong yu Doktrin mo Ol Kavenan 135:1 o serem “Japta 57: Oli Bin Kilim Profet I Ded” (long Ol Doktrin mo Ol Kavenan Stori, 201–5, o vidio we i go wetem long Gospel Laebri). Hemia bae i wan gudfala janis blong yu mo ol pikinini blong yu blong serem ol filing blong yufala abaot sakrifaes we Josef mo Haeram, tufala i bin mekem from Sevya mo gospel blong Hem.

  

  3:21

• Doktrin mo Ol Kavenan 135:4–5 i tokbaot se, Haeram Smit i bin ridim wan sentens aot long Buk blong Momon bifo hem i go long Katej Kalabus. Tugeta, yu mo ol pikinini blong yu i save ridim sentens ia (luk long Ita 12:36–38). ?Olsem wanem nao ol ves ia oli givim kamfot long Haeram? Yu save serem tu ol skripja we oli givim kamfot long yu taem yu stap wari o stap harem nogud.

• Yu mo ol pikinini blong yu i save lukluk ol pikja blong ol profet long (luk long Gospel Art Buk, ol namba 7, 14, 67) mo tokbaot sam samting we God i stap askem ol profet blong mekem. ?Wanem nao ol profet ia ol sakrifaesem from Sevya?

  

• Blong helpem ol pikinini blong yu blong tingbaot mo glad long olsem wanem Lod i blesem yumi tru long misin blong Josef Smit, yu save soem ol samting we ol ripresentem ol samting we Josef Smit i bin mekem, olsem, Buk blong Momon, Doktrin mo Ol Kavenan, o wan pikja blong wan tempol (luk tu long aktiviti pejpej blong wik ia). Afta, ol pikinini blong yu oli save lukluk insaed long Doktrin mo Ol Kavenan 135:3 blong faenem sam samting we Josef Smit i bin mekem blong helpem yumi blong kam kolosap moa long Papa long Heven mo Jisas Kraes. Invaetem ol pikinini blong yu blong serem, from wanem oli glad from ol samting ia.

• Tingting blong putum wan pikja blong Nauvu Tempol long wan saed blong rum mo krietem wan simpol selta long narasaed. Invaetem ol pikinini blong yu blong kam tugeta raon long pikja, mo talem long olgeta abaot Ol Sent we oli mas lego Nauvu afta we Josef Smit i bin ded (luk long ol japta 58, 60, mo 62 long Ol Doktrin mo Ol Kavenan Stori, 206–8, 211–16, 222–24, o vidio we i go wetem long Gospel Laebri). Tokbaot plante, fet we Ol Sent ia oli bin gat long Jisas Kraes, mo invaetem ol pikinini blong yu blong wokbaot i go long selta ia blong oli ripresentem wokbaot we i go long Winta Kwota. Oli save singsing wan singsing olsem “To Be a Pioneer” (Children’s Songbook, 218–19) taem oli stap wokbaot i go.

  

  1:31

  

  3:51

  

  2:29

• Eksplenem hemia long Doktrin mo Ol Kavenan 136, Lod i givim kaonsel blong helpem Ol Sent long wokbaot blong olgeta i go long Sol Lek Vale. Helpem ol pikinini blong yu blong faenem wan samting insaed long revelesen ia we i save givim strong paoa long tingting blong olgeta long wokbaot ia (luk long ol ves 4, 10–11, 18–30). ?Olsem wanem nao kaonsel ia i save helpem yumi wetem ol hadtaem blong laef we yumi fesem tedei?