Doktrin mo Ol Kavenan 137–138

Alvin Smit, brata blong Josef we hem i lavem tumas, i pasawe sikis yia i pas bifo God i putumbak atoriti blong kasem baptaes. Semmak andastaning we i bin stap long medel blong Ol Kristin Man long 1836, i bin we, sapos wan i bin ded we hem i no bin baptaes bae hem i no save go long heven. Josef i tingting abaot fasin ia blong sevem man we i no save finis blong Alvin, blong plante yia—kasem taem we hem i kasem revelesen long Doktrin mo Ol Kavenan 137.

Plante pipol tedei oli gat ol semmak kwestin. ?From wanem God i nidim ol odinens mo ol kavenan taem we plante pipol oli neva gat janis blong kasem olgeta? ?Wanem nao bae yu save talem long wan we i stap gat ol tingting long saed blong hemia? ?Olsem wanem nao bae yu bildimap fet blong olgeta long God mo ol samting we Hem i nidim blong sevem man? Lukaotem ol trutok we yu save serem insaed long seksen 137 mo long seksen 138:30–37, 57–60. Mo tu, yu save lukaotem ol trutok ia we hym ia i tokbaot “The Glorious Gospel Light Has Shone” (Hym, namba 283) mo insaed long mesej blong Presiden Henry B. Eyring “Gathering the Family of God” (Liahona, Mei 2017, 19–22).

Taem yu stap stadi mo tingting hevi, yu save raetemdaon ol filing mo tingting blong yu taem yu stap komplitim ol sentens olsem hemia:

• From se tru long ol revelesen ia, mi save se Papa long Heven .

• From se tru long ol revelesen ia, mi save se plan ia blong Papa blong fasin blong sevem man .

• From se tru long ol revelesen ia, mi wantem blong .

Luk tu long Saints, 1:232–35.

Samtaem, revelesen i kam iven we yumi no stap lukaot blong kasem wan. Be plante taem, i kam from se yumi stap wok wetem strong tingting blong lukaotem mo rere from revelesen ia. Taem yu stap ridim Doktrin mo Ol Kavenan 138:1–11, 25–30, luksave wanem we Presiden Josef F. Smit i bin stap tingting hevi long hem taem we “ol ae blong andastaning blong [hem] i bin open”. Mo tu, yu save komperem eksperiens blong hem wetem 1 Nifae 11:1–6; Josef Smit—Histri 1:12–19. Afta, yu tingting long hao nao bae yu save folem eksampol blong Presiden Smit. Eksampol. ?Wanem ol jenis we yu filim insperesen blong mekem long skripja stadi blong yu blong kasem moa, revelesen blong yuwan?

Long mesej blong hem ia, “Visen blong Fasin blong Pemaot Ol Dedman” (Liahona, Nov. 2018, 71–74), Presiden M. Russell Ballard i talemaot sam moa wei we Presiden Smit i bin rere blong kasem revelesen ia. ?Wanem nao yu lanem aot long ol eksperiens blong hem? Tingting long olsem wanem Lod i bin mekem yu yu rere from ol eksperiens we yu stap kasem—mo olsem wanem maet Hem i stap mekem yu rere from ol eksperiens long fiuja blong yu.

Luk tu long Saints, 3:202–5; “Ministry of Josef F. Smit: A Vision of the Redemption of the Dead” (vidio), Gospel Laebri.

3:6

Presiden Russell M. Nelson i tijim: “Mesej blong yumi long wol i simpol mo i ones: mifala i stap invaetem evriwan long ol pikinini blong God, long tugeta saed blong vel, blong kam long Sevya blong olgeta, blong kasem ol blesing blong tabu tempol, gat wan glad we i gogohed blong stap, mo kwalifae from laef we i no save finis” (“Yumi Mas Gohed,” Liahona, May 2018, 118–19). Tingting hevi long toktok ia taem yu stap ridim Doktrin mo Ol Kavenan 138:25–60. Mo tu, yu save tingting long ol kwestin ia:

• ?Wanem nao yu lanem aot long ol ves ia abaot olsem wanem wok blong Sevya i stap hapen insaed long spirit wol? ?From wanem hem i impoten, long yu, blong yu save se wok ia i stap tekem ples?

• ?Wanem nao i tajem hat blong yu abaot ol mesenja blong Lod insaed long spirit wol?

• ?Long wanem wei nao revelesen ia i mekem fet blong yu i kam strong long plan ia blong God blong pemaot man?

Sapos yu laekem blong lanem moa abaot spirit wol, yu save stadi long mesej blong Presiden Dallin H. Oaks “Trust in the Lord” (Liahona, Nov. 2019, 26–29).

Luk tu long “Susa Young Gates and the Vision of the Redemption of the Dead,” long Revelations in Context, 315–22; “A Visit from Father” (vidio), Gospel Laebri.

3:20

• Blong lanem wanem i minim long Josef Smit blong luk sam long ol famli blong hem insaed long kingdom, ol pikinini blong yu oli save wajem vidio “Ministry of Joseph Smith: Temples” (Gospel Laebri), o yu save serem Ol Doktrin mo Ol Kavenan Stori, 152–53 (o vidio we i go wetem long Gospel Laebri). Maet yu save tokbaot wan we yu save, we i bin ded mo i no gat janis blong kasem baptaes. ?Wanem nao Doktrin mo Ol Kavenan 137:5–10 i stap tijim yumi man o woman ia?

  

  2:20

  

  2:17

• Tingting blong stap yusum wan pikja blong tumb blong Sevya (luk long Gospel Art Buk, namba 58, o ol foto blong Baebol, namba 14) mo pikja long en blong aotlaen ia blong tijim ol pikinini blong yu abaot weaples spirit blong Jisas i bin go long hem taem we bodi blong Hem i stap insaed long tumb. Afta, tugeta, yufala i save ridim Doktrin mo Ol Kavenan 138:18–19, 23–24, 27–30 blong lanem abaot wanem Jisas i bin mekem taem Hem i bin stap long ples ia. ?Huia nao Hem i visitim? ?Wanem nao Hem i askem olgeta blong mekem? ?From wanem Hem i mekem hemia?

  

• Mo tu, yu save yusum aktiviti pej blong wik ia blong helpem ol pikinini blong yu blong komperem wanem nao ol misinari oli stap tijim long saed ia blong vel (eksampol, luk long, Ol Toktok blong Bilif 1:4) wetem wanem ol misinari oli stap tijim long spirit wol (luk long Doktrin mo Ol Kavenan 138:33). ?Wanem nao i semmak long ol ves ia, mo wanem nao i defren? ?Wanem nao hemia i stap tijim yumi abaot Papa long Heven mo plan blong Hem?

• Taem tugeta, yu mo ol pikinini blong yu i ridim Doktrin mo Ol Kavenan 138:1–11 , yu save invaetem olgeta blong priten se olgeta oli Presiden Josef F. Smit mo mekem ol aksen we i go folem ol toktok insaed long ol ves 6 mo 11. Mo tu, yu save soem long olgeta wan pikja blong Presiden Smit (i gat wan insaed long aotlaen ia) mo eksplenem se hem i bin namba sikis Presiden blong Jos. Mo tu, yu save tokbaot wan taem we yu bin tingting hevi abaot wan samting long ol skripja, mo Tabu Spirit i bin helpem yu blong andastanem.

• Tingting blong singsing tugeta wan singsing abaot skripja stadi, olsem “Search, Ponder, and Pray” (Children’s Songbook, 109). ?Wanem nao singsing ia i stap talem we yumi mas mekem blong andastanem ol skripja?