“22–28 Disemba: ‘ Presen Ia blong Tabu Pikinini blong God we I No Gat Samting I Bitim,’” Kam Folem Mi—Blong Hom mo Jos: Doktrin mo Ol Kavenan 2025 (2025)
“Krismes,” Kam Folem Mi—Blong Hom mo Jos: 2025
Wan smol pat blong peinting ia Nativiti long Kopa mo Amba, i kam long J. Kirk Richards
22–28 Disemba: Presen Ia blong Tabu Pikinini blong God we I No Gat Samting I Bitim
Krismes
Profet Josef Smit i talemaot se, “Ol stamba prinsipol blong relijin blong yumi oli ol testemoni blong ol Aposol mo ol Profet, long saed blong Jisas Kraes, se Hem i bin ded, oli bin berem Hem, mo Hem i bin girap long nambatri dei, mo i bin go long heven; mo evri narafala samting abaot relijin blong yumi, oli go wetem hemia” (Teachings of Presidents of the Church: Josef Smit [2011], 49). Ova long 160 yia i pas, stetmen ia i givim insperesen long Fas Presidensi mo Kworom blong Olgeta Twelef Aposol blong pablisim “Kraes we I Laef: Testemoni blong Olgeta Aposol” blong givim ona long 2,000 aniveseri blong taem we Sevya i bon i kam long wol (luk long Russell M. Nelson, “Drawing the Power of Jesus Christ into Our Lives,” Liahona, Mei 2017, 40).
Olsem ol Lata-dei Sent, yumi stap glad long blesing ia blong gat revelesen we i gogohed tru long ol profet mo ol aposol blong tedei. Yumi talem tangkyu from ol insperesen toktok blong kaonsel, woning, mo blong leftemap tingting. Be antap long evriwan, yumi gat blesing tru long ol strong testemoni ia abaot Jisas Kraes—long Krismes taem mo truaot long yia. Hemia i moa bitim sam toktok we oli stiarem tingting blong man we sam man blong raet i raetem, pablik spika i talem, o sam niu tingting blong sam top man blong stadi long skripja. Oli ol toktok blong olgeta ia we God i bin jusum olgeta, i bin singaotem olgeta, mo i bin givim raet long olgeta blong stap “ol spesel witnes blong nem blong Kraes long ful wol ia” (Doktrin mo Ol Kavenan 107:23).
Ol aedia blong Lanem Samting long Hom mo long Jos
“I no gat nara man we i save gat bigfala paoa olsem blong lidim tingting blong man.”
?Wanem nao bae yu talem blong sapotem toktok ia, se, “i nomo gat wan nara man we i gat strong paoa olsem [hemia blong Jisas Kraes] ova evri samting we i bin laef mo hemia we bae i laef yet long wol ia”? Lukaotem ol sentens long “Kraes we I Laef” we i tokbaot klia tru paoa ia blong Sevya. ?Olsem wanem nao Hem i jenisim tingting blong yu?
Sapos wan we i no save gud fasin blong stap wan Kristin Man i askem yu, from wanem yu selebretem Krismes. ?Olsem wanem nao bae yu ansa? Luklukbak long “Kraes we I Laef” wetem kwestin ia long maen, mo tingting blong raetemdaon eni tingting o filing we i kam long yu.
Luk tu long “Why We Need a Savior” (vidio), Gospel Laebri.
Why We Need a Savior
“Hem i girap i kamaot long gref.”
Insaed long “Kraes we I Laef,” Ol Aposol oli testifae abaot Laef Bakegen long Ded blong Sevya, mo oli tokbaot trifala taem we Lod we i girap i bin kamkamaot (luk long paragraf 5). Tingting blong ridim sam long ol stori blong ol visit ia long Jon 20; 3 Nifae 11; mo Josef Smit—Histri 1:14–20. ?Wanem nao yu lanem abaot Sevya aot long ol toktok mo aksen blong Hem long ol taem ia we Hem i bin kamkamaot?
Lukluk nomo long Sevya. “Wetem prea, ridim ‘Kraes we I Laef’ i olsem we yu stap ridim ol testemoni blong Matiu, Mak, Luk, Jon, mo ol profet insaed long Buk blong Momon. Bae hem i mekem fet blong yu long Sevya i kam bigwan moa, mo bae i helpem yu blong stap lukluk nomo long Hem” (M. Russell Ballard, “Return and Receive,” Liahona, Mei 2017, 65).
“Prishud blong Hem mo Jos blong Hem, oli bin putumbak.”
Long taem we yumi bin stadi long Ol Doktrin mo Ol Kavenan long yia ia, yufala i bin gat janis blong lanem moa abaot wei we “prishud mo Jos blong [Sevya] i bin kambak.” ?Wijwan trutok o prinsipol nao oli bin gat mining long yu speseli? Tingting blong luklukbak long sam long olgeta skripja ia we oli stap tij abaot Restoresen: Doktrin mo Ol Kavenan 1:17–23; 13; 20:1–12; 65; 110; 112:30–32; 124:39–42; 128:19–21. Tingting hevi long wei we ol trutok ia blong gospel we i kambak oli helpem yu blong save, mo blong stap mo lavem Jisas Kraes.
“Bae Hem i kambak long wol ia wan dei.”
Krismes i wan taem blong luklukbak long dei ia we Jisas Kraes i bin bon i kam long wol ia, mo blong luk fored long dei ia we bae Hem i kambak bakegen. ?Wanem nao yu lanem abaot kambak blong Hem aot long snabatu i go kasem las paragraf blong “Kraes we I Laef”? Mo tu, yu save tingting blong stap ridim, singsing o stap lisin long ol hym blong Krismes we oli tij abaot Seken Kaming, olsem “Joy to the World” o “It Came upon the Midnight Clear” (Hym, ol namba 201, 207).
“Hem i laet, mo laef, mo hop blong wol.”
Long las paragraf blong “Kraes we I Laef,” luksave ol fasin mo ol taetol we oli givim long Sevya. Tingting blong spenem taem blong stap lanem samting abaot olgeta. Eksampol:
Laet: ?Long wanem wei nao Jisas Kraes i olsem wan laet long yu? Maet yu save tingting blong stap droem wan pikja o tekem wan foto we i ripresentem laet ia we Hem i stap givim long yu. ?Wanem nao yu filim insperesen blong mekem blong serem laet ia blong Hem? (Luk tu long Jon 8:12; 3 Nifae 18:24; Doktrin mo Ol Kavenan 50:24.)
Laef: ?From wanem yu ting se laef i wan gudfala toktok blong tokbaot Jisas Kraes? ?Long wanem wei nao yu save luksave se Hem i givim laef long yu? ?Laef blong yu bae i defren olsem wanem, sapos i no gat Hem mo gospel blong Hem? (Luk tu long Jon 10:10; 1 Corinthians 15:19–23; Doktrin mo Ol Kavenan 66:2.)
Hop: ?Wanem nao yu hop blong kasem from se yu gat Jisas Kraes mo gospel blong Hem? ?Yu save wan we i filim se i no gat hop abaot fiuja? Tingting hevi long olsem wanem yu save serem hop we yu filim long Jisas Kraes long man o woman ia. (Luk tu long Rom 8:24–25; Ita 12:4; Moronae 7:41.)
Luk tu long Topics and Questions, “Jesus Christ,” Gospel Laebri.
“Yumi talem tangkyu long God from presen ia [blong Hem] we i no gat samting i bitim.”
Insaed long “Kraes we I Laef,” ol Aposol oli talem se Sevya i wan “presen” we i kam long Papa long Heven. Based on what you find in “Kraes we I Laef,” how would you complete this sentence: “Tru long Jisas Kraes, God i givim long mi, presen blong …” Tingting hevi long wanem yu save mekem blong kasem ol presen ia moa fulwan.
?Long wanem wei nao, we, taem yu bin stadi long “Kraes we I Laefi bin tajem fet mo lav we yu gat long Sevya?
Luk tu long Russell M. Nelson, “Four Gifts That Jesus Christ Offers to You” (First Presidency Christmas devotional, Dec. 2, 2018), Gospel Laebri; “Sam Pat blong ‘Kraes we I Laef: Testemoni blong Olgeta Aposol’” (vidio), ChurchofJesusChrist.org.
Excerpts from "The Living Christ: The Testimony of the Apostles"
Blong kasem moa aedia, luk long magasin blong manis ia Liahona mo Blong Ol Yut Oli Kam Strong magasin.
Sam Aedia blong Tijim Ol Pikinini
Mi save “givim testemoni blong mi” blong selebretem taem ia we Jisas i bon i kam long wol.
-
Tingting long olsem wanem bae yu save introdiusum long ol pikinini blong yu “Kraes we I Laef.” Maet yu save helpem olgeta blong poenem nem blong Kraes long taetol mo ples we i gat saen blong Fas Presidensi mo Olgeta Twelef. Maet yu save eksplenem long olgeta se, hemia i testemoni blong blong olgeta abaot Jisas Kraes we oli wantem blong serem wetem wol.
-
Yu save givim wan sentens long wanwan pikinini we i stap long “Kraes we I Laef” mo askem olgeta blong faenem o dro wan pikja blong sentens ia. Afta, yu save helpem olgeta blong faenem sentens ia long “Kraes we I Laef.” Maet yu save joenem tu ol pikja ia mo ol sentens ia blong mekem wan buk.
-
Serem wetem wanwan long yufala, olsem wanem yu kasem testemoni blong yu abaot Jisas Kraes. Maet yu save pasem wan pikja blong Sevya i go raon mo gat wanwan janis blong serem wan samting we yu save abaot Hem (we i tekem tu, ol trutok we i stap insaed long “Kraes we I Laef”).
“Hem i go mo mekem ol gudfala wok.”
-
Taem yu ol pikinini blong yu i ridim nambatu paragraf blong “Kraes we I Laef,” tokbaot wetem olgeta, sam long ol samting we Jisas i bin mekem. Mo tu, yu save lukluk tu long ol pikja abaot laef blong Hem (luk long aktiviti pej blong wik ia mo long Gospel Art Buk). Invaetem ol pikinini blong yu blong tokbaot wanem Sevya i stap mekem insaed long ol pikja ia. ?Long wanem wei nao, yumi save givim seves long ol narawan olsem we Hem i bin mekem? Ol vidio blong “Light the World” insaed long Gospel Laebri i givim ol aedia long yu.
“Hem i laet, mo laef, mo hop blong wol.”
-
Helpem ol pikinini blong yu blong faenem ol Krismes hym we oli talem laet ia, laef mo hop we taem we Sevya i bon i kam long wol ia, i bin givim long wol ia, olsem “O Little Town of Bethlehem” (Hym, namba 208). Tugeta, singsing long hym ia, mo letem ol pikinini blong yu oli serem olsem wanem Jisas i bin tekem laet, laef, mo hop insaed long laef blong olgeta.
“Yumi talem tangkyu long God from presen ia we i no gat samting i bitim, we i tabu Pikinini blong Hem.”
-
?Wanem presen nao yumi bin kasem from Jisas Kraes? Maet yu mo ol pikinini blong yu i save lukaotem ol presen ia long “Kraes we I Laef” o insaed long wan singsing olsem “He Sent His Son” (Children’s Songbook, 34–35). Afta, olgeta oli save putum presen pepa long wan samting blong ripresentem ol presen ia. Yu save givim tingting blong talem long ol pikinini blong yu blong oli openem ol presen long Dei blong Krismes blong helpem olgeta blong tingbaot Sevya mo ol presen blong Hem long yumi.
Blong kasem moa aedia, luk long magasin blong Fren long manis ia.