Doktrin mo Ol Kavenan 124

Lod i talem long Profet Josef Smit blong “go talemaot strong abaot gospel blong [Hem]” i go long “evri king blong wol” (luk long Doktrin mo Ol Kavenan 124:2–11). Sapos yu kasem asaenmen ia, ?wanem nao bae yu talemaot strong abaot Jisas Kraes mo gospel blong Hem we i bin kambak? Mo tu, tingting hevi long olsem wanem yu save serem witnes blong yu long wan nomol wei mo nomol fasin wetem ol pipol we yu mit wetem olgeta evri dei.

Luk tu long “Restoresen blong Gospel blong Jisas Kraes we I Fulwan: Tu Handred Yia Ofisol Toktok I Go long Wol,” Gospel Laebri.

Tingting blong stap serem wetem ol narawan, olsem we Sevya i bin mekem long Doktrin mo Ol Kavenan 124:12–21, ol fasin olsem hemia blong Kraes we yu luk long olgeta. ?Olsem wanem Hem i soem long yu lav mo tras blong Hem?

Luk tu long Richard J. Meines, “Earning the Trust of the Lord and Your Family,” Liahona, Nov. 2017, 75–77.

Taem yu tingting hevi long instraksen blong Lod insaed long Doktrin mo Ol Kavenan 124:22–24, 60–61, tingbaot olsem wanem yu save mekem hom blong yu mo wod blong yu, i wan ples olsem we Lod i bin tingting abaot Nauvu.

Luk tu long “A Friend to All” (vidio), ChurchofJesusChrist.org.

4:1

?From wanem yu filim se Lod i “komanmen oltaem” ol pipol blong Hem “blong bildim [ol tempol] long tabu nem blong [Hem] ”? Tingting blong mekem wan lis blong ol risen we yu faenem insaed long Doktrin mo Ol Kavenan 124:25–45, 55. Maet yu save faenem ol narawan insaed long wan hym olsem “We Love Thy House, O God” (Hym, namba 247) o vidio ia, “What Is a Temple?” (Gospel Laebri). ?Olsem wanem nao wok blong stap bildim ol tempol oli wan saen blong lav blong Lod long yu?

5:41

Stat long taem we oli bin bildim Nauvu Tempol, long ol yia 1840, oli bin bildim o anaonsem ova long 300 tempol. Presiden Russell M. Nelson i tijim: “Yumi save se taem we yumi spendem insaed long tempol i wan bigfala nid blong Lod i sevem yumi, mo yumi kam olsem wan god, mo i impoten long ol famli. Ol atak blong enemi oli stap kam antap bigwan, oli strong moa, mo i gat fulap defren kaen. Nid blong yumi blong go long tempol oltaem, i bigwan moa bitim bifo.” (“Blong Kam Ol Lata-dei Sent we I Givim Eksampol,” Liahona, Novemba 2018, 114). ?Olsem wanem nao tempol i bin helpem yu blong stanap agensem ol “atak blong enemi”? ?Wanem nao yumi filim blong go mekem blong folem kaonsel blong Presiden Nelson?

Luk tu long “Why Latter-day Saints Build Temples,” temples.ChurchofJesusChrist.org.

Lod i bin givim komanmen long Ol Sent blong oli bildim wan tempol long Jakson Kaonti, Misuri be “ol enemi blong olgeta oli bin blokem olgeta” (Doktrin mo Ol Kavenan 124:51). Ol ves 49–55 i gat wan mesej we i putum pis long maen blong ol pipol we oli wantem obei long ol komanmen blong God, be oli no save mekem from se i gat famli situesen o ol nara situesen. ?Wanem kaonsel nao yu faenem long ol ves ia we i save helpem wan long kaen situesen olsem?

Sot taem, afta we papa blong Profet, Josef Smit Senia, i pasawe, Lod i singaotem Haeram Smit blong holem koling we papa blong hem i bin holem—Petriak blong Jos. Yu save rid abaot hemia long Doktrin mo Ol Kavenan 124:91–92.

Olsem wanem nao bae yu save tokbaot wan petriakel blesing long wan we i neva harem abaot hemia? ?Wanem nao bae yu save talem blong leftemap tingting blong wan blong i kasem blong hem? Lukaotem ol ansa blong ol kwestin ia long mesej blong Elda Randall K. Bennett “Petriakel Blesing blong Yu—Daereksen we i kam long Papa long Heven” (Liahona, Mei 2023, 42–43) o Topics and Questions, “Patriarchal Blessings” (Gospel Laebri).

Folem wanem we yu bin stadi mo gat eksperiens long hem, tingting long olsem wanem bae yu save komplitim sentens ia: “Wan petriakel blesing i olsem .” ?From wanem Papa long Heven i wantem ol pikinini blong Hem blong kasem wan petriakel blesing?

Sapos yu no bin kasem wan petriakel blesing, ?wanem nao yu save mekem blong rere blong kasem wan? Sapos yu bin kasem wan petriakel blesing, ?long wanem wei nao yu save soem long God se yu tekem presen ia, i gat bigfala valiu?

Luk tu long Kazuhiko Yamashita, “Wetaem blong Kasem Petriakel Blesing blong Yu,” Liahona, Mei 2023, 88–90; Jeneral Hanbuk, 18.17, Gospel Laebri.

• Blong helpem ol pikinini blong yu blong oli tingbaot wanem we oli lanem long Doktrin mo Ol Kavenan 124:15, 20, yu save helpem olgeta blong dro mo katemaot ol pepa sep blong hat. Insaed long ol hat ia, yu save helpem olgeta blong raetemdaon ol ki toktok aot long ol ves ia. Wan singsing olsem “Stand for the Right” (Children’s Songbook, 159) i save help blong givim moa paoa long ol toktok blong Lod.

• Afta we yufala i ridim tugeta Doktrin mo Ol Kavenan 124:15, 20, maet yu save helpem ol pikinini blong yu blong faenemaot wanem i minim blong stap laef folem fasin blong stap tru long pej 31 blong Blong Ol Yut Oli Kam Strong: Wan Gaed blong Stap Mekem Ol Joes. ?Wanem nao Lod i talem stret abaot Joj Mila long ves 20 “from fasin blong stap tru long hat blong [Joj] ”? Mo tu, yu save serem sam eksampol blong ol pikinini we oli stap soem se hem i stap strong mo tru, hemia aot long eksperiens blong yuwan o aot long Fren magasin. Invaetem ol pikinini blong yu blong putum wan gol blong soem fasin blong stap tru long wik ia, mo talem long yu wanem oli filim taem oli mekem olsem.

• Maet ol pikinini blong yu oli laekem blong stap lukluk ol pikja blong ol tempol, we i tekem tu, wan tempol blong bifo mo wan tempol we i stap kolosap long ples we oli stap long hem (luk long ChurchofJesusChrist.org/temples/list). Yu save yusum ol pikja ia mo Doktrin mo Ol Kavenan 124:39 blong eksplenem se Jisas Kraes, oltaem i givim komanmen long ol pipol blong Hem blong bildim ol tempol—long taem bifo mo long dei blong yumi (luk tu long aktiviti pej) blong wik ia.

• Sapos yu stap kolosap long wan tempol, tingting blong stap tekem ol pikinini blong yu i go long ples ia mo wokbaot kwaet, raon long tempol. Invaetem olgeta blong faenem toktok ia “Tabu Fasin long Lod—Haos blong Lod” long aotsaed blong tempol. Tokbaot wetem ol pikinini blong yu, abaot wanem ol toktok ia i minim.

• Tingting blong stap yusum ol aedia insaed long “Being Baptized and Confirmed for Ancestors” long apendiks A blong helpem ol pikinini blong yu blong lukluk i go fored from dei ia we bae oli save kam insaed long tempol (luk tu long “The Temple and the Plan of Happiness” long apendiks B).

• Taem yufala i stap ridim tugeta Doktrin mo Ol Kavenan 124:91–92, helpem ol pikinini blong yu blong faenemaot wanem Lod i singaotem Haeram Smit blong mekem. Tokbaot wanem i wan petriakel blesing: wan spesel blesing we, tru long hem, Lod i stap tijim yumi abaot yumiwan, mo wanem Hem i wantem yumi blong mekem mo blong kam. Tingting blong stap yusum seksen “Receiving a Patriarchal Blessing” insaed long apendiks A mo helpem ol pikinini blong yu blong rere blong kasem wan petriakel blesing.