Сургаал ба Гэрээ 125–128

Үйлчилсэн олон номлолынхоо нэг болох Англи дахь номлолоо дуусгаж ирснийхээ дараа Бригам Янг бас нэгэн чухал дуудлагыг Бурханаас хүлээн авав. Эзгүй хойгуур нь зовлон туулсан “гэр бүлдээ онцгой халамж тавих” (3-р шүлэг) үүргийг тэр хүлээн авчээ. Та энэ хэсгийг судлах явцдаа яагаад Их Эзэн заримдаа бидний үйлчлэлээс золиослол шаарддаг талаар эргэцүүлэн бод. Та өөрийнхөө гэр бүлд анхаарал халамж тавихын тулд юу хийж болох вэ?

Түүнчлэн “Take Special Care of Your Family”-ийг in Revelations in Context-ийн х. 242–249-өөс үзнэ үү.

1842 оны 8-р сард худал гүтгэлэг, баривчлах сүрдүүлэг Иосеф Смитийг дахин нуугдахад хүргэв. Гэвч энэ үед (одоогийн Сургаал ба Гэрээ 127) гэгээнтнүүдэд хандаж түүний бичсэн үгс эерэг үзэл, баяр баяслаар дүүрэн байсан. 2–4-р шүлэгт Бурханы талаар болон бусдын доромжлол, эсэргүүцлийн талаар юу зааж байна вэ? Эдгээр шүлгээс аль үг хэллэг нь танд хавчлага дарамт мэдэрсэн үед тус болж чадах вэ? Их Эзэн амьдралын тань “гүнзгий усанд” таныг хэрхэн түшин дэмжиж байгааг бичиж тэмдэглэх талаар эргэцүүлэн бод.

Та Сургаал ба Гэрээ 127:5–8; 128:1–8-ыг уншаад, Их Эзэн Иосеф Смитэд нас барагсдын баптисмын цэдэг хөтлөх талаар ийм тодорхой заавар өгсөн шалтгааныг олж мэд. Энэ нь Их Эзэн болон Түүний ажлын талаар танд юу зааж байна вэ? Та энэ зааврыг хувийн тэмдэглэл зэрэг гэр бүлийн бүртгэл хөтлөх үйл явцтай тань хэрхэн холбогдоно гэж бодож байна вэ?

Бид энэ амьдралд баптисм хүртээгүй өвөг дээдэстээ яагаад хэрэгтэй байдаг нь Их Эзэний Иосеф Смитэд илчилсэн зүйлсээс тодорхой харагддаг. Бид тэдний өмнөөс баптисм хүртсэнээр тэд энэ ёслолыг хүлээн авах эсэхээ сонгох боломжтой болно. Мөн бошиглогч өвөг дээдсийн маань аврал “бидний авралд зайлшгүй чухал” гэж заасан. Та Сургаал ба Гэрээ 128:15–18-ыг уншиж байхдаа үүний шалтгааныг бодоорой.

5-р шүлэгт нас барагсдын төлөөх баптисмын ёслолыг “дэлхийн сууринаас өмнө бэлтгэсэн” гэж заадаг. Энэ үнэн Бурханы талаар болон Түүний төлөвлөгөөний талаар танд юу зааж байна вэ? Ахлагч Дэйл Г.Рэнландын “Гэр бүлийн түүх, ариун сүмийн ажил: Лацдан холболт ба эдгээлт” захиаснаас та өөр юу ойлгож авч болох вэ? (2018 оны 4-р сарын Ерөнхий чуулган).

Иосеф Смит санваарын ёслолууд болон нас барагсдын төлөөх баптисмын талаар заахдаа “холбох хүч,” “гагнагч холбоо” гэх мэт хэллэгүүдийг ашигласан. Сургаал ба Гэрээ 128:5–25-ыг уншихдаа эдгээртэй төстэй хэллэгүүдийг хайж ол. Танд энэ хэллэгийг дүрслэн үзүүлэх гинж, олс зэрэг хэрэглэгдэхүүн байна уу? Эдгээр нь яагаад энэ сургаалыг тайлбарлах тохиромжтой хэллэг болж байна вэ?

Дараах асуултуудыг эргэцүүлэн бодох нь эдгээр шүлгийг судалж ойлгоход тань дэмжлэг үзүүлнэ. Үүнд:

• Таны бодлоор нас барагсдын өмнөөс төлөөлөн гүйцэтгэх баптисмыг яагаад “үүрдийн сайн мэдээнд хамаарах бүх сэдвээс хамгийн алдартай нь” (17-р шүлэг) гэж үзсэн бэ? Энэ сургаалыг ойлгоход тань ямар туршлага тусалсан бэ?

• Хэрвээ “эцгүүд хийгээд хүүхдүүдийн хооронд … гагнагч холбоо” (18-р шүлэг) байхгүй бол дэлхий ямар байдлаар зүхэгдэж болох вэ?

• 19–25-р шүлэг дээрх Иосеф Смитийн үгсийн юу нь таныг гайхшируулж байна вэ? Эдгээр шүлэг нь Есүс Христийн талаарх болон өвөг дээдсийнхээ төлөө хийлгэх ариун сүмийн үйлчлэлийн талаарх таны бодолд хэрхэн нөлөөлж байна вэ? (Мөн “Ирээд, баясагтун” дууллыг Дуулал номын д. 8-аас үзнэ үү.)

Эдгээр шүлгийг судалсныхаа дараа та өвөг дээдсийнхээ төлөө ямар нэг зүйл хийхээр сүнслэгээр өдөөгдөж болох юм. FamilySearch.org дээрх санаануудыг хэрэгжүүлээд үзээрэй.

Gospel Library дахь “Ариун сүм, гэр бүлийн түүх цуглуулгын Урам зориг өгөх видеонуудаас та бодит тусламж, урам зориг өгөх түүх, гэр бүлийн түүхийн талаарх удирдагчдын захиаснуудыг авах боломжтой.

Мөн Кэвин Р.Данканы “Баяр баясгалангийн дуу хоолой!” захиасыг 2023 оны 5-р сарын Лиахонагийн х. 95–97-оос үзнэ үү.

Ерөнхийлөгч Гордон Б.Хинкли ийнхүү хэлжээ.

“Есүсийн бүхний төлөө үйлдсэн Цагаатгал бусдын өмнөөс гаргах агуу золиослолыг төлөөлдөг. Тэр бүх хүн төрөлхтний өмнөөс үйлдэгч болсноороо загварыг гаргаж ирсэн юм. Өөр хүний өмнөөс нөгөө хүн үйлдэж болно гэдэг энэ загвар нь Их Эзэний өргөөнд болдог ёслолуудад ч үйлдэгддэг. Энд бид сайн мэдээний тухай сонсолгүй нас барсан хүмүүсийн төлөө үйлчилдэг. Гүйцэтгэсэн ёслолыг хүлээн авах аль эсвэл эсэргүүцэх сонголт тэдэнд бий. Тэдэнд энэ дэлхий дээр алхаж байгаа хүмүүстэй адил тэгш эрх өгөгддөг. Нас барсан хүмүүст амьд хүмүүст өгдгийн адил тэрхүү боломжийг олгодог. Бүхнийг Чадагч Өөрийн бошиглогчид өгсөн илчлэлтээр дамжуулан ямар агуу, гайхамшигт боломжийг өгсөн гээч” (“The Great Things Which God Has Revealed,” Liahona,, May 2005, 82–83).

• Хүүхдүүдэд гэр бүлийнхээ гишүүдэд үйлчлэхэд нь туслахын тулд “50-р бүлэг: Науву дахь гэгээнтнүүд” (Сургаал ба Гэрээний түүхүүд номын х. 184 дэх Бригам Янгийн талаарх мэдээллийг хүүхдүүдтэй хуваалц эсвэл Gospel Library дахь холбогдох видеог үзүүл) мөн Сургаал ба Гэрээ 126-г өөрийн үгээр хураангуйлан хэл. Та “гэр бүлдээ онцгой халамж тавь” (3-р шүлэг) гэсэн хэллэгийг онцлон, бид гэр бүлдээ онцгой халамж тавина гэдэг нь юу гэсэн үг болох талаар хүүхдүүдтэй ярилцаж болно.

  

  1:33

• Гэр бүлийнхээ гишүүдийг “халамжлах” арга замуудын тухай хамтдаа ярилцах үедээ гэр бүлийн зураг (зурж болно) хараад ярих нь танд болон таны хүүхдүүдэд сонирхолтой байх болно. Мөн та нар “Гэр маань диваажин байж болно” (Дуулал, д.154) зэрэг дууллыг дуулж болох юм.

• Хүүхдүүдийг Сургаал ба Гэрээ 128:1-ийг уншин, Иосеф Смитийн бодол санааг ямар сэдэв эзэмдсэнийг мэдэж авахад урь. Мөн тэд 17-р шүлгээс ямар сэдвийг тэрээр “хамгийн алдартай” гэж үзэж байсныг олж мэдэх боломжтой. Олж мэдсэн зүйлээ хуваалцаж, яагаад энэ сэдэв сэтгэл хөдөлгөм болох тухай ярилцахыг тэднээс хүс.

• Та хүүхдүүддээ өөрсдийн баптисмын гэрээг байгуулахад (мөн үүний дагуу амьдрахад) бэлтгэхэд нь туслахын зэрэгцээ амьдралынхаа явцад эдгээр гэрээг байгуулж чадаагүй хүмүүст хэрхэн туслах талаар олж мэдэхэд нь дэмжлэг үзүүлж чадна. Өөрийн таних, баптисм хүртэлгүй нас барсан хэн нэгний талаар хүүхдүүдэд ярьж өг. Та нар Сургаал ба Гэрээний 128:5-ыг хамтдаа уншин, ариун сүмийн баптисмын усан сангийн зургийг харж болох юм (энэ тоймын төгсгөлд байгаа зураг байж болно). Нас барсан хүмүүсийн төлөө ариун сүмүүдэд баптисм хүртэх тухай өөрийн бодлыг мөн ингэснээр нас барсан хүн бүр Тэнгэрлэг Эцэгтэй гэрээ байгуулах боломжтой болдог тухай хүүхдүүдэд ярь.

• Эцэг эх, эмээ өвөө, элэнц эмээ өвөө нарынхаа нэрс бүхий цаасан гинж болон үүнтэй ижил зүйлсийг хийхэд сонирхолтой байх болно (энэ хичээлийн үйл ажиллагааны хуудсыг үзнэ үү). Дараа нь та нар өвөг дээдсийнхээ талаар мэдэж авсан зүйлээ нэг нэгэнтэйгээ хуваалцаж болох юм. Хамтдаа Сургаал ба Гэрээ 128:18-ыг уншаад, гэр бүлийн түүхийг маань “бүрэн бүтэн” болгодог “гагнагч холбоо” юу болохыг олж мэд. Мөн “Courage: I Think I Get It from Him” (Gospel Library) видеог үзэж болох юм.

  

  1:38

• Хүүхдүүдэд гэр бүлийн түүхийн ажилд оролцоход нь туслах нэмэлт үйл ажиллагаануудыг хавсралт Б-д байх “Ариун сүм ба аз жаргалын төлөвлөгөө” хэсгээс эсвэл FamilySearch.org-оос үзэх боломжтой.