දහම සහ ගිවිසුම් 124

“ලෝකයේ සියලු රජවරුන්ට” “ඉතා උනන්දුවෙන් [උන්වහන්සේගේ] ශුභාරංචිය ප්‍රකාශ කරන ලෙස” ස්වාමින්වහන්සේ අනාගතවක්තෘවරයාට පවසා තිබුණා (බලන්න දහම සහ ගිවිසුම් 124:2–11). ඔබට මෙම පැවරුම ලැබුණේ නම්, ඔබේ එම ප්‍රකාශය යේසුස් ක්‍රිස්තුස්වහන්සේ ගැන සහ නැවත පිහිටුවන ලශ උන්වහන්සේගේ ශුභාරංචිය ගැන කුමක් පවසයිද? ඔබ දිනපතා ඇසුරු කරන පුද්ගලයන් සමඟ ඔබේ සාක්ෂිය සාමාන්‍ය ආකාරයෙන් සහ ස්වභාවිකව බෙදා ගත හැකි ආකාරය ගැනද මෙනෙහි කරන්න.

තවත් බලන්න “යේසුස් ක්‍රිස්තුස්වහන්සේගේ ශුභාරංචියේ පූර්ණත්වය නැවත පිහිටුවීම: ලෝකය සඳහා ද්විශතවාර්ෂික ප්‍රකාශය,” ශුභාරංචි පුස්තකාලය.

දහම සහ ගිවිසුම් 124:12–21 තුළ ගැලවුම්කරුවාණන් කළාක් මෙන්, ඔබ අනෙක් අය තුළ දකින ක්‍රිස්තුස්වහන්සේගේ වැනි ගුණාංග ඔවුන් සමඟ බෙදා ගැනීම ගැන සලකා බලන්න. උන්වහන්සේ තම ආදරය හා විශ්වාසය ඔබට ප්‍රකාශ කර ඇත්තේ කෙසේද?

තවත් බලන්න රිචර්ඩ් ජේ. මෙයිනෙස්, “ස්වාමීන්වහන්සේගේ සහ ඔබේ පවුලේ විශ්වාසය ඉපයීම”, ලියහෝනා, නොවැම්බර් 2017, 75–77.

ඔබ දහම සහ ගිවිසුම් 124:22–24, 60–61 හි ස්වාමින්වහන්සේගේ උපදෙස් ගැන මෙනෙහි කරන විට, ඔබ ඔබගේ නිවස සහ ඔබේ කොට්ඨාශය, ස්වාමින්වහන්සේ නාවූ ගැන අපේක්ෂා කළ ආකාරයේ ස්ථානයක් බවට පත් කරගන්නේ කෙසේදැයි සිතන්න.

4:1

ඔබට හැඟෙන ආකාරයට “[උන්වහන්සේගේ] ශුද්ධ වූ නාමයට [දේවමාළිගා] ගොඩනගන ලෙස” ස්වාමින්වහන්සේ තම සෙනඟට ”සෑමවිටම ආඥා කර ඇත්තේ” ඇයි? දහම සහ ගිවිසුම් 124:25–45, 55 තුළ ඔබ සොයා ගන්නා හේතු ලැයිස්තුවක් සෑදීම ගැන සලකා බලන්න. දේවමාළිගා ඉදිකිරීමේ කාර්යය ස්වාමින්වහන්සේ ඔබ කෙරෙහි දක්වන ප්‍රේමයේ ලකුණක් වන්නේ කෙසේද?

5:41

නාවූ දේවමාළිගාව 1840 ගණන්වල ඉදිකළ අතර, එතැන් පටන් දේවමාළිගා 300 කට අධික ප්‍රමාණයක් ඉදිකර හෝ ප්‍රකාශයට පත්කර තිබෙනවා. සභාපති රසල් එම්. නෙල්සන් මෙසේ ඉගැන්වුවා: “අපි දේවමාළිගාවේ ගත කරන කාලය අපගේ ගැලවීමට සහ උත්කර්ෂයටත්, අපගේ පවුල්වලටත් ඉතා වැදගත් බව අපි දනිමු. … විරුද්ධවාදියාගේ ප්‍රහාර ඉතා සීඝ්‍රයෙන්, තීව්‍රතාවයෙන් සහ විවිධත්වයෙන් වැඩි වෙමින් පවතී. නිරන්තරව දේවමාළිගාවට සහභාගී වීමේ අපේ අවශ්‍යතාවය කිසිදා මෙතරම් අවශ්‍ය වී නැත” (“ආදර්ශවත් පසු-දවස්වල සාන්තුවරයින් බවට පත්වීම,” ලියහෝනා, නොවැම්බර් 2018, 114). “විරුද්ධවාදියාගේගේ ප්‍රහාරවලට” ඔරොත්තු දීමට දේවමාළිගාව ඔබට උපකාර කර ඇත්තේ කෙසේද? ඔබට පෙළඹවීමක් දැනෙන්නේ, සභාපති නෙල්සන්ගේ උපදෙස් පිළිපැදීම සඳහා කුමන දේවල් කිරීමටද?

මිසුරි, ජැක්සන් ප්‍රාන්තයේ දේවමාළිගාවක් තැනීමට ශුද්ධවන්තයින්ට ආඥා කර තිබූ නමුත්, ඔවුන්ට “ඔවුන්ගේ සතුරන් විසින් බාධා කරනු ලැබ” තිබුණා. (දහම සහ ගිවිසුම් 124:51). දෙවියන්වහන්සේගේ ආඥාවලට කීකරු වීමට අවශ්‍ය නමුත් පවුලේ හෝ වෙනත් තත්වයන් නිසා එසේ කිරීමෙන් වැළැක්වී ඇති මිනිසුන්ට සහනදායී පණිවිඩයක් 49–55 පද තුළ අන්තර්ගත වෙනවා. එවැනි අවස්ථාවක සිටින කෙනෙකුට උපකාර කළ හැකි, ඔබ මෙම පදවලින් සොයාගන්නා උපදෙස් මොනවාද?

අනාගතවක්තෘවරයාගේ පියා වන ජෝසෆ් ස්මිත් ජ්‍යෙෂ්ඨ අභාවප්‍රාප්ත වී ටික කලකට පසු, ස්වාමින්වහන්සේ විසින් හයිරම් ස්මිත්ව, ඔහුගේ පියාගේ කැඳවීම වූ, සභාවේ ආදිපීතෘවරයා ලෙස කැඳවනු ලැබුවා. ඔබට දහම සහ ගිවිසුම් 124:91–92 තුළ මේ ගැන කියවිය හැකිය.

ආදිපීතෘ ආශිර්වාදයක් ගැන කවදාවත් අසා නැති කෙනෙකුට ඔබ එය විස්තර කරන්නේ කෙසේද? එම ආශිර්වාදය ලබාගැනීම සඳහා යමෙකුව දිරිමත් කිරීමට ඔබ කුමක් කියන්නේද? වැඩිහිටි රැන්ඩල් කේ. බෙනට්ගේ පණිවිඩය තුළ මෙම ප්‍රශ්නවලට පිළිතුරු සොයන්න “ඔබගේ ආදිපීතෘ ආශිර්වාදය—ස්වර්ගීය පියාණන්වහන්සේගේ ආනුභාව ලත් මගපෙන්වීම” (ලියහෝනා, 2023 මැයි, 42–43).

ඔබ අධ්‍යයනය කළ දේ සහ ඔබෙගේ අත්දැකීම් මත පදනම්ව, ඔබට මෙම වාක්‍යය සම්පූර්ණ කළ හැක්කේ කෙසේදැයි සලකා බලන්න: “ආදිපීතෘ ආශිර්වාදය යනු..” තම දරුවන් ආදිපීතෘ ආශිර්වාදයක් ලබාගැනීම, ස්වර්ගික පියාණන්වහන්සේට අවශ්‍ය වන්නේ ඇයි?

ඔබට ආදිපීතෘ ආශිර්වාදයක් ලැබී නොමැති නම්, ඒ සඳහා සූදානම් වීමට ඔබට කුමක් කළ හැකිද? ඔබට ආදිපීතෘ ආශිර්වාදයක් ලැබී ඇත්නම්, ඔබ මෙම දීමනාව නිධානයක් ලෙස සලකන බව ඔබට දෙවියන්වහන්සේට පෙන්විය හැක්කේ කෙසේද?

තවත් බලන්න කසුහිකො යමශිටා, “ඔබේ ආදිපීතෘ ආශිර්වාදය ලබා ගත යුත්තේ කවදාද?,” ලියහෝනා, 2023 මැයි, 88–90; ප්‍රධාන අත්පොත, 18.17, ශුභාරංචි පුස්තකාලය.

• ඔබේ දරුවන් දහම සහ ගිවිසුම් 124:15, 20 තුළින් ඉගෙන ගන්නා දේ ඔවුන්ට මතක තබා ගැනීමට උපකාර කිරීම සඳහා, කඩදාසි හදවත් ඇඳීමට සහ ඒවා කපා ගැනීමට ඔබට ඔවුන්ට උපකාර කළ හැකිය. එම හදවත් මත, ඔබට මෙම පද වලින් ලබාගන්නා ප්‍රධාන වාක්‍ය ඛණ්ඩ ලිවීමට ඔවුන්ට උපකාර කළ හැකිය.

• “[ජෝර්ජ්ගේ] හදවතේ අවංකභාවය නිසා” 20 වෙනි පදයෙහි ජෝර්ජ් මිලර් ගැන ස්වාමින්වහන්සේ විශේෂයෙන් පැවසුවේ කුමක්ද? ඔබට ඔබේම අත්දැකීමකින් හෝ මිතුරා සඟරාවෙන්, අවංකභාවය පෙන්වන දරුවන්ගේ උදාහරණ බෙදා ගත හැකිය. මෙම සතියේ අවංකභාවය පෙන්වීමට ඉලක්කයක් තබාගැනීමටත්, ඉන්පසු එසේ කරන විට ඔවුන්ට හැඟෙන ආකාරය ඔබට කියන ලෙසත් ඔබේ දරුවන්ට ආරාධනා කරන්න.

• ඔබේ දරුවන්ට ඔවුන් ජීවත් වන ප්‍රදේශයට ආසන්න දේවමාළිගාවක් සහ පුරාණ දේවමාළිගාවක් ඇතුළුව දේවමාළිගාවල පින්තූර නැරඹීමෙන් සතුටු විය හැකිය (ChurchofJesusChrist.org/temples/list) බලන්න. ඔබට මෙම පින්තූර සහ දහම සහ ගිවිසුම් 124:39 භාවිතා කරමින්, යේසුස් ක්‍රිස්තුස්වහන්සේ පුරාණ කාලයේ සහ අපේ කාලයේ, සැමවිටම තම සෙනඟට දේවමාළිගා ගොඩනගන ලෙස ආඥා කර ඇති බව පැහැදිලි කළ හැකිය (මෙම සතියේ ක්‍රියාකාරකම් පිටුවද බලන්න).

• ඔබ ජීවත් වන්නේ දේවමාළිගාවක් අසන්නයේ නම්, ඔබේ දරුවන්ව එහි රැගෙන ගොස් දේවමාළිගා භූමියේ ගෞරවයෙන් යුතුව ඇවිදීම ගැන සලකා බලන්න. දේවමාළිගාවේ පිටත “ස්වාමින්වහන්සේට ශුද්ධකම—ස්වාමින්වහන්සේගේ ගෘහය” යන වචන සොයා ගැනීමට ඔවුන්ට ආරාධනා කරන්න. මෙම වචනවල තේරුම ගැන ඔබේ දරුවන් සමඟ කතා කරන්න.

• ඔබේ දරුවන්ට දේවමාළිගාවට ඇතුළු විය හැකි දිනය දෙස බලා සිටීමට උපකාර කිරීම සඳහා උපග්‍රන්ථ A හි ඇති “මුතුන් මිත්තන් වෙනුවෙන් බව්තීස්ම වීම සහ තහවුරු වීම” තුළ ඇති අදහස් භාවිතා කිරීම ගැන සලකා බලන්න (“දේවමාළිගාව සහ ප්‍රීතියේ සැලැස්ම” උපග්රන්ථයේ B).

• ඔබ එකට එකතු වී දහම සහ ගිවිසුම් 124:91–92 කියවන විට, ස්වාමින්වහන්සේ හයිරම් ස්මිත්ව කැඳවූවේ කුමක් කරන්නට දැයි සොයාගැනීමට ඔබේ දරුවන්ට උපකාර කරන්න. ආදිපීතෘ ආශිර්වාදයක් යනු කුමක්ද කියා කතා කරන්න: එය ස්වාමින්වහන්සේ අප ගැනත්, අප කළ යුතු දේ හා විය යුතු කෙනා ගැනත් අපට උගන්වන විශේෂ ආශිර්වාදයකි. ඔබේ දරුවන්ට ආදිපීතෘ ආශිර්වාදයක් ලබා ගැනීමට සූදානම් වීමට උපකාර කිරීම සඳහා උපග්‍රන්ථයේ A හි “ආදිපීතෘ ආශිර්වාදයක් ලබා ගැනීම” කොටස භාවිතා කිරීම ගැන සලකා බලන්න.