දහම සහ ගිවිසුම් 121–123

අප හෝ අප ආදරය කරන අය දුක් විඳින විට, දෙවියන්වහන්සේ අප ගැන දැනුවත්ද කියා සිතීම සාමාන්‍ය දෙයකි. ඔබ දහම සහ ගිවිසුම් 121:1–6 කියවන විට, ඔබට ජෝසෆ් ස්මිත්ගේ ප්‍රශ්නවලට සමාන ප්‍රශ්න හෝ හැඟීම් ඇති වූ අවස්ථා ගැන සිතන්න. ඔබට මෙම ප්‍රශ්න හෝ හැඟීම් ඇතිවන විට, ඔබට උපකාර විය හැකි කුමක් ඔබ ස්වාමින්වහන්සේගේ ප්‍රතිචාරයෙන් සොයාගත්තේද? උදාහරණයක් ලෙස, 7–10, 26–33 පද තුළ උන්වහන්සේ පොරොන්දු වන ආශිර්වාද බලන්න. ඔබ සිතන ආකාරයට, “හොඳින් විඳ දරාගැනීම” යන්නෙන් අදහස් කරන්නේ කුමක්ද? මෙය කිරීමට ගැලවුම්කරුවාණන් ඔබට උපකාර කරන්නේ කෙසේද?

ඔබ 122 වෙනි කොටස කියවන විට, ස්වාමින්වහන්සේට අවශ්‍ය වන්නේ ඔබ ඔබේ විපත්ති දෙස කෙසේ බලනවාට දැයි සලකා බලන්න. ඔබගේ පරීක්ෂාවන්ගෙන් ලද අත්දැකීම් සහ ඒවා “[ඔබේ] යහපත සඳහා” (7 වෙනි පදය) ලැබී ඇත්තේ කෙසේදැයි ඔබට මෙනෙහි කළ හැකිය.

තවත් බලන්න ක්වින්ටින් එල්. කුක්, “අභියෝගාත්මක අවස්ථා වලදී පුද්ගලික සාමය,” ලියහෝනා, නොවැ. 2021, 89–92.

ලෞකික බලය විසින් ශුද්ධවන්තයින්ව මිසුරිවලින් පිටතට ගෙන ගිය අතර ජෝසෆ් ස්මිත්ව සිරගත කරන ලදි. නමුත් ජෝසෆ් එහි සිටියදී, ස්වාමින්වහන්සේ ඔහුට වෙනත් ආකාරයක බලයක් ගැන ඉගැන්වුවා: ඒ “ස්වර්ගයේ බලයන්” වන උන්වහන්සේගේ බලයයි. දහම සහ ගිවිසුම් 121:34–46 තුළ එම බලය ගැන කියවීමෙන්, ඔබ එම බලය ලබාගන්නේ කෙසේද—සහ අන් අයට ආශිර්වාද කිරීම සඳහා එය භාවිතා කරන්නේ කෙසේද කියා ඉගෙන ගැනීමට උදව් ලැබෙනවා. සමහර විට ඔබට ස්වර්ගයේ බලයන් සහ ලෞකික බලය ලෙස ලේබල් කර ඇති තීරු සහිත වගුවක ඔබ ඉගෙන ගන්නා දේ වාර්තා කළ හැකිය. මෙම බලයන් වර්ග දෙක වෙනස් වන්නේ කෙසේද? ස්වාමින්වහන්සේගේ බලය පිළිබඳ මෙම විස්තර උන්වහන්සේ ගැන ඔබට උගන්වන්නේ මොනවාද?

ඔබට 41 වෙනි පදයේ ඇති පෙළඹවීම යන වචනය ද මෙනෙහි කළ හැකිය. සමහරවිට පවුල් සබඳතාවකදී, පාසලේදී, රැකියාවේදී හෝ සභා පැවරුමකදී—ඔබට යහපත සඳහා පෙලඹවීමක් කිරීමට අවශ්‍ය සමහර අවස්ථා මොනවාද? දෙවියන්වහන්සේ තම දරුවන්ට පෙලඹවීම් කරන ආකාරය ගැන 41–46 පද වලින් ඔබ ඉගෙන ගන්නේ මොනවාද? මෙවැනි වාක්‍යයක් සම්පූර්ණ කිරීමෙන් ඔබට ඔබ ඉගෙන ගන්නා දේ සාරාංශගත කළ හැකිය: “ යහපත සඳහා පෙලඹවීම් කිරීමට, මම කරන්නේ .”

තවත් බලන්න ජෙෆ්රි ආර්. හොලන්ඩ්, “ලෝකය දෙන ආකාරයට නොවේ,” ලියහෝනා, මැයි 2021, 35–38.

9:14

ඔබ සිතන ආකාරයට, යේසුස් ක්‍රිස්තුස්වහන්සේ “ඒ සියල්ලටම වඩා දේවල් අත්විඳ ඇත්තේය” යනුවෙන් පැවසීමෙන් අදහස් කරන්නේ කුමක්ද? මෙම වාක්‍ය ඛණ්ඩය තේරුම් ගැනීමට ඔබට උපකාර විය හැකි අමතර පද කිහිපයක් මෙන්න: යෙසායා 53:3–4; හෙබ්‍රෙව් 2:17–18; 1 නෙපී 11:16–33; ඇල්මා 7:11–13. ඔබ ඉගෙන ගන්නා දේ මත පදනම්ව, ඔබේම වචන වලින් දහම සහ ගිවිසුම් 122:8 නැවත ලිවීම ගැන සලකා බලන්න. සියලු දේවල් විඳ ගැනීම වෙනුවෙන් යේසුස් ක්‍රිස්තුස්වහන්සේට ඔබේ කෘතඥතාව පෙන්විය හැක්කේ කෙසේද?

සභාපති ඩැලන් එච්. ඕක්ස්ගේ මෙම අදහස් ඔබගේ අවබෝධයට බලපාන්නේ කෙසේද? “සියල්ලක්ම විඳ දරාගත් [යේසුස් ක්‍රිස්තුස්වහන්සේ] අපව ඔසවා තැබීමට සහ අපගේ දුක් වේදනා විඳදරාගැනීමට අවශ්‍ය ශක්තිය අපට ලබා දීමට පරිපූර්ණව සූදානම් බව අපට පැවසිය හැකිය” (“Strengthened by the Atonement of Jesus Christ,” Liahona, Nov. 2015, 64).

දහම සහ ගිවිසුම් 123:7–8 හි, ශුද්ධවන්තයින්ට හිංසා කිරීම ඇතුළු දුක් වේදනාවලට තුඩු දුන් ව්‍යාජ විශ්වාසයන් ගැන ජෝසෆ් ස්මිත් සඳහන් කළා. 1839 මාර්තු මාසයේදී, ශුද්ධවන්තයින්ට ඒ ගැන කළ හැකි බොහෝ දේ නොමැති බව පෙනෙන්නට තිබුණා. නමුත් ලිබර්ටි සිරගෙදර සිට ලියූ ඔහුගේ ලිපිවල ජෝසෆ් ඔවුන්ට කළ හැකි දේ ඔවුන්ට පැවසුවා: “සියලු සිද්ධාන්තයන් පිළිබඳ දැනුම එක්රැස් [කරන්න]” එවිට “දෙවියන්වහන්සේගේ ගැලවීම දැකීමටද, එවිට අපි ස්ථාවරව, උපරිම සහතිකයක් සමඟින් නැගීසිටිනු ඇත” (දහම සහ ගිවිසුම් 123:1, 17). ඔබ අද ලෝකයේ පවතින ගැටලු ගැන සලකා බලන විට, “[ඔබේ] බලය තුළ පවතින” (12, 17 පද) ප්‍රශ්න වලට විසඳුම් සෙවීමේ ක්‍රම ගැන සිතන්න. පෙනෙන පරිදි “සුළු දේවල්” නොසලකා හරින්න එපා (15 වෙනි පදය). මේ දේවල් “ප්‍රීතියෙන් යුතුව” කිරීම වැදගත් වන්නේ ඇයි? (17 වෙනි පදය).

මෙම ලිපියෙන් ජෝසෆ් ඉල්ලා සිටි බොහෝ වාර්තා රජයට ඉදිරිපත් කර, කොටස් 11 කින් යුත් මාලාවක් ලෙස නාවූ පුවත්පතේ, ටයිම්ස් ඇන්ඩ් සීසන්ස් හි ප්‍රකාශයට පත් කරන ලදි (බලන්න “A History, of the Persecution, of the Church of Jesus Christ, of Latter Day Saints in Missouri, December 1839–October 1840,” [josephsmithpapers.org]).

• ඉන්පසුව, ඔබ එකට එකතු වී දහම සහ ගිවිසුම් 121:1–9 කියවන විට, ජෝසෆ්ට සාමය දැනීමට ගැලවුම්කරුවාණන් ඔහුට උපකාර කළ ආකාරය ගැන කතා කළ හැකිය. දුෂ්කර කාලවලදී පවා, අපිට ගැලවුම්කරුවාණන් තුළ සාමය සොයාගත හැක්කේ කෙසේද?

  

  1:51

  

  62:4

• අපගේ අභියෝග “[අපගේ] යහපත සඳහා විය හැකි” (දහම සහ ගිවිසුම් 122:7) බව හඳුනාගැනීමට ඔබේ දරුවන්ට උපකාර කිරීම සඳහා, අපි බර දෙයක් රැගෙන යන විට අපගේ මාංශ පේශි වර්ධනය වන ආකාරය ගැන ඔවුන් සමඟ කතා කළ හැකිය. බර දෙයක් ඔසවන්නට පවා ඔබට ඔවුන්ට ආරාධනා කළ හැකිය. දුෂ්කර කාලවලදී අපි උපකාර පතා ස්වාමින්වහන්සේ දෙසට හැරෙන විට, එම දුෂ්කරතා අපගේ ආත්මයේ වර්ධනයට උපකාර වන ආකාරය ගැන එවිට ඔබට කතා කළ හැකිය. ඔබේ ජීවිතයෙන් උදාහරණ කිහිපයක් බෙදා ගන්න.

• සමහරවිට ඔබේ දරුවන්ට “ස්වර්ගයේ බලයන්” තේරුම් ගැනීමට ඒ හා සමාන දෙයක් ගැන කතාකිරීම උපකාර වනු ඇත. නිදසුනක් වශයෙන්, ඔබට දෙවියන්වහන්සේගේ බලය විදුලි බලයට සමාන කළ හැකිය. විදුලි උපාංගයකට විදුලි බලය ලැබීම වැළැක්විය හැක්කේ මොනවාටද? අපගේ අධ්‍යාත්මික බලය අඩු කරන්නේ මොනවාද? එය වැඩි කරන්නේ මොනවාද? (දහම සහ ගිවිසුම් 121:34–46 තුළ ඇති වචන සහ වාක්‍ය ඛණ්ඩ සොයන්න; ප්‍රධාන අත්පොත, 3.5, 3.6, ශුභාරංචි පුස්තකාලය.)

• ඔබේ දරුවන් සමඟ දහම සහ ගිවිසුම් 122:7–9 කියවීමෙන් පසු, දුෂ්කර අභියෝගයදී ගැලවුම්කරුවාණන් ඔබ සමඟ සිටින බව ඔබට හැඟුණු අත්දැකීමක් ඔවුන් සමඟ බෙදාගත හැකිය.

• ඔබේ දරුවන්ට දහම සහ ගිවිසුම් 123:15–17 තේරුම් ගැනීමට උපකාර කිරීම සඳහා, ඔබට ඔවුන් සමඟ විශාල නැවක සහ කුඩා සුක්කානමක පින්තූරයක් බෙදා ගැනීමට හෝ “මාගේ ශුභාරංචියේ මූලධර්ම” හි වැඩිහිටි ඩේවිඩ් ඒ. බෙඩ්නර්ගේ පැහැදිලි කිරීම ඔවුන් සමඟ බෙදා ගැනීමට හැකිය (ලියහෝනා, මැයි 2021, 125–26). ඉන්පසු අපගේ පවුලේ අයට සහ මිතුරන්ට සතුටින් සේවය කළ හැකි කුඩා ක්‍රම ගැන ඔබට කතා කළ හැකිය.

15:0