Сургаал ба Гэрээ 121–123

Бид эсвэл хайртай хүмүүс маань зовж шаналах үед Бурхан биднийг ойлгож байгаа эсэхэд эргэлзэх нь байдаг л зүйл. Та Сургаал ба Гэрээ 121:1–6-г уншихдаа Иосеф Смитийнхтэй төстэй мэдрэмж эсвэл асуулттай тулгарч байсан үеэ бод. Та Их Эзэний хариултаас эдгээр асуулт эсвэл мэдрэмж төрж байх үед танд тус болж болох юуг мэдэж авсан бэ? Жишээ нь: 7–10, 26–33-р шүлгээс Түүний амласан адислалуудыг анзаарч харна уу. Та “… дажгүй давах” гэдгийг ямар утгатай үг гэж бодож байна вэ? Ийн үйлдэхэд Аврагч танд хэрхэн тусалдаг вэ?

Та 122-р хэсгийг уншихдаа, Аврагч танаас зовлон зүдгүүрийг хэрхэн харахыг хүсэж байгааг эргэцүүлэн бод. Та зовлон бэрхшээлийнхээ үед мэдэрсэн зүйлсийг мөн тэдгээр нь хэрхэн “[таны] сайн сайхны төлөө” байсныг тунгаан бодож болох юм (7-р шүлэг).

Мөн Квинтин Л.Күкийн “Хүнд хэцүү цаг үе дэх хувийн амар амгалан” захиасыг 2021 оны 11-р сарын Лиахонагийн х. 89–92-оос; “Хаана амар тайван байна?” дууллыг Дуулал номын д. 62-оос үзнэ үү.

Дэлхийн хүч тухайн үеийн гэгээнтнүүдийг Миссуриг орхин явахад мөн Иосеф Смитийг шоронд ороход хүргэсэн юм. Иосефыг шоронд байх үед Их Эзэн түүнд өөр нэг хүчний талаар заасан. Энэ бол “Тэнгэрийн хүч” болох Түүний хүч. Сургаал ба Гэрээ 121:34–46 дээрээс энэ хүчний талаар унших нь танд уг хүчийг хэрхэн хүлээн авах мөн бусдыг адислахад хэрхэн ашиглах талаар сурч мэдэхэд туслах болно. Та Тэнгэрийн хүч ба Дэлхийн хүч гэсэн гарчигтай хүснэгт үүсгэн сурсан зүйлсээ тэмдэглэн авч болох юм. Энэ хоёр төрлийн хүч юугаараа хоорондоо ялгаатай вэ? Бурханы хүчний талаарх эдгээр тодорхойлолт Түүний талаар танд юу зааж байна вэ?

Та 41-р шүлэг дээрх нөлөө гэдэг үгийг тунгаан бодож болох юм. Ямар нөхцөл байдалд та сайн нөлөө үзүүлэхийг хүсдэг вэ? Эдгээрт гэр бүлийн харилцаанд, сургууль, ажил дээр мөн Сүмийн үүрэг даалгаврын тухайд зэрэг нь байж болно. Та 41–46-р шүлгээс Бурхан хүүхдүүддээ хэрхэн нөлөөлдөг талаар юу мэдэж авч болох вэ? Та дараахтай төстэй өгүүлбэрийг гүйцээн сурсан зүйлсээ хураангуйлж болох юм. “-д сайн нөлөө үзүүлэхийн тулд би.”

Мөн ахлагч Жэффри Р.Холландын “Ертөнцийн өгдгөөс өөрийг” захиасыг 2021 оны 5-р сарын Лиахонагийн х. 35–38-аас; Дэвид А.Бэднарын “Тэнгэрийн хүч” захиасыг 2012 оны 4-р сарын Ерөнхий чуулган сэтгүүлээс; “The Powers of Heaven” (video)-ийг Gospel Library-аас үзнэ үү.

9:14

Есүс Христ “бүх [зүйлээс] … доош бууж ирсэн” гэж хэлэх нь ямар утгатай гэж та бодож байна вэ? Танд энэ хэллэгийг ойлгоход тус болох нэмэлт шүлгүүдийг харна уу. Үүнд: Исаиа 53:3–4; Еврей 2:17–18; 1 Нифай 11:16–33; Алма 7:11–13. Сурсан зүйлс дээрээ үндэслэн Сургаал ба Гэрээ 122:8-ыг өөрийн үгээр давтан хэл. Та бүх зүйлээс доош бууж ирсэнд нь Есүс Христэд талархлаа хэрхэн илэрхийлж болох вэ?

Ерөнхийлөгч Даллин Х.Өүксийн хэлсэн зүйл таны ойлголтод хэрхэн нөлөөлж байна вэ? “[Есүс Христ] бүхнээс доогуур буусан учраас зовлон шаналлаа даван туулахад хэрэгтэй хүч чадлыг бидэнд өгөхийн төлөө мөн биднийг өргөхийн тулд төгс байдлаар байр сууриа эзэлсэн гэж бид хэлж болох юм” (“Есүс Христийн Цагаатгалаар хүчирхэгжсэн,” 2015 оны 10-р сарын Ерөнхий чуулган, 53).

Сургаал ба Гэрээ 123:7–8 дээр Иосеф Смит зовлон шаналал болон гэгээнтнүүдийг хавчлагад хүргэдэг хуурамч итгэлийн талаар өгүүлжээ. 1839 оны 3-р сард гэгээнтнүүдэд энэ тухайд хийж чадах зүйл үгүй мэт санагдаж байсан байх. Гэвч Иосеф Либерти шоронгоос бичсэн захидалдаа, тэдний хийж чадах зүйлсийн талаар “бүх баримтын мэдлэгийг [цуглуулж],” “бат итгэлтэйгээр бат зогсож Бурханы авралыг хар” гэж хэлсэн (Сургаал ба Гэрээ 123:1, 17). Та өнөөгийн дэлхийн асуудлуудыг эргэцүүлэхдээ “[өөрийн] хүчинд байгаа” зүйлсийг шийдвэрлэх арга замуудыг бод (12, 17-р шүлэг). Мөн “жижиг зүйлүүдийг” (15-р шүлэг) ч бүү орхигдуул. Яагаад эдгээр зүйлийг “хөгжил хөөртэйгөөр” хийх нь чухал вэ? (17-р шүлэг).

Энэ захидалд Иосефын хүссэн шастируудын олон нь засгийн газарт хүргэгдэж, Times and Seasons (Цаг үе ба улирал) хэмээх Наувугийн сонинд 11 хэсэгтэй цуврал болон нийтлэгджээ (A History, of the Persecution, of the Church of Jesus Christ, of Latter Day Saints in Missouri, December 1839–October 1840,” [josephsmithpapers.orgj]-ийг үзнэ үү).

• Иосеф Смит болон түүний нөхдөд Либерти шоронд ямар байсныг төсөөлөхөд нь хүүхдүүддээ туслахын тулд хамтдаа “46-р бүлэг: Иосеф Смит Либерти шоронд” (Сургаал ба Гэрээний түүхүүд, 172–174)-ыг унших эсвэл “Сэргээлтийн дуу хоолой: Либерти шорон” мөн “Иосеф Смит: Сэргээлтийн бошиглогч” видеоны хэсгийг үзэж болно (Gospel Library, 41:30 минутаас эхлэн үзэх). Дараа нь Сургаал ба Гэрээ 121:1–9-ийг хамтдаа уншаад, Аврагч Иосефт амар амгаланг мэдрэхэд нь хэрхэн тусалсан талаар ярьж өгч болно. Бид хүнд хэцүү цаг үед Аврагчаас амар амгаланг хэрхэн мэдрэх вэ?

  

  1:51

  

  62:4

• Бидний зовлон бэрхшээл “[бидний] сайн сайхны төлөө байх” (Сургаал ба Гэрээ 122:7) боломжтой гэдгийг таньж мэдэхэд нь хүүхдүүдэд туслахын тулд хүнд зүйл өргөхөд булчингууд маань хэрхэн хөгждөг тухай тэдэнтэй ярилц. Та тэднээс хүнд зүйл өргөхийг хүсэж болох юм. Дараа нь биднийг Их Эзэнд хандан тусламж хүсэхэд та хүнд хэцүү үеийг даван туулах нь бидний сүнсийг өсөж хөгжихөд хэрхэн тусалдаг талаар ярьж өг. Амьдралынхаа зарим жишээнээс хуваалц.

• Хүүхдүүдэд “тэнгэрийн хүч”-ийн талаар ойлгоход харьцуулалт тусалж болох юм. Жишээ нь: Та Бурханы хүчийг цахилгаан хүчдэлтэй харьцуулж болно. Цахилгаан тоног төхөөрөмжид эрчим хүч хүлээн авахад юу саад учруулж болох вэ? Бидний сүнслэг хүчийг юу бууруулдаг вэ? Харин энэ хүчийг юу нэмэгдүүлдэг вэ? (Сургаал ба Гэрээ 121:34–46 дахь үг, хэллэгүүдийг хайж ол; мөн Gospel Library-аас Ерөнхий гарын авлагын 3.5, 3.6-г үзнэ үү.)

• Хүүхдүүдтэй хамт Сургаал ба Гэрээ 122:7–9-ийг уншсаны дараа та хүнд хэцүү сорилт бэрхшээлийн үед Аврагчийг өөртэйгөө хамт байсныг мэдэрч байсан туршлагаасаа тэдэнтэй хуваалцаж болох юм. “Есүс над шиг хүүхэд байв” (Хүүхдийн дууны ном, 34) зэрэг дууг хамтдаа дуулаад, Есүс Христ бидэнд ямар байгааг мэддэг тул бидэнд тусалж чадна гэдгийг гэрчил.

• Хүүхдүүдэд Сургаал ба Гэрээ 123:15–17-г ойлгоход нь туслахын тулд та том хөлөг онгоц болон жижиг залуурын зургийг үзүүлэх эсвэл ахлагч Дэвид А.Бэднарын “Миний сайн мэдээний зарчмууд” (Лиахона, 2021 оны 4-р сар) гэсэн захиасандаа өгсөн тайлбарыг хуваалц. Дараа нь та гэр бүл, найз нөхдөдөө баяр хөөртэй үйлчилж болох жижиг арга замуудын талаар ярьж өгч болно.

15:0