Whakaakoranga me ngā Kawenata 109–110

I rerekē te Temepara o Katarana i ngā temepara e mōhiotia ana e tātou i ēnei rā. Hei tauira, kāore ōna ahurewa, ōna rumakanga rānei. Engari ko ngā manaakitanga kua whakamāramahia ake nei i wāhanga 109, e wātea tonutia ana te karakia whakatapu mō te Temepara o Katarana i roto i te whare o te Ariki i tēnei rā. Me arotake ngā whiti e whai ake nei kia rapua ētahi o ēnei manaakitanga, me te āta whakaaroaro me pēhea ērā mea e whakakahangia ake tō hononga ki te Matua i te Rangi rāua ko Ihu Karaiti.

Whiti 5, 12–13 (tirohia anōtia Whakaakoranga me ngā Kawenata 110:6–8): I roto i te whare o te Ariki, Māna e whakakite ia Ia anō ki ahau, ā, ka rongo au i Tōna mana.

Whiti 9, 15–19, 26, 78–79:

Whiti 21–23:

Whiti 24–33, 42–46:

Whiti 35–39:

Ērā atu manaakitanga:

Mehemea kua tae atu koe ki te whare o te Ariki, me huri ō whakaaro ki te āhua i whakatutukihia ēnei whakaari i roto i tō oranga.

I titoa te hīmene “The Spirit of God” (Hymns, no. 2) mō te whakatapunga o te Temepara o Katarana—ā, kua waiatahia i ngā whakatapunga o ia temepara, o ia temepara mai i taua wā. Me waiata, me whakarongo e koe hei wāhi nō tō rangahau me tō koropiko. He aha ngā manaakitanga o te temepara e kitea ai e koe i roto i tēnei hīmene?

Ko te wāhanga 109 tētahi karakia whakatapu i homai ai ki te Poropiti a Hōhepa Mete mā runga i te whakakitenga (tirohia te kōwae wāhanga). He aha ngā akoranga māu mō te karakia i tēnei wāhanga? Hei tauira, māu pea e tuhi iho ngā mea i whakamoemititia ai e te Poropiti, ā, he aha hoki ngā manaakitanga i tonoa ai e ia. He aha atu ngā mea i kōrerohia ai e ia i tēnei karakia? I a koe e rangahau ana, me tātari e koe tō ake ara whakawhitinga kōrero ki te Matua i te Rangi. He aha ngā akoranga māu Mōna, ā, mō Tana Tama i tēnei karakia?

Mehemea kei te hiahia koe ki te pānui i ngā karakia whakatapu o ētahi atu temepara, tae atu ana ki te temepara e pātata ake ana ki a koe, tēnā, kia peka atu koe ki te whārangi temples.ChurchofJesusChrist.org.

I a koe e pānui ana i ngā whakamāramatanga mō te Kaiwhakaora i Whakaakoranga me ngā Kawenata 110:1–10, tae atu ana anō ki te kōwae wāhanga, me huri ō whakaaro ki ngā kōrero i roto i ēnei whiti Mōna.

Me pēhea a Ihu Karaiti e whakakite i a Ia anō—e whakamōhiotia rānei koe Mōna—i roto i Tōna whare? He aha Tāna hei whakamōhio mai ki a koe kei te whakaae Ia ki ō whakahere?

I mua tata i te putanga mai a Mohi, Eria, rātou ko Irāia i roto i te temepara ki te whakahoki i ngā kī o te tohungatanga, i kī ake a Ihu Karaiti, “Koinei te tīmatanga o te manaakitanga e riringihia iho ki runga i ngā māhunga o tōku iwi” (Whakaakoranga me ngā Kawenata 110:10). I a koe e pānui ana i ngā whiti 11–16, me whakaaro ki ngā manaakitanga e riringihia iho ana e te Kaiwhakaora ki runga ki a koe mā roto i ngā mahi e whakahaerehia ana e ēnei kī. Hei tauira:

• Witi 11: Ko Mohi me ngā kī o te whakahuihuitanga o Iharaira (te mahi mihingare rānei). He aha tā te Kaiwhakaora hei manaaki i a koutou ko tō whānau i roto i ngā mahi mihingare o Tana Hāhi?

• Whiti 12: Ko Eria me ngā kī o te rongopai o Aperahama, me te kawenata Aperahamika. He aha tā te Kaiwhakaora hei manaaki i a koe me “ngā whakatipuranga whai muri iho [i a koe]” he mea nā ō kawenata? (Tirohia tā Russell M. Nelson, “The Everlasting Covenant,” Liahona, Oketopa 2022, 4–11; Kupu Aratohu ki ngā Karaipiture, “Elias,” Wharepukapuka Rongopai.)

• Whiti 13–16: Ko Irāia me te mana hīri, i whakakitea mai nei mā roto i ngā mahi temepara me ngā mahi whakapapa. Ki ō whakaaro, he aha e hiahia ai te Ariki kia hono koe ki ō tūpuna mā roto i ngā tikanga tapu o te temepara? (Tirohia Gerrit W. Gong, “Happy and Forever,” Liahona, Noema 2022, 83–86.)

He aha ngā hononga e kite nei koe i waenganui i ēnei kī me ngā haepapa i roto i ngā mahi a te Atua mō te whakaoranga me te whakateiteitanga (e pūmau ana ki te rongopai, e atawhai ana i ngā tāngata e hapa ana, e pōhiritia ana te katoa ki te whakarongo ki te rongopai, me te whakakotahi i ngā whānau hei whānau mau tonu)?

He aha ngā āhuatanga kua pā nei ki a koe i roto i ngā mahi a te Atua mō te whakaoranga me te whakateiteitanga? He aha ngā akoranga māu e pā ana ki te Kaiwhakaora, Tana Hāhi, me Tana mahi?

• Me kōrero koutou ko ō tamariki e pā ana ki tētahi āhuatanga pai rawa o tō kāinga. Kātahi ka titiro atu koe ki tētahi pikitia o te Temepara o Katarana me te whakamahi i Whakaakoranga me ngā Kawenata 109:12–13; 110:1–7 kia kōrero tahi e pā ana ki te whakatapunga o taua temepara hei whare nō te Ariki (tirohia anōtia “Chapter 39: The Kirtland Temple Is Dedicated,” i Doctrine and Covenants Stories, 154, te whitiāhua rānei e hāngai ana i te Wharepukapuka Rongopai). Tohaina atu tētahi me tētahi e pā ana ki tētahi āhuatanga pai rawa o te whare o te Ariki.

  

  2:17

• Tērā pea me whakaaro koutou ko ō tamariki anō nei kei te kimihia tō koutou whare e tētahi hoa. Me pēhea tātou e āwhina i tō tātou hoa kia kimihia tō tātou whare? Me pēhea tātou e mōhio ai ko te temepara te whare o te Ariki? (tirohia Whakaakoranga me ngā Kawenata 109:12–13).

• Māu e whakamahi te whārangi mahi mō tēnei wiki, te “Chapter 40: Visions in the Kirtland Temple” (i Doctrine and Covenants Stories, 155–57, e whitiāhua rānei e hāngai ana i te Wharepukapuka Rongopai). Māu anō te pikitia kei te pito whakamutunga o tēnei whakatakotoranga e whakamahi.

  

  1:17

• Hei ako e pā ana ki te hiranga o ngā mea i heipū ake ki te Temepara o Katarana, me kōrero tahi e koutou ko ō tamariki e pā ana ki te mahi a ngā kī. Me pupuri pea ō tamariki i ētahi kī, kātahi ka riro mā tēnā, mā tēnā hei whakatūwhera ake i tētahi tatau kua raka. Āwhinatia rātou kia rapua te kupu kī i Whakaakoranga me ngā Kawenata 110:11–16, kātahi ka kōrero e pā ana ki ngā manaakitanga e whakatūwheratia ake e ēnei kī. Māu e whakamārama ake ko ngā kī te whakamanatanga a te Atua kia ārahina Tana Hāhi. Tukuna ō kupu whakamānawa mō te Ariki i homai nei ngā kī o te tohungatanga.

• Whai muri iho i te pānui tahi i Whakaakoranga me ngā Kawenata 110:15 me kī ake ki ō tamariki e hāngai ana ki tētahi āhuatanga i pā ai ki a koe nā konā whakatahuritia ai tō ngākau ki ō tūpuna. Waiatahia ngātahitia tētahi waiata, pērā i “Family History—I Am Doing It” (Children’s Songbook, 94).

• He aha tētahi mea hei āwhina kia “whakatahuritia ngā ngākau” o ō tamariki ki ō rātou tūpuna? Ka rapua e koe ētahi whakaaro pai ki FamilySearch.org/discovery. Me mahi tahi kia rapua ai ngā tūpuna e tika ana kia meatia ngā tikanga tapu o te temepara mō rātou. He aha a Ihu e hiahia ai kia mahi tātou i tēnei mahi?