Ko ngā Reo o te Whakahokinga

“Ka taea te whakaharatau i ngā tikanga whakahaere o taua whakatapunga, engari kāore e taea ana e te reo kotahi o tēnei ao te whakamārama i ngā whakakitenga ā-rangi o taua rangi ātaahua. I puta mai ngā anahera ki ētahi, i taua wā tonu rangona te mauri o te wāhi ngaro e te hunga katoa i reira, ā, i kikī ngā ngākau katoa i te ‘hari tē taea te whakakupu me te korōria nui.’”

“Ko tētahi o aku maharatanga tōmua, arā, ko te whakatapunga o te Temepara. I hīkina ake au e tōku matua kātahi ia ka kī mai ki a mātou ka haere mātou, kātahi ka whakamārama mai ia he aha te tikanga o te whakatapu i tētahi whare o te Atua. Ā, ahakoa he tamariki rawa au i tērā wā, kei te maumahara katoa au ki taua rā. E taea ana e au te titiro whakamuri ki ngā tau maha ki tāku i kite ai i taua wā, arā, ko Hōhepa te Poropiti, e tū ana me ōna ringaringa e torona ake ana ki te rangi, kiritea tōna kanohi, e turuturu iho ana ngā roimata i ōna pāpāringa i a ia e kōrero ana i taua rā nui whakaharahara. I te heke ngā roimata o te nuinga i reira. I kikī pohapoha te whare nā konā noho ai ngā tamariki i runga i ō rātou mātua; taku teina ki runga i tōku matua, ahau i runga i tōku whaea. Kei te maumahara tonu au ki ngā panekoti i mau ai māua. Kāore au i rapu i te hiranga nui o aua mea katoa nā te tamariki rawa o tōku hinengaro, engari kia pahemo te wā ka taka haere te kapa, ā, nōku kē te waimarie i reira ahau.”

“I te ahiahi pō i hui tahi au me ngā kaiwhakarite o te hāhi i roto i te whare o te Ariki. I riringihia iho te Wairua—i kite au i te korōria o te Atua, anō nei he kapua nui, i heke iho ai kātahi ka tau iho ki runga i te whare, kātahi ka whakakīngia taua whare me te mea nei he hau pūkerikeri. I kite anō hoki au i ngā arero pūrēhua, anō nei he ahi e tau iho ana ki runga i te tokomaha, … i a rātou e kōrero ana ki ngā reo kē, e poropiti ana anō hoki.”

“I kitea ngā whakakitenga maha. I kite tētahi tangata i tētahi urunga, tētahi kapua rānei e tau iho ana ki runga i te whare, ko tōna kānapa e rite ana ki te rā e whiti iho ana ki runga i tētahi kapua me te mea nei he kōura. I kite ngā mea tokorua i ngā āhua e rite ana ki tō te tangata e rewa ana i te ruma e pupuri ana i ngā kī kānapa i ō rātou ringaringa, me tētahi mekameka kānapa anō hoki i ō rātou ringaringa.”

“I reira te Atua, i reira ana anahera, i waenganui i a rātou te Wairua Tapu … ā, i kikī rātou mai i te tumuaki o ō rātou māhunga tae noa iho ki ngā rekereke o ō rātou waewae ki te mana me te mauri o te Wairua Tapu.”

“[I te wā] i whakaotia te Temepara me tōna whakatapunga … koirā ngā rā e rua tino hari koa rawa atu i tōku oranga katoa. Ko te hīmene i titoa ai i taua wā mō taua hui, arā, ‘Ko te Wairua o te Atua Kaha.’ He pono rawa te taunga iho o te Mauri o te Rangi ki runga i taua whare. … I rongo au koia ko te taunga o te rangi ki te whenua.”