Whakaakoranga me ngā Kawenata 115–120

Nā Tumuaki Russell M. Nelson i kī “he take whakahirahira rawa” te ingoa o te Hāhi (“The Correct Name of the Church,” Liahona, Noema 2018, 87). Me āta whakaaro e koe he aha i pono ai tēnei kōrero i a koe e pānui ana i Whakaakoranga me ngā Kawenata 115:4–6. He aha te hāngai o te ingoa o te Hāhi ki tana mahi me tana mīhana?

Tirohia anōtia 3 Nīwhai 27:1–11.

I a koe e pānui ana i ngā kōrero kaha i Whakaakoranga me ngā Kawenata 115:5–6, me whakaaro ki tā te Ariki e hiahia nei māu, he mema o Tōna Hāhi, hei whakatutuki. Hei tauira, he aha tāu hei “ara ake me te tiaho atu” hei “kara mō ngā iwi rānei”? (whiti 5). He aha ngā marangai ā–wairua e karapotia nei i a koe? Me pēhea koe e rapu “whakaruruhau” mā runga i te huihuinga? (whiti 6).

Tirohia anōtia “Brightly Beams Our Father’s Mercy,” Hymns, no. 335.

Me whakaaro anō nei ko Nuera K. Witini koe, ko tana hoa wahine rānei, a Irihāpeti, i nui ō rāua rawa i Katarana kātahi ka tonoa rāua kia whakarērea atu. He aha tāu e kite nei i Whakaakoranga me ngā Kawenata 117:1–11 mā konā kua āwhina i a koe ki te tāpae i tēnei whakahere? He aha ngā whakahere e meatia nei e koe ki te Atua? He aha ngā akoranga māu e pā ana ki te Atua me Ana mahi?

He rerekē te whakahere i tonoa ai i a Ōriwa Kerenetia i tō ngā Wītini: i tohua ia e te Ariki kia noho tonu ai ki Katarana me te whakatau i ngā take pūtea a te Hāhi. Ahakoa i whakakanohitia te Hāhi e ia i runga i te pono, kāore i tino tutuki i a ia tana mahi. Me huri ō whakaaro ki ngā kupu a te Ariki i Whakaakoranga me ngā Kawenata 117:12–15 me ōna hāngai hoki ki ngā mea kua tonoa e Ia i a koe.

Tirohia anōtia “Far West and Adam–ondi–Ahman,” i Revelations in Context, 239–40.

E whakamāramahia ana e ngā tohutohu i ngā wāhanga 119 me te 120 he aha tēnei mea te whakatekau: ka hoatu e tātou te “whakatekau” o ā tātou whiwhinga (whiwhinga pūtea rānei) ia tau, ia tau (tirohia Whakaakoranga me ngā Kawenata 119:4). Engari he nui kē atu tā ēnei whakakitenga i te tuku whakamārama noa. I kī atu te Ariki ki te Hunga Tapu, nā, mā te whakatekau “te whenua o Hīona e whakatapu.” Ā, ki te kore he ture pēnei, Tāna kī, “e kore e meinga … hei whenua o Hīona ki a koutou” (whiti 6). Kua pēnei rānei ō whakaaro mō te whakatekau? Me pēhea te whakatekau e āwhina kia tapu ake koe, e nui ake tō rite mō Hīona?

He aha tāu e ako ai i ēnei whiti mō tā ngā pononga a te Ariki e whakamahi i ngā pūtea whakatekau? He aha te mea nui ki a koe i te rerenga “mā tōku ake reo ki a rātou” i Whakaakoranga me ngā Kawenata 120?

Kua homai e Erata David A. Bednar tētahi whakamārama pai e pā ana ki te whakamahi i ngā whakatekau me ngā manaakitanga e puta mai ai i te ngohengohe ki tēnei ture i “The Windows of Heaven” (Liahona, Noema 2013, 19–20). Mā ēnei pātai e whai ake nei e āwhina i a koe e rangahau ana i tana karere:

16:55

• Mā wai te whakatau e pā ana ki te whakamahi i ngā whakatekau whai muri iho i te homaitanga ki te Hāhi?

• E whakamahia ana te whakatekau mō te aha?

• He aha ngā manaakitanga e ahu mai ana i te tuku i te whakatekau? Hei tauira, he aha ngā āhuatanga e puta mai ana i tō tuku whakatekau nā konā kaha ake tō hononga ki te Matua i te Rangi rāua ko Ihu Karaiti?

• He aha tāu e ako ai i tā Erata Bednar tono?

• Me pēhea koe e āwhina ai i ētahi atu kia nui ake tō rātou whakapono ki te ture whakatekau a te Ariki?

Tirohia anōtia Maraki 3:8–12; “The Tithing of My People,” i Revelations in Context, 250–55.

• Hei āwhina i ō tamariki kia mārama ai ki te ingoa o te Hāhi me te hiranga hoki o tōna ingoa, me pātai atu mehemea e mōhio ana rātou ki te ingoa whānui o te Hāhi. Kātahi ka taea te hura atu ki a rātou te ingoa i Whakaakoranga me ngā Kawenata 115:4 kātahi ka whakahua ngātahi koutou katoa. I a koutou e pērā ana, me tohu atu i ngā kupu hirahira, ā, he aha hoki te tikanga e hirahira ai aua kupu. Māu hoki e arotake “Chapter 43: Jesus Christ Names His Church” (i Doctrine and Covenants Stories, 164, te whitiāhua e hāngai ana i roto i te Wharepukapuka Rongopai) me waiata rānei “The Church of Jesus Christ” (Children’s Songbook, 77).

0:37

• Tērā pea e mōhio ana ō tamariki ki ētahi tāngata e raru ana, e tika ana kia “whakaruruhauhia” i ngā “marangai o te oranga” (whiti 6). Me pēhea rātou e āwhina i ēnei tāngata? Me tono pea āu tamariki kia tū ina pānui koe i te kupu i e tū i Whakaakoranga me ngā Kawenata 115:5. Me toro atu e rātou ō rātou matimati anō nei ko ngā hīhī o te rā inā pānui koe i te kanapa atu. Me whakamahara i ō tamariki e ahu mai ana tō tātou māramatanga i a Ihu Karaiti, ā, āwhinatia rātou kia rapu whakaaro e pā ana ki ngā huarahi e taea ai te “kanapa atu” pērā i a Ia.

• Me tā e ō tamariki tētahi pikitia e pā ana ki Whakaakoranga me ngā Kawenata 115:6. Hei tauira, me tā e rātou tētahi pikitia mō te marangai me ngā tāngata e whakaruruhauhia ana i roto i tētahi whare Hāhi. He aha te tikanga o te marangai? Me pēhea te Hāhi a te Kaiwhakaora e tuku āwhina ai? Āwhinatia ō tamariki kia whakaaro ake ki tētahi hoa, mema rānei o te whānau, kiritata rānei e hapa ana. He aha tā tātou hei pōhiri mai i a rātou ki te rapu āwhina i te Hāhi o Ihu Karaiti?

• Tonoa ō tamariki kia whakaaro anō nei ko Nuera K. Wītini rātou. Ka pēhea rātou mēnā rānei kua tonoa rātou e te Ariki kia whakarērea e rātou tā rātou mahi papai rawa kia hūnuku atu ki tētahi wāhi hou? (Ka āwhina pea ki te arotake i “Chapter 41: Trouble in Kirtland,” i Doctrine and Covenants Stories, 158–60, me mātaki rānei i te whitiāhua e hāngai ana i te Wharepukapuka Rongopai) I a koutou e pānui tahi ana i Whakaakoranga me ngā Kawenata 117:1–11, tonoa ō tamariki kia aukati i tō pānui ina rongo rātou i tētahi mea mā konā āwhina ai i a rātou kia ū ki te Ariki. He aha ngā whakahere e meatia nei e koe ki te Ariki? He aha Tāna hei manaaki i a tātou?

2:20

• He tamariki noa pea te nuinga o ngā tamariki e whakaakona ana e koe ki te mahi mō te moni me te tuku whakatekau, engari he pai tonu kia mārama ai rātou me pēhea te whakatekau e tautoko ana i ngā mahi a te Ariki puta noa i te ao. Whakamahia ngā pikitia me te whārangi mahi hei te pito whakamutunga o tēnei whakatakotoranga hei āwhina kia mārama ai rātou he aha tēnei mea te whakatekau. (Tirohia anōtia “Chapter 44: Tithing,” i Doctrine and Covenants Stories, 165–66, me mātaki rānei i te whitiāhua e hāngai ana i te Wharepukapuka Rongopai.) Me pēhea te Matua i te Rangi e whakamahi i ngā whakatekau hei manaaki i Ana tamariki? Tohaina atu ō whakaaro e pā ana ki te ture whakatekau me ngā manaakitanga i puta ai ki a koe.

1:33