Whakaakoranga me ngā Kawenata 106–108

I te Whakaakoranga me ngā Kawenata 106 me te 108, i tukuna mai e te Ariki he tohutohu, he whakaari ki ngā mema e rua i karangatia ai ki te mahi i Tana Hāhi. I a koe e rangahau ana i Ana tohutohu, me huri ō whakaaro ki tāu e taea ai hei mahi ki te Ariki—tērā pea he mahi minitatanga, he karangatanga Hāhi, ngā haepapa i tō whānau, ngā kukumetanga rānei o te wairua kia mahi pai.

Ki ō ake whakaaro, he aha te karere a te Ariki ki a koe anō i ēnei whakakitenga? He aha ngā rerenga e tino whai tikanga ana ki a koe? Anei ētahi hei whakaaro māu:

• Nōnahea tuku ai te Ariki i te “aroha [te āwhina rānei] me te whakaū” ki a koe e taea ai e koe te mahi ki a Ia? (Whakaakoranga me ngā Kawenata 106:8).

• He aha te tikanga o te whakakaha i ētahi atu “i roto i āu nā mahi katoa”? (Whakaakoranga me ngā Kawenata 108:7).

I te whiwhinga o Erata Carl B. Cook i tētahi mahi Hāhi uaua, i huri ōna whakaaro ki tētahi tupuna hei whakakaha i a ia anō. Me pānui tērā i tana karere “Serve” (Liahona, Noema 2016, 110–12). Me tuhi e koe tētahi reta ki te akiaki i ōu uri whakaheke—ki a koe rānei—hei whakawhiwhi i ngā tono ki te mahi ki te Ariki. Me kuhu ki roto i tō reta ngā mea pono mai i tā Erata Cook karere, Whakaakoranga me ngā Kawenata 106 me te 108, me ngā āhuatanga kua pā pū ki a koe.

Tirohia anōtia tā Henry B. Eyring, “Walk with Me,” Liahona, Mei 2017, 82–85; Ngā Kaupapa me ngā Pātai, “Serving in Church Callings,” Wharepukapuka Rongopai; “Warren Cowdery” me “‘Wrought Upon’ to Seek a Revelation,” i Revelations in Context, 219–23, 224–28.

Ka timata te Ariki i Tana “whakakitenga mō te tohungatanga” (Whakaakoranga me ngā Kawenata 107, kōwae wāhanga) mā te whakaako i a tātou te ingoa tūturu o te Tohungatanga o Merekihereke (tirohia ngā whiti 1–4). He aha e whakahirahira ai kia mōhio ki tērā? Nā tēnei ingoa, he aha rā ō whakaaro e pā ana ki te tohungatanga?

Me titi tēnei ki tō roro i a koe e pānui ana e pā ana ki te tohungatanga, i roto pū i ngā whiti 18–20. He aha te tikanga o te kōrero, kia “whakatūwheratia ngā rangi”? He aha te tikanga o te kōrero kia “rongo i te piringa tahitanga o te Atua te Matua, me Ihu”? Me pēhea te kaha me te mana o te tohungatanga o te Kaiwhakaora e whakawāteahia ēnei mea katoa ki a koe?

Tirohia anōtia Arami 13:2,16; Whakaakoranga me ngā Kawenata 84:19–27.

Ki ō whakaaro, he aha te tikanga o te hiki ake i ngā pononga a te Ariki he mea nā tō māia? nā tō whakapono? nā āu inoi?

Tirohia anōtia “God Bless Our Prophet Dear,” Hymns, no. 24.

Nā Hōhepa Mete i tohatoha atu te wāhanga 107 i te tau 1835 ki te Kōrama o ngā Āpotoro kātahi anō ka karangahia i taua wā (tirohia te wāhanga taitara). He aha tā te Ariki i whakaako ai ki a rātou e pā ana ki tō rātou karangatanga i ngā whiti 23–24, 33–35, 38? Kua pēhea tō whakaaturanga o Ihu Karaiti i whakakahangia ai e te whakaakonga me te minitatanga o Ana Āpotoro e ora ana?

Hei roto i ngā whiti 91–92, e whakaako ana te Ariki e pā ana ki Tana Āpotoro mātāmua, arā, ko te Tumuaki o te Hāhi. He aha tōna “rite ki a Mohi” (tirohia He Aratohu ki ngā Karaipiture, “Mohi,” Wharepukapuka Rongopai).

Tirohia anōtia tā David A. Bednar, “Chosen to Bear Testimony of My Name,” Liahona, Noema 2015, 128–31.

Kia aro ki tā te Ariki i whakaako ai e pā ana ki ngā kaunihera i Whakaakoranga me ngā Kawenata 107:27–31, 85–89. Mā te aha e whai hua ai tētahi kaunihera? Me pēhea koe e whakahāngai ake i ēnei tikanga i roto i tō karangatanga Hāhi, i tō kāinga, i ērā atu haepapa ōu rānei?

Tirohia anōtia tā Russell M. Nelson, “Family Councils,” Liahona, Mei 2016, 63–65; General Handbook, 4.3–4.4, Wharepukapuka Rongopai.

• I a koutou ko ō tamariki e pānui tahi ana i Whakaakoranga me ngā Kawenata 107:18–19, me whakakaha e koe te rerenga “ngā manaakitanga wairua katoa.” Tērā pea me whakarārangi e koutou ko ō tamariki ngā manaakitanga e ahu mai ai i te tohungatanga. Tērā pea ka huri hei kēmu—tirohia kia kite ai ko wai e taea te whakarite i te rārangi kupu roa ake. Ka tā pikitia ā koutou tamariki, ka rapu rānei i ngā pikitia e hāngai ana ki ēnei manaakitanga (tirohia te whārangi mahimō tēnei wiki). Kātahi koe ka kōrero e pā ana ki te āwhina o ēnei tikanga tapu (pērā i te rumakitanga, te hākarameta rānei) kia whiwhi ai tātou i ngā manaakitanga a te Atua.

• Kei roto i ngā putanga huinga whānui o te Hāhi o te Liahona tētahi whārangi o ngā pikitia o ngā Mana Whānui. Titiro koutou ko ō tamariki ki ēnei pātai i a koutou e pānui ana e pā ana ki ō rātou haepapa i Whakaakoranga me ngā Kawenata 107:21–26, 33–35, 91–92. Me kōrero tahi e koutou ko ō tamariki he aha koe e tuku whakawhetai ai mō te Ariki i homai ēnei haepapa ki a ratou.

• E āhei ana ō tamariki ki te ako tonu anō e pā ana ki ngā pononga a te Ariki ki “General Church Leadership” i ChurchofJesusChrist.org. Me ako pea tēnā tamaiti, tēnā tamaiti e pā ana ki tētahi rangatira kātahi ka whakaako atu e pā ana ki a ia. Tohaina atu e koe ki tētahi me pēhea koe e mōhio ai he pononga tūturu ēnei rangatira nā Ihu Karaiti.

• Whai muri i tō pānui tahi i Whakaakoranga me ngā Kawenata 107:22, me hiki ake e koe tētahi pikitia o te Tumuakitanga Tuatahi kātahi ka kōrero mō ngā mahi hei whakaae atu he pononga rātou nā te Ariki, kātahi ka tukuna mā tētahi atu hei kōrero pērā anō.

• Hei huataki ake i ngā kōrero e pā ana ki tēnei whiti, māu ō tamariki e tono kia mahia tētahi mea me matua aro pūmau katoa hei mahi, pērā i te whakakī i tētahi kapu kia kore ai e māturu iho. Ka ahatia ki te kore tatou e āta haere? Kātahi ka pānui tahi i Whakaakoranga me ngā Kawenata 108:3 kia kite ai he aha tā te Ariki i hiahia hei āta mahi mā tātou. He aha ngā “kī taurangi” (oati, kawenata rānei) e meatia ai e tātou ki te Atua? Me pēhea tātou e kaha ake ai kia āta puritia aua mea e tātou? Māu ētahi wāhanga o tā Tuahine Becky Craven karere “Careful versus Casual” (Liahona, Mei 2019, 9–11) mā konā hihiko ai ngā ngākau o ō tamariki kia hīkaka ki te pupuri i ō rātou kawenata. Waiatahia ngātahitia tētahi waiata e pā ana ki te pupuri i ngā kawenata, pērā i “I Will Be Valiant” (Children’s Songbook, 162).