“29 Septemba–5 Oktoba: ‘Hem I Haos blong Yu, wan Ples blong Tabu Fasin blong Yu’: Doktrin mo Ol Kavenan 109–110,” Kam Folem Mi—Blong Hom mo Jos: Doktrin mo Ol Kavenan 2025 (2025)
“Doktrin mo Ol Kavenan 109–110,” Kam Folem Mi—Blong Hom mo Jos: 2025
Wan Laet blong Glori—Ketlan Tempol, i kam long Glen S. Hopkinson
Septemba 29–Oktoba 5: “Hem I Haos blong Yu, wan Ples blong Tabu Fasin blong Yu”
Doktrin mo Ol Kavenan 109–110
Ol doa blong Ketlan Tempol oli no sapos blong open kasem eit klok moning blong namba 27 Maj 1836. Be Ol Sent we oli bin stap hop blong go long dedikesen seves ia, oli stat blong laen finis long seven klok moning. Wan ples we oli stap long hem i fulap ova afta oli nidim wan nambatu sesen blong save tekem evriwan. Mo i no olgeta we oli bin stap laef nomo we oli wantem tumas blong stap long tetaem ia. Plante witnes oli luk ol enjel, insaed long tempol mo iven long ruf, long taem ia mo afta long dedikesen. I tru tumas se i luk olsem we “ol ami blong heven” oli bin kam blong “singsing mo [blong] singaot” wetem ol Lata-dei Sent (“Spirit Olsem Faea,” STSP, pej 28).
?From wanem man i glad tumas long tugeta saed blong vel? Afta wan handred yia i pas, i gat wan haos blong Lod bakegen long wol ia. Lod i stap mekem promes blong Hem i kamtru blong mekem ol Ol Sent blong Hem oli kavremap olgeta “wetem paoa we i kam long heven” (Doktrin mo Ol Kavenan 38:32). Mo from hemia, Hem i talemaot, hemia i “stat [nomo] blong blesing” (Doktrin mo Ol Kavenan 110:10). Taem ia we yumi stap laef long hem naoia—wetem tempol wok we i spid tumas mo ol odinens we oli gat i stap blong plante milian blong ol man we oli stap laef mo oli ded finis—i bin stat long Ketlan, taem we “naoia rod i open blong trutok i kam long wol” (Spirit Olsem Faea
Luk tu long Saints, 1:232–41; “A House for Our God,” long Revelations in Context, 169–72.
Ol aedia blong Lanem Samting long Hom mo long Jos
Lod i givim long mi ol rij blesing tru ol tempol kavenan.
Ketlan Tempol i defren long ol tempol we yumi save long olgeta tedei. Eksampol, i nogat ol olta mo ples blong mekem baptaes. Be ol blesing we oli tokbaot insaed long seksen 109, dedikesen prea blong Ketlan Tempol, oli gat i stap tu insaed long haos blong Lod tedei. Luklukbak long ol ves ia blong faenem sam long ol blesing ia, mo tingting hevi long olsem wanem oli save helpem ol rilesensip blong yu wetem Papa long Heven mo Jisas Kraes, i kam moa strong.
Ol ves 5, 12–13 (luk tu long Doktrin mo Ol Kavenan 110:6–8): Insaed long haos blong Lod, Hem i save soemaot Hemwan long mi, mo mi save filim paoa blong Hem.
Ol narafala blesing:
Sapos yu bin go insaed long haos blong Lod, tingting abaot olsem wanem ol promes ia oli bin kamtru long laef blong yu.
Hym ia “Spirit Olsem Faea” (STSP, pej 28) oli bin raetem blong oli singsing long dedikesen blong Ketlan Tempol—mo oli stap singsing long hem long evri tempol dedikesen stat long tetaem ia. Tingting blong stap singsing o stap lisin long hem olsem pat blong stadi mo wosip blong yu. ?Wanem ol blesing blong tempol we yu faenem we oli tokbaot insaed long hym ia?
Prea hem i blong toktok wetem Papa long Heven.
Seksen 109 i wan dedikesen prea we Josef Smit i bin kasem tru long revelesen (luk long seksen heding). ?Wanem nao yu lanem abaot prea aot long seksen ia? Eksampol, maet yu save raetemdaon wanem profet i bin talem tangkyu from mo wanem blesing hem i askem. ?Wanem bakegen hem i talem long prea ia? Taem yu stap stadi, maet yu save skelem komunikesen blong yuwan wetem Papa long Heven. ?Wanem nao yu lanem abaot Hem mo Pikinini blong Hem aot long prea ia?
Sapos yu laekem blong ridim ol prea blong dedikesen blong ol narafala tempol, we i tekem tu tempol we i stap kolosap long yu, visitim pej blong tempol long temples.ChurchofJesusChrist.org.
Doktrin mo Ol Kavenan 110:1–10
Lod i save soemaot Hemwan long mi insaed long haos blong Hem.
Taem yu stap ridim wei we oli tokbaot Sevya long Doktrin mo Ol Kavenan 110:1–10, we i stap tu long heding, tingting hevi long wanem ol ves ia oli givim ol tingting abaot Hem.
?Olsem wanem nao Sevya i soem Hemwan—o mekem samsamting blong yu save abaot Hem—insaed long Haos blong Hem? ?Long wanem wei nao Hem i helpem yu blong save se Hem i akseptem ol sakrifaes blong yu?
Insaed long Ketlan Tempol.
Doktrin mo Ol Kavenan 110:10–16
Sevya i daerektem wok blong Hem tru long ol ki blong prishud.
Bifo we, Moses, Elaeas, mo Elaeja oli kamkamaot long tempol blong putumbak ol ki blong prishud, Jisas Kraes i talem, “Hemia i stat blong blesing we bae mi kapsaetem long hed blong ol pipol blong mi” (Doktrin mo Ol Kavenan 110:10). Taem yu stap ridim ol ves 11–16, tingbaot ol blesing we Sevya i stap kapsaetem i kam long yu tru wok we oli daerektem wetem ol ki ia. Eksampol:
-
Ves 11: Moses mo ol ki blong kam tugeta blong Isrel (o misinari wok). ?Long wanem wei nao Lod i blesem yu mo famli blong yu tru ol hadwok blong ol misinari blong Jos blong Hem?
-
Ves 12: Elaeas mo ol ki blong gospel blong Ebraham, we i tekem tu, Kavenan blong Ebraham. ?Olsem wanem nao Lod i blesem yu mo “jeneresen we i stap kam antap afta long [yu]” from ol kavenan blong yu? (Luk long Russell M. Nelson, “Kavenan we I No Save Finis,” Liahona, Oktoba 2022, 4–11; Gaed long Ol Skripja, “Elaeas,” Gospel Laebri.)
-
Ol ves 13–16: Elaeja mo paoa blong siling, oli hapen tru long tempol mo famli histri wok. ?From wanem yu ting se Papa long Heven i wantem yu blong stap konek wetem ol bubu blong yu blong bifo tru long ol odinens blong tempol? (Luk long Gerrit W. Gong, “Stap Hapi mo blong Oltaem,” Liahona, Novemba 2022, 83–86.)
Wanem ol koneksen we yu luk bitwin ol ki ia mo ol responsabiliti blong yumi insaed long wok ia blong fasin blong sevem man mo mekem oli kam olsem wan god (we oli blong stap laef folem gospel, stap kea long ol pipol we oli stap long nid, stap invaetem evriwan blong akseptem gospel, mo blong stap yunaetem ol famli blong taem we i no save finis)?
?Wanem ol eksperiens we yu bin gat wetem wok ia blong God blong sevem man mo blong kam olsem god? ?Wanem nao ol eksperiens ia oli stap tijim long yu abaot Sevya, Jos blong Hem mo wok blong Hem?
Faenem ol wei blong mekem ol narawan tu oli tekempat. Sapos yu stap tij abaot Doktrin mo Ol Kavenan 110:11–16, maet yu save tingting blong stap asaenem wanwan long olgeta we oli stap lan blong stadi abaot Moses, Elaeas o Elaeja mo ol ki we hem i bin putumbak. Afta olgeta we oli stap lan oli save serem wetem wanwan long olgeta, wanem nao oli bin faenemaot. Wan taem olsem i save mekem evriwan oli pat blong stap lanem samting mo stap tij. (Luk long Tij Folem Wei blong Sevya, 24–27).
Blong kasem moa aedia, luk long magasin blong manis ia Liahona mo Blong Ol Yut Oli Kam Strong magasin.
Sam Aedia blong Tijim Ol Pikinini
Doktrin mo Ol Kavenan 109:12–13; 110:1–7
Tempol hem i haos blong Lod.
-
Yu mo ol pikinini blong yu i save tokbaot wan samting we yufala i lavem abaot hom blong yufala. Afta, yufala i save lukluk long wan pikja blong Tempol mo yusum Doktrin mo Ol Kavenan 109:12–13; 110:1–7 blong tokbaot olsem wanem oli dediketem tempol ia mo i kam haos blong Lod (luk tu long “Japta 39: Oli Bin Dediketem Ketlan Tempol,” long Ol Doktrin mo Ol Kavenan Stori, 154, o vidio we i go wetem long Gospel Laebri). Serem wetem wanwan long yufala, wanem we yufala i lavem abaot haos blong Lod.
2:17Chapter 39: The Kirtland Temple Is Dedicated: January–March 1836
-
Maet yu mo ol pikinini blong yu i save pikjarem long maen se, wan fren i stap traem blong faenem haos blong yufala. ?Olsem wanem nao bae yumi helpem fren blong yumi blong save wijwan haos i blong yumi? ?Olsem wanem nao yumi save se tempol i haos blong Lod? (luk long Doktrin mo Ol Kavenan 109:12–13).
Sevya i stap blesem ol pipol blong Hem tru long ki blong prishud.
-
Yu save yusum aktiviti pej blong wik ia o “Japta 40: Visen Insaed long Ketlan Tempol” (long Ol Doktrin mo Ol Kavenan Stori, 155–57, o vidio we i go wetem long Gospel Laebri) blong talem long ol pikinini abaot olgeta man we oli kam long heven we oli bin visitim tempol. Mo tu, yu save yusum pikja long en blong aotlaen ia.
1:17The Kirtland Temple
-
Blong lanem abaot hamas wanem we i hapen insaed long Ketlan Tempol i impoten, yu mo ol pikinini blong yu i save tokbaot wanem nao ol ki ia oli mekem. Maet ol pikinini blong yu oli gat wanwan janis blong holem ol ki mo priten blong openem wan doa we i lok. Helpem olgeta blong faenem toktok ia ol ki insaed long Doktrin mo Ol Kavenan 110:11–16, mo tokbaot ol blesing we ol ki ia oli stap openem i kam. Maet yu save eksplenem se, ol ki blong prishud, oli raet ia we God i givim blong lidim Jos Ia blong Hem. Serem fasin blong yu blong talem tangkyu se Lod i bin givim ol ki blong prishud long yumi.
Sevya i wantem mi blong tanem hat blong mi i go long ol bubu blong mi blong bifo.
-
Afta we yufala i ridim tugeta Doktrin mo Ol Kavenan 110:15 , talem long ol pikinini blong yu abaot wan eksperiens we yu bin gat, we i helpem yu blong tanem hat blong yu i go long ol bubu blong yu blong bifo. Mo tu, tugeta, yufala i save singsing wan singsing abaot “Family History—I Am Doing It” (Children’s Songbook, 94).
-
?Wanem nao bae i help blong “tanem hat” blong ol pikinini blong yu i go long ol bubu blong olgeta? Yufala i save faenem sam gud aedia long FamilySearch.org/discovery. Yufala i save wok tugeta blong faenemaot nem blong ol bubu blong yufala we oli nidim ol odinens blong tempol. ?From wanem Jisas i wantem yumi blong mekem wok ia?
Blong kasem moa aedia, luk long magasin blong Fren long manis ia.