Doktrin mo Ol Kavenan 121–123

Taem yumi, o olgeta we yumi lavem, oli stap safa, hem i nomol blong askem yumiwan sapos God i luksave yumi o nogat. Taem yu stap ridim Doktrin mo Ol Kavenan 121:1–6, tingting abaot ol taem we yu bin gat ol kwestin o filing we i semmak long hemia we Josef Smit i bin gat. ?Wanem nao yu faenem insaed long ansa blong Lod we i save helpem yu taem yu gat ol kwestin o filing ia? Eksampol, long ol ves 7–10, 26–33, luksave ol blesing we Hem i bin promesem. Hem i minim wanem long yu blong “mekem gud … stap strong”? ?Long wanem wei nao Sevya i helpem yu blong mekem hemia?

Taem yu stap ridim seksen 122, tingting long olsem wanem nao Lod i wantem yu blong lukluk long ol samting we oli stap kam agensem yu. Maet yu save tingting hevi long ol eksperiens we oli kam tru long ol hadtaem blong yu mo olsem wanem oli hapen blong “gud blong [yu]” (ves 7).

Luk tu long Quentin L. Cook, “Personal Peace in Challenging Times,” Liahona, Nov. 2021, 89–92; “Where Can I Turn for Peace?,” Hym, namba 129.

Paoa blong wol i fosem Ol Sent blong aot long Misuri mo Josef Smit, blong go long kalabus. Be taem we Josef i stap yet long ples ia, Lod i tijim hem abaot wan defren kaen paoa: paoa blong Hem, “ol paoa blong heven.” Blong stap rid abaot paoa ia insaed long Doktrin mo Ol Kavenan 121:34–46 i save helpem yu blong lanem olsem wanem blong kasem paoa ia—mo olsem wanem blong yusum blong blesem ol narawan. Maet yu save raetemdaon wanem we yu lanem insaed long wan tebol we i gat ol kolom mo makem Ol Paoa blong Heven mo Paoa blong Wol. ?Wanem nao i mekem tufala paoa ia i defren? ?Wanem nao ol toktok ia we i tokbaot paoa blong Lod i tijim yu abaot Hem?

Maet yu save tingting hevi tu long toktok ia fos long ves 41. ?Wanem samfala situesen we yu wantem stap wan paoa blong mekem gud samting—maet insaed long wan rilesensip wetem famli, long skul, long wok o long wan Jos asaenmen? ?Wanem nao yu lanem aot long ves 41–46 abaot olsem wanem God i save mekem jenis long laef blong ol pikinini blong Hem? Maet yu save talem i sot wanem we yu lanem taem yu stap komplitim wan sentens olsem hemia: “Blong fos blong mekem gud, bae mi .”

Luk tu long Jeffrey R. Holland, “Not as the World Giveth,” Liahona, Mei 2021, 35–38; David A. Bednar, “The Powers of Heaven,” Liahona, Mei 2012, 48–51; “The Powers of Heaven” (vidio), Gospel Laebri.

9:14

?Wanem nao yu ting se Jisas Kraes i stap minim taem Hem se “kamdaon long … evri [samting]”? Hemia sam long ol ves we oli ademap we maet i save helpem yu andastanem toktok ia: Aesea 53:3–4; Hibrus 2:17–18; 1 Nifae 11:16–33; Alma 7:11–13. Folem wanem we yu lanem, tingting blong talem bakegen Doktrin mo Ol Kavenan 122:8 long toktok blong yuwan. ?Long wanem wei nao bae yu save soem fasin blong talem tangkyu blong yu i go long Jisas Kraes blong kamdaon long evri samting?

?Olsem wanem nao niu tingting ia we Presiden Dallin H. Oaks i givim, i mekem jenis long andastaning blong yu? “Yumi save talem se, from se Hem i bin kamdaon bitim evri samting, [Jisas Kraes] Hem i stap long stret ples blong leftemap yumi, mo givim yumi paoa ia we yumi nidim blong stap strong tru long ol hadtaem blong yumi” (“Strengthened by the Atonement of Jesus Christ,” Liahona, Nov. 2015, 64).

Long Doktrin mo Ol Kavenan 123:7–8, oli talem Josef Smit olsem wan man blong giaman we i lidim ol pipol, we i tekem tu ol fasin blong givim hadtaem long Ol Sent. Long Maj 1839, i luk olsem se i no gat tumas samting we Ol Sent oli save mekem blong jenisim nogud situesen blong olgeta. Be insaed long ol leta blong hem, we hem i bin raetem insaed long Libeti Kalabus, Josef i bin talem long olgeta abaot wanem oli save mekem: “putum tugeta ol save long saed blong evri samting we i bin hapen,” mo “stanap kwaet, wetem bigfala tras evriwan, blong luk fasin blong God blong sevem man” (Doktrin mo Ol Kavenan 123:1, 17 Taem yu stap tingting long ol problem long wol tedei, tingting long ol wei blong tokbaot olgeta we i “stap long paoa blong [yu]” (ves 12, 17). Mo no ting nating long “ol smol samting” (ves 15). ?From wanem hem i impoten blong mekem olgeta samting ia “wetem glad hat”? (ves 17

Plante long ol samting we Josef i bin askem long leta ia, oli bin sendem i go long gavman, mo oli pablisim olgeta long 11 namba blong wan niuspepa long Nauvu, we oli singaotem Times and Seasons (luk long “A History, of the Persecution, of the Church of Jesus Christ, of Latter Day Saints in Missouri, December 1839–October 1840,” [josephsmithpapers.org]).

• Blong helpem ol pikinini blong yu blong pikjarem long maen blong olgeta se, bae i bin olsem wanem blong Josef Smit mo ol fren blong hem insaed long Libeti Kalabus “Japta 46: Josef Smit in Liberty Jail” (long Ol Doktrin mo Ol Kavenan Stori, 172–74) o “Ol Voes blong Restoresen: Liberty Jail” o wajem pat blong vidio ia, “Josef Smit: Prophet of the Restoration” (Gospel Laebri, stat long 41:30). Afta, tugeta, yufala i save ridim Doktrin mo Ol Kavenan 121:1–9, yufala i save tokbaot olsem wanem Sevya i helpem Josef blong filim pis. ?Olsem wanem nao yumi faenem pis long Sevya, iven long taem blong ol hadtaem?

  

  1:51

  

  62:4

• Blong helpem ol pikinini blong yu oli luksave se ol tes blong laef blong yumi oli blong “gud blong yumi” (Doktrin mo Ol Kavenan 122:7), yu save toktok long olgeta abaot wei we ol masel blong bodi blong yumi oli stap kam bigwan taem yumi karem wan samting we i hevi. Yu save invaetem olgeta tu blong leftemap wan hevi samting. Afta yu save tokbaot olsem wanem blong gotru long ol hadtaem, i save helpem spirit blong yumi blong gro-–sapos yumi tanem yumi i go long Lod blong kasem help. Serem sam eksampol blong laef blong yu.

• Maet, sapos yu komperem sam samting, bae i helpem ol pikinini blong yu blong andastanem “ol paoa blong heven.” Eksampol, yu save komperem paoa blong God wetem lektrik paoa. ?Wanem nao i save blokem wan tul blong lektrik paoa blong i no stap kasem paoa? ?Wanem nao i mekem paoa blong yumi long saed blong spirit i godaon? ?Wanem i mekem i kam antap? (Lukaotem ol toktok mo ol sentens long Doktrin mo Ol Kavenan 121:34–46; luk tu long Jeneral Hanbuk, 3.5, 3.6, Gospel Laebri.)

• Afta we yu ridim Doktrin mo Ol Kavenan 122:7–9 wetem ol pikinini blong yu, maet yu save serem wan eksperiens blong taem we yu bin filim Sevya i bin stap wetem yu long wan hadtaem blong yu. Tugeta, yufala i save singsing wan singsing olsem “Jesus Once Was a Little Child” (Children’s Songbook, 55) mo testifae se Jisas Kraes i save helpem yumi from se Hem i save wanem yumi filim.

• Blong helpem ol pikinini blong yu blong andastanem Doktrin mo Ol Kavenan 123:15–17, yu save serem wetem olgeta wan pikja blong wan bigfala sip mo wan smol stia blong sip o serem wetem olgeta toktok blong Elda David A. Bednar long “Ol Prinsipol blong Gospel blong Mi” (Liahona, Mei 2021, 125–26). Afta, yu save tokbaot ol smol wei we yumi save givim seves wetem glad long famli mo ol fren blong yumi.

15:0