“Septemba 1–7: ‘Bilong Salvesen bilong Zion’: Doktrin na ol Kavanen 94–97,” Kam, Bihainim Mi—Bilong Hom na Sios: Doktrin na ol Kavanen 2025 (2025)
“Doktrin na ol Kavanen 94-97,” Kam, Bihainim Mi—Bilong Hom na Sios: 2025
Kirtland Temple, Al Rounds i mekim
Septemba 1–7: “Bilong Salvesen bilong Zion”
Doktrin na ol Kavanen 94–97
Bipo tru, Bikpela i komandim Moses long wokim wanpela tabenakel “bihainim paten Em i soim long [em] long maunten” (Hebrews 8:5; lukim tu Exodus 25:8–9). Tabenakel bin mas namel bilong kemp bilong Israel long hap nogat man i stap.(lukim Numbers 2:1–2).
Long 1833, Bikpela i komandim Joseph Smith long bildim ol temple “i no bihainim pasin bilong wol” tasol “bihainim wei Mi bai soim ” (Doktrin na ol Kavanen 95:13–14; lukim tu 97:10). Olsem tabenakel long hap nogat man i stap, temple i olsem wanpela samting i sanap namel long Kirtland (lukim Doktrin na ol Kavanen 94:1).
Tede, ol temples i stap long planti hap bilong wol. Maski sapos ol i no stap namel long ol siti bilong yumi, ol i pointim yumi i go long Krais, husat i namel bilong laip bilong yumi. Wanwan temple i narakain liklik long wanpela narapela, insait long ol yumi lainim wankain samting—wanpela plen bilong heven bai bringim yumi i go bek long stap wantaim God. Ol sekred odinens na kavanen bai konektim yumi long Krais na strongim ol famili bilong yumi “i no long pasin bilong wol” tasol bihainim pasin God i soim yumi.
Lukim Seints, 1:169–70; “A House for Our God,” long Revelations in Context, 165–73.
Ol aidia bilong Lainim long Hom na long Sios.
Doktrin na ol Kavanen 94; 97:10–17
Mi ken “givim mi yet i go long Bikpela.”
Long Doktrin na ol Kavanen 94, Bikpela i givim instraksen long kirapim ol opis bilding long Kirtland—wanpela opis na wanpela haus bilong printing. Yu pilim wanem long ol samting Bikpela i tok long ol dispela bilding long Doktrin na ol Kavanen 94:2–12? Hau na em i narakain wantaim wanem Em i tok long temple in 97:10–17?
Em i min wanem long yu “givim yu yet i go long Bikpela”?
Doktrin na ol Kavanen 95
Bikpela bai stretim ol lain husat Em i lavim.
Taim revelesen long seksen 95 i bin kam, sampela faipela mun i go taim Bikpela i komandim ol Seints long bildim wanpela haus bilong God (lukim Doktrin na ol Kavanen 88:117–19)—na ol i no bin stat yet. Lukim hau Bikpela i stretim ol long dispela revelesen. Yu bai mekim wanpela lis long ol as bilong lo yu painim long givim gutpela tingting na stretim rong. Yu lainim wanem long Bikpela long wei Em i stretim ol Seint bilong Em?
Lukim tu Doktrin na ol Kavanen 121:43–44; D. Todd Christofferson, “As Many as I Love, I Rebuke and Chasten,” Liahona, Mei 2011, 97–100.97–100).
God Loves His Children
Doktrin na ol Kavanen 95:8, 11–17; 97:10–17
Temple em i haus bilong Bikpela.
Bihain long Em i stretim ol long ol i no bildim wanpela haus bilong Bikpela long Kirtland, ol Sios lida i susim wanpela hap long wanpela wit pil we ol bai bildim. Hyrum Smith, brata bilong Profet, hariap tru ron i go long kisim wanpela skais long kliarim pil. “Yumi redi long bidlim wanpela haus bilong Bikpela,” em i tok, “na mi mas strong long kamap nambawan long dispela wok” (long Teachings of Presidents of the Church: Joseph Smith [2007], 271, 273). Wai yu ting Hyrum bin amamas tru long bildim temple? Tingting long dispela taim yu ritim Doktrin na ol Kavanen 95:8, 11–17; 97:10–17.
Long de bilong yumi, Bikpela “i hariapim ol wokabaut long yumi bildim ol temple” (Russell M. Nelson, “Focus on the Temple,” Liahona, Nov. 2022, 121). Sapos wanpela i askim yu wai Sios bilong Jisas Krais i save bildim ol planti temple, bai yu tok wanem? Lukim ol sampela ansa long:
-
Ol toktok bilong Presiden Russell M. Nelson anaunsim ol nupela temple (olsem “Now Is the Time,” Liahona, Mei 2022, 126).
-
“Why Latter-day Saints Build Temples” (temples.ChurchofJesusChrist.org).
-
Ol vidio “Temples” (Gospel Librari).
What Is a Temple?
Yu ken skelim wok bilong ol Seint long bildim Kirtland Temple long ol wok bilong yu long redi gut long ol ekspiriens wantaim Bikpela long. Hau na yu ken soim wankain pasin Hyrum Smith i pilim i go long holi haus bilong Bikpela? Eksampel, wanem yu ken mekim bai olsem kliarim pil, olsem Hyrum i wokim? Wanem ol sakripais yu pilim Bikpela i laikim yu long mekim? (lukim Doktrin na ol Kavanen 97:12).
Lukim tu “Holy Temples on Mount Zion,” Hymns, no. 289; Ol Topik na ol Kwesten, “Temples,” Gospel Librari.
Doktrin na ol Kavanen 97:8–9
“Ol i wanbel long kisim mi.”
Tingim wanpela taim ol man i kisim yu—o i no kisim yu—i go insait long wanpela grup o tim. Hau em i wankain o narakain long wanem Doktrin na Kavanen 97:8–9 i tisim long wanem em i min long Bikpela i kisim yu? Yu ting Bikpela i laik tisim yu wanem wantaim dispela tok piksa long ves 9?
Lukim tu Erich W. Kopischke, “Being Accepted of the Lord,” Liahona, Mei 2013, 104–6.
Kamapim wanpela hap i gat gutpela spirit bilong lainim na tisim. “Dispela Holi Gos,” Jisas i promis, “bai tisim yu olgeta samting” (John 14:26). Maski yu lainim long yu yet o wantaim ol narapela, mekim olsem nambawan samting long invaitim Spirit. Ol sekred musik, prea na ol toktok i go kam long lav i ken helpim kamapim wanpela gutpela hap i gat bel isi, pulap long spirit we Holi Gos i ken tisim yu long toktru.
Doktrin na ol Kavanen 997:18–28
Zion em i “ol piua long bel.”
I go long ol Seints long 1830s, Zion bin wanpela ples. Long revelesen long seksen 97, Bikpela i mekim bikpela dispela mining long tok klia long wanpela pipol—“ol lain i piua long bel” (ves 21). Taim yu ritim ol veses 18–28, yu ken putim dispela mining taim yu ritim dispela wod Zion. Em i minim wanem long yu long stap piua long bel?
Lukim tu Moses 7:18.
Long ol moa aidia, lukim ol isu bilong dispela mun Liahona na For the Strength of Youth ol megesin.
Ol aidia bilong Tisim ol Pikinini
Doktrin na ol Kavanen 95:8; 97:10–17
Temple em i haus bilong Bikpela.
-
Long sampela bekgraun long seksen 95 na 97, yu ken serim wantaim ol pikinini “The Kirtland Temple” long Doktrin na ol Kavanen Stori bilong ol Yangpela lain i laik Rit (Gospel Librari; lukim tu Seints, 1:210). Ol pikinini bai amamas long giaman olsem ol i helpim long bidlim Kirtland Temple (katim ol diwai, hamarim ol nil, peintim ol wol, na dispela kain). Yu ken tu soim piksa bilong Kirtland Temple, lolsem ol dispela long autlain, taim yu ritim Doktrin na ol Kavanen 95:8 long tisim ol pikinini wai Bikpela i laikim yumi long bildim ol temple.
The Kirtland Temple
-
Bihain long rit wantaim Doktrin na ol Kavanen 97:15–16, yu na ol pikinini i ken serim wantaim wanpela narapela wai temple em i spesel long yu. Yu ken tu singsing wantaim wanpela singsing long helpim ol pikinini pilim reveren long haus bilong Bikpela, olsem “I Love to See the Temple” (Children’s Songbook, 95). Wai na temple i sekred?
Doktrin na ol Kavanen 97:1–2, 8–9, 21
Zion em “ol piua long bel.”
-
Long helpim ol pikinini i klia gut wanem dispela wod piua i kem min long Doktrin na ol Kavanen 97:21, yu ken luklu long wanpela glas i gat klin wara na putim samting long mekim wara i no piua (olsem doti o pepa). Wai em i impoten long wara bai piua? Bihain ol pikinini i ken ritim ves 21 na putim pinga bilong ol long dispela wod piua. Em i min wanem long ol bel bilong yumi bai piua? Ol veses 1–2 na 8–9 i ken givim sampela tingting. Hau na Seivia i helpim yu long mekim bel bilong yumi i piua?
Doktrin na ol Kavanen 97:8–9
Bikpela bai blesim ol pipol husat i kipim ol kavanen wantaim Em.
-
Ol pikinini i save wanem ol kavanen yumi mekim wantaim Bikpela taim yumi baptais o long temple? Tingting long go bek na lukluk long ol kavanen wantaim ol na ritim Mosaia 18:9–10, 13 o Jeneral Henbuk, 27.2. Serim wantaim wanpela narapela hau yu traim long “luksave long ol kavanen bilong [yu] long sakripais” (Doktrin na ol Kavanen 97:8).
-
Yu ken invaitim ol pikinini long drowim ol piksa long wanem Doktrin na ol Kavanen 97:9 i tok klia long en. Taim ol i serim ol piksa, tokotk long hau Bikpela i blesim yu long kipim ol kavanen. Hau ol dispela blesing i olsem wanpela “prut diwai ol i planim … arere long wara i piua”?
Long moa ol aidia, lukim isu dispela mun bilong Friend megesin.