Ol Nek bilong Restoresen

Moa long 40 yias bihain long Kemp bilong Zion, Joseph Young, husat i bin memba bilong kemp, i ripot long Joseph Smith na i tok ol dispela samting:

“Bretren, sampela bilong yupela i kros wantaim mi, bikos yupela i no bin pait long; tasol mi tokim yupela, God i no bin laikim yupela long pait. Em i no bin oganaisim kingdom wantaim twelpela man long opim dua bilong gospal long ol nesen bilong ples graun, na wanataim seventi-pela man aninit long daireksen long bihainim lek mak bilong ol, maski em i kisim ol long ol lain man husat givim laip bilong ol, na husat i mekim bikpela sakripais olsem Abraham.

“Nau, Bikpela i gat ol Twelpela na Seventi bilong Em, na i gat ol narapela kwarum bilong ol Seventi, husat bai mekim dispela sakripais, na ol husat i no mekim sakripas na ofaring nau, bai mekim bihain.”

“Taim yumi kamap long Missouri Bikpela i toktok long wokman bilong Em Joseph na i tok, ‘Mi akseptim ofaring bilong yu,’ na mipela i gat privilis long go bek gen. Long go bek bilong mi, planti ol poro i askim mi wanem profit i bin stap long singautim ol man long wok bilong ol i go long Missouri na bihain kam bek, na i no mekim wanpela samting i kamap. ‘Husat i kisim gutpela bilong en?’ ol i askim. ‘Sapos Bikpela i komandim dispela long kamap, wanem samting em i lukim long mekim olsem?’ … Ol i tokim mi olsem ol dispela bretren husat i kisim gutpela pe—i peim wantaim bikpela interes—ye dispela em mak i pulap kapsait mi kisim taim mi raun wokabaut wantaim Profet.”

“Mi bin sap long Kemp bilong Zion wantaim Profet bilong God. Mi lukim ol wok bilong God wantaim em. Mi lukim pawa bilong God wantaim em. Mi lukim olsem em i Profet. Wanem i kamap long em long pawa bilong God antap long dispela misin i bikpela tumas long mi na long olgeta husat i kisim dispela ol instraksen.”

“Taim ol memba bilong Kemp bilong Zion ol i singautim ol planti bilong mipela i no save lukim ol pes bilong ol narapela, mipela i bin ol man i no save long wanpela narapela na planti i no bin lukim profet. Ol i tromoi mipela nabaut long olgeta hap, olsem kon ol o putim ol streina , long olgeta nesen. Mipela i bin ol yangpela man, na ol i singautim mipela long bik moning dispela de long go na kisim bek Zion, na wanem mipela i mekim em long feit. Mipela i bing wantaim long ol Stets long Kirtland na go antap long kisim bek Zion, long inapim dispela komanmen bilong God long mipela. God i akseptim wok bilong mipela olsem Em i akseptim wok bilong Abraham. Mipela kamapim wanpela bikpela wok, maski ol lain i no bilip planti taim askim dispela kwesten ‘wanem yupela i wokim?’ Mipela i kisim wanpela ekspiriens olsem mipela i no save kisim [long] narapela wei. Mipela i gat privilis long holim dispela pes bilong profet, na mipela i gat privilis long wokabaut sampela tausen mails wantaim e, na lukim ol wok bilong spirit bilong God wantaim em, na dispela ol revelsen bilong Jisas Krais long em na inapim bilong ol dispela revelesen. Na em i bungim sampela tu handret ol eldas i kam long olgeta hap bilong ol nesen long dispela taim na salim muipela i go brodkas long wol na tokaut long gospel bilong Jisas Krais. Sapos mi no go antap wantaim Kemp bilong Zion mi no inap stap long hia tede [long Salt Lake Siti, sev long Kwarum bilong ol Twelpela]. … Taim mipela i go long hap mipela i go insait long vinyad long tokaut long gospel, na Bikpela i akseptim olgeta wok bilong mipela. Na long ol hat wok bilong mipela na ol hevi mipela i kisim, wantaim ol laip bilong mipela i stap long hevi, mipela i stap na wok wantaim feit.”

“Ekspiriens [mipela] i kisim long travel long Kemp bilong Zion mak bilong em i moa long gold.”