“Septemba 22–28: ‘Dispela Oda bilong Pikinini Man bilong God’: Doktrin na ol Kavanen 106–108,” Kam, Bihainim Mi—Bilong Hom na Sios: Doktrin na ol Kavanen 2025 (2025)
“Doktrin na ol Kavanen 106-108,” Kam, Bihainim Mi—Bilong Hom na Sios: 2025
Septemba 22-28“Dispela Oda bilong Pikinini Man bilong God”
Doktrin na ol Kavanen 106–108
Nambawan taim yu lukim, Doktrin na ol Kavanen 107 i luk olsem em i bilong oganaisim ol prishud opis long kamap lidasip straksa bilong Sios bilong Bikpela. Long taim dispela revelesen i pablis, membasip bilong Sios i bikpela moa long namba bilong ol liklik namba ol lidas i stap long dispela taim. Long autlainim ol wok bilong ol Nambaan Presidensi, Kwarum bilong ol Twelpela Aposel, ol Seventi, ol bisop, na ol kwarum presiden ol i nidim ol tru long helpim. Tasol i gat moa long instraksen i kam long God long seksen 107 na i no hau Sios lidasip i mas oganais. Hia, Bikpela i tisim long pawa na atoriti bilong Em, “dispela Holi Prishud, bihainim dispela Oda bilong Pikinini Man bilong God” (ves 3). Wok bilong prishud em long opim dua long “olgeta blesing bilong spirit bilong sios” bai olgeta pikinini bilong God i ken “gat ol heven i op long ol ” na “amamas wantaim toktok na stap long ai bilong God Papa, na Jisas em namel man bilong dispela nupela kavanen” (ol veses 18–19). Long tisim yumi long prishud bilong Em, dispela Seivia i tisim yumi long Em yet na hau yumi ken kam long Em.
Lukim “Restoring the Ancient Order,” long Revelations in Context, 208–12.
Ol Aidia bilong Lainim long Hom na long Sios.
Doktrin na ol Kavanen 106; 108
Bikpela bai sapotim mi taim Em i singautim mi long sev.
Long Doktrin na ol Kavanen 106 na 108, Bikpela i givim kaunsel na promis long tupela memba husat i kam sev long Sios bilong Em. Taim yu stadim kaunsel bilong Em, yu bai tingting long ol opotuniti bilong yu long sevim Bikpela—ating wanpela ministaring asainmen, wanpela Sios koling, ol wok insait long famili, o promting i kam long spirit long wokim gutpela wok.
Wanem yu pilim em toksave bilong yu i kam long Bikpela long ol dispela revelesen? Wanem ol hap tok i gat mining long yu? Hia em sampela long skelim:
-
Wanem taim Bikpela i givim yu “grasia [o helpim i kam long Em] na gutpela toktok” long sevim Em gut? Doktrin na ol Kavanen 106:8
-
Wanem samting yu ting em i min long strongim ol narapela “long olgeta wok bilong yu”? (Doktrinn na ol Kavanen 108:7).
Taim Elda Carl B. Cook i kisim wanpela hatpela asainmen long Sios, em i kisim strong long ekspriens bilong wanpela tumbuna. Ritim dispela toktok “Serve” (Liahona, Nov. 2016, 110–12). Tingting long raitimg leta long enkarisim ol bihain taim tumbuna bilong yu—o ol bihain bilong yu—long akseptim ol opotuniti long sevim Bikpela. Putim long leta bilong yu ol tok tru yu lainim long toktok bilong Elda Cook, Doktrin na ol Kavanen 106 na 108, na ekspiriens bilong yu yet.
Lukim tu Henry B. Eyring, “Walk with Me,” Liahona, Mei 2017, 82–85; Ol Topik na ol Kwesten, “Serving in Church Callings,” Gospel Library; “Warren Cowdery” na “‘Wrought Upon’ to Seek a Revelation,” long Revelations in Context, 219–23, 224–28.
Doktrin na ol Kavanen 107:1–4, 18–20
Prishud em i “bihainim dispela oda bilong Pikinini Man bilong God”
Bikpela i statim “revelesen long dispela prishud” (Doktrin na ol Kavanen 107, seksen heding) taim Em i tisim yumi long trutru nem bilong Melkisedek Prishud (lukim ol veses 1–4). Wai yu ting em i impoten long save long dispela? Hau na dispela nem i senisim wei yu tingting long dispela prishud?
Putim ol dispela tingting lond bel taim yu ritim long dispela prishud, moa yet long ol veses 18–20. Em i min wanem long “ol heven bai open”? Em i min wanem long “amamasim dispela komunion na stap bilong God Papa, na Jisas”? Hau na prishud pawa bilong Seivia na atoriti i mekim olgeta samting i stap redi bilong yu?
Lukim tu Alma 13:2, 16; Doktrin na ol Kavanen 84:19–27.
Fokas long Jisas Krais “I gat planti samting long tisim long gospel bilong Jesus Christ i ristod—ol as bilong lo. ol komanmen, ol profesi, na ol stori bilong ol skripsa. Tasol olgeta dispela em ol han bilong wanpela diwai, olgeta i gat wanpela wok: long helpim olgeta pipol kam long Krais na kamap stretpela long Em (lukim Jarom 1:11; Moronai 10:32). Maski wanem yu tisim, tingtimg olsem yu trutru tis long Jisas Krais na hau long kamap olsem Em” (Teaching in the Savior’s Way, 6). Eksampel, taim yu tis—na lainim—long prishud long Doktrin na ol Kavanen 107, askim olgeta taim, “Yumi lainim wanem long Seivia?”
Doktrin na ol Kavanen 107:22
Ol wokman bilong Bikpela em “save, feit, na prea bilong Sios i holim ol stap.”
Yu ting em i min wanem long holim ol wokman bilong Bikpela long save bilong yu? feit bilong yu? wantaim prea bilong yu?
Lukim tu “God Bless Our Prophet Dear,” Hymns, no. 24.
Doktrin na ol Kavanen 107:23–24, 33–35, 38, 91–92
Ol Profet na ol Aposel i testifai long Jisas Krais.
Joseph Smith serim seksen 107 long 1835 wantaim ol nupela Kwarum bilong ol Twelpela Aposel ol i kolim (lukim seksen heding). Bikpela i tisim ol wanem long koling bilong ol long ol veses 23–24, 33–35, 38? Hau na witnes bilong yu long Jisas Krais i strong wantaim tising na ministri bilong ol Aposel i stap laip?
Long ol veses 91–92, Bikpela i tis long ol sinia Aposel bilong Em, Presiden bilong dispela Sios. Hau na em i “olsem Moseso Moses”? (lukim Gaid i go long ol Skripsa, “Moses,” Gospel Librari).
Lukim tu David A. Bednar, “Chosen to Bear Testimony of My Name,” Liahona, Nov. 2015, 128–31.
Doktrin na ol Kavanen 107:27–31, 85–89
Bikpela i pinisim ol wok bilong Em thru long ol kaunsil.
Lukim wanem Bikpela i tisim long ol kaunsil long Doktrin na ol Kavanen 107:27–31, 85–89. Wanem samting i mekim kaunsil i wok gut? Hau bai yu aplaim ol dispela as bilong lo long koling bilong yu long Sios, long hom bilong yu, o long ol narapela wok bilong yu?
Lukim tu M. Russell Ballard, “Family Councils,” Liahona, Mei 2016, 63–65; Jeneral Henbuk, 4.3–4.4, Gospel Librari.
Long ol moa aidia, lukim ol isu bilong dispela mun Liahona na For the Strength of Youth ol megesin.
Ol Aidia bilong Tisim ol Pikinini
Doktrin na ol Kavanen 107:18–20
Jisas Krais i blesim mi thru long prishud pawa bilong Em.
-
Taim yu na ol pikinini i ritim Doktrin na ol Kavanen 107:18–19, tok strong long ol hap tok “olgeta blesing bilong spirit.” Ating yu na ol pikinini i ken listim daun ol blesing i kam long prishud. Yu bai mekim wanpela gem long en—lukim husat bai mekim longpela list tru. Ol pikinini bilong yu i ken tu drowim o painim ol piksa long makim ol dispela blesing (lukim bilong dispela wik ektiviti pes). Yu ken toktok long hau ol prishud odinens (olsem baptisim o sakramen) helpim yumi kisim ol blesing i kam long God.
Doktrin na ol Kavanen 107:21–26, 33–35, 91–92
Ol wokman bilong Bikpela em i susim ol i lidim Sios bilong Em.
-
Olgeta isu bilong konferens bilong Liahona i gat wanpela pes bilong ol Jeneral Atoriti. Tingting na lukluk long ol dispela piksa wantaim ol pikinini taim yu rit long ol wok bilong ol long Doktrin na ol Kavanen 107:21–26, 33–35, 91–92. Yu na ol pikinini bilong yu i ken toktok long wai yupela i amamas Bikpela i givim ol dispela ol wok.
-
Ol pikinini i ken lainim moa long ol wokman bilong Bikpela long “General Church Leadership” long ChurchofJesusChrist.org. Ating ol wanwan pikinini i ken lainim long wanpela ol dispela lida na tisim wanpela narapela long em. Serim wantaim wanpela narapela hau yu save olsem ol dispela lida em ol trupela wokman bilong Jisas Krais.
-
Bihain long yu ritim Doktrin na ol Kavanen 107:22 wantaim, yu na ol pikinini i ken kisim ten long holim go antap wanpela piksa bilong Nambawan Presidensi na serim ol wei yu ken sasteinim ol olsem ol wokman bilong Bikpela.
Doktrin na ol Kavanen 108:3
Mi ken lukaut gut long stap insait long ol kavanen bilong mi.
-
Long statim wanpela toktok long dispela ves, yu ken invaitim ol pikinini long mekim samting i nidim pasin bilong lukaut gut, olsem pulapim wara na i noken kapsaitim. Wanem bai kamap sapos yumi no lukaut gut? Bihain yu ken ritim wantaim Doktrin na ol Kavanen 108:3 long painim wanem Bikpela i laikim yumi long mekim gut. Wanem ol “vau” (promis o kavanen) yumi save mekim wantaim God? Hau na yumi ken lukaut gut long kipim ol? Yu bai serim ol sampela hap bilong toktok bilong Sista Becky Craven “Careful versus Casual” (Liahona, Mei 2019, 9–11) we yu pilim i ken givim gutpela tingting long ol pikinini long kipim ol kavanen bilong ol. Yu ken tu singim wanpela song long kipim ol kavanen olsem “I Will Be Valiant” (Children’s Songbook, 162).
Long moa ol aidia, lukim isu dispela mun bilong Friend megesin.