Doktrin and ol Kavanen 98–101

Sampela ol salens bilong yumi long laip i kamap long ol sois bilong yumi yet. Ol narapela i kamap long ol sois ol narapela i mekim. Na sampela taim ol samting i kamap em wei bilong dispela laip long graun. Maski hau em i kamap, hevi ken helpim yumi inapim ol divain pepos taim yumi tanim i go long God.

Dispela i bin tru long ol Seints long Missouri long 1833, na i tru long yumi tede. Taim yu ritim wanem Bikpela i tokim ol Seint long Doktrin na ol Kavanen 98 na 101, tingting hai dispela toktok i sut long ol hevi yu bai gat. Hia em sampela kwesten na risoses i ken helpim yu.

Sapos hevi i kamap long:

• Sois bilong yu yet: Wanem kaunsel—na promis—yu painim long Doktrin na ol Kavanen 98:11–12; 101:1–9? Wanem samting yu lainim long ol dispela ves long Papa long Heven na Jisas Krais? Wanem samting yu pilim God i laikim yu long mekim?

• Ol sois bilong ol narapela: Wanem kamfot yu painim long Doktrin na ol Kavanen 98:1–3, 22; 101:10–16, 22? Hau na Bikpela i laikim yumi long bekim pasin nogut, olsem buli, o pasin bilong pait? (Lukim Helpim bilong Laip, “Abuse,” Gospel Library; Ol Topik na ol Kwesten, “Abuse,” Gospel Librari.) Ol dispela ves i tisim wanem long hau yumi ken putim tras long Bikpela?

• Ol hevi bilong dispela laip: Wanem tingting yu kisim long Doktrin na ol Kavanen 98:1–3; 101:22–31, 36? Wanem samting yu lainim long ol traim bilong yu? Wanem samting yu mekim long invaitim helpim bilong God? Hau na Em i helpim yu?

Long lainim moa long hau God i ken mekim “olgeta samting long we yu painim hevi … wok wantaim long gutpela bilong yu” (Doktrin na ol Kavanen 98:3), tingting long stadim toktok bilong Elda Anthony D. Perkins “Remember Thy Suffering Saints, O Our God” (Liahona, Nov. 2021, 103–5). Yu bai painim hap tok long toktok bilong em i helpim yu klia gut long hau Seivia i invaitim yu long lukim ol salens bilong yu. Long wanem wei ol traim bilong yu i wok wantaim long gutela bilong yu o go wantaim ol pepos bilong God?

Lukim tu Romans 8:28; 2 Nifai 2:2; Doktrin na ol Kavanen 90:24; D. Todd Christofferson, “Come to Zion,” Liahona, Nov. 2008, 37–40; “Trial of Adversity,” “Feeling the Lord’s Love and Goodness in Trials,” “The Refiner’s Fire” (videos), ChurchofJesusChrist.org.

2:40

4:17

5:2

Presiden Russell M. Nelson i tis: “Ol lain i bihainim Jisas Krais i mas setim eksampel bilong olgeta long bihainim. Mi askim long yupela long mekim olgeta samting yu ken long pinisim ol kros pait bilong yupela i stap long bel na laip bilong yupela” (“The Power of Spiritual Momentum,” Liahona, Mei 2022, 97).

I no olgeta samting long Doktrin na ol Kavanen 98:23–48 bai aplai long ol sindaun bilong yu wantaim ol narapela, wanem ol principel bilong lo yu painim ken gaidim yu long stopim ol hevi long laip bilong yu? Yu ken painim ol sampela moa tok tru long singsing long bel isi o pogivnes, olsem “Truth Reflects upon Our Senses” (Hymns, no. 273).

Ol revelesen long seksen 99 na 100 i bin go long ol manmeri i gat ol impoten wok long Sios tasol i bin gat wari long ol famili bilong ol tu. Wanem samting yu painim long ol dispela revelesen i bin ken helpim ol? Wanem toksave Bikpela i gat bilong yu long ol dispela revelesen?

Lukim tu “John Murdock’s Missions to Missouri” long “‘I Quit Other Business’: Early Missionaries” na “A Mission to Canada,” long Revelations in Context, 87–89, 202–7.

Tok piksa long Doktrin na ol Kavanen 101:43–62 i tok klia wai Bikpela i larim ol lain i rausim ol Seints long Zion. Taim yu ridim ol dispela ves, yu lukim sampela wei yu olsem ol wokman long dispela tok piksa? Hau bai yu soim God yu “laik long kisim gaidens long rait na stretpela wei long salvesen bilong [yu]”? (lukim ol ves 63–65).

• Yu bai stat wantaim wanpela diskasen na askim ol pikinini long ol sampela salens ol pikinini long krismas bilong ol i save pesim. Bihain yu ken rit wantaim Doktrin na ol Kavanen 98:1–3 na toktok long hau Jisas Krais i ken tanim ol traim i go long ol blesing. Yu bai serim wantaim ol pikinini eksampel bilong hau Em i ken tanim ol traim igo long ol blesing.

Nout: Taim yu tisim ol pikinini olsem pogivnes i impoten, mekim sua ol i klia gut olsem sapos wanpela i givim ol hevi, ol i ken tokim wanpela bikpela man o meri ol i trastim.

• Sapta 34 na 35 long Doktrin na ol Kavanen Stori (128–34) i ken helpim yu tisim hau ol Seints long Missouri i bin kisim taim long 1833. Yu na ol pikinini i ken toktok long hau ol Seints i bin pilim. Bihain yu ken ritim wantaim Doktrin na ol Kavanen 98:23, 39–40 long painim wanem Bikpela i laikim ol long mekim. Yu na ol pikinini i ken toktok long ol taim yu bin nid long pogivim wanpela na hau Seivia i helpim yu.

• Yu ken soim tu ol pikinini ol piksa bilong ol pes i amamas na i sore. Toktok long ol sindaun we wanpela i mekim nogut long wanpela, na painim ol wei long bekim. Helpim ol pikinini susim sapos wanwan bekim bai mekim ol amamas o sore taim ol i point i go long pes i go wantaim dispela toktok. Wai na Jisas i laikim yumi long pogivim ol lain, maski ol dispela i no gutpela long yumi?

2:42

2:10

• Bihain long ritim Doktrin na ol Kavanen 101:16, helpim ol pikinini luksave long ol bel isi pasin i kam taim yumi stap isi na tingting long Jisas—eksampel, taim yumi pre long o kisim sakramen. Yu ken tu singim wantaim wanpela singsing long reverens, olsem “Reverently, Quietly” o “To Think about Jesus” (Children’s Songbook, 26, 71). Hau bai yumi pilim bel isi bilong Em long hom bilong yumi?

• Ol pikinini bilong yu bai laik lainim long laip bai olsem wanem taim Jisas Krais i kam gen. Ritim Doktrin na ol Kavanen 101:23-32 wantaim, na toktok long ol samting ol i painim long ol dispela ves we bai bringim amamas long yumi taim Em i kam. Wai na em it gutpela long save long ol dispela samting taim yumi kisim taim i stap?