“Ogas 25–31: ‘Kisim long Olgeta Gutpela Bilong Em’: Doktrin na ol Kavanen 93,” Kam, Bihainim Mi—Bilong Hom na Sios: Doktrin na ol Kavanens 2025 (2025)
“Doktrin na ol Kavanen 93,” Kam Bihainim Mi—Bilong Hom na Sios: 2025
Diteil i kam long Mi lukim Pikinini Man bilong Man, Walter Rane i mekim
Ogas 25-31: “Kisim long Olgeta Gutpela Bilong Em”
Doktrin na ol Kavanen 93
“Taim yu go antap long leda,” Joseph Smith i tis, “yu mas stat long daunbilo, na go antap wanpela step i go long narapela step, inap yu kamap long antap; na em i wankain wantaim ol prinsipel bilong gospel—yu mas stat wantaim nambawan, na go inap yu lainim olgeta prinsipel bilong eksaltesen” (Teachings of Presidents of the Church: Joseph Smith [2007], 268).
Sampela taim dispela leda bilong eksaltesen i luk antap tumas, tasol yumi bon long go antap wantaim gutpela helpim bilong Seivia. Wanem kain banis yumi bai lukim long yumi yet, Papa long Heven na Pikinini Man bilong Em lukim samting i gat glori long yumi, samting i olsem god. Wankain olsem Jisas Krais “i bin stap wantaim Papa long stat,” olsem “yupela tu i bin stap” (Doktrin na ol Kavanen 93:21, 23). Wankain olsem Em “go het long grasia i go long grasia, inap em i kisim dispela olgeta pulap,” olsem tu “yu bai kisim grasia bilong grasia” (ol ves 13, 20). Gospel i kam bek i tisim long trupela pasin bilong God, na em i tisim tu long trupela pasin na hap yu bai go. Yu em wanpela pikinini bilong God na yu gat strong long “kisim pulap bilong em” (ves 19).
Ol aidia bilong Lainim long Hom na long Sios.
Doktrin na ol Kavanen 93
Olsem Jisas Krais, Mi ken kisim glori na kisim “pulap” bilong God.
Profet Joseph Smith i tis, “Sapos ol man i no inap long skelim gut karekta bilong God, ol bai no inap long save gut long ol yet” (Teachings: Joseph Smith, 40). Taim yu stadi na lainim long Seivia Doktrin na ol Kavanen 93, lukluk long wanem yu tu ken lainim bilong yu yet. Eksampel, wanem yu lainim long Em long ol ves 3, 12–13, 21, na 26? Yu painim wanem ol toktru i wankain long yu yet long ol ves 20, 23, na 28–29? (lukim tu 1 John 3:2; 3 Nifai 27:27). Ol dispela kwesten bai helpim yu klia gut na bihainim ol dispela toktru long dispela seksen:
-
Yu pilim em i min wanem long kisim “grasia bilong grasia” na go het “long grasia i go long grasia”? (ol ves 12–13). Sapos em i helpim, yu ken ritim “Grace” long Gaid i go long ol Skripsa (Gospel Librari).
-
Wanem yu painim long dispela revelesen long hau God i save helpim yu gro na lainim? Hau na save long dispela bai afektim wei yu mekim long ol narapela—na yu yet?
-
Wanem yu lainim long “hau long lotu, na … wanem yu lotuim”? (ves 19; lukim tu Gaid i go long ol Skripsa, “Worship,” Gospel Librari).
Doktrin na ol Kavanen 93:1–39
Glori bilong God em i lait na toktru.
Yu bai lukim olsem ol wod olsem glori, lait, na toktru i kamap planti taim long dispela revelesen. Taim yu stadim ol ves 20–39 listim daun lo toktru yu lainim long ol dispela tingting. Mekim wanpela tebol olsem bai helpim:
|
Ves |
Wanem mi lainim |
Ol kwesten bilong putim long tingting |
|---|---|---|
Ves 24 | Wanem mi lainim | Ol kwesten bilong putim long tingting I gat planti ol giaman long dispela wol. Hau mi ken save long toktru? (lukim tu Jekop 4:13). |
Ves 28 | Wanem mi lainim | Ol kwesten bilong putim long tingting |
Ves 36 | Wanem mi lainim God em i man i gat lait na toktru. | Ol kwesten bilong putim long tingting |
Ves 37 | Wanem mi lainim | Ol kwesten bilong putim long tingting Mi save long husat i gat strong long rausim ol samting nogut? Wai na ol i ken mekim dispela? |
Ves | Wanem mi lainim | Ol kwesten bilong putim long tingting |
Ves | Wanem mi lainim | Ol kwesten bilong putim long tingting |
Ves Lukim tu Doktrin na ol Kavanen 50:24 | Wanem mi lainim | Ol kwesten bilong putim long tingting |
Yu painim wanem long ol dispela ves we i kirapim tingting bilong yu long painim lait na toktru? Wai na lait na toktru ol gutpela taitel bilong Jisas Krais? (lukim John 8:12; 14:6). Hau na ol dispela toktru i senisim laip bilong yu?
Yu bai mekim nout long ol promis bilong yu long laip oltaim long ol ves 20, 22, 28, 33–35. Wanem rilesensip namel long ol dispela promis na kisim lait?
Tingting long painim “Walk in God’s light” (Bilong Strong bilong ol Yut:, 18–21) long painaut wanem yu ken wokim long kisim lait na hau Bikpela i promis long helpim yu. Ol vidio long “Lait na Toktru, Pat 1” na “Pat 2” (Gospel Library) bai givim ol moa aidia.
Lukim tu “Teach Me to Walk in the Light,” Hymns, no. 304; Ol Topik na ol Kwesten, “Holy Ghost,” Gospel Librari.
Light and Truth, Part 1
Light and Truth, Part 2
Doktrin na ol Kavanen 93:40–50
“Putim haus bilong yu long oda.”
Dispela strongpela tok long “putim haus bilong yu long oda” (ves 43) i no long stretim ol kabod na ol kloset tasol bilong tisim—na lainim—“lait na toktru” (ves 42). Tingting long hau yu traim long bihainim dispela kaunsel. Wanem ol salens yu pesim? Wanem ol toktru long Doktrin na ol Kavanen 93 i ken helpim?
Wanem ol gutpela tingting yu kisim long dispela tising i kam long Elda David A. Bednar?
“Long opis bilong mi i gat wanpela naispela piksa bilong wit pil. Piksa em i bikpela koleksen bilong ol wanwan strok bilong bras—ol i no luk nais tumas. Tru, sapos yu sanap klostu long kenves, samting yu bai lukim em ol kala bilong yelo, na gol na braun peint we i no luk nais tumas. Tasol, taim yu isi isi surik i go lusim dispela kenves piksa, olgeta dispela ol wanwan strok bilong bras i bung wantaim na kamapim wanpela naispela piksa bilong wit pil. Planti ol wanwan strok bilong bras i save wok wantaim long kamapim wanpela piksa i kisim ai.
“Wanwan prea bilong famili, wanwan taim bilong famili skripsa stadi, na wanwan famili hom ivining em i wanpela strok bilong bras antap long kenves bilong ol sol bilong yumi. Nogat wanpela samting bai kamap nais tumas bai yu tingim olgeta taim. Tasol wankain olsem ol dispela yelo na gol na braun pela strok bilong peint i helpim wanpela narapela long kamapim naispela mastapis, strong bilong yumi long mekim ol liklik samting i kamap bikpela long spirit. ‘Olsem na, noken les long mekim gutpela-wok, long wanem yu putim dispela as bilong bikpela wok. Na long ol liklik samting bai kamap ol dispela i bikpela’ [Doktrin na ol Kavanen 64:33]. Pasin bilong stap strong na wokim samting em i as bilong lo taim yu putim dispela as bilong bikpela wok long wanwan laip bilong yumi na yumi kamap moa gutpela na lukaut long ol hom bilong yumi” (“More Diligent and Concerned at Home,” Liahona, Nov. 2009, 19–20).
Lukim tu Henry B. Eyring, “A Home Where the Spirit of the Lord Dwells,” Liahona, Mei 2019, 22–25.
Long ol moa aidia, lukim ol isu bilong dispela mun Liahona na For the Strength of Youth ol megesin.
Ol aidia bilong Tisim ol Pikinini
Doktrin na ol Kavanen 93:2–21
Jisas Krais em i Lait na Laip bilong Wol.
-
Tingting long soim wanpela piksa bilong Seivia na askim ol pikinini wai em i impoten long lainim na bihainim Jisas Krais. Bihain yu ken ritim wantaim Doktrin na ol Kavanen 93:19 long painim wanpela impoten as tingting.
-
Yu bai laik susim sampela toktru long Krais long seksen 93 i givim yu gutpela tingting na helpim ol pikinini painim na klia gut long ol (lukim tu “Chapter 33: A Revelation about Jesus Christ,” long Doktrin na ol Kavanen Stori, 126–27, o dispela vidio i stap long Gospel Librari). Long wanwan toktru yu susim, yu ken givim ol pikinini wanpela wod o hap tok long harim taim yupela i ritim ves wantaim. Eksampel, Jisas Krais:
-
I mekim ol wok bilong Papa (ves 5).
-
“I Lait bilong dispela Wol”(ves 9).
-
I Mekim kamap dispela wol (ves 10).
-
I kisim olgeta pawa long heven na long ples graun (ves 17).
-
Bin stap wantaim God long stat (ves 21).
1:18Chapter 33: A Revelation about Jesus Christ: May 1833
-
Doktrin na ol Kavanen 93:23, 29, 38
Mi stap wantaim Papa long Heven pastaim long mi kam long ples graun.
-
Seivia i tok strong tripela taim long seksen 93 olsem yumi bin stap wantaim God “long stat” (ol ves 23, 29, 38). Long helpim ol pikinini painim dispela, yu ken invaitim ol long ritim Doktrin na ol Kavanen 93:23, 29, 38 na painim toktru long ol yet i stap long ol dispela ves. Wai na Papa long Heven i laikim yumi long save long toktru? Yu ken askim ol pikinini wanem ol i save long laip bilong yumi wantaim Papa long Heven pastaim long yumi bon. Long helpim ol i lainim moa, rit wantam ol wanpela o moa long ol dispela hap skripsa: Jeremiah 1:5; Doktrin na ol Kavanen 138:53–56; Moses 3:5; Abraham 3:22–26.
-
Yu ken tu singsing wantaim “I Am a Child of God” o “I Lived in Heaven” (Children’s Songbook, 2–3, 4) na diskasim ol toktru yumi lainim long ol dispela singsing long pepos bilong yumi kam long ples graun.
Doktrin na ol Kavanen 93:24–39
Mi kisim lait na toktru taim mi bihainim tok bilong God.
-
Long helpim ol pikinini putim ol toktru long bihainim tok long Doktrin na ol Kavanen 93, tingting long raitim sampela ol skripsa referens long dispela seksen long ol hap pepa. Antap long ol hap pepa, raitim ol toktru ol dispela ves i tis long ol. Ol pikinini i ken wok wantaim long ritim ol ves na metsim ol toktru i go long ol skripsa referens. Ol eksampel bai inkludim:
-
Ves 24: Toktru em long save long ol samting i tru long bipo, nau na bihain taim.
-
Ves 28: Mi ken kisim lait na toktru taim mi kipim ol komanmen.
-
Ves 37: Taim mi gat lait na toktru, Mi bai inap long rausim samting nogut.
-
Ves 39: Mi bai lusim lait na toktru taim mi no bihainim tok bilong God.
Yu bai laik long serim ol eksampel bilong toktru yu save long ol taim yu kipim ol komanmen bilong Bikpela.
-
Go daun long krismas bilong ol pikinini. Yu save long ol nids bilong ol pikinini, pilim fri long kisim ol tingting na aidia long mitim ol nids bilong ol. Eksampel, long dispela ektiviti, sapos yu tisim ol yangpela pikinini, em bai moa beta long fokas long wanpela isipela toktru long seksen 93.
Long moa ol aidia, lukim isu bilong dispela mun Friend megesin.