“Ogas 4–10: ‘Sanap long ol Holi Ples’: Doktrin na ol Kavanen 85-87,” Kam, Bihainim Mi—Bilong Hom na Sios: Doktrin na ol Kavanen 2025 (2025)
“Doktrin na ol Kavanen 85–87,” Kam, Bihainim Mi—Bilong Hom na Sios: 2025
Ogas 4–10: “Sanap long ol Holi Ples”
Doktrin na ol Kavanen 85–87
Krismas De em i taim bilong tingting long ol toktok bilong “bel isi long ples graun” (lukim Luke 2:14). Tasol long Disemba 25, 1832, tingting bilong Joseph i bin pulap wantaim pret bilong wo. Stet bilong Saut Carolina long United States i sakim gavman na redi long pait. Na Bikpela i soim olsem dispela em i stat bilong: “Wo,” Em i tokaut, “bai kapsait long olgeta nesen ” (Doktrin na ol Kavanen 87:2). Em i luk olsem dispela profesi bai kamap klostu.
Tasol em no bin kamap. Insait long sampela wiks, Saut Carolina na United States gavman i wanbel, na abrusim wo. Profesi, i no save kamap long taim bilong em o long wei yumi bai tingim. Bihain long 30 pela yias bihain, bihain long Joseph Smith ol i kilim em. Saut Carolina i pait na sivil wo i kamap. Tede, wo i kamap long olgeta hap bilong wol long mekim “dispela ples graun [long] krai” (Doktrin na ol Kavanen 87:6). Dispela revelesen i tisim moa long wanem yumi ken wokim long taim nogut na i no long wanem taim em bai kamap. Dispela kaunsel i wankain long 1831, 1861, na 2025: “Sanap long ol holi ples, na noken suruk” (ves 8).
Ol Aidia bilong Lainim long Hom na long Sios.
Doktrin na ol Kavanen 86:1–2
Bikpela i laikim mi “long kipim wanpela histori.”
Luksave long wanem samting Bikpela i laikim bai stap long dispela “histori” i stap long Doktrin na ol Kavanen 85:1–2. Wai yu ting Em i laikim ol Seint bilong Em long kipim wanpela histori? Yu ken rekotim wanem long “laip, [bilong yu] feit na ol wok” we bai kamap blesing long yu na ol lain bilong yu bihain? Hau bai pasin bilong kipim histori bilong yu yet helpim yu kam long Krais?
Lukim tu “Journals: ‘Of Far More Worth than Gold,’” Teachings of Presidents of the Church: Wilford Woodruff (2011), 125–33; “Turning Hearts” (video), ChurchofJesusChrist.org.
Turning Hearts
Doktrin na ol Kavanen 85:6
Spirit i toktok isi wantaim “liklik nek.”
Tingting long ol wod Joseph Smith i yusim long tok klia long Spirit long Doktrin na ol Kavanen 85:6. Long wanem wei nek bilong spirit i “isi” na “liklik”? Tingting long ol sampela moa tok klia i kam thru long Joseph Smith: Doktrin na ol Kavanen 6:22–24; 8:2–3; 9:7–9; 11:12–13; 128:1. Hau bai Spirit i toktok long yu?
Lukim tu Luke 24:32; Mosaia 5:2; Alma 32:28; Hilaman 5:30; Doktrin na ol Kavanen 6:22–23; 11:12–13.
Yusim ol leson i gat samting long soim mining. Ol manmeri bai tingim wanpela gospel leson moa gut taim ol i lukim o tek pat long leson i gat ol samting long soim wanem ol i lainim. Eksampel, taim yu tis long dispela isi, liklik nek bilong Spirit, ating yu ken pleim rekoting bilong isipela sekred musik, na ol lain bai toktok long hau dispela musik i mekim ol i pil na hau em bai hat long harim sapos i gat planti nois. Dispela i ken lid i go long diskasen long laip bilong yumi we i stopim yumi long harim dispela isi, liklik nek.
Doktrin na ol Kavanen 86
Ol lain i gat stretpela pasin bai bung long Krais long ol las de.
Doktrin na ol Kavanen 86 i gat wanpela tanim tok bilong tok piksa bilong ol wit na ol gras nogut, i stap long Matthew 13:24–30, 37–43. Taim yu lainim mining bilong dispela tok piksa, tingting long filim aut wanpela tebol olsem dispela:
|
Ol simbol |
Ol mining |
Ol kwesten long tingim |
|---|---|---|
Ol simbol Ol lain bilong tromoi ol sid | Ol mining Ol profet na ol aposel | Ol kwesten long tingim Wanem kain ol “sid” ol profet na ol aposel i save planim? |
Ol simbol Birua man | Ol mining Satan | Ol kwesten long tingim Hau na man nogut save traim long stopim wok bilong Bikpela? |
Ol simbol | Ol mining | Ol kwesten long tingim |
Ol simbol | Ol mining | Ol kwesten long tingim |
Hia em ol sampela kwesten long skelim:
-
Bihain long tanim tok bilong dispela tok piksa, Bikpela i toktok long prishud, restoresen, na salvesen bilong pipol bilong Em (lukim ol ves 8–11). Wanem ol koneksen yu lukim namel long ol dispela toktok na tok piksa bilong wit na ol gras nogut?
-
Wanem wok bilong yu long kamap olsem “lait long ol Jentail” na “seivia long ol pipol bilong [Bikpela] ”? (ves 11).
Doktrin na ol Kavanen 87
Bel isi yumi painim long ol holi ples.”
Dispela profesi long seksen 87 i givim tok lukaut long ol birua i kamap long wo long ol las de. Tasol kaunsel long dispela revelesen i kam tu long ol birua bilong spirit. Tingting long ol kwesten olsem ol dispela:
-
Profesi em wanpela revelesen i kam long God i go long wanpela profet. long ol samting bai kamap. Wanem ol sampela eksampel bilong ol profesi bilong ol profet bilong bipo na ol profet bilong nau (lukim John 3:14; Mosaia 3:5; Hilaman 14:2–6). Hau ol i kamap? (lukim Luke 23:33; Matthew 15:30–31; 3 Nifai 1:15–21).
-
Wanem ol blesing bilong akseptim ol profesi bilong ol profet bilong God?
Wantaim ol dispela tingting, ritim seksen 87. (Long kisim sampela histori long dispela, yu ken ritim tu introdaksen long dispela autlain.) Wanem samting yu lainim long dispela profesi na revelesen na wei em i kamap? Bai yu tok wanem long wanpela husat i tubel long profesi bikos em i no kamap nau yet?
Wanem kaunsel Bikpela i givim long ves 8? Wanem em ol “holi ples” yu ken painim bel isi na seifti? Wanem samting i save mekim wanpela ples i holi? Antap long ol ples, ating i gat ol holi taim, holi pasin, o holi tingting i givim dispela bel isi. Eksampel, hau na tok bilong profet bilong God i stap olsem holi ples bilong yu? Em i minim wanem long “sanap” na “noken suruk” long ol dispela ples?
Lukim tu “Where Love Is,” Children’s Songbook, 138–39; Saints, 1:163–64; “Peace and War,” long Revelations in Context, 158–64.
Long ol moa aidia, lukim ol isu bilong dispela mun Liahona na For the Strength of Youth ol megesin.
Ol aidia bilong Tisim ol Pikinini
Doktrin na ol Kavanen 85:6
Spirit i toktok isi wantaim “liklik nek.”
-
Ol pikinini bilong yu bai tok wanem sapos wanpela i askim ol hau ol bai save taim Holi Gos i toktok long ol? Invaitim ol long ritim wanpela wei Joseph Smith i tok klia long nek bilong Spirit long Doktrin na ol Kavanen 85:6. Ol bai ken prektis long harim na toktok isi long liklik nek. Yu bai serim tu ol ekspiriens taim Spirit i toktok long yu long isi, na liklik nek.
-
Long helpim ol pikinini klia gut long dispela hap tok “isi liklik nek,” yu ken pleim wanpela singsing bilong ol pikinini isi, olsem “The Holy Ghost” (Children’s Songbook, 105). Askim wanpela pikinini long ges wanem singsing taim ol narapela pikinini i mekim nois. Bihain bai yu ripitim dispela singsing wantaim nogat nois. Wanem ol nois yumi ken rausim long laip long pilim Spirit moa?
Doktrin na ol Kavanen 86
Mi ken helpim bungim ol pipol bilong God.
-
Long helpim ol pikinini klia gut long tok piksa i stap long seksen 86, yu ken redim sampela liklik piksa o drowing bilong wit na haitim ol nabaut long rum. Tok klia long ol pikinini long stori bilong wit na ol gras nogut (lukim Matthew 13:24–30), na ritim wantaim Bikpela i tok long Doktrin na ol Kavanen 86:1–7. Ol pikinini i ken bungim ol piksa bilong wit na raitim long ol nem bilong wanpela ol i ken “bungim” kam long Jisas Krais. Em i min wanem long bungim ol manmeri i kam long Jisas Krais? Wanem sampela wei yumi ken wokim dispela?
Doktrin na ol Kavanen 86:11
Mi ken kamap lait long ol narapela.
-
Hia em ol sampela kwesten yu ken askim ol pikinini taim yu diskas Doktrin na ol Kavanen 86:11: Hau na lait i blesim yumi? Em i olsem wanem taim yumi nogat lait? Hau yumi ken kamap lait long ol narapela lain? Helpim ol pikinini tingim ol wei yumi ken “go het long gutpela pasin bilong [Jisas]” na serim wantaim ol narapela.
Doktrin na ol Kavanen 87:6, 8
Mi ken “sanap … long ol holi ples.”
-
Rit wantaim Doktrin na ol Kavanen 87:6 long lainim ol samting Bikpela i tok bai kamap long las de. Bihain yupela i ken toktok long sampela ol salens yu na ol pikinini i save pesim. Long ves 8, Bikpela i tok yumi ken wokim wanem long ol hat taim?
-
Helpim ol pikinini mekim lis long ol holi ples, holi tingting na holi eksen i ken helpim ol pesim ol birua bilong spirit. Long ol aidia, lukim ol dispela vidio “Sanap long ol Holi Ples” na “Sanap long ol Holi Ples—Kamap olsem Plaua Long Hap Ol i Planim Yu” (Gospel Library).
5:36Standing in Holy Places
4:36Stand Ye in Holy Places - Bloom Where You’re Planted
Long moa ol aidia, lukim isu bilong dispela Friend megesin.