Doktrin na ol Kavanen 89–92

Taim ol elda long Skul bilong ol Profet i harim Joseph Smith ritim dispela Lo bilong Helt nambawan taim, ol i hariap tru“tromoi ol simuk paip na ol samting bilong kaikai tapak long paia” (Saints, 1:168). Ol i laik soim laik bilong ol long harim na bihainim Bikpela. Ating yu “tromoi” pinis ol dispela samting Lo bilong Helt i givim tok lukaut long en, tasol wanem gen yu ken lainim long dispela revelesen? Tingting long ol dispela aidia:

• Tingim revelesen olsem “wanpela prinsipel wantaim promis” (ves 3)—stap strong wantaim ol tok tru i gaidim pasin bilong mekim disisen. Wanem ol prinsipel yu painim i ken gaidim ol disisen bilong yu? Wanem ol blesing Bikpela i promisim? (lukim ol ves 18–21). Hau Em i inapim ol dispela promis long laip bilong yu?

• Wanem ol eksampel yu lukim long ol “samting nogut na pasin … long bel bilong ol man nogut” long Lo bilong Helt? (ves 4). Antap long dispela revelesen, Bikpela i givim yu wanem long helpim yu abrusim o winim ol dispela samting nogut?

• Dispela revelesen i tisim yu wanem long Bikpela? Hau na Lo bilong Helt i pas long Doktrin na ol Kavanen 29:34–35?

• Yu bai mekim wanem long lukautim gut bodi bilong yu?

Yu bin mas gat ol opotuniti long tok klia long ol narapela wai yu bihainim dispela Lo bilong Helt—na yu bai gat moa ol opotuniti long bihain taim. Tingting long hau yu ken yusim ol dispela opotuniti long testifai long Seivia, dispela bodi bilong yumi i sekred. na ol narapela tok tru bilong spirit. Long ol aidia, lukim “Your body is sacred,” For the Strength of Youth: A Guide for Making Choices, 22–29.

Lukim tu 1 Corinthians 6:19–20; Thomas S. Monson, “Principles and Promises,” Liahona, Nov. 2016, 78–79; Ol Topik na ol Kwesten, “Word of Wisdom,” Gospel Librari; “The Word of Wisdom,” long Revelations in Context, 183–91; “Addiction,” “Physical Health,” Helpim bilong Laip, Gospel Librari.

4:40

Long seksen 90, Bikpela i givim ol instraksen long “dispela ministri na presidensi” (ves 12) bilong Joseph Smith, Sidney Rigdon, na Frederick G. Williams—ol memba bilong wanem yumi nau kolim Nambawan Presidensi. Wanem yu lainim long Nambawan Presidensi long ol ves 1–17? Tingting long lukluk bek long ol toktok i no long taim i kam long Nambawan Presidensi. Wanem ol bai mekim long “setim ol samting long oda long ol wok bilong sios na kingdom”? (ves 16). Hau na yu ken soim olsem ol i no “liklik samting long yu? (ves 5).

Tingting long singsing o ritim ol dispela wod long “Come, Listen to a Prophet’s Voice” (Hymns, no. 21) o narapela singsing long ol profet we i pas long ol tising long ol dispela ves. Hau na dispela sevis bilong Nambawan Presidensi i helpim yu save long Papa long Heven na Jisas Krais?

Tingting long ol ekspiriens yu gat we i testifai long promis bilong Bikpela long Doktrin na ol Kavanen 90:24. Tingting long rekotim ol ekspiriens na serim ol wantaim wanpela famili memba o wanpela yu lavim—ating wanpela husat i nidim sapot o enkarismen. Sapos yu stil wetim ol sampela blesing, tingting long wanem yu ken mekim long stap feitful taim yu wet long lukim hau “olgeta samting i wok long gutpela bilong yu.”

Vienna Jaques bin bon long Jun 10, 1787, long Massachusetts. Wanpela meri i gat feit husat i gat gutpela sindaun, Vienna i bin bungim ol misinari long 1831. Bihain long em i kisim wanpela witnes bilong spirit olsem toktok bilong ol i tru, em i go long Profet long Kirtland, Ohio, we em i bin baptais.

Vienna i bihainim kaunsel bilong Bikpela long Doktrin na ol Kavanen 90:28–31. Sakripais bilong em long Bikpela, wantaim ol donesen em i mekim long Kirtland, i kamap long wanpela impoten taim bilong Sios, taim ol lida i traim long baim graun we Kirtland Temple bai sanap. Vienna i bin “feitful, na i no sindaun nating” long laip bilong em na bin “sindaun gut wantaim bel isi” (ves 31) long Salt Lake Veli, we em i bin dai long krismas 96.

Yumi olgeta i save bungim ol toktok i gat “planti samting … i tru” na “planti samting … we i no tru” (Doktrin na ol Kavanen 91:1–2). Wanem kaunsel yu painim long seksen 91 i ken helpim yu luksave long tok tru long ol toktok yu painim? Hau na Spirit i helpim yu luksave long tok tru na rong samting?

• Long introdusim seksen 89, ating yu na ol pikinini i ken lukim piksa bilong temple o singim wanpela singsing long pisikel helth, olsem “The Lord Gave Me a Temple” (Children’s Songbook, 153), long tisim olsem ol bodi bilong yumi i olsem ol temple bilong spirit bilong yumi. Helpim ol pikinini ektim ol wei ol i ken lukautim ol bodi bilong ol.

• Long lainim ol komanmen bilong Bikpela long Doktrin na ol Kavanen 89:10–17, yu na ol pikinini i ken drowim o lukluk long ol piksa bilong ol gutpela samting yumi ken kaikai o wokim bai bodi bilong yumi i stap helti (lukim piksa na ektivii pes long arere bilong dispela autlain). Wanem samting Bikpela i givim tok lukaut long yumi noken yusim? Wai na Em i laikim yumi long lukautim bodi bilong yumi?

• Elda Gary E. Stevenson i kaunselim ol yanpela lain manmeri long plenim wanem ol bai mekim sapos ol i kisim temtesen wantaim dring o ol drag. Em i tis: “Yu bai panim olsem temtesen i gat liklik kontrol long yu. Yu bai mekim sampela disisen long hau yu bai bekim na wanem yu bai mekim. Yu bai nogat nid long mekim disisen olgeta taim” (“Your Priesthood Playbook,” Liahona, Mei 2019, 48). Bihain long rit wantaim Doktrin na Kavanen 89:4 na stetmen bilong Elda Stevenson, kaunsel wantaim ol pikinini long hau ol i ken mekim disisen nau—bilong laip bilong ol—long stap bihainim dispela Lo bilong Helt. Yu ken tu mekim rol plei hau ol bai bekim sapos wanpela, olsem wanpela poro, i givim samting i no bihainim Lo bilong Helt. Hau na Bikpela bai blesim yumi taim yumi bihainim dispela Lo bilong Helt? (lukim ol ves 18–21).

• Yu ken lukim ol piksa bilong ol profet bilong bipo o singsing wanpela singsing olsem “Follow the Prophet” (Children’s Songbook, 110–11). Hau na God i blesim ol pikinini bilong Em thru long ol profet? Wai na yumi mas harim ol profet bilong God? (lukim Doktrin na ol Kavanen 90:5). Bihain yu na ol pikinini i ken lukim wanpela piksa bilong profet i stap laip na serim sampela samting Bikpela i tisim o givim tok lukaut long en thru long em. Hau na yumi ken bihainim profet?

• Yu ken samaraisim dispela seksen heding bilong Doktrin na ol Kavanen 91 long helpim ol pikinini i klia gut wai dispela revelesen i kam. Ol i ken tingim ol ples, olsem long midia, we yumi painim “planti samting … i tru” na “planti samting … i no tru” (ol ves 1–2). Ol dispela ol ves 4–6 i tisim yumi wanem long Holi Gos? Hau na Holi Gos i helpim yumi save long wanem i rait?