Doktrin na ol Kavanen 88

Sample de bihain long tok lukaut olsem wo bai “kapsait antap long olgeta nesen” (Doktrin na ol Kavanen 87:2), Bikpela i givim wanpela revelesen olsem Joseph Smith bai kolim wanpela “oliv lif,” wanpela sain bilong ol tumbuna bilong bel isi (Doktrin na ol Kavanen 88, seksen heding; lukim tu Genesis 8:11). Long ol stadi bilong yu long seksen 88 dispela wik, painim toktok bilong Bikpela i gat bel isi long yu.

Ol dispela wods lait na lo i ripit planti taim long seksen 88. Makim o noutim ol ves we yu painim ol dispela wod long ol ves 6–67, na raitim daun wanem yu lainim long lait na lo—na long Jisas Krais. Wanem samting yu pilim strong long mekim na kisim lait na stap bihainim “lo bilong Krais”? (ves 21).

Lukim tu Isaiah 60:19; John 1:1–9; 3 Nifai 15:9; Timothy J. Dyches, “Light Cleaveth unto Light,” Liahona, Mei 2021, 112–15; Sharon Eubank, “Christ: The Light That Shines in Darkness,” Liahona, Mei 2019, 73–76.

Wanem ol ekspiriens i soim yu ol promis long dispela ol ves i tru? Wanem em neks step bilong yu long “kam klostu long” Krais? Tingting long mekim dispela singsing “Nearer, My God, to Thee” (Hymns, no. 100) em bai stap long stadi na lotu bilong yu.

Strongpela tok bilong Bikpela em long “mekim yupela i holi” i kamap tupela taim long seken 88 (ol ves 68, 74). Wanem samting yu ting dispela hap tok i min? Yu bai riviuim sampela ol hap tok aninit long “Sanctification” long dispela Gaid i go long ol Skripsa (Gospel Library). Hau bai yumi kamap holi? Larim dispela kwesten i gaidim stadi bilong yu Doktrin na ol Kavanen 88:67–76, na rekotim ol tingting yu kisim long spirit.

Bikpela i tokim ol Seints long kirapim wanpela “skul bilong ol profet” long Kirtland (Doktrin na ol Kavanen 88:137). Planti long ol instraksen insait long seksen 88 i tisim hau long mekim dispela. Dispela instraksen i ken helpim yu tu “kirapim … wanpela haus bilong lainim” (ves 119) long laip bilong yu yet. Tru, yu ken lukim ol ves 77–80 na 118–26 olsem ol piksa long “senisim hom bilong yu [o laip bilong yu] i go long wanpela i putim pasin bilong lainim gospel namel tru long” na “wanpela holi hap bilong feit” (Russell M. Nelson, “Becoming Exemplary Latter-day Saints,” Liahona, Nov. 2018, 113). Em bai gutpela long sketsim wanpela dispela “senis” bilong yu yet bai luk olsem, wantaim tu ol hap tok i kam long ol dispela ves yu pilim yu laik aplaim.

Em bai helpim tu long lukim ol dispela kwesten: Wai na pasin bilong lainim na edukesen i impoten long Bikpela? Wanem Em i laikim mi long stadim? Hau Em i laikim mi long lainim? Painim ol ansa bilong ol dispela kwesten long ol ves 77–80 na long “Truth will make you free” (For the Strength of Youth: A Guide for Making Choices, 30–33).

Yu ting em i min wanem long lainim long “stadi na long feit”? (ves 118). Wanem ol tingting yu kisim long toktok bilong Elda Mathias Held “Seeking Knowledge by the Spirit”? (Liahona, Mei 2019, 31–33).

Lukim tu ol Topik na ol Kwesten, “Seeking Truth and Avoiding Deception,” Gospel Library; “A School and an Endowment,” long Revelations in Context, 174–82.

• Yu ken statim wanpela diskasen long Doktrin na ol Kavanen 88:33 taim yu askim ol pikinini long ol presen ol i kisim—ol dispela o i kisim wantaim amamas na ol i kisim i no wantaim amamas. Ating ol i ken wokim rol plei taim ol i kisim presen wantaim amamas. Bihain yu ken toktok long ol presen Papa long Heven i givim yumi (olsem presen bilong Holi Gos). Hau yumi kisim ol dispela presen wantaim amamas?

• Doktrin na ol Kavanen 88:63 i gat ol eksen wod i ken givim gutpela tingting long ol ektiviti long enkarisim ol pikinini long painim presens bilong Bikpela long laip bilong ol. Kain olsem, yu na ol pikinini i ken tingting long ol sampela gem long diskasim dispela hap tok “painim mi strong tru na yu bai painim mi” (putim strong) o “nok, na em bai open”?

• Long strongim invitesen bilong Seivia long “kam klostu long mi,” yu ken askim wanpela pikinini long holim piksa bilong Jisas (olsem piksa long arere bilong dispela autlain) long wanpela sait bilong rum taim ol narapela pikinini i sanap long narapela sait. Taim ol pikinini i tingting long mekim ol samting long kam klostu long Seivia, ol i ken kisim wanpela step i go long piksa, na pikinini i holim piksa bai kisim step i go long ol narapela pikinini. Toktok long ol pikinini hau yu save kam klostu long Seivia na hau Em save kam klostu long yu. Yu ken tu singsing wantaim ol wanpela singsing long dispela topik, olsem “I Feel My Savior’s Love” (Children’s Songbook, 74–75).

• Askim ol pikinini long tokim yu long wanem ol i lainim long skul o praimeri. Yu bai serim ol sampela samting yu lainim. Bihain bai yu ken soim ol pikinini dispela ol wod wanem, wai, na hau. Helpim ol lukim Doktrin na ol Kavanen 88:77–79 long painim aut wanem Bikpela laikim yumi long lainim. Bihain lukluk wantaim long ves 80 long painim aut wai Em i laikim yumi long lainim na long ves 118 long painim aut hau yumi i mas lainim.

• Taim yu ritim Doktrin na ol Kavanen 88:119 long ol pikinini, ol bai mekim wanpela haus olsem temple wantaim han bilong ol olgeta taim ol i harim dispela wod “haus.” Tok klia olsem Papa long Heven i laikim Joseph Smith na ol Seints long bildim wanpela temple, o wanpela “haus bilong God.”

• Yu ken askim ol pikinini bilong yu long susim sevenpela wod i toktok long haus bilong ol. Bihain helpim ol painim, long Doktrin na ol Kavanen 88:119, dispela sevenpela toktok Bikpela i yusim long toktok long haus bilong Em. Hau bai yumi mekim hom bilong yumi “haus bilong God”?