දහම සහ ගිවිසුම් 94–97

දහම සහ ගිවිසුම් 94 හි, ස්වාමින්වහන්සේ කර්ට්ලන්ඩ් හි පරිපාලන ගොඩනැගිලි–එනම් කාර්යාලයක් සහ මුද්‍රණාලයක් ඉදිකිරීම පිළිබඳ උපදෙස් ලබා දෙනවා. දහම සහ ගිවිසුම් 94:2–12 හි මෙම ගොඩනැගිලි ගැන ස්වාමින්වහන්සේ පවසන දේ ගැන ඔබව විශ්මයට පත් කරන්නේ කුමක්ද? එය 97:10–17 හි උන්වහන්සේ දේවමාළිගාව ගැන පවසන දේ සමඟ සැසඳෙන්නේ කෙසේද?

“සම්පූර්ණයෙන්ම ස්වාමින්වහන්සේට කැපවී සිටීම” යන්නෙන් ඔබට අදහස් කරන්නේ කුමක්ද?

95 වෙනි කොටසේ සඳහන් එළිදරව්ව ලැබුණු විට, දෙවියන්වහන්සේගේ ගෘහයක් ගොඩනගන ලෙස ස්වාමින්වහන්සේ ශුද්ධවන්තයින්ට ආඥා කර මාස පහක් පමණ ගත වී තිබුණා (බලන්න දහම සහ ගිවිසුම් 88:117–19)–නමුත් එය තවම පටන් ගෙන තිබුණේ නැහැ. ස්වාමින්වහන්සේ මෙම එළිදරව්ව තුළ ඔවුන්ව නිවැරදි කර ඇති ආකාරය සැලකිල්ලට ගන්න. දේවානුභාවයෙන් යුතුව නිවැරදි කිරීම් ලබාදීම ගැන ඔබ සොයා ගන්නා මූලධර්ම ලැයිස්තුවක් පවා ඔබට සෑදිය හැකිය. ස්වාමින්වහන්සේ තම ශුද්ධවන්තයින්ව නිවැරදි කළ ආකාරයෙන්, ඔබ උන්වහන්සේ ගැන ඉගෙන ගන්නේ කුමක්ද?

තවත් බලන්න දහම සහ ගිවිසුම් 121:43–44.

8:40

කර්ට්ලන්ඩ් හි ස්වාමින්වහන්සේගේ ගෘහය ඉදි නොකිරීම සම්බන්ධව තරවටු ලැබීමෙන් පසු, සභාවේ නායකයන් එය ගොඩනැගීමේ ස්ථානයක් ලෙස තිරිඟු කෙතක් තෝරාගත්තා. අනාගතවක්තෘවරයාගේ සහෝදරයා වන හයිරම් ස්මිත්, එම කෙත එළිපෙහෙළි කිරීම සඳහා දෑකැත්තක් ලබා ගැනීමට වහාම දිව ගියා. ඔහු මෙහෙම පැවසුවා, “අපි ස්වාමින්වහන්සේට ගෘහයක් තැනීමට සූදානම් වෙමින් සිටින්නෙමු, මෙම කාර්යයේ පළමුවැන්නා වීමට මම අධිෂ්ඨාන කරගෙන සිටියෙමි” (in Teachings of Presidents of the Church: Joseph Smith [2007], 271, 273). ඔබ සිතන ආකාරයට මෙම දේවමාළිගාව ගොඩනැගීමට හයිරම් ස්මිත් මෙතරම් උනන්දු වුණේ ඇයි? ඔබ දහම සහ ගිවිසුම් 95:8, 11–17; 97:10–17 කියවන විට, මේ ගැන මෙනෙහි කරන්න.

අපේ කාලයේදී, ස්වාමින්වහන්සේ “අපි දේවමාළිගා ගොඩනගන වේගය වර්ධනය කරමින් සිටිනවා” (රසල් එම්. නෙල්සන්, “දේවමාළිගාව වෙත අවධානය යොමු කරන්න,” ලියහෝනා, නොවැම්බර් 2022 , 121). යේසුස් ක්‍රිස්තුස්වහන්සේගේ සභාව මෙතරම් දේවමාළිගා ගොඩනගන්නේ මන්දැයි යමෙකු ඔබෙන් ඇසුවොත්, ඔබ පවසන්නේ කුමක්ද? දිය හැකි පිළිතුරු සඳහා බලන්න:

• (“දැන් ඒ වෙලාවයි,” ලියහෝනා, මැයි 2022, 126 වැනි) නව දේවමාළිගා නිවේදනය කරන සභාපති රසල් එම්. නෙල්සන්ගේ පණිවිඩ.

5:41

කර්ට්ලන්ඩ් දේවමාළිගාව ගොඩනැගීමට එම ශුද්ධවන්තයින් දැරූ උත්සාහයන් සමඟ දේවමාළිගාවේදී ස්වාමින්වහන්සේ සමඟ අර්ථවත් අත්දැකීම් සඳහා සූදානම් වීමට ඔබ දරන උත්සාහයන් සැසඳීමට ඔබට පුළුවන්. හයිරම් ස්මිත්ට ස්වාමින්වහන්සේගේ ශුද්ධ වූ ගෘහය කෙරෙහි දැනුණු හදිසි හැඟීම වැනි හැඟීමක් ඔබට පෙන්විය හැක්කේ කෙසේද? උදාහරණයක් ලෙස, හයිරම් කළාක් මෙන්, කෙත එළි පෙහෙළි කිරීම වැනි කුමක් ඔබට කළ හැකිද? ස්වාමින්වහන්සේට අවශ්‍ය ඔබ කුමන ආකාරයේ කැපවීම් කරනවාටද? (බලන්න දහම සහ ගිවිසුම් 97:12).

ඔබව කණ්ඩායමකට පිළිගත් හෝ නොපිළිගත් අවස්ථාවක් ගැන සිතන්න. ස්වාමින්වහන්සේ විසින් පිළිගනු ලැබීම ගැන දහම සහ ගිවිසුම් 97:8–9 තුළින් උගන්වන දෙයට එය සමාන වෙන්නේ හෝ ඊට වෙනස් වෙන්නේ කෙසේද? ඔබ සිතන ආකාරයට 9 වෙනි පදයේ ඇති රූපකයෙන් ස්වාමින්වහන්සේ ඔබට ඉගැන්වීමට උත්සාහ කරන්නේ කුමක්ද?

1830 ගණන්වල ශුද්ධවන්තයින්ට සයොනය යනු ස්ථානයක් වුණා. 97 වෙනි කොටසේ ඇති එළිදරව්වේදී, ස්වාමින්වහන්සේ විසින් “සිතින් පවිත්‍ර සියල්ලෝ” ලෙස–සෙනඟක් විස්තර කිරීම සඳහා එම නිර්වචනය පුළුල් කළා (21 වෙනි පදය). ඔබ 18–28 පද කියවන අතරතුර, සයොනය යන වචනය ඔබ කියවද්දි, ඔබට මෙම නිර්වචනය ඒ වෙනුවට ආදේශ කළ හැකිය. සිතින් පවිත්‍ර වීම යන්නෙන් ඔබට අදහස් වන්නේ කුමක්ද?

තවත් බලන්න මෝසෙස් 7:18.

• ඔබේ දරුවන්ට ඔවුන් කර්ට්ලන්ඩ් දේවමාළිගාව ගොඩනැගීමට උදව් කරන බව රඟපාමින් සතුටු විය හැකිය (දැව කැපීම, ඇණ ගැසීම, බිත්ති පින්තාරු කිරීම සහ යනාදිය). අපට දේවමාළිගා ගොඩනැගීම ස්වාමින්වහන්සේට අවශ්‍ය වන්නේ මන්දැයි ඔබේ දරුවන්ට ඉගැන්වීමට, ඔබ දහම සහ ගිවිසුම් 95:8 කියවන අතරතුර, ඔබට මෙම දළ සටහනේ ඇති පින්තූරය මෙන්, කර්ට්ලන්ඩ් දේවමාළිගාවේ පින්තූරයක් ඔවුන්ට පෙන්විය හැකිය.

1:17

• එකට එකතු වී දහම සහ ගිවිසුම් 97:15–16 කියවීමෙන් පසු, දේවමාළිගාව ඔබට විශේෂ වන්නේ ඇයි කියා ඔබට සහ ඔබේ දරුවන්ට එකිනෙකා සමඟ බෙදා ගත හැකිය. දේවමාළිගාව පූජනීය වන්නේ ඇයි?

• දහම සහ ගිවිසුම් 97:21 හි පවිත්‍ර යන වචනයේ තේරුම කුමක්දැයි ඔබේ දරුවන්ට තේරුම් ගැනීමට උපකාර කිරීම සඳහා, ඔබට එකට එකතු වී පිරිසිඳු වතුර වීදුරුවක් දෙස බලා, එම ජලය අපවිත්‍ර වන (කුණු හෝ ගම්මිරිස් වැනි) යමක් ඔබට ඒ තුළට එකතු කළ හැකිය. ජලය පවිත්‍ර වීම වැදගත් වන්නේ ඇයි? ඉන්පසු ඔබේ දරුවන්ට 21 වෙනි පදය කියවා පවිත්‍ර යන වචනය මත ඇඟිල්ල තැබිය හැකිය. අපගේ හදවත් පවිත්‍ර වීම යන්නෙන් අදහස් කරන්නේ කුමක්ද? 1–2 සහ 8–9 පද තුළින් සමහර අදහස් සැපයිය හැකිය. අපගේ හදවත් පවිත්‍ර කරගැනීමට ගැලවුම්කරුවාණන් උපකාර කරන්නේ කෙසේද?

• අපි බව්තීස්ම වන විට හෝ දේවමාළිගාවේ සිටින විට අපි ස්වාමින්වහන්සේ සමඟ ඇතිකරගන්නා ගිවිසුම් මොනවාදැයි ඔබේ දරුවන් දන්නවාද? මොසායා 18:9–10, 13 හෝ ප්‍රධාන අත්පොත, 27.2 කියවීමෙන් ඔවුන් සමඟ එම ගිවිසුම් සමාලෝචනය කිරීම ගැන සලකා බලන්න. “පරිත්‍යාග කිරීම් තුළින් [ඔබගේ] ගිවිසුම් පිළිපැදීමට” ඔබ උත්සාහ කරන ආකාරය එකිනෙකා සමඟ බෙදාගන්න (දහම සහ ගිවිසුම් 97:8).

• දහම සහ ගිවිසුම් 97:9 තුළ විස්තර කරන දේවල්වල චිත්‍ර ඇඳීමට ඔබට ඔබේ දරුවන්ට ආරාධනා කළ හැකිය. ඔවුන් ඔවුන්ගේ චිත්‍ර බෙදා ගන්නා විට, ඔබ ඔබේ ගිවිසුම් පවත්වන නිසා, ස්වාමින්වහන්සේ ඔබට ආශිර්වාද කර ඇති ආකාරය ගැන කතා කරන්න. එම ආශිර්වාදයන් “පවිත්‍ර වූ ඇලක් ලඟ … සිටවූ ඉතාමත් සඵලවත් වූ ගසක්” මෙන් වන්නේ කෙසේද?