දහම සහ ගිවිසුම් 93

අනාගතවක්තෘ ජෝසෆ් ස්මිත් මෙසේ ඉගැන්වුවා, “මිනිසුන් දෙවියන්වහන්සේගේ චරිතය අවබෝධ කර නොගන්නේ නම්, ඔවුන් තමන්වම තේරුම් නොගනිති” (Teachings: Joseph Smith, 40). දහම සහ ගිවිසුම් 93 අධ්‍යයනය කිරීමෙන් ඔබ ගැලවුම්කරුවාණන් ගැන ඉගෙන ගන්නා විට, ඔබ, ඔබ ගැන ඉගෙන ගන්නා දේද සොයන්න. උදාහරණයක් වශයෙන්, 3, 12–13, 21, සහ 26 පදවලින් ඔබ උන්වහන්සේ ගැන ඉගෙන ගන්නේ මොනවාද? 20, 23, සහ 28–29 පදවල ඔබ, ඔබ ගැන සොයා ගන්නා ඒ හා සමාන සත්‍යයන් මොනවාද? (තවත් බලන්න 1 යොහාන් 3:2; 3 නෙපී 27:27). මෙම කොටසේ ඇති සත්‍යයන් තේරුම් ගැනීමට සහ ඒවා අදාළ කර ගැනීමට පහත ප්‍රශ්න ඔබට උපකාරී විය හැකිය:

• ඔබට සිතෙන ආකාරයට, “කරුණාවෙන් කරුණාව” ලබාගැනීම සහ “කරුණාවෙන් කරුණාවට” යාම යන්නෙන් අදහස් වන්නේ කුමක්ද? (12–13 පද).

• දෙවියන්වහන්සේ ඔබට වර්ධනය වීමට සහ ඉගෙන ගැනීමට උපකාර කරන ආකාරය ගැන, ඔබ මෙම එළිදරව්වෙන් සොයා ගන්නේ මොනවාද? මෙය දැන ගැනීම, ඔබ අන් අයට සහ ඔබට සලකන ආකාරය කෙරෙහි බලපාන්නේ කෙසේද?

• “නමස්කාර කරන්නේ කෙසේදැයි, තවද නමස්කාර කරන්නේ කුමකටදැයි” ගැන ඔබ ඉගෙන ගන්නේ මොනවාද? (19 වෙනි පදය.)

මහිමය, ආලෝකය, සහ සත්‍යය වැනි වචන මෙම එළිදරව්වේ නිතර දිස්වන බව ඔබට පෙනෙනු ඇත. ඔබ විශේෂයෙන් 20–39 පද අධ්‍යයනය කරන විට, මෙම සංකල්ප ගැන ඔබ ඉගෙන ගන්නා සත්‍යයන් ලැයිස්තුගත කරන්න. මෙවැනි වගුවක් සෑදීම උපකාරී විය හැකිය:

ඔබ මෙම පදවල සොයාගන්නා, ඔබව වැඩි ආලෝකයක් සහ සත්‍යයක් සෙවීමට පොළඹවන දේවල් මොනවාද? යේසුස් ක්‍රිස්තුස්වහන්සේට ආලෝකය සහ සත්‍යය යන වචන හොඳ හැඳින්වීමක් වන්නේ ඇයි? (බලන්න යොහාන් 8:12; 14:6). මෙම සත්‍යයන් ඔබේ ජීවිතයට බලපාන්නේ කෙසේද?

ඔබට 20, 22, 28, 33–35 පදවල හමුවන ඔබේ සදාකාලික ඉරණම පිළිබඳ පොරොන්දු ද සටහන් කළ හැකිය. මෙම පොරොන්දු සහ ආලෝකය ලබා ගැනීම, අතර ඇති සම්බන්ධය කුමක්ද?

6:40

6:52

“නුඹගේ ස්වකීය නිවස පිළිවෙලට තැබිය යුතු වන්නේය” (43 වෙනි පදය) යන ආඥාවෙන් කියන්නේ අල්මාරි සහ ලාච්චු අස්කිරීම ගැන නොවේ නමුත්, “ආලෝකය සහ සත්‍යය” පිළිබඳ ඉගැන්වීම–සහ ඉගෙනීම ගැනයි (42 වෙනි පදය). ඔබ මෙම උපදෙස අනුගමනය කිරීමට උත්සාහ කරන ආකාරය ගැන සලකා බලන්න. ඔබ මුහුණ දෙන අභියෝග මොනවාද? දහම සහ ගිවිසුම් 93 හි ඇති කුමන සත්‍යයන් ඒ සඳහා උපකාරයක් විය හැකිද?

වැඩිහිටි ඩේවිඩ් ඒ බෙඩ්නාර්ගේ මෙම ඉගැන්වීම් වලින් ඔබ ලබා ගන්නා අවබෝධය කුමක්ද?

“මගේ කාර්යාලයේ තිරිඟු කෙතක ලස්සන චිත්‍රයක් තිබෙනවා. මෙම සිතුවම තනි තීන්ත පහරවල්වල විශාල එකතුවකි–ඒ කිසිවක් තනි තනිව ගත්විට ඉතා රසවත් හෝ ආකර්ෂණීය වන්නේ නෑ. ඇත්ත වශයෙන්ම, ඔබ කැන්වසය අසල සිටගෙන සිටියහොත්, ඔබට දැකිය හැක්කේ කහ සහ රන්වන් සහ දුඹුරු පැහැති තීන්තවල අසම්බන්ධිත ආකර්ශනීය නොවන ඉරි සමූහයක්. කෙසේ වෙතත්, ඔබ ක්‍රමයෙන් කැන්වසයෙන් ඉවතට ගමන් කරන විට, තනි තනි තීන්ත පහරවල් සියල්ලම එකට එකතු වී, තිරිඟු කෙතක විශිෂ්ට භූ දර්ශනයක් පෙන්නුම් කරනවා. බොහෝ සාමාන්‍ය, තනි තනි තීන්ත පහරවල්, ආකර්ශනීය හා අලංකාර චිත්‍රයක් නිර්මාණය කිරීමට එක්ව ක්‍රියා කරනවා.

“සෑම පවුලේ යාච්ඤාවක්ම, පවුලේ ශුද්ධලියවිලි අධ්‍යයනයේ සෑම කොටසක්ම සහ සෑම පවුල් නිවාස සන්ධ්‍යාවක්ම අපගේ ප්‍රාණයේ කැන්වසය මත තීන්ත පහරක් වෙනවා. කිසිඳු තනි සිදුවීමක් බොහෝ ආකර්ෂණීය හෝ මතක සිටින එකක් බව පෙන්නුම් කරන්නේ නෑ. නමුත් කහ සහ රන්වන් සහ දුඹුරු පැහැති තීන්ත එකිනෙකට අනුපූරක වන අතර සිත් ඇදගන්නාසුළු විශිෂ්ට නිර්මාණයක් නිපදවනවා සේම, කුඩා දේවල් ලෙස පෙනෙන්නට තිබෙන දේවල් නිතර නිතර කිරීමෙන්, එය ඉතා විශාල ආත්මික ප්‍රතිඵලයකට අපව යොමු කරනවා. ‘එසේහෙයින්, යහපත කිරීමේදී විඩාපත් නොවන්න, මක්නිසාද නුඹලා මහත් ක්‍රියාවක් උදෙසා අත්තිවාරම දමන්නෙහුය. තවද එනම් කුඩා දේවල් වලින් එම ශ්‍රේෂ්ඨ වූ දේ ඉදිරියට යන්නේය’ [දහම සහ ගිවිසුම් 64:33]. අපගේ පෞද්ගලික ජීවිතයේ විශිෂ්ට කාර්යයක අත්තිවාරම දැමීමේදී සහ අපගේම නිවෙස්වලදී අප වඩාත් උද්යෝගිමත් සහ සැලකිලිමත් වන විට, අඛණ්ඩතාව යනු වැදගත්ම දෙයකි” (“More Diligent and Concerned at Home,” Liahona, Nov. 2009, 19–20).

තවත් බලන්න හෙන්රි බී. අයිරින්, “ස්වාමින්වහන්සේගේ ආත්මයාණන්වහන්සේ වැඩසිටින නිවසක්,” ලියහෝනා, 2019 මැයි, 22–25.

• ගැලවුම්කරුවාණන්ගේ පින්තූරයක් පෙන්වමින්, යේසුස් ක්‍රිස්තුස්වහන්සේ ගැන ඉගෙනගැනීම සහ උන්වහන්සේව අනුගමනය කිරීම වැදගත් වන්නේ මන්දැයි ඔබේ දරුවන්ගෙන් විමසන්න. ඉන්පසු ඔබට ඒ සඳහා එක් වැදගත් හේතුවක් සොයා ගැනීමට, එකට එකතු වී දහම සහ ගිවිසුම් 93:19 කියවිය හැකිය.

• 93 වෙනි කොටසෙහි ඔබට පෙළඹවීමක් ලබාදෙන, ක්‍රිස්තුස්වහන්සේ පිළිබඳ සත්‍යයන් කිහිපයක් තෝරා ගැනීමට ඔබට පුළුවන්, ඉන්පසු ඔබේ දරුවන්ට ඒවා සොයා ගැනීමට සහ තේරුම් ගැනීමට උපකාර කරන්න. ඔබ තෝරා ගන්නා සෑම සත්‍යයක් සඳහාම, ඔබ එකට එක් වී මෙම පදය කියවන අතරතුර, ඔබේ දරුවන්ට එය අසා සිට සොයාගැනීමට, වචනයක් හෝ වාක්‍ය ඛණ්ඩයක් ලබා දිය හැකිය. උදාහරණයක් ලෙස, යේසුස් ක්‍රිස්තුස්වහන්සේ:

  • පියණන්වහන්සේගේ කාර්යය ඉටුකළ සේක (5 වෙනි පදය).

  • ලෝකයේ ආලෝකය වේ (9 වෙනි පදය).

  • ලෝකයේ මැවුම්කරුවාණන් වේ (10 වෙනි පදය).

  • ස්වර්ගයේ සහ පොළොවේ සියලු බලය ලබාගත් සේක (17 වෙනි පදය).

  • ආරම්භයේ පටන් දෙවියන්වහන්සේ සමඟ සිටි සේක (21 වෙනි පදය).

  

  1:18

• අපි දෙවියන්වහන්සේ සමඟ “ආරම්භයේ පටන් ” ජීවත් වූ බව, ගැලවුම්කරුවාණන් 93 වෙනි කොටසේ තුන් වරක් අවධාරණය කර තිබෙනවා (23, 29, 38 පද). මෙය සොයා ගැනීමට ඔබේ දරුවන්ට උපකාර කිරීම සඳහා, දහම සහ ගිවිසුම් 93:23, 29, 38 කියවීමට සහ මෙම පදවල පුනරාවර්තනය වන, තමන් පිළිබඳ සත්‍යයක් සෙවීමට ඔබට ඔවුන්ට ආරාධනා කළ හැකිය. අප මෙම සත්‍යය දැනගන්නවාට ස්වර්ගික පියාණන්වහන්සේට අවශ්‍ය වන්නේ ඇයි? අප ඉපදීමට පෙර ස්වර්ගික පියාණන්වහන්සේ සමඟ අපගේ ජීවිතය ගැන ඔවුන් දන්නේ කුමක්දැයි ඔබේ දරුවන්ගෙන් ඔබට ඇසීමට හැකිය. ඔවුන්ට වැඩිදුර ඉගෙන ගැනීමට උපකාර කිරීම සඳහා, ඔවුන් සමඟ පහත සඳහන් ශුද්ධලියවිලි වලින් එකක් හෝ කිහිපයක් කියවන්න: යෙරමියා 1:5; දහම සහ ගිවිසුම් 138:53–56; මෝසෙස් 3:5; ආබ්‍රහම් 3:22–26.

• දහම සහ ගිවිසුම් 93 හි කීකරුකම පිළිබඳ සත්‍යයන් අදාළ කර ගැනීමට ඔබේ දරුවන්ට උපකාර කිරීම සඳහා, මෙම කොටසෙන් තෝරාගත් ශුද්ධලියවිලි පද කිහිපයක් කඩදාසි කැබලි මත ලිවීම සලකා බලන්න. වෙනත් කඩදාසි කැබලි මත, මෙම සෑම පදයකින්ම ඉගැන්වෙන සත්‍යයන් ලියන්න. ඔබේ දරුවන්ට මෙම පද කියවීමට සහ එම ශුද්ධලියවිලි පද වලට අදාළ සත්‍යයන් ඒවා සමඟ ගැලපීමට එකට එකතු වී වැඩ කළ හැකිය. උදාහරණ කිහිපයක්:

  • 24 වෙනි පදය: සත්‍යය යනු අතීතයේ, වර්තමානයේ සහ අනාගතයේ සැබෑ දේවල් දැන ගැනීමයි.

  • 28 වෙනි පදය: මම ආඥා පිළිපදින විට මට ආලෝකය සහ සත්‍යය ලැබිය හැකිය.

  • 37 වෙනි පදය: මට ආලෝකය සහ සත්‍යය ඇති විට, මට නපුරට එරෙහි වීමට හැකි වේ.

  • 39 වෙනි පදය: මම අකීකරු වූ විට මට ආලෝකය සහ සත්‍යය අහිමි වේ.

  ස්වාමින්වහන්සේගේ ආඥා පිළිපැදීම නිසා, ඔබ දැනගත් සත්‍යයන් පිළිබඳ උදාහරණ බෙදා ගැනීමට ඔබට අවශ්‍ය විය හැකිය.