දහම සහ ගිවිසුම් 85–87

දහම සහ ගිවිසුම් 85:1–2 හි විස්තර කර ඇති ලෙස “එම ඉතිහාසය” තුළට ඇතුළත් කිරීමට ස්වාමින්වහන්සේට අවශ්‍ය වූයේ කුමක්ද යන්න සැලකිල්ලට ගන්න. ඔබ සිතන ආකාරයට, උන්වහන්සේගේ ශුද්ධවන්තයින් ඉතිහාසයක් තබා ගැනීම උන්වහන්සේට අවශ්‍ය ඇයි? ඔබට සහ අනාගත පරම්පරාවට ආශිර්වාදයක් විය හැකි ඔබේ “ජීවන රටාව, [ඔබේ] ඇදහිල්ල සහ ක්‍රියා” ගැන ඔබට වාර්තා කළ හැක්කේ මොනවාද? පුද්ගලික ඉතිහාසයක් තබාගැනීම ක්‍රිස්තුස්වහන්සේ වෙතට පැමිණීමට ඔබට උපකාරවත් වන්නේ කෙසේද?

3:6

දහම සහ ගිවිසුම් 85:6 තුළ ආත්මයාණන්ව විස්තර කිරීමට ජෝසෆ් ස්මිත් භාවිතා කළ වචන මෙනෙහි කරන්න. ආත්මයාණන්ගේ හඬ “නිසල” සහ “සියුම්” වන්නේ කුමන අර්ථයෙන්ද? ජෝසෆ් ස්මිත් හරහා ලබා දී ඇති මෙම අමතර විස්තර ගැනද සලකා බලන්න: දහම සහ ගිවිසුම් 6:22–24; 8:2–3; 9:7–9; 11:12–13; 128:1. ආත්මයාණන්වහන්සේ ඔබට කථා කරන්නේ කෙසේද?

තවත් බලන්න ලූක් 24:32; මොසායා 5:2; ඇල්මා 32:28; හිලමන් 5:30; දහම සහ ගිවිසුම් 6:22–23; 11:12–13.

දහම සහ ගිවිසුම් 86 තුළ මතෙව් 13:24–30, 37–43 හි ලියා තිබෙන තිරිඟු සහ කිරිඳි පිළිබඳ උපමාවේ අර්ථකථනයක් අඩංගු වෙනවා. ඔබ මෙම උපමාවේ තේරුම ගැන ඉගෙන ගන්නා විට, මෙවැනි වගුවක් පිරවීම ගැන සලකා බලන්න:

සලකා බැලීමට අමතර ප්‍රශ්න කිහිපයක් මෙන්න:

• මෙම උපමාව අර්ථකථනය කිරීමෙන් පසු, ස්වාමින්වහන්සේ පූජකවරය, නැවත පිහිටුවීම සහ උන්වහන්සේගේ සෙනඟගේ ගැලවීම ගැන කතා කළා (බලන්න 8–11 පද). මෙම තේමාවන් සහ තිරිඟු සහ කිරිඳි පිළිබඳ උපමාව අතර ඔබ දකින සම්බන්ධතා මොනවාද?

• “අන්‍ය ජාතීන්ට ආලෝකයක්” සහ “[ස්වාමින්වහන්සේගේ] සෙනඟට ගැලවුම්කරුවෙක්” වීමේ ඔබේ කාර්යභාරය කුමක්ද? (11 වෙනි පදය).

87 වෙනි කොටසේ අනාවැකිය, අවසාන දිනවල යුද්ධයට සම්බන්ධ භෞතික අන්තරායන් ගැන අනතුරු අඟවනවා. නමුත් මෙම එළිදරව්වේ ඇති උපදෙස් ආත්මික අන්තරායන් සඳහාද අදාළයි. පහත සඳහන් ප්‍රශ්න මෙනෙහි කරන්න:

• අනාවැකියක් යනු බොහෝ විට අනාගතය ගැන, අනාගතවක්තෘවරයෙකුට දෙවියන්වහන්සේගෙන් ලැබෙන එළිදරව්වක්. පුරාණ සහ නූතන අනාගතවක්තෘවරුන් ලබා දී ඇති අනාවැකි සඳහා උදාහරණ මොනවාද? (බලන්න යොහාන් 3:14; මොසයා 3:5; හිලමන් 14:2–6). ඒවා ඉටු වුණේ කොහොමද? (බලන්න ලූක් 23:33; මතෙව් 15:30–31; 3 නෙපී 1:15–21).

• දෙවියන්වහන්සේගේ අනාගතවක්තෘවරුන්ගේ අනාවැකි පිළිගැනීමෙන් ලැබෙන ආශිර්වාද මොනවාද?

එම සිතුවිලි මනසේ තබාගෙන, 87 වෙනි කොටස කියවන්න. (යම් ඓතිහාසික සම්බන්ධයක් සඳහා, ඔබට මෙම දළ සටහනේ හැඳින්වීම කියවීමට අවශ්‍ය විය හැකිය.) මෙම එළිදරව්වෙන් සහ එය ඉටු වූ ආකාරයෙන්, ඔබ අනාවැකි ගැන ඉගෙන ගන්නේ කුමක්ද? අනාවැකියක් එසැණින්ම ඉටු නොවූ නිසා, ඒ ගැන සැක කරන කෙනෙකුට ඔබට පැවසිය හැක්කේ කුමක්ද?

8 වෙනි පදයේ ස්වාමින්වහන්සේ ලබාදුන් උපදෙස කුමක්ද? ඔබට සාමය සහ ආරක්ෂාව ලැබෙන, ඔබේ “ශුද්ධ වූ ස්ථාන” මොනවාද? ස්ථානයක් ශුද්ධ වන්නේ කුමක් නිසාද? භෞතික ස්ථාන වලට අමතරව, සමහරවිට සාමය ලබා දිය හැකි ශුද්ධ වූ කාල වකවානු, ශුද්ධ වූ ක්‍රියා පිළිවෙත්, හෝ ශුද්ධ වූ සිතුවිලි තිබෙන්නට පුළුවන්. නිදසුනක් වශයෙන්, දෙවියන්වහන්සේගේ අනාගතවක්තෘවරුන්ගේ වචන ඔබට ශුද්ධ වූ ස්ථානයක් වන්නේ කෙසේද? මෙම ස්ථානවල “නැගී සිටීම” සහ “නොසැලී සිටීම” යන්නෙන් අදහස් කරන්නේ කුමක්ද?

• ශුද්ධාත්මයාණන්වහන්සේ ඔවුන්ට කතා කරන විට ඔවුන් එය දැනගන්නේ කෙසේදැයි යමෙකු ඔවුන්ගෙන් ඇසුවහොත් ඔබේ දරුවන් කුමක් කියයිද? දහම සහ ගිවිසුම් 85:6 හි ජෝසෆ් ස්මිත් විසින් ආත්මයාණන්ගේ හඬ විස්තර කළ එක් ආකාරයක් ගැන කියවීමට ඔවුන්ට ආරාධනා කරන්න. ඉන්පසු ඔවුන්ට කුඩා කටහඬකින් කතා කිරීමට සහ එයට සවන් දීමට පුරුදු විය හැකිය. ආත්මයාණන් ඔබට නිසල සියුම් හඬකින් කතා කළ අවස්ථාවක ඔබ ලැබූ අත්දැකීම් ඔබට බෙදාහදා ගත හැකිය.

• ආත්මයාණන්ව නිතර නිතර දැනීම සඳහා, අපට අපගේ ජීවිතයෙන් ඉවත් කළ හැකි බාධා මොනවාද?

• 86 වෙනි කොටසෙහි විස්තර කර ඇති උපමාව ඔබේ දරුවන්ට තේරුම් ගැනීමට උපකාර කිරීම සඳහා, ඔබට තිරිඟු වල කුඩා පින්තූර හෝ චිත්‍ර කිහිපයක් සකස් කර ඒවා කාමරය වටා සැඟවිය හැකිය. තිරිඟු සහ කිරිඳිවල උපමාව ඔබේ දරුවන්ට පැහැදිලි කරන්න (බලන්න මතෙව් 13:24–30), ඉන්පසු දහම සහ ගිවිසුම් 86:1–7 හි ස්වාමින්වහන්සේගේ විවරණය කියවන්න. ඉන්පසු ඔබේ දරුවන්ට තිරිඟු වල සැඟවුණු පින්තූර එකතු කර, යේසුස් ක්‍රිස්තුස්වහන්සේ වෙතට ඔවුන්ට “එකතු කළ” හැකි කෙනෙකුගේ නමක් ඒවා මත ලිවිය හැකිය. යේසුස් ක්‍රිස්තුස්වහන්සේ වෙතට මිනිසුන් එක්රැස් කිරීම යන්නෙන් අදහස් කරන්නේ කුමක්ද? අපට මෙය කළ හැකි ක්‍රම මොනවාද?

• ඔබ දහම සහ ගිවිසුම් 86:11 සාකච්ඡා කරන විට, ඔබට ඔබේ දරුවන්ගෙන් ඇසිය හැකි ප්‍රශ්න කිහිපයක් මෙන්න: ආලෝකය අපට ආශිර්වාද කරන්නේ කෙසේද? අපට ආලෝකයක් නොමැති විට එය කෙබඳුද? අපි අනෙක් මිනිසුන්ට ආලෝකයක් වෙන්නේ කොහොමද? අපට “[යේසුස්වහන්සේගේ] යහපත්කමෙහි දිගටම සිටීමට” සහ එය අන් අය සමඟ බෙදාගැනීමට හැකි ක්‍රම ගැන සිතීමට ඔබේ දරුවන්ට උපකාර කරන්න.

• අවසාන දිනවලදී සිදුවනු ඇතැයි ස්වාමින්වහන්සේ පැවසූ දේවල් ගැන දැනගැනීමට එකට එකතු වී දහම සහ ගිවිසුම් 87:6 කියවන්න. එවිට ඔබ සහ ඔබේ දරුවන් මුහුණ දෙන අභියෝග කිහිපයක් ගැන ඔබට කතා කළ හැකියි. 8 වෙනි පදයේ, ස්වාමින්වහන්සේ පැවසූ ආකාරයට, දුෂ්කර කාලවලදී අපට කළ හැක්කේ කුමක්ද?

• ආත්මික අනතුරකට මුහුණ දීමට උපකාර කළ හැකි ශුද්ධ වූ ස්ථාන, ශුද්ධ වූ සිතුවිලි සහ ශුද්ධ වූ ක්‍රියා ලැයිස්තුවක් සෑදීමට ඔබේ දරුවන්ට උපකාර කරන්න.

  

  5:36

  

  4:36