දහම සහ ගිවිසුම් 89–92

ජෝසෆ් ස්මිත් ප්‍රඥාවේ වචනය කියවන විට අනාගතවක්තෘවරුන්ගේ පාසලේ වැඩිහිටියන් එය මුලින්ම ඇසූ වහාම, ඔවුන් “ඔවුන්ගේ පයිප්ප සහ දුම්කොළ හපන පේනු ගින්නට විසි කළා” (Saints, 1:168). ස්වාමින්වහන්සේට කීකරු වීමට වූ ඔවුන්ගේ කැමැත්ත පෙන්වීමට ඔවුන්ට අවශ්‍ය වුණා. සමහර විට ඔබ දැනටමත් ඔබේ ජීවිතයෙන් ප්‍රඥාවේ වචනය මගින් අනතුරු අඟවා ඇති ද්‍රව්‍ය “විසිකර” තිබෙන්නට පුළුවන්, නමුත් මෙම එළිදරව්වෙන් ඔබට ඉගෙනගත හැකි තවත් දේවල් මොනවාද? මෙම අදහස් සලකා බලන්න:

• මෙම එළිදරව්ව ගැන “මූලධර්මයක් උදෙසා පොරොන්දුවක්” (3 වෙනි පදය) ලෙසත්—තීරණ ගැනීමේදී මගපෙන්වන කල්පවත්නා සත්‍යයන් ලෙසත් සිතන්න. ඔබේ තීරණවලට මගපෙන්විය හැකි, ඔබ සොයාගන්නා ප්‍රතිපත්ති මොනවාද? ස්වාමින්වහන්සේ පොරොන්දු වන ආශිර්වාද මොනවාද? (බලන්න 18–21 පද). උන්වහන්සේ ඔබේ ජීවිතයේ එම පොරොන්දු ඉටු කර ඇත්තේ කෙසේද?

• ප්‍රඥාවේ වචනය සම්බන්ධයෙන් “කුමන්ත්‍රණකාරී මිනිසුන්ගේ හදවත් වල ඇති … නපුරුකම් සහ සැලසුම්” පිළිබඳ ඔබ දැක ඇති උදාහරණ මොනවාද? (4 වෙනි පදය). මෙම එළිදරව්වට අමතරව, මෙම නපුර වළක්වා ගැනීමට හෝ ජය ගැනීමට ඔබට උපකාර කිරීමට ස්වාමින්වහන්සේ ලබා දී ඇත්තේ මොනවාද?

• මෙම එළිදරව්ව ස්වාමින්වහන්සේ ගැන ඔබට උගන්වන්නේ මොනවාද? මෙම ප්‍රඥාවේ වචනය දහම සහ ගිවිසුම් 29:34–35 හා සම්බන්ධ වන්නේ කෙසේද?

• ඔබේ ශරීරය වඩා හොඳින් රැකබලා ගැනීමට, ඔබට පෙළඹවීමක් දැනෙන්නේ මොනවා කරන්නටද?

ඔබ ප්‍රඥාවේ වචනය අනුව ජීවත් වන්නේ මන්දැයි අන් අයට පැහැදිලි කිරීමට ඔබට අවස්ථා ලැබී තිබෙන්න පුළුවන්—ඒවගේම අනාගතයේදීත් ඔබට තවත් අවස්ථා ලැබෙයි. ගැලවුම්කරුවාණන් ගැන, ඒවගේම අපගේ ශරීරවල පරිශුද්ධභාවය ගැන, සහ වෙනත් අධ්‍යාත්මික සත්‍යයන් ගැන සාක්ෂි දීමට ඔබට මෙම අවස්ථා භාවිතා කළ හැකි ආකාරය ගැන සලකා බලන්න.

තවත් බලන්න 1 කොරින්ති 6:19–20.

4:40

90 වෙනි කොටස තුළ, ස්වාමින්වහන්සේ විසින්, අපි දැන් පළමු සභාපතිත්වය ලෙස හඳුන්වන එකතුවෙහි සාමාජිකයින් වන, ජෝසෆ් ස්මිත්, සිඩ්නි රිග්ඩන් සහ ෆෙඩ්රික් ජී. විලියම්ස්ගේ “දේවසේවය සහ සභාපතිත්වය” (12 වෙනි පදය) පිළිබඳව උපදෙස් ලබා දුන්නා. 1–17 පද වෙතින් පළමු සභාපතිත්වය ගැන ඔබ ඉගෙන ගන්නේ මොනවාද? පළමු සභාපතිත්වයේ සාමාජිකයින්ගේ මෑත පණිවිඩ සමාලෝචනය කිරීම ගැන සලකා බලන්න. “මෙම සභාවේ සහ රාජ්‍යයේ සියලු කටයුතු නිසි පිළිවෙලට තබාගැනීමට” ඔවුන් කරන්නේ මොනවාද? (16 වෙනි පදය). ඒවා ඔබට “සුළු දෙයක්” නොවන බව ඔබට පෙන්විය හැක්කේ කෙසේද? (5 වෙනි පදය).

පළමු සභාපතිත්වයේ සේවය ඔබට ස්වර්ගික පියාණන්වහන්සේව සහ යේසුස් ක්‍රිස්තුස්වහන්සේව දැනගැනීමට උපකාර වී ඇත්තේ කෙසේද?

දහම සහ ගිවිසුම් 90:24 හි ස්වාමින්වහන්සේගේ පොරොන්දුව ගැන සාක්ෂි දරන, ඔබට ඇති අත්දැකීම් ගැන මෙනෙහි කරන්න. ඔබේ අත්දැකීම් වාර්තා කර, ඒවා පවුලේ සාමාජිකයෙකු හෝ ආදරය කරන කෙනෙකු—සමහර විට අස්වැසීමක් හෝ දිරිගැන්වීමක් අවශ්‍ය කෙනෙකු සමඟ, ඒවා බෙදා ගැනීම ගැන සලකා බලන්න. ඔබ තවමත් යම් යම් ආශිර්වාද බලාපොරොත්තුවෙන් සිටිනවා නම්, “සියලු දේවල් නුඹලාගේ යහපත උදෙසා ක්‍රියා කරන්නේ” කෙසේද කියා බලා සිටින විට, ඇදහිලිවන්තව බලා සිටීමට ඔබට කළ හැකි දේ ගැන මෙනෙහි කරන්න.

වියේනා ජෙක්ස්, 1787 ජුනි 10 වෙනි දින මැසචුසෙට්ස් හි උපත ලැබුවා. සැලකිය යුතු මුදල් සම්භාරයක් ඇති ඇදහිලිවන්ත කාන්තාවක් වූ වියේනාට ධර්මදූතවරුන්ව මුලින්ම මුණගැසුණේ 1831 දී. ඔවුන්ගේ පණිවිඩය සත්‍ය බවට අධ්‍යාත්මික සාක්ෂියක් ලබා ගැනීමෙන් පසු, ඇය අනාගතවක්තෘවරයාව හමුවීමට කර්ට්ලන්ඩ් හි ඔහායෝ වෙත ගිය අතර, එහිදි ඇය බව්තීස්මය ලැබුවා.

ස්වාමින්වහන්සේ දහම සහ ගිවිසුම් 90:28–31 හි වියේනාට ලබාදුන් අවවාදයට ඇය කීකරු වුණා. කර්ට්ලන්ඩ් දේවමාළිගාව ඉදිකිරීමට නියමිත වූ ඉඩම මිලදී ගැනීමට නායකයින් උත්සාහ කරන විට, ඇය කර්ට්ලන්ඩ් හි කළ පරිත්‍යාගය ඇතුළුව ඇය ස්වාමින්වහන්සේට ලබාදුන් කැප කිරීම පැමිණියේ, සභාවට අමාරු කාලයේදීයි. වියේනා ඇගේ ජීවිත කාලය පුරාවටම “නිකරුණේ නොසිට … ඇදහිලිවන්තව” සිටි අතර, අවසානයේ සෝල්ට් ලේක් නිම්නයේ “සමාදානයෙන් ජීවත් වී” (31 වෙනි පදය) වයස අවුරුදු 96 දී මිය ගියා.

“සත්‍ය වූ බොහෝ දේවල්” සහ “සත්‍ය නොවන බොහෝ දේවල්” (දහම සහ ගිවිසුම් 91:1–2) අඩංගු පණිවිඩ අප සියල්ලන්ටම හමු වෙනවා. ඔබට හමුවන පණිවිඩවල සත්‍යය වටහා ගැනීමට ඔබට උපකාර කළ හැකි කුමක් ඔබ 91 වෙනි කොටස තුළ සොයා ගන්නවාද? සත්‍යයෙන් අසත්‍යය හඳුනාගැනීමට ආත්මයාණන්වහන්සේ ඔබට උපකාර කර ඇත්තේ කෙසේද?

• ඔබේ දරුවන්ට ඔවුන්ගේ ශරීරය රැකබලා ගත හැකි ආකාර රඟ දැක්වීමට ඔවුන්ට උදව් කරන්න.

• දහම සහ ගිවිසුම් 89:10–17 හි ඇති ස්වාමින්වහන්සේගේ ආඥා ඉගෙන ගැනීමට, ඔබට සහ ඔබේ දරුවන්ට, අපගේ ශරීර සෞඛ්‍ය සම්පන්නව තබා ගැනීමට අපට ආහාරයට ගත හැකි හෝ අපට කළ හැකි යහපත් දේවල් වල චිත්‍ර ඇඳිය හැකිය නැතිනම් ඒවායේ පින්තූර බැලිය හැකිය (මෙම දළ සටහන අවසානයේ ඇති පින්තූරය සහ ක්‍රියාකාරකම් පිටුව බලන්න). භාවිතා නොකරන ලෙස ස්වාමින්වහන්සේ අපට අනතුරු අඟවා ඇත්තේ මොනවා ගැනද? අපි අපේ ශරීර ගැන සැලකිලිමත් වෙනවාට උන්වහන්සේ කැමති ඇයි?

• මත්පැන් සහ මත්ද්‍රව්‍ය භාවිතා කිරීමේ පරික්ෂාවට වැටෙන විට කළ යුතු දේ කලින්ම සැලසුම් කරගන්නා ලෙස වැඩිහිටි ගැරී ඊ. ස්ටීවන්සන් තරුණ ළමුන්ට උපදෙස් දුන්නා. ඔහු මෙසේ ඉගැන්වුවා: “පරීක්‍ෂාවට ඔබ කෙරෙහි ඇත්තේ ඉතා අඩු පාලනයක් බව ඔබට පෙනී යනු ඇත. ඔබ ප්‍රතිචාර දක්වන ආකාරය සහ ඔබ කරන දෙය ඔබ විසින් කලින්ම තීරණය කර තිබේ. ඔබට සෑම අවස්ථාවකදීම එය තීරණය කිරීමට අවශ්‍ය නොවනු ඇත” (“ඔබගේ පූජකත්ව ක්‍රීඩා-පොත,” ලියහෝනා, මැයි 2019, 48). දහම සහ ගිවිසුම් 89:4 සහ වැඩිහිටි ස්ටීවන්සන්ගේ ප්‍රකාශය කියවීමෙන් පසු, ඔබේ දරුවන්ට–ඔවුන්ගේ ජීවිත කාලය පුරාවටම–ප්‍රඥාවේ වචනය අනුව ජීවත් වීමට, ඔවුන්ට දැන් තීරණය කළ හැකි ආකාරය ගැන උපදෙස් ලබාදෙන්න. යම් කෙනෙකු, මිතුරෙකු පවා, මෙම ප්‍රඥාවේ වචනයට පටහැනි දෙයක් ඔවුන්ට ලබා දෙන්නේ නම්, ඔවුන්ට ප්‍රතිචාර දැක්විය ආකාරය ඔබට රඟ දක්වමින් පුහුණු විය හැකිය. අපි ප්‍රඥාවේ වචනයට කීකරු වන විට ස්වාමින්වහන්සේ අපට ආශිර්වාද කරන්නේ කෙසේද? (බලන්න 18–21 පද).

• ඔබට පුරාණ අනාගතවක්තෘවරුන්ගේ පින්තූර බැලීමට හැකිය. දෙවියන්වහන්සේ තම අනාගතවක්තෘවරුන් හරහා උන්වහන්සේගේ දරුවන්ට ආශිර්වාද කර ඇත්තේ කෙසේද? අපි දෙවියන්වහන්සේගේ අනාගතවක්තෘවරුන්ට සවන් දිය යුත්තේ ඇයි? (බලන්න දහම සහ ගිවිසුම් 90:5). එවිට ඔබටත් ඔබේ දරුවන්ටත් ජීවමාන අනාගතවක්තෘවරයාගේ පින්තූරයක් දෙස බලා, ඔහු තුළින් ස්වාමින්වහන්සේ අපට ඉගැන්වූ හෝ අවවාද කර ඇති සමහර දේවල් බෙදාහදා ගත හැකිය. අපට අනාගතවක්තෘවරයාව අනුගමනය කළ හැක්කේ කෙසේද?

• මෙම එළිදරව්ව ලබා දුන්නේ ඇයි කියා තේරුම් ගැනීමට ඔබේ දරුවන්ට උපකාර කිරීම සඳහා ඔබට දහම සහ ගිවිසුම් 91 හි කොටස් ශීර්ෂය සාරාංශ කළ හැකිය. ඉන්පසු ඔවුන්ට “සත්‍ය වූ බොහෝ දේවල්” සහ “සත්‍ය නොවන බොහෝ දේවල්” (1–2 පද) සොයාගත ගැකි ජනමාධ්‍ය වැනි ස්ථාන ගැන සිතිය හැකිය. 4–6 පද ශුද්ධාත්මයාණන් ගැන අපට උගන්වන්නේ කුමක්ද? සත්‍ය දේ දැනගැනීමට ශුද්ධාත්මයාණන් අපට උපකාර කරන්නේ කෙසේද?