Doktrin ak Alyans 93

Pwofèt Joseph Smith te anseye, “Si lèzòm pa konprann karaktè Bondye, yo pa konprann tèt yo” (Enseignements: Joseph Smith, 40). Pandan w ap aprann konsènan Sovè a lè w etidye Doktrin ak Alyans 93 la, chèche wè sa w aprann konsènan tèt ou tou. Paregzanp, kisa w aprann konsènan Sovè an nan vèsè 3, 12–13, 21, ak 26 yo? Ki verite parèy yo ou jwenn konsènan oumenm nan vèsè 20, 23 ak 28-29 yo? (gade tou 1 Jan 3:2; 3 Nefi 27:27). Kesyon sa yo gendwa ede w konprann ak aplike verite yo ki nan seksyon sa a:

• Kisa ou panse sa vledi pou nou resevwa “lagras sou lagras” epi pou n kontinye “soti nan lagras ale nan lagras”? (vèsè 12–13). Si sa ede w, ou kapap li “Gras” nan Gid Ekriti yo (Bibliyotèk Levanjil la).

• Kisa w dekouvri nan revelasyon sa a konsènan kijan Bondye ede w pwogrese ak aprann? Kouman konesans sa a afekte fason ou trete lòt moun—ak fason ou trete tèt pa w?

• Kisa w aprann konsènan “kijan pou n adore, ak … kisa nou adore”? (vèsè 19; gade Gid Ekriti yo tou, “Adorasyon,” Bibliyotèk Levanjil la).

Ou ka remake ke mo tankou laglwa, limyè, ak verite repete anpil nan revelayson sa a. Pandan w ap etidye vèsè 20–39 la an patikilye, kreye yon lis sou verite w aprann konsènan konsèp sa yo. Yon tablo tankou sa a ka ede w:

Kisa w twouve nan vèsè sa yo ki enspire w pou w chèche plis limyè ak verite? Pou ki rezon limyè ak verite se bon tit pou Jezikri? (gade Jan 8:12; 14:6). Kijan verite sa yo ap afekte lavi ou?

Ou ta ka ekri pwomès yo ki konsène desten etènèl ou ki nan vèsè 20, 22, 28, 33-35. Ki relasyon ki genyen ant pwomès sa yo ak jwenn limyè?

Konsidere chèche “Mache nan limyè Bondye” (Pou Fòs Jèn yo: Yon Gid pou Fè Bon Chwa, 18–21) pou w aprann kisa ou ka fè pou w jwenn limyè ak kijan Senyè a pwomèt L ap beni ou. Videyo “Light and Truth, Part 1 [Limyè ak Verite, Pati 1]” ak “Part 2 [Pati 2] yo” (Bibliyotèk Levanjil la) ka ofri ide adisyonèl.

Gade tou “Apprends-moi à Marcher dans la Clarté,” Cantiques, no. 195; Topics and Questions [Sijè ak Kesyon yo], “Sentespri,” Bibliyotèk Levanjil la.

6:40

6:52

Kòmandman pou nou “mete pwòp kay pa [nou] nan lòd” la (vèsè 43pa konsène sèlman òganize plaka ak pandri men li konsène anseye—ak aprann—“limyè ak verite” (vèsè 42). Konsidere kijan w ap eseye suiv konsèy sa a. Ki defi ou rankontre? Ki verite nan Doktrin ak Alyans 93 ki kapab ede?

Ki pèspektif ou kapab jwenn nan ansèyman Eldè David A. Bednar sa yo?

“Nan biwo m gen yon bèl tablo ki reprezante yon jaden ble. Tablo a se yon gwo koleksyon kout penso endividyèl—okenn ladan yo pa twò enteresan ni enpresyonan poukont pa yo. Anfèt, si w kanpe pre tablo a, sèl sa ou kapab wè se yon mas tras penti koulè jòn, lò ak mawon ki sanble yo pa gen rapò antreyo e ki pa atiran. Sepandan, lè w elwaye w de tablo a ti kras pa ti kras, tout kout penso endividyèl yo konbine ansanm epi yo pwodui yon peyizaj mayifik pou yon jaden ble. Anpil kout penso endividyèl, òdinè travay ansanm pou kreye yon tablo kaptivan ak bèl.

“Chak priyè familyal, chak epizòd etid ekriti familyal, e chak sware familyal se yon kout penso sou tablo nanm nou an. Okenn nan bagay sa yo gen dwa pa parèt trè enpresyonan ni memorab. Men, menmjan kout penso koulè jòn ak lò ak mawon yo youn konplete lòt pou pwodui yon chedèv enpresyonan an, se konsa tou konsistans nou nan fè bagay ki sanble yo piti yo kapab mennen nou nan rezilta espirityèl siyifikatif.” “Se poutèt sa, pa sispann fè byen, paske n ap poze fondasyon yon gwo travay. Epi se nan ti bagay, sa ki gran soti” [Doktrin ak Alyans 64:33]. Konsistans se yon prensip kle lè n ap poze fondasyon yon travay nan lavi nou kòm moun ak lè nou vin pi dilijan ak pi sousye lakay nou” (“Pi Dilijan ak Pi Sousye Lakay Nou,” Lyawona, Nov. 2009,19–20).

Gade Henry B. Eyring tou, “Yon Fwaye Kote Lespri a Rete,“ Lyawona, Me 2019, 22–25.

• Konsidere montre yon foto Sovè a epi mande timoun ou yo poukisa li enpòtan pou nou aprann kiyès Jezikri ye ak kijan pou nou suiv Li. Apre sa ou ka li ansanm Doktrin ak Alyans 93:19 pou dekouvri yon rezon ki enpòtan.

• Ou gendwa vle chwazi plizyè verite konsènan Kris la nan seksyon 93lan ki enspire ou epi ki ede timoun ou yo dekouvri ak konprann yo (gade “Chapit 33: Yon Revelasyon konsènan Jezikri,” nan Istwa nan Doktrin ak Alyans yo, 126-27, oubyen videyo ki koreponn avèk li nan Bibliyotèk Levanjil la). Pou chak verite ou chwazi, ou gendwa bay timoun ou yo yon mo oubyen yon fraz pou yo chèche pandan w ap li vèsè a ansanm. Pa egzanp, Jezikri:

  • Te fè travay Papa a (vèsè 5).

  • Se Limyè Mond lan (vèsè 9).

  • Se Kreyatè mond lan (vèsè 10).

  • Te resevwa tout pouvwa nan syèl la ak sou tè a(vèsè 17).

  • Te avèk Bondye nan kòmansman an (vèsè 21).

  

  1:18

• Sovè a te souliye twa fwa nan seksyon 93 lan ke nou te viv avèk Bondye “nan kòmansman an” (vèsè 23, 29, 38). Pou ede timoun ou yo dekouvri sa, ou kapab envite yo pou yo li Doktrin ak Alyans 93:23, 29, 38 ansanm, epi envite timoun yo pou yo chèche yon verite konsènan yomenm ki repete nan vèsè sa yo. Poukisa Pè Selès la vle pou nou konnen verite sa a? Ou gendwa mande timoun ou yo kisa yo konnnen konsènan lavi nou avèk Pè Selès nou anvan nou te fèt. Pou ede yo aprann plis, li avèk yo youn oubyen plis nan pasaj ekriti sa yo: Jeremi 1:5; Doktrin ak Alyans 138:53–56; Moyiz 3:5; Abraram 3:22–26.

• Ou kapab chante ansanm “Je suis enfant de Dieu” oswa “J’habitais dans les cieux” (Chants pour les enfants,, 2–3, 4) epi pale de verite nou aprann nan chante sa yo konsènan objektif nou sou tè a.

• Pou ede timoun ou yo aplike bann verite konsènan obeyisans ki nan Doktrin ak Alyans 93, konsidere ekri kèk referans ekriti ki soti nan seksyon sa a sou ti moso papye. Sou ti moso papye diferan, ekri verite chak vèsè sa yo anseye. Timoun ou yo ka travay ansanm pou yo li vèsè yo epi pou yo fè verite yo koresponn avèk referans ki nan vèsè yo. Egzanp yo ka enkli:

  • Vèsè 24: Verite se konesans bagay jan yo ye, epi jan yo te ye, ak jan yo pral vin ye;

  • Vèsè 28: Mwen kapab resevwa limyè ak verite lè mwen kenbe kòmandman yo.

  • Vèsè 37: Lè mwen gen limyè ak verite, mwen kapab reziste kont sa ki mal.

  • Vèsè 39: Mwen pèdi limyè ak verite lè mwen dezobeyisan.

  Ou gendwa vle pataje egzanp verite ou te rive aprann konnen paske ou te kenbe kòmandman Senyè a.