Doktrin ak Alyans 84

Lè w panse a mo prètrizla, kisa k vin nan lespri w? Kouman pouvwa prètriz Bondye a enfliyanse lavi ou?

Apre w fin medite sou kesyon sa yo, ou ta ka etidye Doktrin ak Alyans 84: 17–32la, epi ret tann sa Senyè a vle w konnen osijè pouvwa prètriz la. Konsidere fason ou ta ka itilize vèsè sa yo pou dekri prètriz la ak objektif li pou yon moun.

Yon bagay w ap jwenn sèke, atravè òdonans prètriz yo, “pouvwa divinite a manifeste” (gade nan vèsè 19–21). Petèt ou ta ka fè lis òdonans prètriz kote ou te patisipe (lis ki nan Manyèl Jeneral la , 18.1, 18.2, ka ede). Nan ki fason òdonans sa yo—ak alyans ki asosye yo—te pote pouvwa Bondye nan lavi ou? Kisa lavi w t ap sanble san yo?

Prezidan Russell M. Nelson te anseye: : “Chak fi ak chak gason ki fè alyans avèk Bondye epi ki kenbe alyans sa yo, epi ki patisipe diyman nan òdonans prètriz yo, gen aksè dirèk a pouvwa Bondye.”(“Trezò Espirityèl,” Lyawona, Nov. 2019, 77). Konsidere etidye mesaj Prezidan Nelson an, pou chèche mwayen ou ka “rale pouvwa Sovè a nan lavi [ou].”

Gade tou nan Doktrin ak Alyans 25:10, 13, 15; 121:34–37, 41–46; Sijè ak Kesyon, “Prètriz,” “Ansèyman Joseph Smith konsènan Prètriz, Tanp, ak Fi yo,” Biblyotèk Levanjil la; Manyèl Jeneral, 3.6, Biblyotèk Levanjil la.

Sèman ak Alyans prètriz la (gade nan Doktrin ak Alyans 84:31–44) gen aplikasyon espesyal pou pitit gason Pè Selès yo ki òdone nan yon ofis nan prètriz la, men, anpil nan benediksyon yo pwomèt nou nan vèsè sa yo disponib pou tout pitit Bondye yo. Ki pwomès sa yo ye, epi kisa Bondye mande nou pou nou fè pou n resevwa yo?

Elder Paul B. Pieper te anseye: “Sa enteresan pou nou note ke nan sèman ak alyans prètriz la [gade nan Doktrin ak Alyans 84:31–44, Senyè a itilize vèb jwennak resevwayo. Li pa itilize vèb òdonea. Se nan tanp ke gason ak fi yo—ansanm—jwenn ak resevwa benediksyon ak pouvwa Prètriz Aawon ak Prètriz Mèlkisedèk yo” (“Reyalite Mòtalite ki Revele yoEnsign,Jan. 2016, 21).

Pandan w ap etidye Doktrin ak Alyans 84:31–44, medite sou kisa sa ta ka siyifi pou “jwenn” ak “resevwa” prètriz la. Kouman sa diferan de òdone nan yon ofis nan prètriz la? Ki lòt bagay Senyè a envite w resevwa nan vèsè sa yo? Ki fason w ap fè sa?

Kisa w jwenn ki enspire w pou w pi fidèl nan resevwa Sovè a, Papa Li, sèvitè L yo, ak pouvwa Prètriz Li a?

Gade tou nan Doktrin ak Alyans 121:36–46.

Ki verite ou jwenn nan Doktrin ak Alyans 84:43-58 ki ede w konprann poukisa w bezwen etidye pawòl Bondye a konstamman? Note kontras ki egziste ant limyè ak tenèb nan vèsè sa yo; kijan “koute pawòl lavi etènèl yo avèk dilijans” ka pote limyè, verite, ak “Lespri Jezikri” nan lavi ou? (vèsè 43, 45).

Gade tou nan 2 Nefi 32:3.

Pandan w ap li vèsè sa yo, ou ta ka idantifye fason Senyè a te di l t ap sipòte sèvitè L yo. Kijan pwomès sa yo ta ka aplike pou travay li mande w pou w fè a? Paregzanp, kijan pwomès ki nan vèsè 88 la akonpli nan lavi ou?

Kisa w aprann nan vèsè sa yo sou fason Senyè a akonpli travay Li a? Ki konsèy ak benediksyon ou jwenn? Ou ta ka panse tou sou fason ou te “edifye nan tout jantiyès” paske ou te sèvi avèk yon moun ki te “fò nan Lespri a,” ansanm avèk moun nan fanmi w.

• Pou ede timoun ou yo konprann kisa yon òdonans ye, konsidere gade foto plizyè òdonans prètriz avèk yo, tankou Liv Ilistrasyon Levanjil la, nos. 103–8, oubyen paj aktivite semèn sa a. Mande timoun yo dekri sa k ap pase nan chak foto. Apresa, ou ta ka li ansanm Doktrin ak Alyans 84:19–22. Poukisa Pè Selès la vle nou resevwa òdonans sa yo? Di timoun yo kouman ou santi pouvwa Bondye poutèt òdonans ou te resevwa ak alyans ou te fè yo. (Gade tou nan “Pouvwa, Otorite, ak Kle Prètriz la” nan apendiks A oubyen apendiks B.)

• Apre nou fin li Doktrin ak Alyans 84:77 ansanm, mande timoun ou yo kisa sa vle di pou yo yon zanmi. Ou ta ka pale konsènan bon zanmi ou genyen. Kouman Jezi montre nou Li vle nou tounen zanmi L? Kijan nou ka montre ke nou vle sa tou? Yon chante tankou “Jesus-Christ Est mon ModèleChants pour les Enfants40) ta kapab ede nan konvèsasyon sa a.

• Timoun ou yo ta ka kontan tande kouman misyonè yo te ede w, fanmi w, oubyen zansèt ou yo resevwa levanjil la. Apresa, ou ta ka li yon pwomès espesyal Seyè a te fè misyonè yo nan Doktrin ak Alyans 84:88. Petèt, timoun ou yo ta ka panse a aksyon ki mache avèk vèsè sa a. Konsidere pataje yon lè kote w t ap sèvi Senyè a epi w te santi ke li te avèk ou, jan sa dekri nan vèsè 88la. Ou ta ka ede timoun yo tou pou yo panse a fason yo ka tounen misyonè kounyea. Temwaye ke Pè Selès ede nou konnen sa pou nou di lè yonn ap pale avèk lòt konsènan Jezikri.