Doktrin ak Alyans 88

Jis kèlke jou apre avètisman ke lagè t ap “gaye sou tout nasyon yo” (Doktrin ak Alyans 87:2), Senyè a te bay yon revelasyon ke Joseph Smith te rele yon “fèy doliv,” ki se yon senbòl tradisyonèl lapè (Doktrin ak Alyans 88, antèt seksyon an; gade tou Jenèz 8:11). Atravè etid ou nan seksyon 88 semèn sa a, chèche jwenn mesaj lapè Senyè a genyen pou ou yo.

Mo limyè ak lwa yo repete plizyè fwa nan seksyon 88la. Make oswa note vèsè kote ou jwenn mo sa yo nan vèsè 6–67 yo, epi ekri kisa ou aprann konsènan limyè ak lalwa—ak konsènan Jezikri. Kisa ou santi ou enspire pou w fè pou w resevwa limyè ak viv “lwa Kris la”? (vèsè 21).

Gade tou Ezayi 60:19; Jan 1:1–9; 3 Nefi 15:9; Timothy J. Dyches, “Limyè Atache ak Limyè,” Lyawona, Me 2021, 112–15; Sharon Eubank, “Kris: Limyè Ki Briye nan Tenèb,” Lyawona, Me 2019, 73–76.

Ki eksperyans ki te montre w ke pwomès yo ki nan vèsè sa yo verite? Kisa pwochen etap ou ye pou w “vini pi pre” Kris la? Konsidere mete kantik “Plus près de Toi, Mon Dieu” (Cantiques, no. 100) a kòm yon pati nan etid ou ak adorasyon ou.

Kòmandman Senyè a pou “sanktifye tèt nou” an parèt defwa nan seksyon 88 (vèsè 68, 74) yo. Kisa w panse fraz sa a vledi? Ou gendwa repase kèk nan pasaj ki anba “Sanktifikasyon” nan Gid Ekriti yo (Bibliyotèk Levanjil la). Kijan nou vin sanktifye? Kite kesyon sa a gide etid ou nan Doktrin ak Alyans 88:67–76 la, epi anrejistre tout enspirasyon spirityèl ou jwenn.

Senyè a te di Sen yo pou yo etabli “lekòl pwofèt yo” nan Kirtland (Doktrin ak Alyans 88:137). Pifò nan enstriksyon ki nan seksyon 88 yo anseye yo kijan pou yo fè sa. Enstriksyon sa a ta ka ede w tou pou “etabli … yon kay aprantisaj” (vèsè 119) nan pwòp lavi ou. Anfèt, ou ta ka konsidere vèsè 77–80 ak 118–26 yo kòm plan pou“remodle fwaye ou [oswa lavi ou] pou fè l vin tounen yon sant aprantisaj levanjil” ak “yon sanktyè lafwa” (Russell M. Nelson, “Vin Sen Dènye jou Egzanplè,” Lyawona, Nov. 2018, 113). Li ta ka enteresan pou w planifye a kisa “remodle” pèsonèl ou a ta ka sanble, enkli fraz ki soti nan vèsè sa yo ke w santi ou bezwen aplike.

Sa gendwa ede tou pou w eksplore kesyon sa yo: Poukisa aprantisaj ak edikasyon enpòtan pou Senyè a? Kisa Li vle pou m etidye? Kijan Li vle pou m aprann? Chèche repons pou kesyon sa yo nan vèsè 77–80 ak nan “Verite a ap rann ou lib” (Pou Fòs Jèn yo: Yon Gid pou Fè Chwa yo, 30–33).

Kisa w panse sa vledi pou nou aprann “pa letid epi pa lafwa tou”? (vèsè 118 Ki ide ou jwenn an mesaj Èldè Mathias Held la “Chèche Konesans pa Lespri a”? (Lyawona, Me 2019, 31–33).

Gade tou Sijè ak Kesyon, “Chèche Verite ak Evite Twonpri,” Bibliyotèk Levanjil la; “A School and an Endowment,” nan Revelations in Context, 174–82.

• Ou ta ka kòmanse yon diskisyon sou Doktrin ak Alyans 88:33 a nan mande timoun ou yo pou yo pale de kado yo te resevwa—ni sa yo te resevwa ak kè kontan ni lòt ki pa t ba yo lajwa. Petèt yo ta ka jwe senaryo kote y ap resevwa yon kado avèk lajwa. Apresa ou ta ka pale de don Pè Selès la ba nou yo (tankou don Sentespri a). Kijan nou resevwa don sa yo avèk lajwa?

• Doktrin ak Alyans 88:63 genyen ladan pawòl motivasyon ki ka enspire kèk aktivite amizan pou ankouraje timoun ou yo pou chèche prezans Senyè a nan lavi yo. Pa egzanp, èske oumenm ak timoun ou yo ka panse a yon jwèt pou fè diskisyon sou fraz “chèche m avèk dilijans epi w ap jwenn mwen” an (italik ajoute) oswa “frape, epi y ap louvri pou ou” a?

• Pou mete aksan sou envitasyon Sovè a pou “pwoche pi pre m” nan, ou ta ka mande yon timoun pou kenbe yon foto Jezi (tankou foto ki nan fen plan leson sa a ) sou yon bò nan sal la pandan lòt timoun yo kanpe sou lòt bò sal la. Pandan timoun ou yo ap reflechi sou bagay yo ka fè pou vini pi pre Sovè a, yo ka fè yon pa an avan nan direksyon foto a, epi timoun ki kenbe foto a ta ka fè yon pa nan direksyon lòt timoun yo. Pale avèk timoun yo konsènan fason ou te vin pi pre Sovè a ak fason Li vin pi pre ou. Ou ta ka chante avèk yo yon chan konsènan sijè sa a tou, tankou “Je ressens son amour” (Chants pour les Enfants, 42–43).

• Mande timoun ou yo pou yo pale de sa y ap aprann nan lekòl oswa nan Primè a. Ou ta gendwa pataje kèk bagay w ap aprann tou. Apresa ou ta ka montre timoun yo mo kisa, poukisa, ak kijan yo. Ede yo chèche nan Doktrin ak Alyans 88:77–79 pou yo jwenn kisa Senyè a vle pou nou aprann sou sa. Apresa chèche ansanm nan vèsè 80 an pou nou ka jwenn poukisa Li vle nou aprann epi nan vèsè 118 la pou nou ka jwenn kijan nou ta dwe aprann.

• Lè w ap li Doktrin ak Alyans 88:119 la pou timoun ou yo, yo ta ka fè yon flèch tanp lan avèk bra yo chak fwa yo tande mo “kay” la. Eksplike ke Pè Selès la te vle pou Joseph Smith avèk Sen yo te bati yon tanp, oswa yon “kay Bondye.”

• Apresa ou ta ka mande timoun ou pou yo chwazi sèt mo ki dekri fwaye yo. Apresa ede yo jwenn, nan Doktrin ak Alyans 88:119, sèt mo ke Senyè a itilize pou dekri kay Li a. Kijan nou ka fè fwaye nou tounen yon “kay Senyè a”?