Doktrin ak Alyans 85–87

Remake kisa Senyè a te vle enkli nan “istwa” ki dekri nan Doktrin ak Alyans 85:1–2 a. Poukisa ou panse Li vle Sen yo ekri istwa yo? Kisa w ta ka ekri sou “fason w viv, lafwa [ou] ak zèv ou” ki ta ka yon benediksyon pou ou ak jenerasyon fiti yo? Nan ki fason lè w ekri istwa pèsonèl ou sa ka ede w vin jwenn Kris la?

Gade tou nan “Jounal: ‘Of Far More Worth than Gold,’” Teachings of Presidents of the Church: Wilford Woodruff (2011), 125–33; “Turning Hearts” (video), ChurchofJesusChrist.org.

3:6

Medite sou pawòl Joseph Smith te itilize pou dekri Lespri a nan Doktrin ak Alyans 85:6 la. Nan ki sans “vwa” Lespri a se yon “ti vwa” ki “dous”? Konsidere deskripsyon adisyonèl sa yo Joseph Smith te resevwa: Doktrin ak Alyans 6:22–24; 8:2–3; 9:7–9; 11:12–13; 128:1. Ki fason Lespri a pale avèk ou?

Gade tou nan Lik 24:32; Mozya 5:2; Alma 32:28; Elaman 5:30; Doktrin ak Alyans 6:22–23; 11:12–13.

Doktrin ak Alyans 86 gen yon entèpretasyon parabòl ble ak move zèb la, nou jwen nan Matye 13:24–30, 37–43. Pandan w ap aprann konsènan siyifikasyon parabòl sa a, konsidere ranpli yon tab tankou sa a:

Men kèk kesyon pou w konsidere:

• Apre L te fin entèprete parabòl la, Senyè a te pale sou prètriz la, retablisman an, ak sali pèp Li a (gade nan vèsè 8–11). Ki koneksyon ou wè ant tèm sa yo avèk parabòl ble ak move zèb la?

• Ki wòl kòm yon “limyè pou Janti yo” ak “yon sovè pou pèp [Seyè] a”? (verse 11).

Pwofesi nan seksyon 87 la avèti kont danje fizik ki gen rapò avèk lagè nan dènye jou yo. Men, konsèy nan revelasyon sa a aplike tou a danje espirityèl. Medite sou kesyon sa swivan yo:

• Yon pwofesi se yon revelasyon Bondye bay yon pwofèt, souvan konsènan lavni. Ki kèk egzanp pwofesi ansyen ak nouvo pwofèt yo bay? (gade nan Jan 3:14; Mozya 3:5; Elaman 14:2–6). Kouman yo te akonpli? (gade nan Lik 23:33; Maye 15:30–31; 3 Nefi 1:15–21).

• Ki benediksyon ki genyen nan aksepte pwofesi pwofèt Bondye?

Avèk ide sa yo nan lespri w, li seksyon 87 la. (Pou kèk kontèks istorik, ou ta ka vle pou w li entwodiksyon sijè sa a tou.) Kisa w aprann konsènan pwofesi nan revalasyon sa a ak fason li te akonpli a? Kisa w ta di yon moun ki doute yon pwofesi poutèt li pa akonpli imedyatman?

Ki konsèy Senyè a bay nan vèsè 8 la? Ki kote ki “lye sen ou yo” kote w jwenn lapè ak sekirite? Kisa ki fè yon lye sen? Anplis de lye fizik, petèt gen moman sen, pratik sen, oswa panse ki sen ki ka pote lapè. Paregzanp, nan ki fason pawòl pwofèt Bondye yo yon kote ki sen pou ou? Kisa sa vledi pou nou “kanpe” epi “pa deplase” nan kote sa yo?

Gade tou nan “Kote Amou Ye,” Children’s Songbook, 138–39; Saints, 1:163–64; “Peace and War,” nan Revelations in Context, 158–64.

• Kisa timoun ou yo t ap di si yon moun ta mande yo kouman yo te konnen Sentespri a pale avèk yo? Envite yo li youn nan fason Joseph Smith te dekri vwa Lespri a nan Doktrin ak Alyans 85:6 la. Apresa, yo ta ka pratike koute ak pale avèk yon ti vwa dou. Ou ta ka pataje eksperyans tou kote Lespri a te pale avèk ou nan yon ti vwa trankil.

• Pou ede timoun yo konprann fraz “ti vwa trankil,” la, ou ta ka jwe yon kantik timoun trankilman, tankou “The Holy Ghost” (Children’s Songbook, 105). Mande yonn nan timoun yo pou yo devine ki kantik li ye pandan lòt timoun ap fè bri pou distrè yo. Apresa, ou ta ka repete kantik la san distraksyon. Ki distraksyon nou ka retire nan lavi nou pou santi Lespri a pi souvan?

• Pou ede timoun yo konprann parabòl ki dekri nan seksyon 86 yo, ou ta ka prepare plizyè ti foto oubyen desen ble epi kache yo nan sal la. Eksplike timoun yo parabòl ble ak move zèb yo (gade nan Matye 13:24–30), epi li ansanm kòmantè Senyè a nan Doktrin ak Alyans 86:1–7. Apresa, timoun ou yo ta ka rasanble foto ble ki kache yo epi ekri sou yo non yon moun yo ka “rasanble” al jwenn Jezikri. Kisa rasanble moun pou Jezikri vle di? Ki fason nou kapab fè sa?

• Men kèk kesyon ou ka poze timoun ou yo pandan w ap diskite Doktrin ak Alyans 86:11: Nan ki fason limyè beni nou? Kijan sa ye lè nou pa gen limyè? Kòman nou ka yon limyè pou lòt moun? Ede timoun ou yo panse sou fason nou ka “kontinye nan bonte [Jezi] a” epi pataje l avèk lòt moun.

• Li ansanm Doktrin ak Alyans 87:6 pou nou aprann bagay Senyè te di ki t ap rive nan dènye jou yo. Apresa, ou ta ka pale konsènan kèk nan difikilte oumenm ak timoun ou yo rankontre. Nan vèsè 8, kisa Senyè a te di nou ka fè pandan moman difisil yo?

• Ede timoun ou yo fè yon lis sou kote ki sen, panse ki sen, ak aksyon ki sen ki ka ede yo kanpe devan danje espirityèl. Pou ide, gade video “Kanpe nan Kote ki Sen” ak “Kanpe Kote Ki Sen—Fleri Kote Ou Plante yo” (Biblyotèk Levanjil).

  

  5:36

  

  4:36