Doktrin mo Ol Kavenan 93

Profet Josef Smit i bin tijim se: “Sapos man i no save andastanem fasin blong God, nao oli no andastanem olgetawan bakegen” (Teachings: Joseph Smith, 40). Taem yu stap lan abaot Sevya taem yu stap stadi long Doktrin mo Ol Kavenan 93, lukaotem tu wanem yu stap lanem abaot yuwan. Eksampol: ?Wanem nao yu lanem abaot Hem aot long ol ves 3, 12, 21, mo 26? ?Wanem ol semmak trutok we yu faenem abaot yuwan long ol ves 20, 23, mo 28–29? (luk tu long 1 Jon 3:2; 3 Nifae 27:27). Ol kwestin ia bae oli save helpem yu blong andastanem mo yusum ol trutok insaed long seksen ia:

• ?Wanem nao yu filim se i minim blong kasem “gladhat from wan gladhat;” mo stap gohed “blong kasem wan gladhat mo i gro mo kasem moa gladhat,”? (ol ves 12–13). Sapos i help, yu save ridim “Grace” long Gaed long Ol Skripja (Gospel Laebri).

• ?Wanem nao yu faenemaot long revelesen ia abaot olsem wanem God i helpem yu blong kam antap mo lanem samting? ?Olsem wanem nao taem yu save hemia, i jenisim wei we yu tritim ol narawan—mo yuwan?

• ?Wanem nao yu lanem abaot “olsem wanem blong wosip mo … wanem nao yufala i stap wosipim”? (ves 19; luk tu long Gaed long Ol Skripja, “Wosip,” Gospel Laebri).

Bae yu luksave se ol toktok olsem glori, laet, mo trutok oli kamaot plante taem insaed long revelesen ia. Taem yu stadi speseli long ol ves 20–39 mekem lis blong ol trutok we yu lanem abaot ol aedia ia. Blong mekem wan tebol olsem hemia bae i save help:

?Wanem nao yu faenem long ol ves ia we i givim insperesen long yu blong lukaotem laet mo trutok? ?From wanem nao laet mo trutok oli ol gudfala taetol blong Jisas Kraes? (luk long Jon 8:12; 14:6). ?Long wanem wei nao ol trutok ia oli jenisim laef blong yu?

Mo tu, yu save mekem not blong ol promes abaot ples we i no save finis we bae yu kasem long en ol ves 20, 22, 28, 33–35. ?Wanem nao rilesensip bitwin ol promes ia mo blong stap kasem laet?

Tingting blong stap lukaotem “Wokbaot long Laet blong God” (Blong Ol Yut Oli Kam Strong: Wan Gaed blong Stap Mekem Ol Joes, 18–21) blong faenemaot wanem yu save mekem blong kasem laet mo olsem wanem Lod i promes blong blesem yu. Ol vidio “Light and Truth, Pat 1” mo “Pat 2” (Gospel Laebri) i save givim sam moa aedia.

Luk tu long “Teach Me to Walk in the Light,” Hym, namba 304; Topics and Questions, “Holy Ghost,” Gospel Laebri.

6:40

6:52

Komanmen ia blong “putum oda insaed long haos blong yu” (ves 43) i no abaot blong putum gud ol self mo kabod, be hem i abaot tijing—mo lanem samting—”laet mo trutok” (ves 42 Tingting long olsem wanem yu stap traem blong folem kaonsel ia. ?Wanem ol jalenj we yu stap fesem? ?Wijwan long ol trutok nao long Doktrin mo Ol Kavenan 93 i save help?

?Wanem ol niu tingting we yu kasem aot long ol tijing we i kam long Elda David A. Bednar?

“Insaed long ofis blong mi, i gat wan naes peinting blong wan garen blong wit. Peinting ia, i wan bigfala grup blong wanwan smol mak blong peintbras—i no gat wan we, sapos yu tekem hemwan, i intresting tumas mo i mekem bigfala samting. Wanem i stap, i we, sapos yu stanap kolosap long kanvas ia, bae yu luk nomo ol smol mak blong bras we oli no joen mo oli no naes tumas, we oli yelo mo gol mo braon peint. Be, taem yu stap go longwe long kanvas ia, evri mak blong peintbras ia, we yu tekem evriwan tugeta, i givim wan naes pikja blong wan bigfala garen blong wit. Plante smol mak blong peintbras, we oli no impoten oli wok tugeta blong krietem wan naes peinting we i pulum ae.

“Evri famli prea, evri taem blong skripja stadi, mo evri famli haos naet i olsem taem yu pentem wan mak long kanvas blong sol blong yu. I no gat wan taem we i luk se i bigwan tumas blong man i tingbaot. Be semmak olsem wanwan laen we oli pentem i kam joenem narawan mo mekem wan naesfala peinting, taem yumi stap strong oltaem blong mekem ol smol samting oltaem, i save lidim yumi long ol bigfala risal long saed blong spirit. Taswe, yufala i no taed blong mekem gud samting, from we yufala i stap putum fandesen blong wan bigfala wok. Mo aot long ol smol samting, ol samting we oli bigwan oli kamaot” [Doktrin mo Ol Kavenan 64:33]. Blong mekem samting oltaem, hem i wan ki prinsipol we taem yumi stap putumdaon fandesen blong wan bigfala wok insaed long wanwan laef blong yumi, mo taem yumi stap kam blong wok moa wetem strong tingting, mo gat wari long hom blong yumi” (“More Diligent and Concerned at Home,” Liahona, Nov. 2009, 19–20).

Luk tu long Henry B. Eyring, “A Home Where the Spirit of the Lord Dwells,” Liahona, Mei 2019, 22–25.

• Tingting blong stap soem wan pikja blong Sevya mo stap askem ol pikinini blong yu from wanem hem i impoten blong lanem abaot mo folem Jisas Kraes. Afta, tugeta, yufala save ridim Doktrin mo Ol Kavenan 93:19 blong faenemaot wan impoten risen.

• Bae yu wantem blong jusum sam long ol trutok ia abaot Kraes long seksen 93 we oli stap givim insperesen long yu mo helpem ol pikinini blong yu blong faenemaot mo andastanem olgeta (luk tu long “Japta 33: A Revelation about Jesus Christ,” long Ol Doktrin mo Ol Kavenan Stori, 126–27, o vidio we i go wetem long Gospel Laebri). Blong wanwan trutok we yu jusum, yu save givim wan toktok o wan sentens long ol pikinini blong yu blong oli lisin blong harem taem yufala stap ridim ves tugeta. Eksampol, Jisas Kraes:

  • I bin mekem ol wok blong Papa (ves 5).

  • Hem i Laet blong Wol (ves 9).

  • Hem i Krieta blong Wol (ves 10).

  • Hem i kasem evri paoa long heven mo long wol (ves 17).

  • Hem i bin stap wetem God long stat (ves 21).

  

  1:18

• Sevya i tokbaot tri taem long seksen 93 se yumi bin laef wetem God “long stat” (ol ves 23, 29, 38). Blong helpem ol pikinini blong yu blong faenemaot hemia, yu save invaetem olgeta blong ridim Doktrin mo Ol Kavenan 93:23, 29, 38 mo lukaotem wan trutok abaot olgetawan we oli bin ripripitim insaed long ol ves ia. ?From wanem Papa long Heven i wantem yumi blong save trutok ia? Mo tu, yu save askem ol pikinini blong yu, wanem nao oli save abaot laef blong yumi wetem Papa long Heven bifo yumi bon i kam long wol ia. Blong helpem olgeta blong lanem moa, ridim wetem olgeta, wan o moa long ol skripja ia: Jeremaea 1:5; Doktrin mo Ol Kavenan 138:53–56; Moses 3:5; Ebraham 3:22–26.

• Mo tu, tugeta, yufala save singsing “Mi Pikinini blong God” o “I Lived in Heaven” (Children’s Songbook, 2–3, 4), mo toktok raon long ol trutok we yumi lanem aot long ol singsing ia abaot stamba tingting blong yumi blong kam long wol ia.

• Blong helpem ol pikinini blong yu blong yusum ol trutok abaot fasin blong stap obei insaed long Doktrin mo Ol Kavenan 93, tingting blong stap raetem sam skripja refrens aot long seksen ia long ol pis blong pepa. Long ol defren pis blong pepa, raetemdaon ol trutok we wanwan long ol ves ia i stap tijim. Ol pikinini blong yu oli save wok tugeta blong ridim ol ves mo majem ol trutok i go wetem ol skripja refrens. Samfala eksampol oli go olsem:

  • Ves 24: Trutok i blong save ol tru samting we i pas finis, ol samting blong naoia mo blong fiuja.

  • Ves 28: Mi save kasem laet mo trutok taem mi kipim ol komanmen.

  • Ves 37: Taem mi gat laet mo trutok, mi save winim ivel.

  • Ves 39: Mi lusum laet mo trutok taem mi no stap obei.

  Bae yu wantem blong serem ol eksampol blong ol trutok we yu bin kam blong save taem yu bin obei ol komanmen blong Lod.