Doktrin mo Ol Kavenan 85–87

Luksave wanem nao Lod i wantem blong oli putum tu insaed long “histri” we oli tokbaot long Doktrin mo Ol Kavenan 85:1–2. ?From wanem nao yu ting se Hem i wantem Ol Sent blong Hem blong kipim wan histri? ?Wanem nao yu save rekodem long saed blong “fasin blong laef, fet, mo ol wok blong yu” we maet bae i wan blesing blong ol fiuja jeneresen? ?Long wanem wei nao taem yu kipim wan histri blong yuwan i helpem yu blong kam long Kraes?

Luk tu long “Journals: ‘Of Far More Worth than Gold,’” Teachings of Presidents of the Church: Wilford Woodruff (2011), 125–33; “Turning Hearts” (video), ChurchofJesusChrist.org.

3:6

Tingting hevi long ol toktok we Josef Smit i stap yusum blong tokbaot Spirit long Doktrin mo Ol Kavenan 85:6. ?Long wanem wei nao voes blong Spirit i “kwaet” mo “smol”? Tingting long sam moa skripja we Josef Smit i bin givim long: Doktrin mo Ol Kavenan 6:22–24; 8:2–3; 9:7–9; 11:12–13; 128:1. ?Long wanem wei nao Spirit i toktok long yu?

Luk tu long Luk 24:32; Mosaea 5:2; Alma 32:28; Hileman 5:30; Doktrin mo Ol Kavenan 6:22–23; 11:12–13.

Doktrin mo Ol Kavenan 86 i gat insaed wan mining blong parabol blong gudfala sid mo rabis gras we i stap long Matiu 13:24–30, 37–43. Taem yu lanem abaot mining blong parabol ia, tingting blong fulumap wan graf olsem hemia:

Hemia sam moa kwestin blong tingting long hem:

• Afta we oli talem mining blong parabol, Lod i tokbaot prishud, restoresen, mo fasin blong sevem man blong ol pipol blong Hem (luk long ol ves 8–11). ?Wanem koneksen nao yu save luk bitwin ol topik mo parabol blong gudfala sid mo rabis gras?

• ?Wanem nao rol blong yu blong stap olsem wan “laet long Ol Jentael” mo “wan Sevya long ol pipol blong [Lod]”? (ves 11).

Profesi long seksen 87 i givim woning abaot ol denja long saed blong bodi we i go wetem wo blong ol las dei. Be kaonsel insaed long revelesen ia i go tu long ol denja long saed blong spirit. Tingting hevi long ol kwestin olsem olgeta ia:

• Wan profesi i wan revelesen we i kam long God i go long wan profet, oltaem hem i abaot fiuja. ?Wanem sam long ol profesi we ol profet blong bifo mo tedei oli bin kasem? (luk long Jon 3:14; Mosaea 3:5; Hileman 14:2–6). ?Olsem wanem nao oli bin kam tru? (luk long Luk 23:33; Matiu 15:30–31; 3 Nifae 1:15–21).

• ?Wanem ol blesing we oli kam taem yumi stap akseptem ol profesi blong ol profet blong God?

Wetem ol tingting ia long maen, ridim seksen 87. (Blong kasem sam histri bakgraon, maet bae yu wantem tu blong ridim fas toktok blong aotlaen ia.) ?Wanem nao yu lanem abaot profesi long revelesen ia mo wei we i bin kamtru? ?Wanem nao bae yu talem long wan we i gat tu tingting long saed blong wan profesi from se i no bin kamtru long stret taem?

?Wanem kaonsel nao Lod i givim long ves 8? ?Wanem nao i “ol tabu ples” blong yu, we long ples ia, yu faenem pis mo sefti? ?Wanem nao i mekem wan ples i tabu ples? Blong talem moa abaot ol ples, maet i gat ol tabu taem, tabu praktis, o tabu tingting we i save givim pis. ?Eksampol, olsem wanem nao ol toktok blong ol profet blong God oli save stap wan tabu ples blong yu? ?Wanem nao i minim blong “stanap” mo “no muvmuv” long ol ples ia?

Luk tu long “Where Love Is,” Children’s Songbook, 138–39; Saints, 1:163–64; “Peace and War,” long Revelations in Context, 158–64.

• ?Wanem nao bae ol pikinini blong yu oli talem, sapos wan i askem long olgeta, se olsem wanem nao oli save taem Tabu Spirit i stap toktok long olgeta? Invaetem olgeta blong ridim wan wei we Josef Smit i tokbaot voes blong Spirit, long Doktrin mo Ol Kavenan 85:6 Afta, oli save praktis blong stap lisin long mo stap toktok long wan smol voes. Maet yu save serem tu ol eksperiens blong yu taem we Spirit i bin toktok long yu long wan kwaet, smol voes.

• Blong helpem ol pikinini blong yu blong andastanem toktok ia “kwaet smol voes,” yu save plei wan kwaet singsing blong ol pikinini olsem “The Holy Ghost” (Children’s Songbook, 105). Askem wan pikinini blong talemaot singsing ia, taem ol narafala pikinini oli mekem ol noes blong pulumaot tingting. Afta, yu save ripitim singsing ia be bae i nomo gat ol noes blong pulumaot tingting. ?Wanem ol samting we i stap pulumaot tingting blong yumi we yumi save karemaot long laef blong yumi, blong oltaem filim Spirit moa?

• Blong helpem ol pikinini blong yu blong andastanem parabol we oli tokbaot long seksen 86, yu save rere long sam smol pikja ol droing blong gudfala sid mo haedem olgeta raon long rum. Eksplenem parabol blong gudfala sid mo rabis gras long ol pikinini blong yu (luk long Matiu 13:24–30), mo tugeta, ridim tingting blong Lod Insaed long Doktrin mo Ol Kavenan 86:1–7. Afta, ol pikinini blong yu oli save karem i kam tugeta ol pikja blong gudfala sid mo raetem long olgeta nem blong wan we oli save “kam tugeta” long Jisas Kraes. ?Wanem nao i minim blong karem tugeta ol pipol i kam long Jisas Kraes? ?Wanem sam wei we yumi save mekem hemia?

• Hemia sam long ol kwestin we yu save askem long ol pikinini blong yu taem yufala i toktok raon long Doktrin mo Ol Kavenan 86:11: ?Olsem wanem nao laet i blesem yumi? ?Hem i olsem wanem taem yumi no gat laet? ?Olsem wanem nao yumi save stap wan laet long ol narafala pipol? Helpem ol pikinini blong yu blong tingting long ol wei we yumi save “gohed blong kasem gud fasin blong [Jisas]” mo serem wetem ol narawan.

• Ridim Doktrin mo Ol Kavenan 87:6 tugeta blong lanem abaot ol samting we Lod i talem se bae i hapen long ol las dei. Afta, yufala i save tokbaot sam long ol jalenj we yu mo ol pikinini blong yu i stap fesem. Long ves 8, ?wanem nao Lod i talem we yumi save mekem long taem blong ol hadtaem?

• Helpem ol pikinini blong yu blong mekem wan lis blong ol tabu ples, ol tabu tingting mo ol tabu aksen we i save helpem olgeta blong go tru ol denja long saed blong spirit. Blong kasem ol aedia, luk ol vidio long “Standing in Holy Places” mo “Stand Ye in Holy Places—Bloom Where You’re Planted” (Gospel Laebri).

  

  5:36

  

  4:36