“21–27 Julae: Taem “Mi Givim Plante, Mi Askem Plante”: Doktrin mo Ol Kavenan 81–83,” Kam Folem Mi—Blong Hom mo Jos: Doktrin mo Ol Kavenan 2025 (2025)
“Doktrin mo Ol Kavenan 81–83,” Kam Folem Mi—Blong Hom mo Jos: 2025
Moa long storian ia long Kraes mo Yangfala Rij Rulai kam long Heinrich Hoffman
21–27 Julae: Taem “Mi Givim Plante, Mi Askem Plante”
Doktrin mo Ol Kavenan 81–83
Long Maj 1832, Lod i bin singaotem Jesi Gaos blong i stap wan kaonsela long Josef Smit long Presidensi blong Hae Prishud (we naoia oli singaotem Fas Presidensi). Doktrin mo Ol Kavenan 81 i wan revelesen blong Brata Gause abaot niufala kolong blong hem. Be Jesse Gause i no bin fetful blong givim seves, so, oli singaotem Frederick G. Williams blong i tekem ples blong hem. Nem blong Brata Wiliam i tekem ples blong Brata Gause insaed long revelesen.
Hemia i luk olsem wan smol ditel nomo, be tu, i minim wan bigfala trutok: Plante long ol revelesen insaed long Doktrin mo Ol Kavenan, i go long sam spesifik pipol, be yumi oltaem save lukaotem ol wei we ol revelesen ia oli blong yumiwan (luk long 1 Nifae 19:23). Taem yumi ridim kaonsel blong Lod i go long Frederik G. Williams blong “mekem ol ni ia we oli no strong oli kam strong moa,” yumi save tingting long ol pipol we yumi save mekem oli kam strong moa (Doktrin mo Ol Kavenan 81:5). Taem yumi ridim invitesen blong Lod i go long ol memba blong Yunaet Kampani blong “yufala i joen tru long kavenan ia,” yumi save tingting long kavenan blong yumiwan. Mo yumi ridim promes blong Hem, “Mi … mi mas mekem folem promes blong mi taem yufala i mekem wanem mi talem,” olsem se Hem i stap toktok long yumi (Doktrin mo Ol Kavenan 82:10, 15). Yumi save mekem hemia from se, olsem we Lod i talem, “Wanem we mi talem long wan, mi talem long evriwan:” (ves 5).
Luk long “Newel K. Whitney and the United Firm,” “Jesse Gause: Counselor to the Prophet,” long Revelations in Context, 142–47, 155–57.
Ol aedia blong Lanem Samting long Hom mo long Jos
Doktrin mo Ol Kavenan 81:4–5; 82:18–19
“Bambae yu mekem wan bigfala gud long ol narafala man.”
Long sam long ol sentens long Doktrin mo Ol Kavenan 81–83, Lod i invaetem yumi blong helpem ol pipol we oli stap long nid raon long yumi. Tingting blong stap makem ol sentens taem yu faenem olgeta. Wan long ol nambawan eksampol we i tokbaot gud i stap long Doktrin mo Ol Kavenan 81:4–5. Hemia sam long ol kwestin blong helpem yu blong tingting hevi long ol ves ia:
-
?Wanem nao sam long ol wei we wan man o woman i kam blong hem i “nomo strong”? ?Wanem nao i minim blong “givhan” long olgeta? ?Wanem nao seves olsem hemia blong Kraes long ol narafala man i bin helpem mi taem mi filim slak?
-
?Wanem nao i save mekem se ol han blong wan man o woman “oli hang i kamdaon”? ?Olsem wanem nao yumi save “leftemap” ol han ia?
-
?Wanem nao toktok ia, “ol ni ia we oli no strong” i minim? ?Olsem wanem nao oli kam strong?
?Olsem wanem nao Sevya i mekem ol samting ia blong yu?
Maet taem yu stap stadi long ves ia, i tekem nem blong wan i kam long maen we yu save “helpem,” “leftemap, o “mekem i kam strong moa.” ?Wanem nao bae yu mekem blong givhan long man o woman ia?
?Wanem bakegen yu lanem abaot givim seves long ol narawan long Doktrin mo Ol Kavenan 82:18–19? Mo tu yufala save wajem vidio blong “Teachings of Thomas S. Monson: Rescuing Those in Need” (Gospel Laebri). ?Long wanem wei nao ol memba long wod blong Bishop Monson oli ol eksampol blong wanem we ol ves ia oli tijim?
Teachings of Thomas S. Monson: Rescuing Those in Need
Luk tu long Jekob 2:17–19; Mosaea 18:8–9; “Works of God” (vidio), ChurchofJesusChrist.org.
Works of God
Carl Heinrich Bloch (1834–1890), Christ Healing the Sick at Bethesda, 1883, oil on canvas, 100 ¾ x 125 ½ inches. Brigham Yang Yunivesiti blong Art, i pemaot wetem mane we i kam tru long Jack R. mo Mary Lois Wheatley, 2001.
Sevya i bin givim plante long mi mo askem plante long mi.
Blong ridim ves ia i save givim insperesen long yu blong luklukbak long wan we God i bin givim long yu—tugeta ol blesing long saed blong bodi mo spirit. Holemtaet hemia long maen taem yu stap ridim ful seksen 82. ?Wanem nao yu filim se God i nidim long yu?
Luk tu long “Because I Have Been Given Much,” Hym, namba 219.
Ol komanmen oli ol pruf ia we i soem lav blong God long yumi.
Sapos yu o wan we yu save i stap tingting se from wanem Lod i givim plante komanmen, Doktrin mo Ol Kavenan 82:8–10 i save help. ?Wanem ol niu lukluk, insaed long ol ves ia, i save helpem yu blong eksplenem long wan from wanem yu jusum blong folem ol komanmen blong Lod? ?Wanem nao yu save komperem wetem ol komanmen we i save help? Yu save faenem sam moa niu tingting long Doktrin mo Ol Kavenan 1:37–38; 130:20–21 mo vidio “Blessed and Hapy Are Those Who Keep the Commandments of God” (Gospel Laebri). ?Wanem ol eksperiens we i bin tijim yu blong luk ol komanmen olsem ol blesing?
Blessed and Happy Are Those Who Keep the Commandments of God
Tingting abaot sam komanmen we God i bin givim long yu. ?Wanem nao ol komanmen ia oli bin tijim long yu abaot Hem mo tingting blong Hem? (luk long ves 8). ?Olsem wanem laef blong yu bin jenis tru taem yu stap obei ol komanmen ia?
?Wanem nao yu lanem abaot Lod long ves 10? ?Wanem nao yu ting se i minim blong Lod i stap “joen”? (luk tu long ves 15).
?Olsem wanem nao i bin mekem promes blong Hem i hapen long laef blong yu? ?Wanem nao bae yu save talem long wan we i no filim strong inaf blong obei ol komanmen from se oli no bin kasem ol blesing we oli bin gat hop se bae i kam long olgeta? ?Yu yu faenem eni niu tingting long mesej blong Elda D. Todd Christofferson long “Our Relationship with God”? (Liahona, Mei 2022, 78–80).
Luk tu long Topics and Questions, “Commandments,” Gospel Laebri.
Lod i blesem yumi long wei blong Hem we i gudfala tumas.
Sista Virginia H. Pearce, foma memba blong Yang Woman Jeneral Presidensi, i toktok abaot wan woman we i bin wari tumas abaot ol pikinini blong hem we oli stap mekem ol joes we oli no stret mo gud. Long wan bigfala wari, hem i traem evri samting we hem i save mekem blong tingting blong lukaot ol blesing blong Lod long bihaf blong olgeta. Blong ademap long prea blong hem we i kam long tru hat, hem i putum wan gol wetem strong tingting ia blong atendem tempol i kam antap mo filim gud se Lod bae i respektem bigfala sakrifaes ia mo bae Hem i jenisim hat blong ol pikinini blong Hem. Woman i ripotem se:
“Afta ten yia we mi stap go moa long tempol, mo mi prea oltaem, mi sore blong talem se ol joes blong ol pikinini blong mi, oli no jenis. …
“Be joes blong mi i jenis. Mi mi wan defren woman. … Mi gat wan hat we i sofsof moa. Mi fulap wetem sore. Mi save mekem moa samting mo mi fri long fraet, wari, sem, putum rong long wan, mo bigfala fraet. Mi nomo putum wan taem limit blong mekem samting, mo mi save wet long ansa blong Lod. Mi kasem eksperiens blong kasem paoa blong Lod we i kam tru long Spirit. Hem i givim ol kaen sore, smol mesej we i soem lav blong hem long mi mo ol pikinini blong mi. Wanem mi bin stap ting long hem, i jenis. Mi nomo ting se bae ol pikinini blong mi bae oli jenis, be mi ting mo wet se plante long ol sore blong Hem we Hem i givim long kaen fasin, bae oli kam moa, mo mi mi glad fulap mo talem tangkyu from hemia.
“Ol prea blong mi oli jenis. mo soem moa lav mo talem tangkyu moa. Lod i wok long ol gudgudfala wei, mo mi fulap tru wetem pis ia we i bitim evri save blong man” (long “Prayer: A Small and Simple Thing,” At the Pulpit [2017], 288–89).
“Ol wido mo ol pikinini we oli nomo gat papa mo mama, bae oli kasem sapot mo samting.”
In April 1832, as instructed by the Lord, Joseph Smith traveled nearly 800 miles to visit the Saints who had gathered in Missouri (see Doctrine and Covenants 78:9). While he was there, he visited a community where several widows were raising their children alone. Long medel blong olgeta, i gat Phebe Peck, mo Anna Rogers, we Profet i save gud tufala. Long Misuri, long ol yia 1830, ol loa blong stet, o loa blong gavman oli givim smol raet nomo long ol wido blong oli tekem propeti blong hasban blong olgeta. ?Wanem nao yu lanem aot long seksen 83 abaot wei we Lod i stap filim abaot ol wido mo ol pikinini we oli nomo gat papa o mama? ?Yu yu save eniwan we i stap long situesen ia we bae, lav o kea blong yu, bae i save helpem hem? ?Wanem i samfala wei we yu save serem wanem we yu gat wetem ol wido, ol pikinini we oli no papa mo mama, ol singgel mama mo ol narafala nid?
Luk tu long Aesea 1:17; Jemes 1:27.
Blong kasem moa aedia, luk long magasin blong manis ia Liahona mo Blong Ol Yut Oli Kam Strong magasin.
Sam Aedia blong Tijim Ol Pikinini
Mi save prea long God “long wan voes we i laod mo long hat blong [mi].”
-
Taem yu ridim Doktrin mo Ol Kavenan 81:3 wetem ol pikinini blong yu, helpem ogeta blong tingting long ol defren “pablik” mo “praevet” ples we oli save prea long hem. Mo tu, yu save lisin long wan singsing wetem olgeta, wan hym abaot prea olsem “Secret Prayer” (Hym, namba 144). Serem wetem wanwan long yufala, wan samting aot long hym ia we i stap tijim wan impoten trutok abaot prea. mo tu, yufala i save tokbaot fasin blong toktok wetem respek i go long Papa long Heven.
-
Blong leftemap tingting blong ol pikinini blong yu blong prea insaed long hat blong olgeta, yu save givim ol pepa hat long olgeta, mo invaetem olgeta blong dro o raetemdaon wan samting we oli wantem blong prea from i go long Papa long Heven. Testifae se Papa long Heven i save wanem we yumi stap tingting mo filim mo Hem i save harem ol prea blong yumi iven sapos yumi no talem laod. Maet yu save serem wetem olgeta wan eksperiens blong yu blong wan taem we yu bin prea long hat blong yu mo Papa long Heven i bin harem yu.
Lod i wantem mi blong helpem ol pipol we oli stap long nid.
-
Wetem ol pikinini blong yu, droem ol pikja blong ol han mo ni, mo askem ol pikinini blong faenem ol pat blong bodi ia long Doktrin mo Ol Kavenan 81:5. ?Wanem nao Lod i stap askem long yumi blong mekem long ves ia? Maet yu save serem wetem yufala wanwan abaot sam wei we ol pipol oli bin mekem yu kam moa strong taem yu filim se yu “no strong,” o no save “givhan.” Vidio “Pass It On” (ChurchofJesusChrist.org) i save givim ol aedia long ol pikinini blong yu abaot olsem wanem blong olgeta oli givim seves long ol narawan. mo tu, yufala i save singsing wan singsing abaot seves olsem “Have I Done Any Good?” (Hym, namba 223). Tingting blong stap ol pikinini blong yu blong mekem wan plan blong oli mas traem blong helpem wan man o woman we i stap long nid, long wik ia.
2:18Pass It On
-
mo tu, yu save yusum ol pikja o ol vidio blong talem ol simpol stori blong Jisas Kraes we i stap givim seves long ol narawan (luk ol pikja long aotlaen ia; Gospel Art Buk, ol namba 41, 42, 46, 47, 55; o wan long ol Bible Videos long Gospel Laebri). ?Olsem wanem nao yumi save folem eksampol blong Sevya blong stap helpem ol narawan?
Yumi save go mo givhan long ol pipol we oli gat nid olsem we Sevya i bin mekem.
Helpem ol pikinini blong yu blong oli kasem insperesen blong olgetawan. Blong stap tij i moa bitim blong stap serem trutok nomo—i minim blong stap helpem ol narafala pipol blong kam ol man o woman blong lanem samting olgetawan. Eksampol, blong stap talem long pikinini blong yu long simpol wei olsem wanem blong oli save givim seves long ol narawan, leftemap tingting blong olgeta blong lukaotem daereksen we i kam long Lod blong save huia nao oli save helpem.
Papa long Heven i givim ol promes blesing taem mi traehad blong obei long Hem.
-
Yu mo ol pikinini blong yu i save luk long Doktrin mo Ol Kavenan 82:8–10 blong kasem ol ansa long ol kwestin olsem “?From wanem Papa long Heven i givim ol komanmen long yumi?” Maet bae yu wantem blong helpem ol pikinini blong yu blong tingting long ol eksampol blong ol komanmen blong Hem (luk long, eksampol, Eksodas 20:4–17; Matiu 22:37–39; Doktrin mo Ol Kavenan 89:5–17). Bae i help sapos yu mo ol pikinini blong yu i faenem o droem ol pikja blong ripresentem sam long olgeta. ?Olsem wanem nao ol komanmen blong Papa long Heven oli soem lav blong Hem long yumi?
-
Maet wan simpol gem bae i helpem ol pikinini blong yu blong luk ol komanmen blong God olsem ol blesing, be i no hevi samting blong mekem. Wan man o woman i save givim ol instraksen blong helpem wan narafala man o woman, we oli fasem kaliko i blokem ae blong hem, blong mekem wan samting, olsem blong mekem wan sanwij o droem wan pikja. !Tingting long wan samting we i mekem man i laf mo i yusum maen blong yu! Afta, tokbaot olsem wanem ol komanmen blong God oli olsem ol instraksen insaed long gem ia.
Blong kasem moa aedia, luk long magasin blong Fren long manis ia.