Doktrin mo Ol Kavenan 71–75

Bae i save kam wan samting we i givim trabol taem ol pipol oli toktok agensem o tok jikim fet blong yu long Sevya, gospel blong Hem o Jos blong Hem. Taem hemia i hapen, ?wanem bae yu mekem? Wan samting we i semmak olsem i hapen long Ohaeo long 1831 (luk long seksen heding blong Doktrin mo Ol Kavenan 71). Wanem nao Lod i talem long Josef Smit mo Sidni Rigdon blong mekem abaot hemia long Doktrin mo Ol Kavenan 71? Maet bae yu save mekem lis blong ol intraksen we Lod i bin givim long tufala mo ol blesing we Hem i promesem.

Blong ademap long taem we yu stap stadi long seksen 71, bae yu save lukluk tu long olsem wanem Sevya i ansa long ol toktok agens long taem blong seves blong Hem. Hemia samfala eksampol: Matiu 22:15–22; 26:59–64; Jon 10:37–38. ?Wanem nao yu lanem tru long Hem? ?Wanem sam moa niu tingting we yu kasem long Matiu 18:15; Efesas 4:31–32; 2 Timoti 3:12; Jemes 1:19?

?Long wanem wei nao kaonsel blong Hem i blong ol situesen we yu stap fesem tedei? Maet yu save tingting long ol wei blong stretem ol giaman toktok wetem fasin blong gat pis insaed long ol wod blong yufalawan. Eksampol, yu save stat taem yu soem respek long wanem we ol narawan givim tingting o lukluk blong olgeta, mo afta, wetem tingting we i stap daon mo long kaen wei, serem wanem yu bilivim abaot Jisas Kraes mo ol tijing blong Hem. Blong rere from ol situesen olsem, yu save praktisim kaen fasin ia wetem ol fren o ol memba blong famli.

Luk tu long Topics and Questions, “Helping Others with Questions,” Gospel Laebri; Dallin H. Oaks, “Loving Others and Living with Differences,” Liahona, Nov. 2014, 25–28; Jörg Klebingat, “Strong Disaepol long Taem blong Ol Las Dei,” Liahona, Mei 2022, 107–10.

Taem we oli bin singaotem Niuwel K. Witni blong givim seves olsem wan bisop, ol diuti blong hem i defren smol long olgeta we ol bisop blong taem blong yumi tedei. Eksampol, Bisop Witni i gat responsabiliti blong lukaotem ol propeti mo givim raet long ol olgeta we oli kam blong stap long graon blong Saeon long Misuri. Be taem yu stap rid abaot koling mo ol diuti blong hem long Doktrin mo Ol Kavenan 72, maet bae yu luk se i joen long wanem ol bisop oli stap mekem tedei—be wetem spirit, sapos i no spesel olsem, i ol diuti blong olgeta.

Eksampol: ?long wanem wei nao “yu givim wan ripot” i go long bisop blong yu? (Vesves 5). Long dei blong yumi, “stoahaos blong Lod” i save gat tu, ol donesen, seves mo ol talen blong ol memba blong wod (luk long ol ves 10, 12). ?Long wanem wei nao yu save kontribiut long stoahaos ia?

?Long wanem wei nao Lod i bin blesem yu mo famli blong yu tru long seves blong wan bisop?

Luk tu long Quentin L. Cook, “Bishops—Shepherds over the Lord’s Flock,” Liahona, Mei 2021, 56–60.

Taem we Josef Smit mo Sidni Rigdon i kambak afta long misinari asaenmen blong tufala (luk long Doktrin mo Ol Kavenan 71), Lod i talem long tufala blong gohed long translesen blong tufala blong Baebol (luk long Gaed long Ol Skripja, “Josef Smit Translesen (JST),” Gospel Laebri). Be hemia i no minim se Hem i stap wantem tufala blong stop blong stap serem gospel. Nomata evri samting ia, hem i pat blong laef blong wan disaepol.

Taem yu stap ridim Doktrin mo Ol Kavenan 73, tingting long wei we yu save mekem wok blong prijim gospel i gogohed mo i “posibol blong mekem” (ves 4)—o i tru—i pat blong laef blong yu wetem ol narafala responsabiliti.

Revelesen long seksen 75 oli talemaot i go long ol pipol we oli bin “givim nem blong [olgeta] blong go aot mo talemaot gospel blong [Sevya]” (ves 2). Wan wei blong stadi long revelesen ia blong mekem tufala lis ia: (1) olsem wanem blong serem gospel we i gat moa mining (2) olsem wanem Lod i blesem mo sapotem yumi taem yumi mekem.

?Wanem nao yu ting se i minim wanem blong no “stastap” o no “stap nating,” long saed blong serem gospel? ?I luk olsem wanem blong “wok wetem strongfala paoa blong yufala”? (ves 3).

Luk tu long “I’ll Go Where You Want Me to Go,” Hymns, namba 270.

• Yusum seksen heding blong Doktrin mo Ol Kavenan 71 o “Japta 25: Josef Smit mo Sidni Rigdon Oli Go long Wan Misin” (long Ol Doktrin mo Kavenan Stori, 96 o vidio we i go wetem long Gospel Laebri) blong tijim ol pikinini abaot ol situesen we i bin givim insperesen blong mekem seksen 71. Afta, helpem olgeta blong faenemaot long ves 1 wanem Lod i wantem Josef mo Sidni blong mekem abaot “ol nogud filing” we i bin kam antap agensem Jos. ?Long wanem wei nao Hem i talem se bae i save helpem tufala? ?Olsem wanem nao yumi save stap olsem Josef mo Sidni?

  

  0:45

• Mo tu, yufala i save singsing wan singsing we i givim insperesen long ol pikinini blong yu blong stap fetful long Sevya olsem “Stand for the Right” (Children’s Songbook, 159). Helpem ol pikinini blong yu blong praktisim olsem wanem blong serem wanem we oli save abaot Jisas Kraes.

• Blong stap ridim Doktrin mo Ol Kavenan 72:2 tugeta, bae i save givim wan janis blong toktok raon long, from wanem Lod i givim ol bisop long yumi (luk tu long “Japta 17: The First Bishops of the Church,” long Ol Doktrin mo Kavenan Stori, 64–66, vidio we i go wetem long Gospel Laebri). Yu mo ol pikinini blong yu i save fanem ol pikja o ol samting we oli ripresentem ol responsabiliti blong wan bisop. Ol pikja mo aktiviti pej long en blong aotlaen ia, i givim samfala aedia. Afta, tugeta, yufala i save tokbaot ol bisop we yufala i bin save mo olsem wanem Sevya i bin blesem famli blong yufala tru long seves blong olgeta.

  

  1:45

• Blong tokbaot ol samting we oli defren bitwin “stap nating” mo “[stap] wok wetem strongfala paoa blong [yumi],” met yu save jusum sam aksen blong givim seves o ol wok blong mekem long haos mo askem ol pikinini blong yu blong soem olsem wanem blong mekem olgeta taem oli stap nating mo afta, wetem ful paoa blong olgeta. Taem yu ridim “o blong stap nating” long Doktrin mo Ol Kavenan 75:3, ol pikinini blong yu oli save soem olsem wanem bae oli mekem ol wok blong haos long wan wei we i soem se oli les blong mekem. Taem yu ridim “be wok wetem strongfala paoa blong yufala,” oli save soem olsem wanem bae oli wok strong. ?From wanem nao hem i impoten blong yumi mekem bes blong yumi blong givim seves long Lod?

• Insaed long mesej blong hem “Two Principles for Any Economy” (Liahona, Nov. 2009, 55–58), Presiden Dieter F. Uchtdorf i bin talem tu stori abaot wok. Maet yu save serem tufala wetem ol pikinini blong yu mo tokabaot filing we i kam taem yumi bin wok strong mo mekem bes blong yumi.