მოძღვრება და აღთქმები 71–75

შეიძლება შემაშფოთებელი იყოს, როდესაც ადამიანები აკრიტიკებენ ან დასცინიან შენს რწმენას მხსნელის, მისი სახარებისა ან მისი ეკლესიის მიმართ. როცა ეს ხდება, რას აკეთებ შენ? რაღაც მსგავსი მოხდა ოჰაიოში 1831 წელს (იხილე ნაწილის სათაური მოძღვრება და აღთქმები 71)-ში. მოძღვრება და აღთქმები 71-ში ამასთან დაკავშირებით რისი გაკეთება მოსთხოვა უფალმა ჯოზეფ სმითსა და სიდნეი რიგდონს? იქნებ ჩამოთვალო მითითებები, რომლებიც უფალმა მისცა მათ და კურთხევები, რომლებიც მან აღუთქვა.

ნაწილი 71-ს შესწავლის გარდა შეგიძლია, გამოიკვლიო, თუ როგორ უპასუხა მხსნელმა მის გამკრიტიკებლებს თავისი მიწიერი მსახურების დროს. აი რამდენიმე მაგალითი: მათე 22:15–22; 26:59–64; იოანე 10:37–38. რას სწავლობ მხსნელისგან? რა დამატებით იდეებს იღებ შემდეგი მუხლებიდან: მათე 18:15; ეფესელთა 4:31–32; 2 ტიმოთე 3:12; იაკობი 1:19?

მისი დარიგება როგორ აისახება იმ სიტუაციებზე, რომელთაც შენ ყოველ დღე უპირისპირდები? იფიქრე, სიცრუეს როგორ გამოასწორებ მშვიდობიანად შენივე სიტყვებით. მაგალითად, შეგიძლია დაიწყო სხვისი შეხედულებებისადმი პატივისცემის გამოხატვით, შემდეგ კი შეგიძლია თავმდაბლად და კეთილგანწყობით გააზიარო ის, რაც გჯერა იესო ქრისტესა და მისი სწავლებების შესახებ. ასეთი შემთხვევებისთვის მოსამზადებლად, შეგიძლია ამ მეთოდით ივარჯიშო მეგობრებთან ან ოჯახის წევრებთან.

ასევე იხილე თემები და კითხვები “Helping Others with Questions,” სახარების ბიბლიოთეკა; დალინ ჰ. ოუქსი, „Loving Others and Living with Differences [სხვების სიყვარული და განსხვავებებით ცხოვრება]“, ლიახონა, ნოემბერი, 2024, 25–28; იორგ კლებინგატი, „Valiant Discipleship in the Latter Days [მამაცი მოწაფეობა უკანასკნელ დღეებში“, Liahona, მაისი, 2022, 107–10.

როდესაც ნუელ კ. უიტნის მოუწოდეს ემსახურა ეპისკოპოსად, მისი მოვალეობები ოდნავ განსხვავდებოდა დღევანდელი ეპისკოპოსებისგან. მაგალითად, ეპისკოპოსი უიტნი ზედამხედველობდა საკუთრების მიძღვნას და მისურის სიონის მიწაზე დასახლების ნებართვას. მაგრამ როდესაც კითხულობ მისი მოწოდების შესახებ მოძღვრება და აღთქმები 72-ში, შეიძლება შეამჩნიო გარკვეული კავშირები იმასთან, რასაც დღეს ეპისკოპოსები აკეთებენ — ყოველ შემთხვევაში მათი მოვალეობების სულისკვეთებით მაინც, დეტალებით თუ არა.

მაგალითად, რა გზით [აბარებ] ანგარიშს შენს ეპისკოპოსს? (მუხლი 5). ჩვენს დროში, „უფლის საცავი“ შეიძლება მოიცავდეს შემოწირულებებს, მსახურებასა და მეურვეობის წევრების ნიჭებს (იხ. მუხლები 10, 12). როგორ შეგიძლია ამ საცავში წვლილის შეტანა?

როგორ დაგლოცათ უფალმა შენ და შენი ოჯახი ეპისკოპოსის მსახურებით?

ასევე იხილე ქუენტინ ლ. კუკი, “Bishops—Shepherds over the Lord’s Flock,” Liahona, მაისი, 2021, 56–60.

როდესაც ჯოზეფ სმითი და სიდნეი რიგდონი დაბრუნდნენ მისიონერული დავალებიდან (იხ. მოძღვრება და აღთქმები 71), უფალმა უთხრა მათ, გაეგრძელებინათ ბიბლიის თარგმნა (იხილე Guide to the Scriptures, “Joseph Smith Translation (JST),” სახარების ბიბლიოთეკა). მაგრამ ეს არ ნიშნავდა იმას, რომ უფალს სურდა, მათ შეეწყვიტათ სახარების გავრცელება. ბოლოსდაბოლოს ეს მოწაფის ცხოვრების ნაწილია.

როდესაც კითხულობ მოძღვრება და აღთქმები 73-ს დაფიქრდი, თუ როგორ აქციო სახარების გავრცელება შენი ცხოვრების მუდმივ, „შესაძლებელ“ (მუხლი 4) — ან რეალისტურ — ნაწილად შენს სხვა პასუხისმგებლობებთან ერთად.

გამოცხადება ნაწილი 75 -ში მიემართებოდა ადამიანებს, რომელთაც „საკუთარი სახელები მიეც[ა]თ, რათა წასულიყ[ვნენ] და [გამოეცხადებინათ მხსნელის] სახარება“ (მუხლი 2). ამ გამოცხადების შესწავლის ერთ-ერთი გზა არის ორი სიის შედგენა: (1) როგორ გავუზიაროთ სახარება ეფექტიანად და (2) როგორ გვაკურთხებს და გვიჭერს მხარს უფალი, როცა ჩვენ ამას ვაკეთებთ.

როგორ ფიქრობ, რას ნიშნავს სახარების გავრცელების საქმეში „[დაყოვნება]“ ან „[სიზარმაცე]“? როგორია „მთელი თქვენი ძალით [შრომა]“? (მუხლი 3).

ასევე იხილე „მე წავალ, სადაც შენ მიხმობ“ საგალობლები, გვ. 46.

• შეგიძლია გამოიყენო მოძღვრება და აღთქმები 71 -ს სათაური ან „Chapter 25: Joseph Smith and Sidney Rigdon Go on a Mission [თავი 25: ჯოზეფ სმით და სიდნეი რიგდონი მისიაში მიდიან]” (in Doctrine and Covenants Stories, 96, ან შესაფერისი ვიდეო სახარების ბიბლიოთეკაში), რათა ასწავლო შვილებს შთამაგონებელი გარემოებების შესახებ ნაწილი 71. შემდეგ დაეხმარე მათ, აღმოაჩინონ მუხლი 1 -ში, თუ რა უნდოდა უფალს, რომ ჯოზეფს და სიდნეის ეღონათ ეკლესიის მიმართ „მტრული [განწყობის]“ შესახებ. რა თქვა მან, როგორ დაეხმარებოდა მათ? როგორ შეგვიძლია ვიყოთ ჯოზეფისა და სიდნეის მსგავსი?

  

  0:45

• შეგიძლიათ აგრეთვე იმღეროთ სიმღერა, რომელიც შთააგონებს თქვენს შვილებს, იყვნენ მხსნელის ერთგულნი, მაგ: “Stand for the Right” (Children’s Songbook, 159). დაეხმარე ბავშვებს ივარჯიშონ, როგორ გაავრცელონ, რაც იციან იესო ქრისტეს შესახებ.

• მოძღვრება და აღთქმები 72:2 -ს ერთად წაკითხვამ შეიძლება შექმნას შესაძლებლობა განიხილოთ, თუ რატომ გვაძლევს უფალი ეპისკოპოსებს (იხ. აგრეთვე „Chapter 17: The First Bishops of the Church,” in Doctrine and Covenants Stories, 64–66, ან შესაბამისი ვიდეო სახარების ბიბლიოთეკაში). შენ და ბავშვებს შეგიძლიათ იპოვოთ სურათები ან საგნები, რომლებიც წარმოადგენს ეპისკოპოსის პასუხისმგებლობებს. სურათი და გასართობი გვერდი ამ მონაკვეთის ბოლოს გაწვდის იდეებს. შემდეგ შეგიძლიათ, ერთად ისაუბროთ იმ ეპისკოპოსებზე, რომლებსაც იცნობთ და იმაზე, თუ როგორ აკურთხა უფალმა თქვენი ოჯახები მათი მსახურებით.

  

  1:45

• იმისთვის, რომ ვისაუბროთ განსხვავებაზე „[სიზარმაცესა]“ და „მთელი [ჩვენი] ძალით [შრომას]“ შორის, შესაძლოა შეარჩიო მსახურების საქმეები ან საყოფაცხოვრებო სამუშაოები და სთხოვო ბავშვებს აჩვენონ, როგორ გააკეთებდნენ მათ სიზარმაცით და შემდეგ მთელი ძალით. როდესაც კითხულობ „ნუ იქნებით ზარმაცნი,“ მოძღვრება და აღთქმები 75:3-ში ბავშვებს შეუძლიათ აჩვენონ, როგორ გააკეთებენ საქმეს სიზარმაცით. ხოლო როდესაც კითხულობ „არამედ იშრომეთ მთელი თქვენი ძალით“, მათ შეუძლიათ აჩვენონ, თუ რამდენად გულმოდგინედ შრომობენ. რატომ არის მნიშვნელოვანი, რომ ბოლომდე ვეცადოთ, როდესაც უფალს ვემსახურებით?

• გზავნილში „Two Principles for Any Economy“ პრეზიდენტმა დიტერ ფ.უხტდორფმა მოგვიყვა ორი აბავი საქმის შესრულების შესახებ (Liahona, Nov. 2009, 55–58). იქნებ გაუზიაროთ ისინი ბავშვებს და ისაუბროთ იმაზე, თუ რას გრძნობენ იმის გაგებისას, რომ მონდომებით იმუშავეს და მთელი ძალისხმევით ეცადნენ.