მოძღვრება და აღთქმები 76

ნაწილი 76 ავლენს მნიშვნელოვან ჭეშმარიტებებს ჩვენი მარადიული დანიშნულების შესახებ, მაგრამ არასრული იქნება იმის თქმა, რომ ეს გამოცხადება ბრწყინვალების სამ სასუფევლის ან თუნდაც მხოლოდ ხნსის გეგმის შესახებაა. უფრო სწორედ, ნაწილი 76 ეხება იესო ქრისტეს, რომელიც ახორციელებს ღვთიურ გეგმას ჩვენი ხსნისა და მარადიული დიდებისთვის. კითხვისას შეიძლება მოძებნო სიტყვები ან ფრაზები, რომლებიც აღწერს ურთიერთობას იესო ქრისტესა და იმ ადამიანებს შორის, რომლებიც მემკვიდრეობით იღებენ ბრწყინვალების სხვადასხვა სასუფევლებს. შესაძლოა, შემდეგი ცხრილი დაგეხმაროს იმის ჩაწერაში, რასაც იპოვი.

რის გაკეთებას შთაგაგონებენ მხსნელთან შენი ურთიერთობის გასაძლიერებლად?

როდესაც ვილფორდ ვუდროფმა წაიკითხა ამ ხილვის შესახებ, მან თქვა: „ვგრძნობდი, რომ მიყვარდა უფალი იმაზე მეტად, ვიდრე ოდესმე ჩემს ცხოვრებაში“ (იხილე „Voices of the Restoration: Testimonies of ‘the Vision’ [აღდგენის ხმები: „ხილვის“ დამოწმებანი]“). რას იგებ იესო ქრისტეს შესახებ მუხლები 1–5, 20–24, 39–43, 107–8 -დან, რაც მას უფრო მეტად გაყვარებს?

ასევე იხილე 1 პეტრე 3:18–19; 4:6; დალინ ჰ. ოუქსი, “What Has Our Savior Done for Us?,” Liahona, მაისი, 2021, 75–77; „I Stand All Amazed [რა ამაღლებული ვარ]“, საგალობლები, გვ. 22.

ეკლესიის ყველა წევრმა ადვილად როდი მიიღო გამოცხადება ნაწილი 76-დან, რადგან ის ასწავლიდა, რომ თითქმის ყველა გადარჩებოდა და მიიღებდა გარკვეული ხარისხის ბრწყინვალებას. მაგალითად, ბრიგამ იანგმა თქვა: „მე ისეთი ტრადიციები მქონდა, რომ, როდესაც ხილვაზე პირველად შემატყობინეს, ის პირდაპირ ეწინააღმდეგებოდა ჩემს იქამდე მიღებულ ცოდნას. მე ვთქვი, მოიცა. მე ის არ უარმიყვია, მაგრამ არ მესმოდა ის“. მან განმარტა, რომ უნდა „მეფიქრა და მელოცა, წამეკითხა და მეფიქრა, სანამ არ მეცოდინებოდა და სრულად არ გავიგებდი ამას“ („The Vision“, Revelations in Context, 150). რას სწავლობ მისი გამოცდილებიდან, რაც დაგეხმარება, როცა ღმერთი გამოავლენს იმას, რაც განსხვავდება შენი დღევანდელი გაგებისგან? რას სწავლობ ღმერთის შესახებ მოძღვრება და აღთქმები 76:5–10, 114–18-ში? რას გასწავლის ეს მუხლები იმის შესახებ, თუ როგორ შეგიძლია გაიგო „[ღვთის კეთილი ნება-სურვილი]“? (მუხლი 7).

მოძღვრება და აღთქმები 76:39–44 ზოგადად აღწერს ხსნას. მუხლები 50–70 აღწერს ამაღლებას, ხსნის კონკრეტულ ფორმას. როგორ ახსნიდი განსხვავებას ხსნასა და ამაღლებას შორის? რა არის მხსნელის როლი თითოეულ მათგანში? რას ნახულობ ამ მუხლებში, რაც შთაგაგონებს ამაღლების ძიებაში?

ასევე იხილე იოანე 3:16–17; მოძღვრება და აღთქმები 132:20–25.

ოდესმე დაფიქრებულხარ — ან აღელვებულხარ იმის გამო, შეძლებდი თუ არა გამხდარიყავი ისეთი ადამიანი, რომელიც მიიღებდა ცელესტიალურ ბრწყინვალებას, როგორც ეს აღწერილია მოძღვრება და აღთქმები 76:50–70, 92–95-ში? მიუხედავად იმისა, რომ მნიშვნელოვანია ვიცოდეთ, რას მოელის ღმერთი ჩვენგან, ასევე მოიძიე ამ მუხლებში, თუ რა გააკეთა ღმერთმა ჩვენთვის — და რას აკეთებს — რათა დაგვეხმაროს, გავხდეთ მისი მსგავსნი. რატომ ფიქრობ, რომ შენი ძალისხმევა მისთვის მნიშვნელოვანია?

როგორ მოქმედებს ცელესტიალური ბრწყინვალების ეს ხილვა იმაზე, თუ როგორ გსურს ყოველდღიურად ცხოვრება?

ასევე იხილე მოსე 1:39; ჯ. დევნ ქორნიშ, “Am I Good Enough? Will I Make It?,” Liahona, ნოემბერი, 2016, 32–34.

• იმისათვის, რომ დაეხმარო ბავშვებს გააცნობიერონ თავიანთი ღვთაებრივი პოტენციალი, შეგიძლია აჩვენო მათ ბავშვებისა და მათი მშობლების სურათები. შემდეგ შეგიძლიათ წაიკითხოთ მოძღვრება და აღთქმები 76:24 და გაუზიარეთ ერთმანეთს, თუ რატომ ხართ ბედნიერი იმის გაგებით, რომ ჩვენ ყველანი ვართ „ღვთის ძენი და ასულნი“.

• ასევე შეგიძლიათ, ერთად იმღეროთ „მე შვილი ვარ ღვთისა“ (საგალობლები, გვ. 58) და სთხოვო ბავშვებს, მიუთითონ საკუთარ თავზე, როცა ისინი სიმღერით ამბობენ „მე“. შემდეგ ისევ იმღერეთ ეს სიმღერა და სიტყვები „მე ვარ“ შეცვალეთ სიტყვებით „შენ ხარ“ და მიუთითეთ სხვაზე.

• შეგიძლია, ბავშვებთან ერთად როლებში გაითამაშო, როცა ვინმე იკითხავს: „რა გააკეთა იესო ქრისტემ ჩემთვის?“ ბავშვებთან ერთად ეძიე პასუხები მუხლები 5, 41–42ან 69 -ში ნაწილი 76-დან. შეგიძლიათ აგრეთვე იმღეროთ “He Sent His Son,” Children’s Songbook, 34–35. როგორ გამოვხატოთ ჩვენი მადლიერება იმისთვის, რაც მხსნელმა ჩვენთვის გააკეთა?

• თქვენ და ბავშვებს შეგიძლიათ წაიკითხოთ ნაწილი ან მთლიანად „Chapter 26: The Three Kingdoms of Heaven [თავი 26: სამოთხის სამი სამეფო]“ ( Doctrine and Covenants Stories [მოძღვრება და აღთქმების ამბებში], 97–103 ან უყუროთ შესაბამის ვიდეოს სახარების ბიბლიოთეკიდან) და გაუზიაროთ ერთმანეთს, თუ რა მოგწონთ ჯოზეფ სმითის ხილვის შესახებ. სთხოვე ბავშვებს, გაგიზიარონ თავიანთი ფიქრები და გრძნობები იმის შესახებ, თუ როგორი იქნებოდა ზეციურ მამასთან ერთად ცხოვრება ცელესტიალურ სასუფეველში.

  

  4:7

• ასევე შეგიძლია წაიკითხო მოძღვრება და აღთქმები 76:62 და სთხოვე ბავშვებს, დახატონ საკუთარი თავი ზეციურ მამასთან და იესო ქრისტესთან ერთად ცელესტიალურ სასუფეველში (იხილე ამ კვირის გასართობი გვერდი).

• სთხოვე ბავშვებს, წაიკითხონ მუხლები 15–19 რათა გაიგონ, თუ რას აკეთებდნენ ჯოზეფ სმითი და სიდნეი რიგდონი, როდესაც მათ ჰქონდათ ხილვა მოძღვრება და აღთქმები 76-დან. მოუყევი ბავშვებს იმ პერიოდის შესახებ, როდესაც შენ მიიღე შთაგონება წმინდა წერილების კითხვისას და ჰკითხე ბავშვებს, ჰქონიათ თუ არა მათ მსგავსი გამოცდილება.