Ko ngā Reo o te Whakahokinga

Kei roto i te Hunga Tapu tokomaha i huihui tahi nei ki Ohaio i ngā tau 1830 tētahi wahine ko Whīpi Kāta tōna ingoa. I uru mai ia ki te Hāhi i te taha raki mā rāwhiti o ngā Whenua Tōpū o Amerika i ōna tau rua tekau, ahakoa kīhai ōna mātua i uru mai. Nō muri iho tuhia ai ia e pā ana ki tana kōwhiringa kia hūnuku ki Ohaio kia hono tahi me te Hunga Tapu:

“I mīharo ōku hoa ki taku haerenga, pērā me au, engari kei roto i ahau tētahi mea āia whakamua atu au. I āhua nui mōku te taumaha o te pōuritanga o tōku whaea i taku wehenga i te kāinga; ā, me i kore te wairua i roto i ahau kāore e kore kua hinga. I kī mai tōku whaea kua pai ake kia tanumia au i taku haere ko au anake ki roto i te ao aroha kore.

“‘[Whīpi],’ tāna, ‘ka hoki mai koe ki ahau mehemea ka kitea he teka te Moromonatanga?’

“Taku whakahoki, ‘āe, whaea; māku e pērā.’ … Ka māmā ake ana raruraru i taku whakahoki; engari i nui rawa te pōuritanga i tā māua weheruatanga. I te wā o taku wehenga atu, kīhai au i whakapono ka taea te tuku poroporoaki; nā konā tuhi ai au i tētahi reta poroporoaki ki tēnā, ki tēnā, ā, ka mahue i runga i taku tepu, ka oma iho ki raro ki taku kāreti. Pēnei taku wehenga atu i taku kāinga ātaahua o tōku taitamarikitanga kia tūhono atu i tōku oranga ki ngā hunga tapu a te Atua.”

Ko tā Whīpi i tētahi o ēnei reta poroporoaki:

“E ōku Mātua Aroha—whano au ka wehe i te tuanui o ōku mātua mō tētahi wā … kāore au e mōhio ana me pēhea te roa—engari he nui ngā whakaaro whakawhetai mō te aroha kua whiwhi nei au mai i taku nonohitanga ā mohoa noa nei—engari koinā tā te whakarawe ināianei i tāna o mua. Tukua tātou kia tau iho ēnei mea katoa ki roto i ngā ringaringa o te Whakarawe, ā, kia whakawhetai kua whakaaehia tātou kia noho tahi i raro i ngā āhuatanga papai, e whakapono ana ka mahi ngā mea katoa hei painga mō tātou mehemea ka arohaina nuitia te Atua. Tukua tātou kia kite e taea ana e tātou te inoi ki te Atua kotahi e whakarongo ai ki ngā inoi pono a ana mea katoa, ā, ka homai ngā mea katoa e pai ana mō tātou. …

“E te whaea, e whakapono ana ahau e hiahia ana te Atua kia haere whakateuru ahau, ā, kua mōhio au, nā, kua roa te wā. Ināianei kua puare te huarahi … ; E whakapono ana ahau nā te wairua o te Ariki i pēnei ai e taea ana ngā mea katoa. Auē kia kaua e āmaimai mō tāu tamaiti; mā te Ariki au e whakaaio. E whakapono ana au mā te Ariki au e tiaki, ā, e homai ai ki ahau ērā mea e pai ake ana mōku. … Ka haere au nā te mea kei te karanga mai tōku Māhita—Nāna tōku haepapa i whakamārama mai.”