Te Rā Whakanui i te Aranga

Kāore anō te nuinga o tātou kia kite atu i a Ihu Karaiti pērā i te Poropiti a Hōhepa Mete. Engari ka taea e tātou te mōhio, pērā i a ia, e ora ana te Kaiwhakaora, nā, e mōhio ana Ia ki ō tātou piki me ō tātou heke, ā, Māna tātou e āwhina i ngā wā e tika ana. Me huri ō whakaaro ki tō ake whakaaturanga o te Karaiti ora i a koe e whakaaroaro ana ki ngā pātai i raro iho nei kātahi ka rangahaua ngā rauemi e piri tahi ana.

• Ko wai a Ihu Karaiti? He aha tātou e koropiko ai ki a Ia? (tirohia “The Living Christ: The Testimony of the Apostles”).

• He aha tā te Wairua e whakaako mai ki ahau e pā ana ki ngā āhuatanga i pā ai ki a Hōhepa Mete rātou ko te hunga i kite ai i te Kaiwhakaora? Me pēhea ā rātou whakaaturanga e whakakaha i tōku? (tirohia Whakaakoranga me ngā Kawenata 76:11–14, 20–24; 110:1–10; Hōhepa Mete—Hītori:17).

• He aha ngā akoranga māku e pā ana ki te mīhana, me te tapu o te Kaiwhakaora mai i Ana ake kupu? (tirohia Whakaakoranga me ngā Kawenata 29:5; 38:7).

• Me pēhea te Kaiwhakaora e āwhina i ahau i tēnei wā? (tirohia Ihāia 53:3–5; Hīperu 2:17–18; Mōhia 3:7; Arami 7:11–13; 36:3; Etere 12:27; Mohi 5:10–12).

I roto i te whitiāhua “My Spiritual Goal,” ka kōwhiri tētahi kōhine whakamaumahara i “The Living Christ” (Wharepukapuka Rongopai). He aha ngā mea pai mō ngā āhuatanga i pā ai ki a ia? He aha te mea e whakahihiko nei i tō ngākau me tō hinengaro hei mahi māu kia whiwhi ai i ngā mea pono i “The Living Christ”?

2:5

Hei akoranga atu anō mō te āhua e manaaki nei te Kaiwhakaora i a tātou i ēnei rā, māu e rangahau, e whakarongo atu, e waiata rānei “I Know That My Redeemer Lives” (Hymns, nama. 136). Ka hihiri te ngākau i tō rapu i ngā mea pono kei roto i tēnei hīmene e whakaakona ana anō hoki i Whakaakoranga me ngā Kawenata 6:34; 84:77; 98:18; 138:23.

Tirohia anōtia ngā Kaupapa me ngā Pātai, “Jesus Christ,” Wharepukapuka Rongopai.

I mōhio a Hōhepa Mete ki te āhua o te tangi ki ngā mate, tae atu ki tōna matua me ana teina tokorua. I tanumia e Hōhepa rāua ko Ema ngā tamariki tokoono, kei raro katoa rātou i te rua tau te pakeke. Mai i ngā whakakitenga i homai e te Atua, ka rapua e Hōhepa rāua ko Ema tētahi tirohanga o te ao mau tonu.

Rapua ngā mea pono e pā ana ki te mate me te mahere mau tonu a te Atua i Whakaakoranga me ngā Kawenata 29:26–27; 42:45–46; 63:49; 88:14–17, 27–31; 93:33–34. Nā ēnei mea pono ka pēhea tō tirohanga ki te mate? Nā ēnei mea ka pēhea te āhuatanga o tō ora?

Tirohia anōtia 1 Korinihi 15; Teachings of Presidents of the Church: Joseph Smith (2007), 174–76; Easter.ChurchofJesusChrist.org.

Ko tētahi huarahi hei aro pūmau atu ki te Kaiwhakaora i te wā Whakanui i te Aranga, koia ko te rangahau i ngā whakakitenga i roto i te Whakaakoranga me ngā Kawenata e whakaako ana e pā ana ki Tana whakaherenga whakamārie. Ka kitea ētahi i Whakaakoranga me ngā Kawenata 18:10–13; 19:16–19; 45:3–5; 76:69–70. Me whakarārangi i ngā mea pono e rapua ai i ēnei whiti. Hei whakahōhonu ake i tō rangahau, ka tāpiri atu ki tō rārangi mā te tirotiro i Ruka 22:39–44; 1 Hōani 1:7; 2 Nīwhai 2:6–9; Mōhia 3:5–13, 17–18; Moronai 10:32–33.

Anei ētahi pātai hei ārahi i tō rangahau:

• He aha te Whakamārietanga o Ihu Karaiti?

• He aha i kōwhiria ai e Ihu Karaiti kia whakamamaetia, ā, kia whakamatea ai mō tātou?

• Me aha au hei whiwhi i ngā manaakitanga o Tōna whakaherenga?

• He aha ōku whakaaro mō Ihu Karaiti whai muri iho i taku pānui i ēnei whiti?

Tirohia anōtia te Pukapuka Aratohu ki ngā Karaipiture, “Whakamārietanga,” Wharepukapuka Rongopai; “The Savior Suffers in Gethsemane” (whitiāhua), Wharepukapuka Rongopai.

8:48

• Hei tīmatanga kōrero kia whakaako koe i ō tamariki e pā ana ki te Aranga, māu ētahi pikitia e hura atu ki a rātou mō te matenga me te Aranga ake o te Kaiwhakaora. Tukua ō tamariki ki te kōrero i ngā mea e mōhio nei rātou e pā ana ki ēnei āhuatanga. Me waiata hoki i tētahi waiata pērā i “Did Jesus Really Live Again?” (Children’s Songbook, 64).

• Me huri ō whakaaro ki tētahi akoranga ā-ringa e āwhina ai i ō tamariki kia mārama ai ka ahatia ngā wairua ina mate tātou (ka wehe ō tātou wairua i ō tātou tinana) ā, ina whakaarahia tātou (ka piri tahi anō ō tātou wairua ki ō tātou tinana, ā, kua kāore he mate ō te tinana, ā, ka ora mō āke tonu atu). Hei tauira, ka ahatia ina tangohia te pūhiko i te rama, te waituhi rānei i tētahi pene? Ka ahatia ina whakapiri tahi anō? (Tirohia Arami 11:44–45.)

• E mōhio ana rānei ō tamariki ki tētahi tangata kua mate? Tukua rātou kia paku kōrero mai e pā ana ki ēnei tāngata, kātahi ka pānui tahi i Whakaakoranga me ngā Kawenata 138:17. Me kōrero tahi mō ngā kare ā-roto e pupū ake ai i te mōhio tērā ka whakaarahia ake ō tātou tūpuna me ō tātou whānau, ā, ka whai tinana anō rātou.

• Mehemea he tamariki pakeke ōu, me tono rātou kia rapua ngā rerenga e mau ai te karere o te rā Whakanui i te Aranga i roto i ngā whiti e whai ake nei: Whakaakoranga me ngā Kawenata 63:49; 88:14–17, 27; 138:11, 14–17. Ka pērā anō rātou me te whitiāhua “Because He Lives” (Wharepukapuka Rongopai). Me pēhea tātou e tuku atu i tēnei kōrero ki ētahi atu?

• Ka hiahia pea koutou ko ō tamariki ki te pānui e pā ana ki ngā wā e toru i puta mai ai a Ihu Karaiti ki a Hōhepa Mete me ētahi atu, e ai ki Hōhepa Mete—Hītori 1:14–17; Whakaakoranga me ngā Kawenata 76:11–24; 110:1–10. Me rapu anō ō tamariki i ētahi pikitia mō ēnei mea i te whārangi mahimō tēnei wiki. He aha ngā akoranga mā tātou e pā ana ki a Ihu Karaiti i ēnei āhuatanga? He aha e kīa ai he manaakitanga kia mōhio i kite a Hōhepa Mete me ētahi atu i te Kaiwhakaora whai muri i Tana aranga?

• Ka whai tūmanako ō tamariki i ngā mea pono i akona ai a Hōhepa Mete e pā ana ki te murunga hara mā roto i te Karaiti, mā konā mōhio ai ka murua rātou mō ō rātou hē me ō rātou hara. Me tono ō tamariki kia waihanga ai i tētahi whakahoahoa e whai taitara ana pēnei: He aha tā te Kaiwhakaora mōku ā Me aha au kia whiwhi ai i Tana murunga hara. Āwhinatia ō tamariki ki te tirotiro i ngā whiti e whai ake nei kia rapua ngā mea e noho iho ai i ēnei taitara: Whakaakoranga me ngā Kawenata 18:10–13; 19:16–19; 45:3–5; 58:42–43. Me kōrero atu e pā ana ki tō koa me tō whakawhetai ki ngā mea i meatia nei e te Kaiwhakaora mō tātou.

• Me mātaki hoki te whitiāhua “The Shiny Bicycle” me ō tamariki (Wharepukapuka Rongopai) me te tuku kōrero e pā ana ki ngā āhuatanga i rongo ai koe i te murunga hara a te Kaiwhakaora i a koe e rīpenetā ana.

3:4