Христийн амилсны баяр

Бидний олон нь бошиглогч Иосеф Смитийн адилаар Есүс Христийг хараагүй билээ. Гэсэн ч бид түүнтэй адил Аврагч амьд, Тэрээр бидний амжилт ололт, зовлон зүдгүүрийг мэддэг мөн бидэнд хэрэгтэй үед туслах болно гэдгийг мэдэх боломжтой. Доор байгаа асуултуудыг тунгааж, дагалдах эх сурвалжуудыг судлахдаа амьд Христийн тухай гэрчлэлээ бод.

• Есүс Христ гэж хэн бэ? Яагаад бид Түүнийг шүтэн биширдэг вэ? (“Амьд Христ: Төлөөлөгчдийн гэрчлэлийг үзнэ үү).

• Иосеф Смитийн болон Аврагчийг харсан бусад хүний туршлага надад юу зааж байна вэ? Тэдний гэрчлэл миний гэрчлэлийг хэрхэн хүчирхэгжүүлдэг вэ? (Сургаал ба Гэрээ 76:11–14; 20–24; 110:1–10; Иосеф Смит—Түүх 17-г үзнэ үү).

• Би Аврагчийн өөрийнх нь үгсээс Түүний номлол, бурханлаг байдлын талаар юу олж мэдсэн бэ? (Сургаал ба Гэрээ 29:5; 38:7-г үзнэ үү).

• Өнөө үед Аврагч надад хэрхэн тусалж чадах вэ? (Исаиа 53:3–5; Еврей 2:17–18; Мозая 3:7; Алма 7:11–13; 36:3; Ифер 12:27; Мосе 5:10–12-ыг үзнэ үү).

“Амьд Христ” дээрх үнэнүүдийг зүрх сэтгэл, оюундаа хүлээн авахын тулд та юу хийхээр сүнслэгээр өдөөгдөж байна вэ?

2:5

Аврагч биднийг өнөө үед хэрхэн адисалдаг талаар олж мэдэхийн тулд та “Би Гэтэлгэгч амьдыг мэднэ” (Дуулал, д. 70) дууг дуулж, сонсож эсвэл үүнийг судалж болно. Түүнчлэн Сургаал ба Гэрээ 6:34; 84:77; 98:18; 138:23 дээр заасан үнэнүүдийг энэ дуунаас хайх нь урам зориг өгөхүйц байж болно.

Иосеф Смит хайртай хүнийхээ, түүний дотор аав, хоёр ахынхаа үхэлд гашуудах ямар байдгийг мэддэг байсан. Иосеф, Эмма хоёрын зургаан хүүхэд хоёр ой ч хүрээгүй байхдаа эндэж, тэднийг оршуулж байжээ. Бурханы өгсөн илчлэлтээс Иосеф, Эмма хоёр аливааг мөнхийн талаас нь авч үздэг болсон юм.

Сургаал ба Гэрээ 29:26–27; 42:45–46; 63:49; 88:14–17, 27–31; 93:33–34-өөс үхэл болон Бурханы мөнхийн төлөвлөгөөний талаарх үнэнүүдийг хайж ол. Эдгээр үнэн таны үхлийг харах өнцөгт хэрхэн нөлөөлөх вэ? Эдгээр нь таны амьдрах хэв маягт хэрхэн нөлөөлж болох вэ?

Мөн 1 Коринт 15; Сүмийн ерөнхийлөгчдийн сургаалаас: Иосеф Смит (2007), х. 197–199; Easter.ChurchofJesusChrist.org зэргийг үзнэ үү.

Христийн амилсны баярын үеэр Аврагч дээр анхаарлаа хандуулах нэг арга зам бол Сургаал ба Гэрээнээс Түүний цагаатгах золиослолын талаар зааж буй илчлэлтүүдийг судлах явдал юм. Эдгээрийн заримыг Сургаал ба Гэрээ 18:10–13; 19:16–19; 45:3–5; 76:69–70 дээрээс олж болно. Эдгээр шүлгээс олж мэдсэн үнэнүүдээ жагсаан бичиж болно. Судлах үйл явцаа улам гүнзгийрүүлэхийн тулд Лук 22:39–44; 1 Иохан 1:7; 2 Нифай 2:6–9; Мозая 3:5–13, 17–18; Моронай 10:32–33-аас хайж олсноо жагсаалтдаа нэмж болно.

Таныг судраас судлахад чиглүүлэх асуултууд:

• Есүс Христийн Цагаатгал гэж юу вэ?

• Есүс Христ яагаад бидний төлөө зовж шаналан нас барахыг сонгосон бэ?

• Би Түүний золиослолын адислалуудыг хүлээн авахын тулд юу хийх ёстой вэ?

• Эдгээр шүлгийг уншсаны дараа би Есүс Христийн талаар юу мэдэрч байна вэ?

8:48

• Амилалтын талаар хүүхдүүддээ заахдаа та Аврагчийн үхэл, Амилалтын тухай зургийг тэдэнд үзүүлэхээс эхэлж болно. Эдгээр үйл явдлын талаар мэддэг зүйлсээ хуваалцах боломжийг хүүхдүүдэд олго. Та мөн “Есүс үхлийн дараа үнэхээр амилсан уу?” зэрэг дууг дуулж болно. (Хүүхдийн дууны ном, 45).

• Биднийг нас барахад (бидний сүнс бие махбодоос маань салдаг) болон амилуулагдахад (бидний сүнс, бие махбод хоёр эргэн нийлж, бидний бие махбод төгс, үхэшгүй болдог) юу болдгийг ойлгоход хүүхдүүдэд туслахын тулд үзүүлэнт хичээл бодож ол. Жишээ нь: Бид гар чийдэнгээс зайг нь эсвэл үзэгнээс бэхийг нь салгавал юу болдог вэ? Эдгээр зүйлийг буцаан нийлүүлэхэд юу болдог вэ? (Алма 11:44–45-ыг үзнэ үү.)

• Танай хүүхдүүд нас барсан хэн нэгнийг мэдэх үү? Эдгээр хувь хүний талаар багахан хуваалцуулаад, дараа нь Сургаал ба Гэрээ 138:17-г хамтдаа унш. Бидний хайртай хүмүүс амилуулагдаж, дахин бие махбодтой болно гэдгийг мэдэж авахад ямар санагдаж байгаа талаар бие биетэйгээ ярилц.

• Хэрэв та том хүүхдүүдтэй бол дараах хэсгүүдээс Христийн амилсны баярын захиасыг агуулсан хэллэгүүдийг хайж олоход тэднийг урьж болно. Үүнд: Сургаал ба Гэрээ 63:49; 88:14–17, 27; 138:11, 14–17. Бид хэрхэн энэ захиасыг бусадтай хуваалцаж болох вэ?

• Хүүхдүүдийнхээ хамт Иосеф Смит—Түүх 1:14–17; Сургаал ба Гэрээ 76:11–24; 110:1–10 дээр цэдэглэгдсэн, Есүс Христийн Иосеф Смит болон бусад хүнд үзэгдсэн гурван өөр тохиолдлыг унших нь сонирхолтой байж магад. Энэ долоо хоногийн үйл ажиллагааны хуудас дээрх эдгээр үйл явдлын талаарх зургийг хүүхдүүддээ үзүүлж болно. Бид эдгээр туршлага нэг бүрээс Есүс Христийн талаар юу мэдэж авч болох вэ? Иосеф Смит болон бусад хүн амилсан Аврагчийг харсан гэдгийг мэдэх нь яагаад адислал болдог вэ?

• Христээр дамжин ирэх өршөөлийн талаар Иосеф Смитийн олж мэдсэн үнэн нь хүүхдүүдэд тань алдаа дутагдал, гэм нүглээсээ өршөөгдөх боломжтой гэсэн найдварыг өгөх болно. Хүүхдүүдээ дараахтай адил гарчиг бүхий хүснэгт зурахад урь. Тухайлбал: Аврагчийн миний төлөө хийсэн зүйл; Би Түүний өршөөлийг хүлээн авахын тулд миний хийх ёстой зүйл. Хүүхдүүддээ Сургаал ба Гэрээ 18:10–13; 19:16–19; 45:3–5; 58:42–43 зэргээс эдгээр гарчгийн доор бичих ямар нэгэн зүйлийг хайж олоход тусал. Аврагчийн бидний төлөө хийсэн зүйлсэд баярлаж, талархаж байгаагаа бие биетэйгээ хуваалц.

3:4