Doktrin na ol Kavanen 29

Doktrin na ol Kavanen 29 i tisim planti toktru long plen bilong God bilong yupela. Taim yu rid, painim ol toktru yu lainim long wanwan hap bilong bihainim plen bilong Em:

• Laip bipo long graun (lukim veses 36–37)

• Mekim kamap (lukim veses 31–33)

• Pundaun bilong Adam na Eve (lukim veses 40–41)

• Dispela laip long graun (lukim veses 39, 42–45)

• Atonmen bilong Jisas Krais (lukim veses 1, 42–43, 46–50)

• Kirap Bek (lukim veses 13, 26)

• Laspela Kot (lukim veses 12–13, 27–30)

Wanem ol tingting yu kisim? Sapos em i helpim yu, yu ken raitim ol long spes i stap wantaim ol piksa long arere bilong dispela autlain. Hau na ol dispela toktru i senisim laip bilong yu?

Lukim tu ol Topik na Kwesten, “Plan of Salvation,” Gospel Library.

Jisas Krais i toktok long bungim ol pipol bilong Em “olsem mama kakaruk i bungim ol pikinini kakaruk aninit long ol wing bilong em” (Doktrin na ol Kavanen 29:2). Dispela i tisim yu wanem long Jisas Krais? Wanem ol sampela tingting o piling i kam long yu taim yu stadim ol piksa bilong mama kakaruk na ol pikinini kakaruk long dispela autlain? Tingting long hau yu pilim Jisas Krais i bungim na lukautim yu.

Taim yu ridim Doktrin na ol Kavanen 29:1–11, painim ol tingting olsem:

• Husait bai yumi bungim?

• Em i min wanem long “bungim” i kam long Krais.

• Wai yumi kam bung long Em.

Tingting wai yu laikim ol narapela long bung kam long Jisas Krais. Wanem gutpela tingting i kam long yu long helpim?

Yu ken askim yu yet dispela sem kwesten taim yu watsim dispela vidio “Wanpela Witnes bilong God” (Gospel Library) o ridim o harim wanpela singsing long bungim Israel, olsem “Israel, Israel, God Is Calling” (Hymns, no. 7). Wanem yu pilim Bikpela i traim long tisim yu long wok bilong bungim olgeta lain?

2:40

Presiden Russell M. Nelson i tok: “Nau dispela bungim bai kamap long wanwan nesen. Bikpela i mekim lo olsem dispela kirap bilong Saion long wanwan ples we Em i givim ol Seint bilong Em ples mama i karim ol na nasinaliti” (“The Gathering of Scattered Israel,” Liahona, Nov. 2006, 81). Hau na wok bilong bungim long dispela wei bai helpim yumi “redi long olgeta samting” bilong namba tu kam bek bilong Seivia? (ves 8; lukim tu veses 14–28).

Lukim tu Russell M. Nelson na Wendy W. Nelson, “Hope of Israel” (worldwide youth devotional, June 3, 2018), Gospel Library; D. Todd Christofferson, “The Doctrine of Belonging,” Liahona, Nov. 2022, 53–56; Topiks na ol Kwesten , “Bungim bilong Israel,” Gospel Library.

Taim yu stadim Doktrin na ol Kavanen 29:31–35, askim yu yet, “Long wanem wei olgeta komanmen i stap long spirit?” Yu bai listim sampela komanmen and skelim ol spiritual tok tru i go wantaim wanwan. Wanpela riviu bilong For the Strength of Youth: A Guide for Making Choices i ken helpim—em i tisim sampela long ol dispela toktru bilong oltaim i stap baksait long sampela komanmen bilong God.

Hau na save olsem “olgeta samting i stap long spirit” bai senisim wei yu lukluk long komanmen bilong God? Tingting long painim spiritual mining o as tingting long ol narapela samting long laip bilong yupela tu.

Lukim tu 2 Nifai 9: 39.

Hau bai yu yusim Doktrin na ol Kavanen 29:36–50 long tok klia wai yumi nidim ridemsen thru long Jisas Krais?

Dispela Pundaun bilong Adam na Eve i bringim kam dai na sin i kam long wol, tasol em i redim tu dispela wei bilong ridemsen na amamas thru long Krais. Wantaim dispela tingting long het, ridim ol veses 39–43 na notim, ol wods na ol hap tok i bringim yumi amamas. Wanem i kirapim tingting bilong yu long wanem Adam na Eva i bin tok long dispela Pundaun long Moses 5:10–12?

Lukim tu “Wai Yumi Nidim wanpela Seivia” (vidio), Gospel Library.

2:15

• Long statim wanpela toktok long plen bilong yumi Papa long Heven i kamapim, yu na ol pikinini bilong yu i ken toktok long wanpela taim taim yu bin mekim plen, olsem go long wanpela trip o pinisim wanpela wok. Yu ken serim ol eksampel bilong plen, olsem wanpela kalenda wantaim ol samting bai kamap ol i ratim long em o ol instraksen long mekim samting. Wai na ol plen i gutpela? Bihain yu ken toktok long wanem Papa long Heven i laikim yumi long inapim na hau dispela plen bilong Em i helpim yumi inapim.

• Yu ken yusim ol piksa long arere bilong dispela autlain long helpim ol pikinini bilong yu painim ol ves long Doktrin na ol Kavanen 29 i tisim ol pat bilong plen bilong Papa long Heven. Yu ken tu katim aut ol piksa na askim ol pikinini long putim ol long stretpela oda. Wai na yumi gat tenkyu long save olsem Papa long Heven i gat plen biong yumi? Olsem wanem na plen bilong God senisim laip bilong yu olgeta de?

• Dispela i soim daunbilo wanpela mama kakaruk na ol pikinini bilong em o dispela vidio “Ol pikinini kakaruk na mama kakaruk” (ChurchofJesusChrist.org) i ken helpim ol pikinini lukim stori long Doktrin na ol Kavanen 29:1–2. Bihain yu ken ridim ol dispela ves wantaim na toktok wantaim wanpela narapela long hau wanpela mama kakaruk i lukautim ol pikinini kakaruk bilong em na hau dispela i wankain long wanem Seivia i ken mekim bilong yumi.

  

  1:24

• Wanem samting bai mekim ol pikinini bilong yu laik helpim bungim ol pipol bilong God? Ating ol bai laik long harim dispela ekspiriens bilong wanpela husat kam “bung” long Em taim em i joinim Sios bilong Em. Eksampel, husat i kisim yu kam save long Sios? Hau yumi gat blesing long akseptim singaut bilong Seivia long kam bung long Em? Hau bai yumi helpim ol narapela kam bung long Em? (Lukim “Wanpela Toksave bilong ol Pikinini i kam long Presiden Russell M. Nelson” [vidio], ChurchofJesusChrist.org.)

  

  3:30

• Wanpela piksa bilong Namba tu kam bek (olsem Gospel At Buk, no. 66) o wanpela long em (olsem “When He Comes Again,” Children’s Songbook, 82–83) i ken helpim yu na ol pikinini i diskas Doktrin na ol Kavanen 29:11. Helpim ol pikinini bilong yu luksave long skripsa i toktok long samting long piksa o singsing. Serim wantaim wanpela narapela hau yu fil long Jisas Krais bai kam bek gen long ples graun.