“Mas 3–9, ‘Lainim long Mi,’ Doktrin na ol Kavanen 19,” Kam, Bihainim Mi—Bilong Haus na Sios: Doktrin na ol Kavanen 2025 (2025)
“Doktrin na ol Kavanen 19,” Kam, Bihainim Mi—Bilong Haus na Sios: 2025
Ol diteil i kam long Rot long Getsemani, Steve McGinty i mekim
Mas 3–9: “Lainim long Mi”
Doktrin na ol Kavanen 19
Em i kisim Martin na Lucy Harris planti yias long kisim wanpela gutpela tru fam long Palmyra, New York. Tasol long 1829 em i kamap klia olsem Buk Momon ol i ken pablisim sapos Martin i putim fam bilong em long lon long baim printa. Martin i bin gat wanpela testimoni long Buk Momon, tasol Lucy i no bin gat. Sapos Martin i go het wantaim lon na Buk Momon ol i no salim gut, em bai lusim fam, marit bilong em bai bagarap na reputesen bilong em long komuniti bai bagarap Maski ol sindaun bilong yumi i narakain long Martin, long sampela taim yumi bai pesim ol hatpela kwesten olsem em bin pesim: Gospel bilong Jisas Krais i gat wanem kain gutpela pe long mi? Wanem mi bai sakripaisim long bildim kingdom bilong God? Martin Harris i bin mekim disisen long putim fam bilong em long lon wantaim benk so ol namba wan 5000 kopi bilong Buk Momon bai print. Tasol dispela sakripais—na wanem kain sakripais yumi mekim—i liklik long sakripais bilong Jisas Krais, “i bikpela moa long olgeta” (Doktrin na ol Kavanen 19:18), husat blut bilong Em i kapsait long olgeta skin.
Long moa inpomesen long pablikesen bilong Buk Momon, lukim Saints, 1:76–84.
Ol Aidia bilong Lainim long Haus na long Sios
Doktrin na ol Kavanen 19:1–12
“Mi, God, i nogat pinis.”
Joseph Smith i tok klia olsem dispela revelesen long seksen 19 i “wanpela komanmen … long Martin Harris, i kam long em husat i stap Oltaim” (seksen heding). Painim ol hap long veses 1–12 we Bikpela i tok strong long stap oltaim bilong Em. Wai na yu ting em i impoten long Martin Harris long save long dispela long Bikpela? Wai em i impoten long yu long save long en?
Wai yu ting Jisas Krais yumi kolim em long “dispela stat na pinis”? (ves 1).
Doktrin na ol Kavanen 19:15–20
Jisas Krais i karim hevi so bai mi ken tanim bel na kam long Em.
Nupela Testamen i toktok long hevi Seivia i karim long Getsemani long lukluk bilong ol lain pipol husat i bin lukim. Long Doktrin na ol Kavanen 19:15–20, Jisas Krais i toktok long hevi Em i karim long lukluk bilong Em yet. Taim yu ridim dispela sekred stori painim hau Seivia i bin toktok long hevi Em i karim. Tingim wanem dispela wanwan wod o hap tok i tisim yu? Wai na Seivia i bin wanbel long karim hevi? Yu ken painim moa long John 15:13; Mosaia 3:7; Alma 7:11–12; Doktrin na ol Kavanen 18:10–13.
Ol piling yu gat taim yu stadim hevi Seivia i bin karim bai mekim ol dispela kwesten i kam long yu olsem: Wai na Seivia i bin karim hevi long ol sin bilong mi? Wai mi nid long tanim bel na kisim olgeta blesing bilong sakripais bilong Em? Yu bai painim ol tingting long ol dispela kwesten na ol narapela insait long toktok bilong Elda Ulisses Soares “Jesus Christ: The Caregiver of Our Soul” (Liahona, Mei 2021, 82–84). Taim yu stadi, wanem ol tingting i kam long yu? Tingting long rekodim ol piling bilong yu long Jisas Krais na sakripais bilong Em long yu.
Long stadi na lotu bilong yu, painim wanpela singsing yu ken harim o singim long soim tenkyu bilong yu long Seivia long karim hevi bilong yu. “I Stand All Amazed” (Hymns, no. 193) i gutpela eksampel.
Papa long Heven na Jisas Krais bai laikim yu long mekim wanem long ol samting yu lainim na pilim long stadi bilong yu?
Lukim tu “Jesus Christ will help you,” For the Strength of Youth: A Guide for Making Choices (2022), 6–9; Topics and Questions, “Atonement of Jesus Christ,” “Repentance,” Gospel Library; D. Todd Christofferson, “The Divine Gift of Repentance,” Liahona, Nov. 2011, 38–41; “Jesus Suffers in Gethsemane” (video), Gospel Library.
The Savior Suffers in Gethsemane
Doktrin na ol Kavanen 19:23
Bel isi i kam long lainim long Jisas Krais na bihainim Em,
Tingim invitesen bilong Seivia: “Lainim long mi.” Yu lainim wanem long Jisas Krais long Doktrin na ol Kavanen 19? Rekodim ol tingting bilong yu, na tingim hau ol dispela toktru long Seivia bai helpim yu painim bel isi? Em i min wanem long “wokabaut long isi pasin bilong Spirit [Bilong] Em”?
Lukim tu Henry B. Eyring, “Finding Personal Peace,” Liahona, Mei 2023, 29–31; “Peace in Christ” (video), Gospel Librari.
Peace in Christ
Doktrin na ol Kavanen 19:26–41
Ol blesing bilong God i bikpela moa long ol gutpela samting bilong dispela ples graun.
Dispela Buk Momon ol i no bin salim gut long Palmyra. Long dispela, Martin Harris i salim bikpela hap bilong fam bilong em long baim dinau long printa (lukim “The Contributions of Martin Harris,” long Revelations in Context, 7–8). Tingting long sakripais bilong Martin—na ol blesing yu kisim bikos long en—taim yu ridim Doktrin na ol Kavanen 19:26–41. Yu bai tingim tu wanem Bikpela i askim yu long sakripaisim. Yu painim wanem long ol dispela ves we i givim yu gutpela tingting long mekim ol dispela sakrispais wantaim “singaut” na “amamas”? (lukim tu veses 15–20).
Long moa aidia, lukim isu bilong dispela mun Liahona na For the Strength of Youth megesin.
Ol aidia bilong Tisim ol Pikinini
Doktrin na ol Kavanen 19:16–19
Jisas Krais i karim hevi bilong mi.
-
Yu ken helpim ol pikinini bilong yu pilim dispela reverens na tenkyu long Seivia taim ol i ridim wantaim Doktrin na ol Kavanen 19:16–19 o “Chapter 51: Jesus Suffers in the Garden of Gethsemane,” long Nupela Testamen Stori, 129–32, o dispela vidio long Gospel Librari. Tingting long stop long mekim sua olsem ol pikinini bilong yu i klia gut na larim ol i soim ol piling bilong ol. Olsem eksampel, long ves 16, wanem “ol dispela samting” Jisas i karim hevi long ol bilong yumi? (lukim Mosaia 3:7; Alma 7:11–12). Yumi lainim wanem long harim long hevi bilong Bikpela? Hau bai yumi soim ol tenkyu bilong yumi long wanem Em i bin mekim bilong yumi?
Chapter 51: Jesus Suffers in the Garden of Gethsemane
Helpim ol pikinini lainim long ol skripsa. Sampela pikinini save gat hat taim long ridim ol skripsa. Fokas long wanpela ves o hap tok bai helpim.
-
Yu na ol pikinini bilong yu i ken lukluk long Hymns o dispela Children’s Songbook long ol singsing i ken helpim yu soim ol piling bilong yu long Jisas Krais (lukim topik indeks long ol dispela buk).
Doktrin na ol Kavanen 19:18–19, 24
Jisas Krais i bin bihainim tok bilong Papa long Heven, maski em i bin hat.
-
Long karim hevi bilong ol sin bilong yumi i bin hat tumas, tasol Jisas Krais i bin laik long mekim long bihainim tok bilong Papa bilong Em na soim lav bilong Em long Em na long yumi. Yu ken lukluk wantaim long piksa bilong Jisas Krais i karim hevi long Getsemani (olsem ol long dispela autlain) na askim ol pikinini bilong yu wanem i kamap long dispela piksa. Yu bai ridim wantaim Doktrin na ol Kavanen 19:18–19, 24 long tok strong olsem karim hevi long ol sin bilong yumi em i hatpela samting tru wanpela bai mekim, tasol bikos Jisas i lavim tumas Papa na yumi, Em i bihainim tok bilong Papa (lukim tu Mosaia 3:7). Wanem ol hatpela samting Papa long Heven askim yumi long mekim? Hau bai yumi painim strong long bihainim tok bilong Em?
Doktrin na ol Kavanen 19:23
“Lainim long mi, na harim ol tok bilong mi.”
-
Yu bai helpim ol pikinini bilong yu tingting long ol liklik eksen bai go wantaim ol hap tok long Doktrin na ol Kavanen 19:23. Ridim ol dispela ves taim ol i mekim ol eksen. Wanem ol sampela wei yumi ken lainim long Krais na harim ol tok bilong Em?
Doktrin na Kavanens 19:38
Ol blesing bilong God i bikpela moa long ol gutpela samting bilong ples graun.
-
Yu na ol pikinini bilong yu i ken kisim taim long holim wanpela kopi bilong Buk Momon na serim wanem yu laikim long en. Toktok liklik long ol sakripais bilong Martin Harris bai Buk Momon ol i ken printim (lukim Doktrin na ol Kavanen, 33). Bikpela i tok wanem long Martin long Doktrin na ol Kavanen 19:38 we bai helpim em i feitful na bihainim tok? Helpim ol pikinini bilong yu tingim samting ol i ken sakripaisim long bihainim God o helpim long wok bilong Em.
Long moa aidia, lukim isu bilong dispela mun bilong Friend megesin.