“Februeri 24–Mas 2, ‘Pe Bilong ol Sol i Bikpela Tru’: Doktrin na ol Kavanen 18,” Kam, Bihainim Mi—Bilong Haus na Sios: Doktrin na ol Kavanen 2025 (2025)
“Doktrin na ol Kavanen 18,” Kam, Bihainim Mi—Bilong Haus na Sios: 2025
Februeri 24–Mas 2: “Pe Bilong ol Sol i Bikpela Tru”
Doktrin na ol Kavanen 18
I gat planti narakain wei long skelim pe bilong wanpela man o meri. Talent, edukesen, moni, na sait bilong pisikel i ken mekim hau yumi skelim wanpela narapela—na yumi yet. Tasol long ai bilong God, pe bilong yumi em i isi samting, na i stap klia tru long Doktrin na ol Kavanen 18: “Holim long tingting olsem pe bilong sol em i bikpela tru long ai bilong God” (ves 10). Dispela isipela toktru i tok klia tumas long wanem God i mekim na wai Em i save mekim. Wai Em i bin instraktim Joseph Smith na Oliver Cowdery long kirapim dispela Sios bilong Jisas Krais long de bilong yumi? (lukim veses 1–5). Bikos Pe Bilong ol Sol i Bikpela Tru” Wai na Em i “tok strong long olgeta man long olgeta hap long tanim bel” na salim ol Aposel long tokaut long pasin bilong tanim bel? (ves 9). Bikos Pe Bilong ol Sol i Bikpela Tru Na wai Jisas Krais i karim hevi “dai bilong bodi” na “dispela pen bilong olgeta man”? (ves 11). Bikos pe bilong ol sol i bikpela tru. Sapos wanpela long ol dispela sol i sus long akseptim presen bilong Seivia, Em i amamas, long wanem “bikpela em amamas bilong em long dispela sol i tanim bel” (ves 13).
Ol Aidia bilong Lainim long Haus na long Sios
Doktrin na ol Kavanen 18:1–5
“Bildim Sios bilong mi.”
Long seksen 18, Bikpela i givim Oliver Cowdery ol instraksen long helpim na putim go daun ol faundesen bilong Sios bilong Jisas Krais. Wanem yu luksave long kaunsel Em i givim—moa yet long veses 1–5? Yu bai tingting long hau dispela kaunsel i kam long yu taim yu “bildim” feit bilong yu long Krais. Eksampel olsem:
-
Wanem samting yu “laikim tumas long save ” long Bikpela (ves 1).
-
Em i minim wanem long yu long “rilai long ol samting ol i raitim”? (ves 3). Hau dispela Spirit “i soim yu ” olsem dispela ol samting i tru? (ves 2; lukim tu Doktrin na ol Kavanen 6:22–24).
-
Hau bai yu bildim laip bilong yu long “dispela faundesen bilong gospel bilong Seivia na dispela ston [bilong Em]”? (ves 5).
Askim ol kwesten. Doktrin na ol Kavanen i evidens olsem ol askim i lid i go long ol revelesen. Taim yu stadim ol skripsa, rekodim ol askim yu gat. Bihain tingting na pre long painim ol ansa.
Doktrin na ol Kavanen 18:10–13
“Dispela pe bilong ol sol i bikpela tru long ai bilong God God.”
Olsem wanem yumi bai painim aut pe bilong samting? Eksampel, wai na wanpela samting long maket i gat bikpela prais moa long narapela? Taim yu ridim seksen 18 dispela wik, moa yet ol veses 10–13, yu bai skelim hau ol pipol i save painim aut wanem samting i mekim pe bilong wanpela sol i gat moa pe long ai bilong God. Tingting long putim nem bilong yu long ples bilong ol dispela tok “sol,” “ol sol,” na “olgeta man.” Hau bai ol dispela ves i helpim wanpela husat i askim long pe bilong em?
Hia em ol sampela narapela toktok we i tisim long pe bilong wanpela sol: Luke 15:1–10; John 3:16–17; 2 Nifai 26:24–28; Moses 1:39. Beis long ol dispela toktok, hau bai yu samaraisim hau God i pilim long yu? Yu bai tu painim toktok bilong Presiden Dieter F. Uchtdorf’s “You Matter to Him” (Liahona, Nov. 2011, 19–22) long painim ol wod na hap tok we bai helpim yu save long pe bilong yu long God.
Hau bai God soim yu olsem yu gat bikpela pe tru long Em? Hau na dispela bai afektim wei yu lukim yu yet na ol narapela?
Lukim tu Joy D. Jones, “Value beyond Measure,” Liahona, Nov. 2017, 13–15; Topiks na ol Kwesten, “Children of God,” Gospel Library.
Doktrin na ol kavanen 18:11–16
Bikpela i amamas taim mi tanim bel.
Lukim hau ol dispela wod olsem tanim bel na pasin bilong tanim bel ol i yusim long Doktrin na ol Kavanen 18. Tingting long wanem yu lainim long ol dispela wod olgeta taim yu painim ol. Skelim moa yet ol veses 11–16. Hau ol dispela ves i mekim yu pil long tanim bel bilong yu—tanim bel bilong yu yet na wok long invaitim ol narapela pipol long tanim bel na mekim gut? Hia em wanpela wei long rekodim wanem yu lainim: mekim lis long sampela wei yu bai pinisim dispela sentens “Tanim bel em i .”
Lukim tu Alma 36:18–21; Guide to the Scriptures, “Repentance,” Gospel Library; Dale G. Renlund, “Repentance: A Joyful Choice,” Liahona, Nov. 2016, 121–24.
Doktrin na ol Kavanen 18:14–16
Amamas i kam long helpim ol narapela i kam long Krais.
Taim yu stadim veses 14–16, tingting long wanem em i min long “krai long tanim bel” na wai em i bringim dispela kain amamas. Wanem ol sampela wei yu painim long helpim ol narapela kam long Seivia na kisim pogivnes? Hau ol narapela i mekim dispela bilong yu?
Lukim tu Craig C. Christensen, “There Can Be Nothing So Exquisite and Sweet as Was My Joy,” Liahona, Mei 2023, 45–47.
Doktrin na ol Kavanen 18:34–36
Mi ken harim nek bilong Bikpela insait long ol skripsa.
Sapos wanpela i askim yu nek bilong Bikpela i olsem wanem, yu bai tok wanem? Tingting long dispela askim taim yu ritim Doktrin na ol Kavanen 18:34–36. Yu lainim wanem long nek bilong Bikpela taim yu ridim Doktrin na ol Kavanen? Yu ken mekim wanem long harim klia nek bilong Em?
Lukim tu “As I Search the Holy Scriptures,” Hymns, no. 277.
Long moa aidia, lukim isu bilong dispela mun Liahona na For the Strength of Youth megesin.
Ol Aidia bilong Tisim ol Pikinini
Doktrin na ol Kavanen 18:10–13.
Yumi wanwan i gat bikpela pe tru long ai bilong God.
-
Taim yu na ol pikinini i ridim Doktrin na ol Kavanen 18:10–13, tingting long kisim nem bilong wanpela narapela long ples bilong dispela wod “sol,” “ol sol,” na “olgeta man.” Yu ken toktok long hau ol dispela ves bai helpim yumi klia gut hau Papa long Heven i pil long yumi wanwan.
-
Yu ken askim ol pikinini bilong yu tu long ol samting ol pipol i save lukim olsem i gat bikpela pe. O yu bai soim ol samting we i gat bikpela pe long yu. Hau bai yumi mekim ol samting i gat bikpela pe tumas long yumi? Larim ol long kisim ten long lukluk insait long glas mira. Taim ol i mekim olsem, tokim wanwan pikinini olsem ol i pikinini bilong God na ol i gat bikpela pe. Hau bai yumi soim ol narapela olsem “dispela pe bilong sol bilong [ol] i bikpela” long ai bilong mipela?
-
Long tok strong olsem olgeta pipol i gat bikpela pe long Papa long Heven, ol pikinini bilong yu i ken lukluk long dispela piksa i stap long arere bilong dispela autlain taim yu ridim Doktrin na ol Kavanen 18:10–13. Singsing wantaim wanpela singsing olsem “Every Star Is Different” (Children’s Songbook, 142–43) ken helpim long strongim dispela tingting.
Doktrin na ol Kavanen 18:13–16
Serim dispela gospel save bringim amamas.
-
Long givim gutpela tingting long ol pikinini long serim gospel bilong Jisas Krais, yu ken toktok wantaim wanpela narapela long ol ekspiriens taim yu painim samting we yu bin laik serim wantaim ol poro na famili bilong yu. Wai na yu bin laik long serim, na hau em bin pil long serim? Bihain yu ken ridim Doktrin na ol Kavanen 18:13, 16. Wanem bai bringim amamas long Bikpela? Wanem Em i tok bai bringim yumi amamas? Yu na ol pikinini i ken toktok long ol ekspiriens yupela i bin gat long serim ol amamas bilong gospel bilong Seivia.
-
Wanpela singsing bilong serim gospel, olsem “I Want to Be a Missionary Now” (Children’s Songbook, 168) i ken helpim ol pikinini tingting long ol wei ol i ken serim gospel.
Doktrin na ol Kavanen 18:34–36
Mi ken harim nek bilong Bikpela insait long ol skripsa.
-
Ol pikinini bilong yu bai amamas wantaim wanpela gem we ol bai traim long harim klia nek bilong ol narakain pipol, olsem ol famili memba, poro o Sios lida. Hau yumi luksave long nek bilong wanpela narapela? Hau yumi ken luksave long nek bilong Bikpela? Yu ken ridim wantaim Doktrin na ol Kavanen 18:34–36 long diskasim dispela kwesten. Yu ken tu serim wantaim wanwan hau yu harim nek bilong Bikpela insait long ol skripsa.
Long moa aidia, lukim isu bilong dispela mun bilong Friend megesin.