“Ol Nek bilong Restoresen: Tanim tok bilong Buk Momon’,” Kam, Bihainim Mi—Bilong Haus na Sios: Doktrin na ol Kavanen 2025 (2025)
“Tanim tok bilong Buk Momon,” Kam, Bihainim Mi—Bilong Haus na Sios: 2025
Ol Nek bilong Restoresen
Tanim tok bilong Buk Momon
Long Epril 1829, dispela mun taim seksen 6–9 bilong Doktrin na ol Kavanen i bin kam, bikpela wok bilong Joseph Smith bin tanim tok bilong Buk Momon. Yumi no save long planti saming long dispela mirakel, tasol yumi save olsem Joseph Smith bin wanpela sia, i bin gat ol helpim God yet i bin redim, tupela ston nem bilong ol em Urim na Thamim na narapela ston nem bilong em sia ston.
Taim ol i askim hau dispela rekot em bin tanim, Joseph i bin tok “olsem i no nap long tokim olgeta wol olgeta samting.” Em i tok isi tasol olsem em bin tanim “wantaim presen na pawa bilong God.”
Ol dispela toktok i kam long ol ai witnes husat i bin lukim wok bilong tanim tok i sapotim tok bilong Joseph.
Emma Smith
“Taim man bilong mi i bin tanim Buk Momon, Mi bin raitim sampela long en, taim em i ridim wanwan sentens, wanwan wod na taim em i kam long ol nem em i hat long pronaunsim, o longpela wod, em bai spelim ol, na taim mi raitim ol, sapos mi mekim mistek long spelim, em bai stopim mi na stretim speling bilong mi maski em i hat long em i lukim hau mi wok long raitim long dispela taim. Dispela wod Sarah em i hat long pronaunsim namba wan taim, tasol em i spelim, na mi pronaunsim bilong em.”
“Dispela ol plet sampela taim i save slip long tebol na i no save hait, karamap long hap linen tebolklot, we mi bin givim em long foldim ol wantaim. Wanpela taim mi pilim ol plet, taim ol i bin slip long tebol, mi tresim ol autlain na seip bilong ol. Ol bin olsem pepa i strong, na bai mekim nois olsem metal taim bikpela pinga i holim ol, olsem yumi save mekim long ol buk. …
“Bilip bilong mi i olsem Buk Momon i kam long God—Mi nogat wanpela tubel long dispela. Mi amamas olsem nogat man i bin nap long diktetim ol dispela raiting inap em bin gat gutpela tingting, long wanem, taim mi bin skraib bilong em, [Joseph] bai dikteit long mi long planti aua na taim em i kam bek long kaikai, o narapela taim em i stop liklik, em bai stat long hap em i stop, maski em i no lukim ol pepa o i no ridim sampela hap. Dispela em i save mekim olsem olgeta taim. Em bin no inap long wanpela save man i mekim dispela, na long wanpela man i nogat save na i no skul olsem em, em i no bin inap tru.”
Oliver Cowdery
“Mi raitim wantaim pen bilong mi yet dispela olgeta Buk Momon (tasol sampela peij) taim em i kam aut long maus bilong profet, taim em i tanim wantaim pawa bilong God, wantaim ol Urim na Thamim, o olsem buk i kolim ol, ol holi samting bilong tanim tok. Mi lukim wantaim ol ai bilong mi, na mi holim wantaim ol han bilong mi, ol gol plet we em i kamap long en. Mi lukim tu ol samting bilong kliarim tok.”