“Februeri 10–16: ‘Olsem Bai Yu Kamap Man bilong Win’: Doktrin na ol Kavanen 10–11,” Kam, Bihainim Mi—Bilong Haus na Sios: Doktrin na ol Kavanen 2025 (2025)
“Doktrin na ol Kavanen 10-11,” Kam, Bihainim Mi—Bilong Haus na Sios: 2025
Wanpela kopi bilong orijinel manuskrip bilong Buk Momon
Februeri 10–16: “Olsem Bai Yu Kamap Man bilong Win”
Doktrin na ol Kavanen 10–11
Taim tanim tok bilong Buk Momon i go het, wanpela askim i kamap: Joseph Smith na Oliver Cowdery bai mekim wanem long ol dispela peij i bin lus? Em bai orait long tanim tok long dispela hap, tasol Bikpela i lukim samting ol i no bin lukim: ol birua bilong ol i plen long senisim ol wod long ol dispela pes long putim tingting ino klia long gutpela wok bilong Joseph. God i bin gat wanpela plen long abrusim dispela hevi na karim wok bai go het. Sampela tausen yias pas long dispela taim, God i bin givim gutpela tingting long Nifai long raitim wanpela namba tu rekot i karamapim dispela taim “bilong gutpela as tingting bilong Em” (1 Nifai 9:5).
“Wisdom bilong mi,” Bikpela i tok long Joseph, “i moa bikpela long giaman bilong devel” (Doktrin na ol Kavanen 10:43). Dispela tok i mekim bel isi long dispela taim bilong yumi, taim birua i wok strong long daunim bilip. Olsem Joseph, yumi ken kamap “feitful na go het” insait long wok God i singautim yumi long mekim (ves 3). Bihain bai yumi painim olsem Em i gat pinis wei bai “dispela geit bilong hel bai no inap long win” agens long yumi (ves 69).
Lukim Saints, 1:51–61.
Ol Aidia bilong Lainim long Haus na long Sios
Doktrin na ol Kavanen 10:1–33
God “bai no larim Satan i mekim nogut plen bilong em.”
Satan bai laikim olsem yumi lus tingting long em i stap—o olsem yumi feil long luksave long ol wok em i mekim long senisim yumi (lukim 2 Nifai 28:22–23). Ol tok bilong Bikpela long Doktrin na ol Kavanen 10 i tok strong olsem Satan em i tru—na em i wok hat long stopim ol wok bilong Bikpela. Long ol ves 1–33, luksave long wanem God i save long ol wok bilong Satan (lukim tu ol veses 62–63). Yu ken askim tu Bikpela long helpim yu lukim hau Satan bai temtim yu. Taim yu ridim seksen 10, tingting long hau Seivia i ken helpim yu long banisim ol wok bilong Satan.
Doktrin na ol Kavanen 10:34–52
“Wisdom bilong Bikpela i winim trik pasin bilong devel.”
Nifai i no bin save wai em i kisim gutpela tingting long mekim tupela set bilong ol rekot bilong pipol bilong em. Na Momon i no bin save wai em bin kisim gutpela tingting long putim wantaim namba tu set bilong ol gol plet. Tasol tupela profet wantaim i trastim olsem God i gat “wanpela gutpela as tingting” (1 Nifai 9:5; Ol Toktok bilong Momon 1:7). Tede yumi save long sampela hap bilong dispela as tingting bilong senisim ol 116 peij i lus bilong Buk Momon. Wanem samting yu ting Bikpela i laikim yu long lainim long ol dispela? Tingting long dispela askim taim yu ridim Doktrin na ol Kavanen 10:34–52. Yu bai tu mekim wanpela lis bilong ol toktru yu lainim long Bikpela long ol dispela ves. Olsem wanem ol dispela toktru i senisim stap bilong yu wantaim Em? Wanem samting i kirapim tingting bilong yu long hau Bikpela i redim ol wok long ol 116 pela peij i lus?
Yu bai pilim tu gutpela tingting long painim evidens bilong wisdom na tingting long laip bilong yu. Ridim ol stori long toktok bilong Elda Ronald A. Rasband “By Divine Design”—ol bai ken bringim ol eksampel long tingting bilong yu (Liahona, Nov. 2017, 55–57). Tingting long raitim ol go daun taim ol i kam long yu. Hau na Bikpela i wok long laip bilong yu? Eksampel, wanem ol “sampela samting i kamap long wankain taim” Em i redim? Wanem kain ol faundesen Em i putim daun long ol blesing bilong yu? Long wanem taim Em i lidim yu go long minista long wanpela i gat nid?
Lukim tu Romans 8:28; Doktrin na ol Kavanen 90:24; Ol Topik na ol Kwesten, “Plan of Salvation,” Gospel Library.
Doktrin na ol Kavanen 11
“Putim tras bilong yu long Spirit bilong [Bikpela].
Bikpela brata bilong Joseph Hyrum i bin laik save tru long laik bilong Bikpela long em, so em i askim Joseph long painim revelesen bilong em. Profet i bin amamas long mekim dispela, tasol wanpela toksave long dispela revelesen (Doktrin na ol Kavanen 11) em olsem Hyrum i no nap long kisim revelesen bilong em yet. Na em bai wankain long “olgeta husat i gat ol gutpela laik, na bai putim sikel bilong ol long kisim kaikai” (ves 27). Taim yu ridim seksen 11, yu pilim wanem Bikpela i tisim yu long revelesen bilong wanwan? Hau dispela i go pas wantaim wanem Em i tisim long Oliver Cowdery long seksen 6–9? Wanem ol narapela toksave Em i gat bilong yu?
Lukim tu: “Let the Holy Spirit Guide,” Hymns, no. 143.
Invaitim ol lain i lainim long askim ol kwesten. Ol kwesten i save lid i go long revelesen. Sapos yu tisim famili o Sios klas, enkarisim ol long askim ol kwesten, na helpim ol painim ol ansa insait long ol skripsa. Eksampel, sapos ol i gat ol kwesten long revelesen bilong wanwan, lukluk na painim ol ansa long Doktrin na ol Kavanen 11:12–14.
Doktrin na ol Kavanen 11:15–26
Taim mi painim wei long “kisim tok bilong [God],” Mi bai kisim Spirit na pawa bilong Em.
Pastaim long tanim tok bilong Buk Momon, Hyrum Smith i bin wari long helpim long dispela wok bilong Restoresen. Taim yu ridim bekim bilong Bikpela long laik bilong em, tingting long em i min wanem long yu long “kisim tok bilong [God]” (ves 21). Hau bai kisim pawa bilong tok bilong God i helpim yu sevim Em wantaim pawa?
Long moa aidia, lukim isu bilong dispela mun Liahona na For the Strength of Youth megesin.
Ol Aidia bilong Tisim ol Pikinini
Doktrin and Ol Kavanen 10:5
Taim mi pre olgeta taim, mi kisim strong long God.
-
Long introdusim dispela ves long ol pikinini bilong yu, yu ken askim ol long ol samting ol i save “mekim olgeta ” taim. Bikpela i tok yumi mas mekim wanem olgeta taim long Doktrin na ol Kavanen 10:5? Wai Em i laikim yumi long mekim dispela?
-
Hau yu ken helpim ol pikinini bilong yu tingting long beten olgeta taim? Ating ol i ken kolektim sampela liklik, smutpela ston na peint long ol “Doktrin na ol Kavanen 10:5” o “Beten Olgeta Taim.” Ol i ken putim ol ston long ol sampela hap we ol bai laik long tingting long beten, olsem arere long bed, waintaim ol skul buks, o we ol save kaikai. Long Doktrin na ol Kavanen 10:5, hau na God bai blesim yumi taim yumi beten? Ol pikinini bilong yu i ken painim moa ol ansa long singsing olsem “A Child’s Prayer” (Children’s Songbook, 13).
Doktrin na ol Kavanen 11:12–13
Holi Gos i lidim mi long mekim gutpela wok.
-
Ol pikinini i ken lainim long luksave taim Spirit i toktok long ol. Long helpim ol, yu ken haitim wanpela lait balb o tos lait na wanpela piksa bilong wanpela pes i amamas long sampela hap long rum , bihain askim ol pikinini long painim ol dispela samting. Ridim Doktrin na ol Kavanen 11:13, na helpim ol pikinini painim ol wods i go wantaim ol samting ol i painim. Ol dispela wod i tisim yumi wanem long hau Holi Gos i helpim yumi?
-
Serim ol spiritual ekspiriens bilong yu ken helpim ol pikinini bilong yu luksave long senis i kam long Holi Gos insait long laip bilong ol. Taim yu se, askim ol long serim ol ekspiriens bilong ol tu. Yu ken tu ridim wantaim Doktrin na ol Kavanen 11:12–13, na painim hau yumi ken luksave long taim dispela Holi Gos i gaidim yumi. Testifai olsem Papa long Heven i laikim long gaidim yumi thru long Holi Gos.
Doktrin na ol Kavanen 11:21, 26
Mi nid long save long gospel so Mi ken helpim ol narapela painim.
-
Wankain olsem Hyrum Smith, ol pikinini bilong yu bai gat moa opotuniti long serim dispela gospel wantaim ol narapela. Yu ken ridim wantaim Doktrin na ol Kavanen 11:21, 26 na askim ol pikinini bilong yu long painim aut wanem Bikpela i tokim Hyrum em i nid long mekim wanem long tisim gospel. Em i min wanem long “kisim” tok bilong God? Olsem wanem bai yumi mekim dispela? Hau bai yumi “lukautim gut” tok bilong God long bel bilong yumi? Ating ol pikinini bilong yu i ken rol-plei na serim samting long Jisas Krais o Buk Momon wantaim ol narapela.
Long moa aidia, lukim isu bilong dispela mun bilong Friend.