Ol Nek bilong Restoresen

Dispela ensel Moronai i soim dispela ol gol plet long Joseph Smith, Oliver Cowdery, David Whitmer, na Martin Harris insait long ol diwai klostu long haus bilong ol Whitmer long Fayette, New York. Ol papamama bilong Joseph i visitim ol Whitmer long dispela taim. Lucy Mack Smith, mama bilong Joseph i toktok long dispela ekspiriens i pulap long mirakel i bin gat long ol dispela witnes:

“Em bin namel long tri na fo kilok. Misis. Whitmer na Mista. Smith na mi i sindaun long rum. Mi sindaun long sait bilong bet. Taim Joseph i kam insait, em tromoi em yet daun arere long mi. Papa! Mama!’ em i tok. ‘Yu no save hau mi amamas tru. Bikpela i mekim na soim ol plet long tripela moa witnes, husat i lukim tu ensel na bai testifai long tok tru long wanem mi tok. Bilong wanem ol i save olsem mi no save raun na giamanim ol man. Na mi pilim olsem mi lusim bikpela hevi , we i bin hevi tumas long mi karim. Tasol nau ol bai karim sampela hevi, na em i amamasim sol bilong mi bai mi no wanpela long dispela wol.’ Bihain Martin Harris i bin kam insait. Em bin pulap tru long amamas. Bihain em bin testifai long wanem em i lukim na harim, olsem ol narapela bin wokim, Oliver na David. Testimoni bilong ol bin wankain olsem i stap long Buk Momon. …

“Martin Harris wanpela i bin hat tru long tok aut long ol piling bilong em. Em i tok, ‘Mi nau lukim wanpela ensel i kam long Heven husat i testifai long olgeta toktru long ol samting mi harim, na ol ai bilong mi i lukim em. Mi lukluk long ol plet tu na holim ol wantaim han bilong mi yet na ken testifai long wankain samting long olgeta wol. Tasol mi kisim witnes long mi yet olsem ol wods i no inap soim, samting tang bai no inap long toktok long en, na mi blesim God tru tru long sol bilong mi olsem em i kam daun long mekim mi, wanpela witnes bilong dispela bikpela wok [bilong] ol pikinini bilong man.’ Oliver na David tu i joinim em wantaim ol strongpela preis i go long God long gutpela pasin na marimari. Mipela i go bek long haus [long Palmyra, New York,] neks de olsem wanpela grup, i pulap long amamas.”

Lucy Mack Smith tu i bin stap taim ol Eitpela Witnes i kam bek long ekspiriens bilong ol.

“Bihain long ol dispela witnes i kam bek long haus, dispela ensel gen i kamap long Joseph; long dispela taim Joseph i givim ol plet long han bilong em. Dispela ivining mipela holim wanpela miting, we olgeta witnes i berim testimoni long ol trupela tok i stap antap na olgeta famili bilong mipela, wantaim tu Don Carlos [Smith], husat i bin 14 pela yias tasol, i bin testifai long toktru bilong ol las de taim—olsem i bin kam insait olgeta.”

Wantaim tu dispela Tripela Witnes na Eitpela Witnes, Mary Whitmer, mama bilong David Whitmer, tu i bin gat blesing long witnes long ol gol plet. Ensel Moronai i soim long em olsem toksave bilong ol sakripais em bin wokim taim Joseph, Emma, na Oliver i bin stap long haus bilong em. “Yu bin stap feitful tru na stretpela long ol hat wok bilong yu,” Moronai i bin tokim em. “Olsem, na em i stret, bai yu i mas kisim wanpela witnes olsem feit bilong yu bai strong.”