Doktrin na ol Kavanen 12–17; Joseph Smith—History 1:66–75

Joseph Knight na David Whitmer tupela wantaim i bin laik long save hau ol i ken helpim long wok bilong Bikpela. Taim yu ridim ansa bilong Bikpela long ol (Doktrin na ol Kavanen 12; 14), tingting long wanem em i min long yu “long bringim kam na kirapim wok bilong Saion” (12:6; lukim tu 14:6). Wanem ol prinsipel na pasin bilong Krais yu painim long ol dispela seksen we i ken helpim yu long mekim dispela?

Lukim tu “The Knight and Whitmer Families,” insait long Revelations in Context, 20–24.

John bilong Baptais i kolim Joseph Smith na Oliver Cowdery olsem ol “wokman bilong em.” Wanem yu ting em i min long kamap wanpela wokman wantaim John bilong Baptais? (lukim Matthew 3:13–17; Luke 1:13–17; 3:2–20).

Taim yu ridim wanem John bilong Baptais i tok long dispela Aronik Prishud insait long seksen 13, tingting long hau ol ki bilong prishud i helpim long inapim misin bilong John long redim rot bilong Bikpela. Eksampel:

• Wanem em “dispela ministaring bilong ol ensel”? (lukim 2 Nifai 32:2–3; Moronai 7:29–32; Gaid i go long ol Skripsa, “Angels,” Gospel Library).

• Wanem em “dispela gospel bilong tanim bel”? (lukim Doktrin na ol Kavanen 84:26–27; Dale G. Renlund, “The Priesthood and the Savior’s Atoning Power,” Liahona, Nov. 2017, 64–67).

Hau na ol odinens bilong dispela Aronik Prishud (olsem baptisim na sakramen) helpim long redim dispela rot bilong yu long kisim Seivia long laip bilong yu?

Elda Dale G. Renlund na meri bilong em, Ruth, i givim dispela tok klia long ol prishud ki:

“Dispela tem prishud ki i gat tupela wei long yusim. Namba wan em long dispela rait o privilis ol husat i kisim Aronik o Melkisedek Prishud i save kisim. … Em olsem, ol lain i holim Aronik Prishud i kisim ki bilong ministaring ensel na ol ki bilong redim gospel bilong tanim bel na bilong baptaisim aninit long wara bilong rausim ol sin (lukim Doktrin na ol Kavanen 13:1; 84:26–27). Ol lain i holim Melkisedek Prishud kisim dispela ki bilong ol misteri bilong kingdom, dispela ki bilong save bilong God, na dispela ol ki bilong olgeta spiritual blesing bilong Sios (lukim Doktrin na ol Kavanen 84:19; 107:18). …

“Dispela namba tu wei bilong yusim prishud em long lidasip. Ol Prishud lida kisim moa prishud ki long prisaid long wanpela divisen bilong Sios o wanpela kwarum. Long dispela, ol prishud ki em atoriti na pawa long dairektim, lidim, na lukautim Sios” (Dispela Melkisedek Prishud: Save Gut long Doktrin, Stap Bihainim ol Prinsipel [2018], 26).

Yu bin save tingting tu em bin olsem wanem long stap wantaim Joseph Smith na Oliver Cowdery long ol dispela bikpela samting i kamap long Restoresen? Taim yu ridim Joseph Smith—History 1:66–75, wantaim tu nout i stap long arere bilong ves 71, yu bai klia gut liklik long sampela samting ol i bin pilim. Wanem ol tingting i kam long yu long ol toktok bilong ol? Noken lus tingting, long ol blesing ol i kisim bikos ol i kisim prishud na ol i baptais. Wanem ol blesing Seivia i givim yu thru long ol prishud odinens?

Long lainim moa, tingting long kamapim wanpela tebol wantaim ol heding Ol Odinens na Ol Blesing. Bihain yu ken painim ol skripsa olsem dispela long listim ol odinens na blesing i kam long ol: John 14:26; Acts 2:38; Doktrin na ol Kavanen 84:19–22; 131:1–4; Joseph Smith—History 1:73–74. Wanem ol narapela blesing bai yu putim long dispela lis? Hau na ol dispela odinens yu kisim i bringim pawa bilong Seivia kam insait long laip bilong yu?

Lukim tu David A. Bednar, “With the Power of God in Great Glory,” Liahona, Nov. 2021, 28–30; Saints, 1:65–68; “God of Power, God of Right,” Hymns, no. 20; Ol Topik na ol Kwesten, “Ol Kavanen na ol Odinens,” Gospel Library.

Yu save tingting tu, olsem John na Peter Whitmer i bin mekim, wanem “samting bai gat bikpela pe moa ” insait long laip bilong yu? (Doktrin na ol Kavanen 15:4; 16:4). Taim yu ridim Doktrin na ol Kavanen 15–16, tingting long wai wok bilong bringim ol sol i kam long Krais i gat bikpela pe tru. Yu mekim wanem long “bringim ol sol” i kam long Krais?

Lukim tu Saints, 1:68-71.

Witnes em i wanem? Wai na Bikpela i yusim ol witnes long wok bilong Em? (lukim 2 Corinthians 13:1). Tingting long ol dispela askim taim yu ritim tok bilong God long ol Tripela Witnes insait long Doktrin na ol Kavanen 17. (Lukim tu “Testimoni bilong ol Tripela Witnes” insait long Buk Momon.) Hau na ol witnes i helpim long bringim kam ol “stretpela wok ” bilong God? (ves 4).

Yu ken berim witnes long wanem?

Lukim tu Saints, 1:73–75; “A Day for the Eternities” (video), Gospel Library.

23:10

• Dispela atwok insait long dispela autlain i ken helpim ol pikinini lukim dispela restoresen bilong Aronik Prishud (lukim tu “Sapta 6: Joseph na Oliver i Kisim dispela Prishud,” insait long Doktrin na ol Kavanen Stori, 26–27, o dispela vidio insait long Gospel Library). Ol bai amamas long drowim wanpela piksa bilong dispela samting i kamap beis long wanem yu ridim long Joseph Smith—History 1:68–74?

  

  2:12

• Yu ken tu soim wanpela piksa bilong John bilong Baptais taim yu ridim wantaim Matthew 3:13–17; Joseph Smith—History 1:68–70. Wai na em i bin impoten olsem Bikpela i salim John bilong Baptais long givim Joseph Smith dispela prishud atoriti long baptais?

• Long statim wanpela diskasen long ol ki i stap long Doktrin na ol Kavanen 13, yu na ol pikinini i ken lukluk long wanpela set ki na toktok long ol ki i mekim bilong yumi. Ating yu ken helpim ol painim dispela wod ol ki insait long seksen 13. Wanem ol wod o hap tok long Doktrin na ol Kavanen 13 i tok klia long ol blesing bilong Aronik Prishud? Ol pikinini bilong yu i ken luksave long ol wei papa long heven bai blesim yumi thru long prishud insait long vidio “Blessings of the Priesthood” (Gospel Library).

• John na Peter Whitmer i bin laik save wanem bai gat moa pe long ol (lukim Doktrin na ol Kavanen 15:4; 16:4). Ating yu na ol pikinini bilong yu i ken toktok long ol samting i gat bikpela pe long yu. Taim yu ridim Doktrin na ol Kavanen 15:6 o 16:6, askim ol pikinini long apim han taim ol i harim wanem Bikpela i tok i “gat bikpela pe tru.”

• Em i minim wanem long “bringim ol sols i kam long [Jisas Krais]”? Helpim ol pikinini bilong yu mekim wanpela lis i gat ol aidia, olsem kamap poro long narapela, serim skripsa wantaim wanpela poro, o beten long wanpela i gat nid. Ol pikinini bilong yu i ken painim ol piksa bilong ol dispela samting insait long ol Sios megesin o dispela Gospel Art Book. O ol ken drowim ol piksa bilong ol yet. Invaitim ol long kisim wanpela samting long lis we ol bai mekim. Yu ken tu singsing wantaim ol namba fo ves bilong “I Feel My Savior’s Love” (Children’s Songbook, 74–75).

• “Sapta 7: Ol Witnes i Lukim ol Gol Plet” (insait long Doktrin na ol Kavanen Stori, 31–33, o dispela vidio insait long Gospel Library) i ken helpim ol pikinini bilong yu lainim moa long ol Tripela Witnes. Bihain long ridim Doktrin na ol Kavanen 17:5–6, tokim ol pikinini bilong yu hau yu save Buk Momon i tru. Hau bai yumi kamap ol witnes bilong Buk Momon?

  

  4:58